|
موقف حصل ادام عيني ...!!
السلام عليكم ورحمة الله وبركاته انا بصراحة بكتب الموضوع وقلبي محروق وحزين بجد موقف عمري ما هنساه في حياتي كلها النهاردة الأربعاء في بلدنا دا يوم السوق يعني الناس بتروح تسوق يعني وانا عايشة في المركز بتاع البلد فكل الناس من القري المجاورة بتيجي عشان تشتري اللي هي عايزة بمعني ان اليوم دا بالذات يبقي ناس مش من بلدنا موجودة وكمان المكان يبقي ممتليء بالبشر رجعت من الكلية رحت عن جدي وانا هناك جت بنوته زي القمر وكانت الدموع في عيونها ومعاها شنطة في أيدها البنت اصلا كانت تايهة ومش عارفة تجمع الكلام لما جت زوجة خالي قعدت تسألها بئا اسمها ايه ومعاها رقم تليفون اهلها ولالا قالت علي اسمها والحمدلله زوجة خالي عرفت اهلها اتصالنا عن ناس اقاريبنا عشان هما جيرانهم وكمان البنت مش كانت عارفة رقم البيت وطالبنا منهم ان حد يروح يخلي حد من اهلها يجي عن جدي عشان يأخذ البنت جدتي جت ومسحت لها دموعها وأخذتها في حضنها :friendsxs3: وطمننتها يعني في بلدنا العائلات بتبقي معروفة وكداا وبنطلع في الآخر كلنا أقارب ونسايب البنت بدأت تحكي ايه اللي جابها هنا عند بتنا للعلم ان بيت البنت دي في منطقة بعيدة عننا قالت عمي مختار هو اللي جبني هنا وسبنا:mad: احنا: ياحبيبتي مين عمك ممختار دا ؟ البنت : دا صاحب بابا .. وجدتي لمحت ان ودنها مش فيها حلق قالت للبنت: حبيبتي انت كنت لابسه حلق؟ البنت: اه كنت لابسة حلق وعمي مختار قلعولي وحطه في المنديل طلعنا المنديل من شنطة البنت وطبعا احنا متأكدين ان الموضوع مفهوم سرقة وشفنا المنديل مش لقينا فيه حاجة جدي قالها الحمدلله ياحبيبتي انك بخير بس مرة تانية اوعي تروحي مع حد ابدااا لو حد قالك ايه تكلمي ماما بابا اوعي تروحي وطبعا البنت خايفة من اهلها جدي طمنها وقالها ان محدش هيكلمها دي بنوته صغيرة خالص عمرها 8 سنين:romarioxp6: البنت دي في 2 ابتدائي وكان وراها امتحان وهي خارجة من الامتحان وطبعا زي ما قلتلكم ان النهاردة السوق فالبنت كانت ماشية لوحدها راح الرجل قرب منها وتعرف عليها والاطفال مفيش اسهل من انهم يقعوا في الكلام وقالت له اسمها كله وابوها بيشتغل ايه راح مطلع الموبايل من جيبه وعمل نفسه بيكلم ابوها وطلب منها ان تيجي تأخذ ورق التليفون لان ابوهاقال لمختار الكلام دا (طبعا مفيش شخصية:frown: اسمها مختار اساسا:redface:) راحت معاه وطلب منها انها تقلع الحلق وهو هيعينوه لها في المنديل دا وهيحطه في الشينطة بتاعتها وسايبها ادام الجامع القريب من بيت جدي ولقيتها واحدة جارتهم وقلتها انت بتعيطي له ؟وسألتها عن اسمها؟ المهم انها عائلتها اقريبة من عائلة جدي ووصلتها عند بيت جدي وبعدها بنص ساعة جت عمتها دخلت سلمت علينا وجت عند البنت وضربتها حته قلم علي وشها:redface: وهي فاكرة ان البنت طلعت من المدرسة علي المنطقة عندنا ومش تعرف انها اتسرقت!! طبعا جدتي وجدي فاهمها الحكاية بعدها جدي قال لها احمدي ربنا انها موضوع سرقة حلق وفي ستين سلامة الحلق المهم ان البنت بخير ومكنش الموضوع تجارة اعضاء او اي شيء من هذا القبيل حسبي الله ونعم الوكيل |
السلام عليكم
ازيك يا تسابيح ؟؟ ايوة كده ارجعلنا بمواضيعك الحلوة في ستين السلامة الحلق طبعا المهم البنت وايه العمة القاسية دي !!!!!!!!!! ع رأيك ع فكرة انا مش عرفة ايه ده ؟؟ الخطف وسرقة الاعضاء شغالين ع ودنه اليومين دول كبار وصغيرين ربنا يهدي وشكرا للموضوع الجميل |
لاحول ولا قوة الا بالله
|
اه فعلاً تحمد ربنا إنها جت على حلق بس
في بيبقو اكبر من 8 سنين وبيتخطفوا ويتسرقوا هما نفسهم ربنا يحفظنا كلنا |
