عايز وزير يدخل ويجاوبني
 

معاليك هترد نعم ده نظام دولة في كل الوزارات .

هقلك كداب التعاقد نظام عمل به من اجل الوساطة والمحسوبية .
بص معاليك الكهرباء العقد فيها = 40 الف جنيه
الاتصالت = 30 الف جنيه .
البترول = 45 الف، 000000000000
اكمل ولو معاليك عندك التسعيره.اكيد معك ولا متعرفش الزيادة ممكن ابعتهالك.
ليه لان هذه الوزارات _ وزارات الاكابر _ التعاقد فيها لمدة لاتزيد عن 6 اشهر وبعدين التعيين .
اما ابناء البطة السوداء فلقد تكرمتم وتفضلتم مشكورين بترك وزارات التربية والتعليم _ والوزارات الفقيرة _ امامهم بالعقد الابدي الذل وبكام ب 330 جنيه. ده اعلي مرتب بالعقد وانت عارف وبلاش كدب


تقدر تقولي ايه الفرق بيني وانا حاصل علي بكالريوس علوم وتربية وبين واحد اخر فاشل في الثانوية وخد صنايع.


اقوللك انا اتعينت مدرس منذ 4 سنوات ب 105 ثم _ من غير حسد _ كادر وزيادة في شهر 7 تكرمتم بيه حضرتكم لاصبح 330 جنيه ايه رايك ؟ يعني امال عايز كام انت رايح تنهب ايه البلطجة دي قول الحمد لله انت رايح تكفر.

• اما الاخر فلان ابوه ذيك اقصد واسطه رتبة في الدولة اتعين في (البترول _ الكهرباء _الاتصالات ) مرتبه اصبح 1500 جنيه علي الاقل

هو ده العدل أقصد العدل المصري .

حسبي الله ونعم الوكيل في من سلبنا حقنا ،ومن لم يعطينا حقنا ،ومن سكت عن حقنا .

واتقولي حب مصر علي ايه وعلشان ايه ، مصر دي بتعتك انت وحدك اماانا وامثالي فن في كوكب اخر بعيد عن جنابك.

لامكان لنا في دولة اكل كبارها صغارها ، لم يصبح هناك عدل اومساوة . مرحب بك في دولة الوساطة دولة انت ابن مين ، معاك كام .

كلنا فى الهم و الخيبة سوا

بس ايه الحل
لو مفيش حل يبقي نموت احسن

لا والله
 

بكالريوس علوم وتربية ( عام ) جيد جدا

طيب احنا عارفين الكلام ده لكن ايه الحل
للموضوع ده

انا عارف موظفين دبلوم تجاره في محكمه استئناف المنصوره المرتب ذي ما انت قلت وكمان فيه مزايا عينيه مثل
1 توزيع قطع اراضي اسكان عليهم
2 لهم الحق في تعيين اقاربهم عند اي مسابقه في وزاره العدل مثل الاخ والاخت زالزوجه

احنا دلوقتي بنجهز مطالبنا
وبنحاول نفكر في الطرق الشرعية لاستردادها
ارجوا المشاركة معنا

والله ياجماعه الكوسه والمحسوبيه فى بلدنا بقيت فى كل حاجه انا اول مره اتصدم بهذا الامر لما كنت فى 2 ثانوى ورايحه اعمل البطاقه تخيل والله العظيم 3مرات والباشا يقول الكمبيوتر عطلان لغايه ما جبت واسطه دخلنى قدام الكمبيوتر من غير مايبص حتى ع الورق وبعد كده توالت الحكايات ومنها ان فى مسابقه اول ما اتخرجت وقالوا مش عايزين 2006 واتصادف ان زميلتى الى معايا وفى نفس المدرسه جالها العقد ليه علشان الوسطه ده الموت دلوقتى بواسطه احنا هنطالب بتغير رمز النسر من العلم وخليها رمز الكوسه


حسبى الله ونعم الوكيل فى الى يحطم امل شاب او اب و ابن الى بيحطم احلام الناس

وعلى الله نتوكل

لكى الله يا مصر
لكم الله يا مصريون


حسبنا الله ونعم الوكيل

اصبر وما صبرك الا بالله

كل الناس يحصلون على حقوقهم الا المعلم المساعد

فى جلسه مجلس الشعب يوم 19 ابريل 2010 د مفيد شهاب

اكد على ان عمال ( الكتان) موظفو المعلومات وفى ناس كمان

بس انا مش فاكر فى شهر 7 خلاص كل حقوقهم هيخدوها


اظن الكلام واضح

ولسه ياما هنشوف بعد كده هنمسح المدارس ونكس الفصول

اسمك keng المفروض يبقى king

ثانيا حاطط علم مصر
صورة شخصية
يبقى انتا اكيد بتحب البلد دى

لما جم يسئلو المواطنين الامريكيين تفضلوا مين فى الانتخابات بوش ولا اوباما

قالوا بالحرف الواحد
اللى يأكلنا كويس ويشربنا ويرفع اجورنا
مش مجرد اسماء


معك قلبا وقالبا فى ان كل مبفتح الثلاجة عندنا بلاقى كوسة
بعرف انى فى مصر

هي دي الحقيقة .
 

