|
فرص عمل..بسرعةقدم
إعلانات مبوبة !!
http://4.bp.blogspot.com/_Hp8TznP30O...airo195ku8.jpg * للبيع بأقل سعر..أو ببلاش بس تعالى.. خمسين ألف فدان على طريق مصر اسكندرية الصحراوى.. مع تعهد الحكومة بتوصيل المياه والكهرباء والنت ووصلات الدش المركزى إليها..ولو ضغطت علينا احتمال نتكفل بالبناء والتشطيب والمحارة والسباكة والدهانات..لا توجد أى معوقات للشراء مع ضمان سرية عملية البيع على اعتبار ان "دارى على شمعتك تقيد".. الوسطاء يمتنعون.. احنا زيتنا ف دقيقنا والعملية مش محتاجة واسطة!! ــــــــــــــــــــــــــــــــــــــــــــــــــ ــــــــ * فرصة عمل للشباب الطموح من الجنسين..شركة مبيعات توفر لك فرصة ذهبية للعمل بدل قعدتك على القهوة والقطر يفوتك كما قالت الحكومة. نحن نقبلك مهما كان مؤهلك الواطى سواء طب أو هندسة أو حتى دكتوراة فى الكيمياء فنحن نشجع الشباب مهما كان مستوى تعليمهم.. نسلمك أسوأ أنواع الشامبو وكريمات الحلاقة وكشافات الأطفال وماعليك إلا أن تلف على كعوب رجليك وتتذل للى يسوى واللى مايسواش.. أجر ثابت خرافى يتجاوز المائة وخمسين جنيها.. مع نسبة من المبيعات وآدى دقنى لو بعت حاجة..اوعى تتكبر علينا.. افتكر ان الوزير قال ان الشغل على قفا من يشيل!! ــــــــــــــــــــــــــــــــــــــــــــــــــ ــــــــــ * مطلوب عدد اتنين مسجلين خطر من أصحاب المدونات والناشطين على الموقع اللعين الفيس بوك.. وذلك لتمرين أيدى ضباط أحد أقسام الشرطة على الضرب نظرا لخلو القسم من المشتبه فيهم وباعتبار أن الإيد البطالة ..لا مؤاخذة مش طاهرة!! ــــــــــــــــــــــــــــــــــــــــــــــــــ ــــــــــــ * مطلوب عدد عشرين طبيب مصرى للسفر إلى إحدى الدول العربية بصورة عاجلة ولا يشترط الخبرة والكفاءة ولكن لا بد أن يرفق مع الأوراق المقدمة شهادة طبية تفيد أقصى عدد من الجلدات يمكن أن يتحمله المذكور وشهادة أخرى تبين عرض الصدر والظهر وذلك تيسيرا على الجلاد لاستخدام الكرباج المناسب، كما يرفق مع الأوراق مقاسات جسم المذكور لتصميم تابوت على مقاسه عند رجوعه لوطنه باعتبار ما سيكون!! ــــــــــــــــــــــــــــــــــــــــــــــــــ ــــــــــــ * مطلوب شاب جامعى حاصل على بكالوريوس الطب والجراحة تقدير امتياز مع مرتبة الشرف مع اشتراط الحصول على الدكتوراة من أى جامعة أجنبية مع أربع سنوات خبرة.. يجيد الفوتوشوب والجرافيك..وعايز يفتح بيت.. المذكور مطلوب لتصليح ساعة يد ثرى عربى!! ــــــــــــــــــــــــــــــــــــــــــــــــــ ـــــــــــــــ * تعلن شركة للطيران عن تنظيم رحلات سياحية فاخرة إلى لندن بشكل منتظم للسادة رجال الأعمال أصحاب القروض والهاربين..على أن تخصص الدرجة الأولى إلى السادة فوق المليار جنيه.. والدرجة الثانية للسادة فوق المائة مليون جنيه.. أما السادة المكافحون الذين نهبوا أقل من مائة مليون جنيه.. فتنظم الشركة لهم رحلات على أتوبيسات سياحية إلى ليبيا.. وياتهدى يا تعدى!! تنبيه: الاشتراك بأسبقية الحجز نظرا للضغط الشديد!! ــــــــــــــــــــــــــــــــــــــــــــــــــ ـــــــــــ * مطلوب سكرتيرة حسناء متناسقة القوام كستنائية الشعر بيضاء اللون خضراء العين حمراء الخد، مع إقرار منها بأنها لا تمتلك أى جزء صناعى أو غريب عن باقى أجزاء جسمها تشجيعا منا لحملة "شجع صناعة بلدك"..لا يشترط تحديد مقاسات الجسم والطول والعرض والحجم..فهذا من اختصاص السيد المدير المشهور بكفاءته فى هذا المضمار.. شريفة عفيفة لا تقبل أى نوع من التحرش خارج حدود مكتب المدير..