اقتباس:
وعليكم السلام ورحمة الله وبركاته الله يسلمك يابسومتي ربنا يخليك ياحبيبتي هي بس كانت خايفة عليها عشان كدا اول ما دخلت راحت ضربتها بالألم وكانت فاكرة ان البنت بتلف في البلد وخلاص مش كانت تعرف انها انضحك عليها واتسرقت والبنت دي مش عرفت كدا اللي لما جدتي نبهتها لحلقها بيحصل اكثر من القتل والسرقة ربنا يستر تعرفي انا سمعت دكتور بيقول ان مفروض نتابع الأطفال دايما ونعرفهم الحاجات دي ونبهم عشان مش يبقوا فريسة ونعرف مين المدرسين بتاعهم ومين اللي بيركب معاه كل شيء عن أطفالنا لان الدنيا مفهاش امان انا شايفة ان الموضوع كبير اوووي اوووي ومحتاج تنبيه للأهالي وعشان يعرفوا اولادهم كل حاجة ربنا يحفظنا يارب جزيت خيراا بسومتي سلالالالالالالام |
اقتباس:
شكراا لك |
اقتباس:
دا ناس كبار وبيتسرقوا ادام عيونهم لا حول ولا قوة الا بالله ربنا يهديهم الناس اللي بتسرق دي ويخافوا ربنا شوية شكراا لك ياباشمهندس |
ازيك يا تسابيح
بجد الحكاية دي مؤثرة اوي والبنت صعبت عليا واكتر حاجة غيظاني:slap1qk6:عمتها المفترية دي اصل بجد من وصفك للقلم انت اتخيلتيه قدام عيني يلا المهم البنت بخير وقدر ولطف |
اقتباس:
الله يسلمك ياحبيبتي انت وحشاني جدااا ع فكرة عمتها بعد لما عرفت الموضوع ان البنت اتسرقت قعدت تعيط وخلتنا نعيط معاها:bosyht9: ياحبيبتي هي مش مفترية ولا حاجة بس هي كانت خايفة عليها بس اكيد الألم كان اووي جداا ع بنت صغير كدااا بس هنقول ايه ربنا يكون في عون البنت دي وراها امتحان بكره اكيد البنت دي هتفقد ثقتها في الناس وكمان هتخاف ربنا يحفظ جميع المسلمين شكراا لك ياروحي |
الحمد لله ان الطفلة بخير
|
شئ رائع وجزاك اللّة كل خير
|
السلام عليكم ازيك يا تسابيح يارب تكوني فكراني الحمد لله ان البت بخير صحيح بس مش معنى كده انهم ميدوروش ع الحرامي لان زي ما عمل معاها هيعمل مع غيرها بس على فكره اقتباس:
|
اولا الحمدللة على سلامة الطفلة البرئية دية انا عن نفسي وانا في سنها ضعت من ماماتي كتير ومرة بنت عمي لقيتني وانا ماشية مع وحدة غريبة وبنت عمي استغربت منها وراحت شدتني منها وقعدت تجري الست دية وراي انا وبنت عمي ستر ربنا ان بنت عمي خرجت من مدرستها بدري كان زماني في التربة دلوقتي انا معروف عني اني كنت شقية اوي اوي وانا صغيرة
|
لا حول ولا قوه الا بالله
شكراااااااا على الموضوع والحمد لله جات سليمه |
اقتباس:
شكراا لك اقتباس:
شكراا لك اقتباس:
وحسبي الله ونعم الوكيل في كل ظالم شكراا لك |
اقتباس:
وعليكم السلام ورحمة الله وبركاته الله يسلمك ياروحي وانت ايه اخبارك مختفية عن الساحة هل يخفي القمر يابوصي:stickjo4: فيه ناس مش بتحب تدخل نفسها في مشاكل عشان كدا مش هيروح يعملوا محضر في القسم ولا حاجة ولو فرضنا انهم عمله زي ما قلت قبل كدا انه اكيد مش من المركز من قرية جنب المركز يعني هيبقي صعب او شبه مستحيل انه يتقبض عليه حسبي الله ونعم الوكيل فيه مقدرش اقول غير كداا اما بئا عن الغلطة فسواء مرات خالي او مراة خالي المهم انك عرفتي انها متجوزة خالي :slap1qk6: شكراا ياروحي علي التصحيح :078111rg3: نورت ياقلبي |
فعلا قصة مؤثرة
ربنا يستر على بناتنا وعلى بنات المسلمين يارب العالمين |
اقتباس:
والحمدلله ان بنت عمك كانت معاكي وربنا حفظك يارب دايما محفوظة ويحفظنا كلنا شكراا لك ياقلبي |
اقتباس:
شكراا لك ربنا يحفظنا كلنا |
لا حول ولا قوة الا بالله
حسبنا الله ونعم الوكيل |
|
علي فكرة يا تسابيح قصتك حلوه جداا
وللعلم دي بتحصل كتير والواجب علينا نوعي اطفالنا بالحاجات دي في البيوت مرة تانيه بشكرك |