1 -نظرا الاني مشترك في اكثر من منتدي فإن لقب king موجود ، ولكن لقب keng غير موجود في كل المنتديات المشترك بها ولذلك فإني افضل المشاركة به في كل المنتديات منعا للنسيان

2- ايوه انا بحب البلد دي بس هل هفضل احبها علي طول صدقني انا فعلا خلاص مبقدشي قادر فانه حب من طرف واحد يعني حب مكتوب له الموت .

3- انت قارنت بين مصر واميريكا ، انا عايز اقولك ان المقارنة لا تصح باي حال من الاحوال فنحن دولة يحكمها افراد ، ولكن امريكا دولة يحكمها شعب ،وهو ده الفرق .

4- ادعوا الله من كل قلبي ان ياتي هذا اليوم الذي لا يكون فيه كوسه ولا محسوبية ، مع العلم بأن ذلك هو الحدث المستحيل .

حسبي الله ونعم الوكيـــــــــــــــــــــــــــــل

والله كلامك منطقى بس نعمل ايه لاخير فى الازهر ولا التربية والتعليم
الواحد اللى بيشتغل نجار ولا سباك احسن مننا يكتييييييير

الواحد بجد زهق ومش عارف يعمل ايه :abdoog8:

يا جماعه حب الوطن من الايمان الافراد زائلون والوطن هو الباقى قبل الثورة كان الناس بيقولوا مستحيل نخرج من هذا الوضع ومستحيل يخرج الاحتلال من بلدنا وهنستمر فى تدهور والحمد لله اتحسن الوضع بعد الثوره وخرج الاحتلال وان شاء الله هيخرج احتلال اهل بلدنا لينا ضاقت فلما استحكمت حلقاتها فرجت وكنت اظنها لا تفرج

يا متعاقد لما:giljotiiniug3:هنعينك ونزود معاش اولادك ان وجدو

فعلا كلام واقعى ومنطقى وصريح إن دل فإنما يدل على الشجاعة فى أبداء الرأي ..[
لو حسيت بشباب حيران ...ومهموم دايما وجعان... يبقي أنت أكيد أكيد فى مصر ..
لما تلاقى مدرس غلبان ...ماشي فى الشارع حفيان ..يبقي أنت أكيد أكيد فى مصر.
لما تلاقي شلة حرامية ..والكدب وعدم مصداقية ...يبقي أنت أكيد أكيد فى مصر
لما تلاقي الإيد في الإيد ...والشرطة حطاك فى حديد ..يبقي أنت أكيد أكيد فى مصر
لما تلاقى الشرطة معاك ...ودايما تديك على قفاك ..يبقي أنت أكيد أكيد فى مصر .
لما تلاقي الشرطة على الباب.... ومعاها قانون أرهاب ..يبقي أنت أكيد أكيد في مصر .

يا عم البلد دى مش بتاعتنا احنا يا ريت يعاملونا زى ما بيعاملو اليهود

لما تلاقى الايد فى الايد ( بتديها رشوة ) يبقى انت اكيد اكيد فى مصر

الناس قربت تتجنن- ربنا يستر

انا الوزيييييييييييييييييييييييييييييييييييييييييييييي يييييير احمد ربنا انك متعين بعقد ببلاش

هى مصر دى امى ولا هى متبنيانى
انا اكيد بحبها لكن هى بتحب حد تانى
وان كنت اليوم تحت ظلها هيجى اليوم وتنسانى
وان كنت حاسس بظلم غلاوتك يا مصر مقويانى

ياسيدى الفاضل بكل بساطه الوزير لو قرأ الكلام ده هيرد و يقول

1- انتوا يامعلمين يامساعدين عددكم حوالى تمانين ألف معلم غير المليون المثبتين . يعنى عدد ضخم جدا يساوى سكان دوله قطر اربع مرات تقريبا .
2- العدد بتاع اى وزاره تانيه مايجيش ربعنا .
3- احنا وزاره التربيه و التعليم تعتبر عبء على الدخل القومى و الميزانيه العامه للدوله يعنى وزاره مستهلكه .
4- وزاره البترول و الاتصالات و الكهرباء لها دخل تعتبر وزاره منتجه و ليست مستهلكه .
5- الاهم من ده كله اننا بنصرف ع التعليم من غير ما نهتم بيه يعنى الاسم بيقبضونا فلوس و الناتج فلوس ما تأكلشى عيش حاف


عشان كده عمر ما التعليم هيتحسن و لا أحوالنا هتبقى افضل .