ترسل السيرة الذاتية الخاصة بها متضمنة صورة شخصية لها وصور لكل أخواتها وصاحباتها البنات، وتعهد بأنه ليس لها أى أخ من الصعيد.. المقابلة الشخصية مع المدير أى يوم خميس بعد منتصف الليل!! ــــــــــــــــــــــــــــــــــــــــــــــــــ ـــــــــــ * تنظم مصر مزايدة علنية كبرى لكل الدول التى تمتلك غازا طبيعيا وذلك لإمدادها بالغاز الطبيعى بعد النفاد الوشيك لما تملكه من غاز نتيجة لتصديره لدولة إسرائيل الشقيقة.. تباع كراسة الشروط أمام سنترال "كلمنى شكرا" فى امبابة..وفرن العيش بتاع الوراق..وميدان الموتى فى الدويقة.. سعر كراسة الشروط خمسة جنيهات لكل الدول ما عدا إسرائيل.. فببلاش!! ــــــــــــــــــــــــــــــــــــــــــــــــــ ـــــــــ * أخيرا حانت الفرصة لامتلاك أو تأجير وحدة سكنية وبالتقسيط لتكون عش الزوجية الحزين.. الآن وبأقل الأسعار وفى أرقى الأماكن.. مطلوب مقدم مائة ألف جنيه فقط.. والباقى ألف جنيه قسط كل شهر لمدة تسعين سنة.. وبعد التسعين سنة تصبح الشقة ملكك _إن كنت عايش_ أو ملك أولادك _إن كانوا عايشين_ أو ملك أحفادك _ربنا يطول فى عمرهم_.. وعلى رأى المثل: ندفع كلنا..نموت م الجوع كلنا.. عشان تعيش أحفادنا كلنا!! ــــــــــــــــــــــــــــــــــــــــــــــــــ ـــــــ * فرصة للباحثين عن السعادة الزوجية.. أقراص "قليلة الأدب آخر حاجة يعنى" تساعد على استعادة القدرة للزوج وخاصة بعد مشاهدته لجلسات مجلس الشعب أو استماعه لتصريحات الحكومة والهبوط الذى يصاحبهما.. مصنوعة من أجود أنواع الحديد والأسمنت المسلح حتى تستطيع التأثير على الجسد المصرى الذى لم يعد يتأثر بشيء من كثرة الأكل المسرطن والفاسد والقمح الملوث.. تصاحب القرص أحيانا بعض من التشنجات العصبية كأعراض جانبية تمنعه من الاستمرار فى العلاقة.. وفى هذه الحالة على الزوج الاستحمال.. وعلى الزوجة الصبر والسلوان!! |
لا تستطيع التقديم لاى فرصة عمل من هذه الفرص الا بعد وضع رد على الموضوع
|
الموضوع للاسف مسلي الإ
الجزء الخاص بعشرين طبيب مصري للجلد في السعودية والمطلوب لإصلاح ساعة يد ثري عربي خلي للي بيحصل لينا في مصر مهما كان بينا ونقبل اي شيء من بعض وبس |
يااخى هذا واقع وماحدث للاطباء المصريين ليس ببعيد
|
لله الأمر من قبل ومن بعد
حقأ هم يضحك وهم يبكى أصبحت همومنا تضحكنا حسبى الله ونعم الوكيل بعدنا عن ديننا واشترينا الدنيا فباعتنا الدنيا بلا مقابل موضوع رغم قسوته إلا أنه رائع أخى الفاضل تقبل مرورى وشكرا لك |
لو سمحت عاوز قطعة ارض باللوز وكمان شقة محشيه حشو بره ولك جزيل الشكر
|
دي كانت في عام 1940
|
اقتباس:
على راى محجوب عبد الدايم فى فيلم القاهرة30 (ياقناطر يابلدنا اختشى عيب ووزعى خيرك بين ولادك بالعدل) |
اقتباس:
ج: كأس العالم هى تلك المسابقة التى تشترك فيها كل دول العالم ماعدا مصر.. فهى تعتقد أنها أرض الكنانة وبيت الفراعنة مما يؤهلها ليكون لها كأسها الخاص بها.. ولذلك فهى تشترك فى تصفيات كأس العالم فقط كفترة إعداد للاعبين للمشاركة فى مباريات الأهلى والزمالك والإسماعيلى المقبلة!! |
|
اقتباس:
شرفنى هذا المرور الكريم |
اقتباس:
هكلملك احمد المغربى بس اياك ميكنش خدها ابن خالته |
إيه يا استاذ عبد الله
بتوزع وظائف وسايب أخوك تايه دى العيله فيها( 4تربيه و2أداب و5تجاره ومهندس 12 دبلوم متوسط و2تربيه رياضيه) يعنى ممكن ننشأ قريه جديده فى الصحراء ومستعدون لتو صيل الطلبات لبيوت المسؤلين وأقارب أقاربهم ويجعله عامر ودمتم بخيروشكرا أستاذ عبد الله |
شكرااااااااااااااااا بجد موضوع راااااااااااااائع
|
وكم ذا بمصر من المضحكات
