أخبار المعلمين بالاجر
 

ألف مبروك لمدرسى الأجر
 

نتيجة المسابقة ظهرت لمدرسى الأجر يوم الأربعاء واتعلقت كشوف النتيجة بمديرية التربية والتعليم بالجيزة شارع البساتين وقالوا كمان يومين تعالوا اسالوا عن الاجراءات أنا وزميلاتى اسمنا نزل ماعدا واحدة:av4056bb7jp3:

مبروك عليكم وعقبال باقى المحافظات يارب

احنا لسة ما فيش اي اعلان عن المسابقة عندنا ربنا يوفق الجميع

ياريت ياجماعة توضحولنا مسابقة اية دى اللى ظهرت والمسابقة دى تخص المتعاقدين ولا اللى لسة هايتعاقدوا

احنا مدرسين بالأجر قدمنا فى المديرية ونزلت الكشوف وحنتحول لمعلمين مساعدين بعقود مميزة

مفيش اخبار عن مدرسي الاجر بمحافظة البحيرة

التوجيه عندنا بيقول اول شهر مايو هتنزل عقود جديده

احنا بقى التوجيه عندنا قالوا ان في عقود في ابريل والشهر قرب يخلص وماقيش اي اخبار عن العقودنزلت ولا لأ

عايزة اعرف لو سمحت قدمتوا ازاي في المديرية وما الاوراق اللازمة لذلك وهل قدمتم من غير ما يعلنوا عن المسابقة ولا بعد الاعلان عنها

احنا قدمنا فى المسابقة فى شهر 11 الموجه قالت لنا رحنا وقدمنا صور للبطاقة واقرار القيام بالعمل حتى تكون لنا الأولوية للعمل بنفس المدرسة وصور للشهادة

طيب يا جماعه فى خبر بيقول ان آخر يوم لمدرسى الاجر يوم 30/4/2010 وانه مفيش مكافأه ستصرف لهم هل هذا صحيح يا ريت الى عنده خبر عن كده يقول علشان الواحد يطمئن و شكرا

لا خبر غير صحيح نهائى

انا النهرده شفت المكافأة بتاعتى عند مؤظف الماليات

احنا الحمد لله جددنا عقودنا مع الازهر

جزاك الله كل خير
الدعاء وليس شئ غير الدعاء

احنا فى بورسعيد منتظرين أى كلام جديد بالنسبة لنا آخر كلام انه فيه عقود معلم مساعد ( عقد وزارى) على شهر سبعة

وعلى فكرة احنا عندنا المعلم بالاجر اسمه(معلم بعقد محلى تابع للمحافظة) وبنتقاضى 165 جنية

ياريت نعرف مرتبات بقية المحافظات

احنا المرتبات عندنا 86جنيه وده طبعا تشجيعا للشباب
طيب يا جماعه فى خبر بيقول ان آخر يوم لمدرسى الاجر يوم 30/4/2010 وانه مفيش مكافأه ستصرف لهم هل هذا صحيح يا ريت الى عنده خبر عن كده يقول علشان الواحد يطمئن و شكرا
احنا في نشرة جت لنا بالفعل ان اخر يوم لنا هو 30/4 واحنا عارفين من اسبوع والمديرة والموجه اكدوا لنا ده لكن النهاردة قالوا لنا ان في فاكس هيمدوا لنا فيه العمل حتى 6/6أما بخصوص المكافأة فهي كده ولاكده هتتصرف بإذن الله

الكلام ده انا اول مره اسمعه
احنا عندنا الامور ماشيه عادى جدااا واخر يوم الاجر هو اخر يوم فى الامتحانات

يمكن الموضوع يكون مختلف في محافظة عن الاخرى لكن الموجه فال لنا ان اخر يوم 30/4 وده الاكيد بالنسبة لنا لحد دلوقتي لأن في نشرة وصلت للمدارس بكده اما موضوع الفاكس لسة عارفينه النهاردة
وبصراحة ما اعرفش ليه بيعملوا معانا كده

احنا السنة اللى فاتت تركنا العمل 31/5

لكن دون أى نشرات أو أى حاجة بس مجرد مدارس عملت للمدرسين فعملنا معاهم وأخلينا طرفنا.