بجد يا تسابيح القصة جميلة
والعيب اليومين دول فى البشر اللى نسيوا نفسهم ونسيوا ربهم ونسيوا يوم الحساب حسبى الله ونعم الوكيل ربنا يسطر علينا فى الزمن اللى احنا عايشين فيه |
السلام عليكم الموضوع بجد خطير
طيب تعرفى انا اعرف ناس جيراننا منهم و احد ( راجل كبير يعنى) اتسرق قدام عينه كان رايح مدينة 6 اكتوبر راحوا ناس وقفوه و حطوا على ملابسه فول و فضلوا ينادوا عليه ويقولوا: يا استاذ يا استاذ فى فول على البنطلون بتاعك وكان معاهم واحده ست فضلوا يعملوا نفسهم بينظفوا له ملابسه و فجأه و احد منهم طلع مطواة وقال :لو اتكلمت مش هتلاقى نفسك و ثبتوا كدا عادى و هو يا عينى موظف ولسه قابض المرتب سرقوا المرتب و الموبايل و كل حاجة و هو واقف مش قادر يعمل حاجة المطواة فى جنبه و لسه هياخدوا الساعة راح زقهم كدا راحوا جريوا ومشيوا يلا ربنا معانا يا رب يسترها |
ok
cooooooooooooooool
|
okkkkkkkkk
cooooooooooooool ya man
|
tamam ya soso
|
بجد مش عارفه اقول ايه؟ بس كل اللى هقدر اقوله حسبنا الله ونعم الوكيل جزاك الله كل الخير |
الحمد لله إن البنت ما اتخطفتش ... قدر و لطف
لكن اللى أنا واثقة منه إنها لن تنسى التجربة المُرة دى ... اللى هى بسبب غفلة أهلها عنها ... و هم الغلطانين مش هى . ولن تنسى القلم اللى أخدته على وشها ... و هى مش غلطانة ... منها لله عمتها الـ( .... ) |
اقتباس:
ربنا يهدي عباده جزيت خيرااا |
اقتباس:
شكراا لك |
لا حول ولا قوه الا بالله
الحمد لله انها بخير وكويس بردو انها ماوقعتش مع ناس زى عمو مختار كانت هاتكون من اطفال الشوارع حسبى الله ونعم الوكيل ف عمو مختار واللى زيه |
اقتباس:
لانهم مش لسه صغيرين وتجاربهم محدودة ربنا يحفظنا ويحفظ جميع المسلمين شكراا لحضرتك |
اقتباس:
لانه عمره ما هيقول ع اسمه الحقيقة وحسبي الله ونعم الوكيل في كل الناس اللي بطريقة دي شكراا لك روز |
اقتباس:
الحمدلله يابنتي اكيد وغير انه هيأثر علي حالتها النفسية الخوف اللي هيصيبها من كل الحاجات دي يلا ربنا يحميه يارب زي ما قلت قبل كدا ان عمتها مش كانت تعرف انها اتسرقت كانت فاكرة ان البنت جت للمنطقة دا عن طريق اللعب وكدا لكن لما عرفت الحقيقة شفنها وهي بتعيط خلتنا كلنا نعيط معاها هي كانت كاتمة دموعها وبعد كدا مش قدرت يعني عمتها مش بتكرها ولا حاجة هي كانت خايفة عليها مش أكثر شكراا لك ياروحي |
اقتباس:
حسبي الله ونعم الوكيل فيه وفي اللي زيه ربنا هيأخذ حق البنت ان شا ءالله شكراا لك حبيبتي |
اقتباس:
في كل مكان الحلو والوحش ربنا يسامحهم بئا شكراا لك |
اقتباس:
وعليكم السلام ورحمة الله وبركاته فعلا بتحصل قصص كثير زي القصص دي وتبقي لناس كبيرة بس هو كبير عارف الموضوع ام الاطفال فالخطر عليهم اكبر مش عندهم خبرة ولسه صغيريين ربنا يحفظنا شكراا ع القصة وحسبي الله ونعم الوكيل في الحرامية دول جزيت خيرااا |
اقتباس:
اقتباس:
وعضويتي تسابيح النجوم مش سوسو:confused: شكراا لحضرتك سلالالالالالام |
:049gc0:حرام عليها عمتها دي .وبعدين انا كمان وانا صغيره اخويا كان اكبر مني بسنتين .واحنا كلنا رحنا بيت جدي .وبعدين احنا زهقنا من القاعده انا واخويا قام قالي بينا نخرج بره شويه .خرجنا بره وهو قعد يلعب وانا مش عارفه ايه خلاني امشي واسيبه وبعدين تهت ودخلت بيت شبه بيت جدي وبعدين لقيت الناس بترحب بيا كتير .وبيلعبوا معايه .ولما ماما جات وهما كانوا قالولها .لقتني علي اول الشارع .مش بعدت كتير .وبابا قعد يحفظني اسمي بالكامل وهو بيشتغل ايه.والعنوان :confused::(مش كنت لسه دخلت مدرسه .