ولكنه ضحك كالبكا |
فعلا الشغل والوظائف على قفا مين يشيل
ملحوظه( هى على القفا بس ) سلمت يداك اخ عبدالله على موضوعك المؤلم ولكنها الحقيقه التى نحياها ومن يقل غير ذلك اقوله للاسف انت لست من الشعب المسكين انت تبع الناس التانيين وهو ده حالنا مع المسئولين فى بلدنا وربنا يسهل وتنزاح الغمه |
اقتباس:
ايه الجمال ده ياعمنا ربنا يخلى دا انتى مش تعمل قرية فى الصحرا دا انتى تعمل حكومة وتبقى رئيسها ومتنسانيش ولو حتى ب_2 جنيه_ |
العيله معظمها عاطلين بس الحمد لله مش قاعدين
تروح الأردن تلاقى إتنين - تروح ليبيا تلاقى عشرين وشرم دهب سفاجا لنا فيها رجاله منورين وشغالين ولمايرجعوا أجازه ويتجمعوا عندى يحرسهم م العين تلاقى بالتريقه شغالين على الموظفين والمدرسين وشكرا أستاذنا عبد الله على الجمال |
اللهم احرسهم من العين..واشبعهم تريقة على المفحوتين المدرسين
|
|
تميز وإبداع أستاذنا
|
شكرا مرورك ياحكيم انت وshahd
|
هههههههههههههههههههههههه موضوع جميل
|
لله الأمر من قبل ومن بعد
|
اقتباس:
|
اعتقد هذه الوظائف الواحد يحلم بيها وهو نائم فقط !!!!
جزاك الله خيرا |
فعلا هم يبكى وهم يضحك بس دى الحقيقة قبلناها ولا لأ مش هتتغير
بس كله يقول لا لليأس فالفرج قادم مش بيقولوا ما ضاقت إلا ما فرجت |
نورت الموضوع يامس هبة
|
مفيش وظيفة من دوا لاخوك
|
كنا في محاضرة مرة
فالدكتور قد يكلمنا عن الشغل وفرصة العمل وازاي نستغل الاجازة ان اهم حاجة عشان تشتغل انك تكون معاك كورس انجليزي و icdl كنت فاكرة ان الموضوع بالبساطة دي افتكرت اننا في بلدنا الكووسة اللي بيحصل عليها لازم يكون معاه فلوس غير اننا اصلا مش عندنا ثقافة الاعمال الحرة عدم الاعتماد الكلي ع الحكومة لان الحكومة بقي كله خصخصة ... وقطاع خاص ..لن مال الحكومة كان بيعلم السرقة زمان كان المدرس بيشغل بسرعة دلوقتي كله عقود دا ان لقيت شغل اصلا ولما تلاقي يبقي عقد وهم يطردوا اللي عايزينا ويخلوا اللي عايزين المدرس تحت ايديهم حتي لو حصل هيأخذ كمان 150 جنية يصرفهم ع المواصلات .... وفيه حاجة كمان الأهالي مش بتعلم اولادهم وهم في الكلية او ثانوي انهم يشتغوا ولو شغلة بسيطة علي الاقل يعرفوا ان الفلوس دي مش جاية بالسهل واحدة ابنها في الكلية واصحابه هما شجعوا بعض ع الشغل وبعدين رجعوا في كلامهم المهم الام قالت احسن مش عايزة ابني يتبهدل فالولد لما يتخرج من الكلية مش هيلاقي شغل لان مفيش شغل مهما يكون كليته مرموقة مفيش استغلال موارد ولا اهتمام بالعامل البشري كل همهم حاجة واحدة نظموا الاسرة وصرف الملايين من الدولارات ع اعلانات ولا بتأثر كانت ممكن تصرف ع عمل الشباب احنا عندنا عامل بشري قوي ومع ذلك مفيش استغلال لهذا العامل الرهيب ... فالشباب كدا او كدا هيتبهدل يبقي الاهل يعلموهم من دلوقتي كان في تربية انجليزي وكان بيشتغل في الاجازة ميكانيكي المهم الشخص دا حد وجه له سؤال انت هتبقي مدرس ليه تبهدل نفسك كان اجابته:عشان لما ابقي مدرس و اشتري عربية ويحصل مشاكل اقدر اصلحها الموضوع كبير جداا ع العموم شكراا ع الموضوع الظريف جزاك الله خيراا |
اقتباس:
الى ان اصطدمت بالواقع المر لكن برده الامر مايسلمش من اننا نتعلم لو مكنش عشان شغل يبقى واجهه اجتماعية. شكرا لهذه المشاركة الجمبلة ونفعك الله بفكرك وعلمك المستنير :022yb4: |
أنتظرونا فى رمضان فى جروب واحد وموضوع واحد (رمضان يجمعناأسره واحده)
بلاك بلاك أية كمال عبدالله الرفاعى yara attia عاشقة الطفولة تسابيح النجوم |
| جميع الأوقات بتوقيت GMT +2. الساعة الآن 02:37 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.