وشكرا لردك يا كاظمة بس مقولتش انت منين

ومنتظر معرفة بقية المرتبات لبقية المحافظات.

وموضوع المكافأة موظفة الماهيات عندنا كتبته وسلمته على حسب معلوماتى ومقلتليناش فى أى حاجة جديدة بالنسبة لنا

يا جماعه هوه الموضوع ده ليع علاقه بينا ولا على الناس التعاقد
http://www.thanwya.com/vb/showthread...79#post2147779

«التعليم» تسحب عقود المدرسين من المحافظات.. وتقرر تحريرها «مركزيا» منعا للتلاعب

كتب فتحية الدخاخنى ٥/ ٥/ ٢٠١٠قال مصدر مسؤول بوزارة التربية والتعليم، إن الوزارة سحبت كشوف عقود المدرسين من المديريات التعليمية فى المحافظات، لتتم مراجعتها وتحرير العقود مركزيا فى الوزارة منعا للتلاعب فى المحافظات.
وأكد المصدر أن الدكتور أحمد زكى بدر، وزير التربية والتعليم، أصدر أوامره بعدم فصل أى مدرس، وتوفيق أوضاع المدرسين بالمحافظات وتحرير عقود لهم حسب التخصص، مشيراً إلى أنه ستتم إعادة تصنيف المدرسين بالمحافظات، كل فى مكانه، وفقا لتخصصه ومؤهله الدراسى.
وقال المصدر إن «الوزير أصدر أوامره بحل أزمة مدرسى كفر الشيخ، الذين اعتصموا أمس الأول، أمام الوزارة وقضوا ليلتهم الأولى على الرصيف»، موضحاً أن الوزارة أجرت اتصالا ومدير الإدارة التعليمية فى كفر الشيخ وأبلغتهم بتعليمات الوزير بعدم فصل أى مدرس، وأن يستمر الجميع فى عمله لحين تحرير عقود لهم.
من جانبهم، فض مدرسو كفر الشيخ اعتصامهم أمام وزارة التربية والتعليم، وقال مصطفى رشاد إبراهيم، أحد المعتصمين، إن المدرسين قضوا ليلتهم مساء أمس الأول، على الرصيف، وأنه فى الساعة الثامنة والنصف صباح أمس، استدعاهم مدير مكتب وزير التربية والتعليم، وقال لهم: إنهم سيبقون فى عملهم ولن يتم فصلهم، كما كان مقرراً فى ١٥ مايو الجارى. وأعرب إبراهيم عن تخوفه من عدم تنفيذ هذا القرار، موضحا: «تلقينا الكثير من الوعود خلال العام الماضى، ولن نصدق حتى نمسك العقود فى أيدينا».
فى سياق آخر قرر الدكتور أحمد زكى بدر، عدم إعفاء طالبين من ذوى الاحتياجات الخاصة من أداء امتحان اللغة العربية، وقرر إعفاء طالب ثالث.

اول حاجه شكراا جداا على ردك

هوه يعنى ايه توفيف اوضاع المدرسين ؟؟؟؟؟؟؟؟؟؟؟؟

يعنى إيه صح كلمة توفيق أوضاعهم

وإيه موضوع الفصل ده

يعنى إحنا مش هنعمل إخلاء فى 31/5 حد يفهمنى يا جماعة

جزاك الله خيرا

السلام عليكم على فكرة انا مش عايزة احبطكو بس انا لما كنت بالحصة السنة اللى قبل اللى فاتت خت مكافاء 1008لكن اللى كانو تطوير او رياض اطفال اخدو 1400اما السنة اللى فاتت اما بقيت عقد مميز اخدت 1608 بس على فكرة الفلوس بتختلف من محافظة للتانية حتى المرتب بيختلف مش عارفة ايه الحكمة من كدة اظاهر بيقيسو بالمسافة انا على فكرة من كفر الشيخ:049gc0:

انا نفسي اعرف حاجه هي الدوله مش حاسه ان 86جنيه دي و105 في الشهر .عمله ملغيه طب حد يقسها ويقولي حيعيش ازاي؟؟؟؟؟؟؟ انا مش بقول اسره لا .بقول واحد محتاج يبقي لابس محترم وهو رايح الشغل او مش محترم مختاح هدمه وخلاص .محتاج ياكل .طب معدل الجريمه حيزيد؟؟؟؟؟؟؟؟؟؟؟؟؟؟؟؟؟؟؟؟؟؟ طبعا وابقي كده خلقت فرص عكل جديده للمؤهلات العليا وفي نفس الوقت الجريمه بذكاء باستعمال احدث التقنيات والاسس العلميه.وفي نفس الوقت باقي الشعب حيحس ان التعليم ملوش لازمه مش حودي ابني يتعلم وحعلمه السرقه ويبقي حرامي صغنون لما يكبر يعرف يعيش .محو اميه الكبار .ا1ا كان زهره المجتمع بيتسرب من التعليم وبيهرب من الجيش .ويقولوا ست الحبايب قال!هي ست الحلوين دي معندهاش حاجه لينا؟؟؟؟؟؟؟؟؟؟؟

عندنا في الشرقية مفيش جديد بس سمعت اني مدرسي الحصة هيتحول ليهم عقود مميزة في اول شهر 7

مفيش عقود
ومحدش فاهم حاجه خاااااااااااااااااااااااااااااالص
فتي ×فتي
احنا في زمن الفتي
العقود اتقطعت واللي مش عاجبه رصيف مجلس الشعب مستنيه
وعملوا حمامات الكترونيه
حسبي الله ونعم الوكيل في الظالم

يارب نثبت حرام كدة احنا جلنا الضغط

بسم الله الرحمن الرحيم ياجماعه بالنسبة للعقود انا كنت فى الاداره النهاردة وقالوا قريبا ان شاءالله تنزل عقود مميزه للعاملين بالاجر تقريبا فى شهر 7 وبالنسبة للمكا فاة الامنتحانات فانا اداره المدرسة ارسلت الى الادارة كشف بعدد الحصص التى اشتغلتها فى المدرسة علشان نصرف مكافاة الامنتحان وحددها فى كشف التفريغ ب700 جنية بالنسبة للعدد الحصص9 فى الاسبوع ويارب يوفقنا جميعا ...............

عندنا فى قنا اخر معاد للاجر بيكون اخر يوم فى امتحانات النقل

يا جماعه انا مدرس حاسب الي من الفيوم والسنه حلصت خلاص ومفيش اي حاجه ظهرت لعقود مميزة ولا حاجه واتصلت علي الموجه
قلي انتو خلاص عقدقم انتهي مع انتهاء الامتحانات وقلي احنا بعتنا اسمائكم علي النت للوزارة ودا طبعا الله اعلم ايه اللي هيحصل
انا زهت بقالي 4 سنين شغال بالعقد 100 حسبنا الله ونعم الوكيل *

حضرتك جبت الكلام ده منين؟؟؟؟؟المصدر ؟؟؟؟؟؟؟؟؟؟

وصلت عندنا في أسيوط من أسبوع اشارة بعمل حصر لكل الذين عملوا بالحصة حتي عام 2009 و فعلا ناس جت استلمت الاوراق دي و كل واحد منهم خد ورقه سلمه بنفسه في المديرية.

ألف ألف مبروك

السلام عليكم ورحم الله وبركاته
أريد ان أوضح لكم أمر وهو ان المديرية عندنا فى بنى سويف من أول العام الدراسى اللى انتهى مش بيعملو غير خطوة واحدة متهيألى مش عارفين يعملو غيرها وهى انهم بيطلبو من الادارات أسماء اللى شغالين بالحصة كل أسبوع والادارات بدورها يبعتو للتوجيه والتوجيه يبعتو الموجهين يسجلو أسماء اللى شغالين بالحصة عندهم فى كل توجيه والكلام ده كل أسبوع بيحصل يعنى لو جيت حسبتها هتلاقى كل شهر الموضوع ده بيحصل أربعة مرات من شهر 11 اللى فات الى ان انتهى العام الدراسى والله أعلم هم بيضحكو على مين
حسبى الله ونعم الوكيل فى كل من ظلمنا