وفي واحد حاول يخطف بنت وهي طالعه من المدرسه ويحطها في تك تك وهي مش كان معاها دهب .بس الناس لحقوها لان البنت قعدت تصرخ .مش عشان حيخطفها:angry2:عشان اخد الشنطه وعشان تجري وراه .وهي كانت عايزه الشنطه عليها دبدوب :romarioxp6:في اولي ابتدائي . |
اقتباس:
أكيد عمتها زي امها بتخاف عليها الحمدلله انك رجعت للبيت بالسلامة البنت بردو لولا انها عارفة اسمها بالكامل مكنتش هتعرف ترجع لأهلها أما البنت اللي بيتسرق منها شنطتها افضل لها تسيب الشنطة ولا انها تيجي ورا الرجل دا ما هو ممكن يقتلها عشان مش تبلغ عنه ربنا يهدي البشر ويحفظنا كلنا شكرااا لك |
السلام عليكم و رحمة الله و بركاته
القصة و الموضوع مؤثر على الاخر جــزاك الله خيـــرا |
اقتباس:
جزانا الله واياك |
|
اقتباس:
|
الحمد لله إن البنت بخير
والحمد الله ان ربنا كرمها بناس طيبين زيكم هى الدنيا جرى فيها ايه بس |
بسم الله ماشاء الله-
بارك الله فيك وجزاك عنا كل خير استمرى فتوعية الناس مسئولية كل إنسان يخشى الله وربنا يلطف بينا فين أيام ماكان الام والاب بيقبض عل يد إبنه أو بنته ولايتركها إلا بطلوع الروح والله يرحمك ياولدى لما كنت بتشلنى على كتفك أكتر من 4كيلو يوميا حتى أصل لمدرستى فى الشتا ءوتوصى على العمال بعدم خروجى من المدرسه حتى يعود من عمله --- لم يكن هناك أخطار ولكن كانت هناك رعاية واهتمام -- وهذا رأيى وفعلى الذى أحيا به إلى الان ---- فرغم عملى فى مدرسة إبنى وبنتى والمدرسه على بعد100متر من المدرسة إلا أننى أصر على عودتى بهم إلى البيت ---- وكثيرا مايجدنى الإبن الاكبر وهو طالب جامعى فى وجهه أمام باب كليته ---- وأحيانا أسمع سخرية من بعض المعارف من أفعالى وخاصة مع الكبير --- فهل أنا مخطا فى ذلك؟ مع العلم أنهم يتمتعون بحرية القرار والنقد بل أحيانا يمثلون أغلبية فلا يجدو ا منى سوى الانصياع لرأيهم طالما لاضرر ولاضرار----- حفظهم الله وحفظ كل المسلمين وأعادنا إلى أمن الله والدين --أمين--------------وشكرا |
والله الموضوع ده حصل مع وحدة صحبتي لما كانت صغيرة بس الحمد لله قدر ولطف
|
اقتباس:
فعلا بجد اهم حاجة ان البنت بخير المشكلة ان نفس عمليات السرقة دي بتكرر وبنفس الاسلوب ومحدش بيتعلم !! ربنا يحفظنا كلنا شكراا لك نورت |
اقتباس:
سواء حضرتك سمعت كلام الناس او لم تسمع فالناس لن تصمت فمن الأفضل حضرتك ان تمشي وراء الصحيح ودع الناس لرب الناس فليس لهم فائدة الا الكلام والتهكم صحيح نحن في زمن ليس الأب أو الأهم فقط الذين يربوا ولكن أصبح الشارع والتلفاز والانترنت دخلوا في تربية الأطفال ان لم يكن أساس الأطفال سليم فاكيد سيؤدي لضياعهم ربنا يحفظ أولاد حضرتك ويحفظنا جميعا جزيت خيراا أستاذنا علي رد حضرتك الرائع |
| جميع الأوقات بتوقيت GMT +2. الساعة الآن 03:10 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.