أردوغان يدرس التوجه إلى غزة شخصيا لكسر الحصار المفروض عليها
 

السبت, 5-06-2010 - 3:20السبت, 2010-06-05 14:03 | وكالات

• العالم

Select ratingإلغاء التقييمضعيفمقبولجيدجيد جداًممتازإلغاء التقييم
ضعيف
مقبول
جيد
جيد جداً
ممتاز







http://www.dostor.org/sites/default/...ardoghan_0.jpgأردوغان



ذكرت صحيفة المستقبل اللبنانية ان رئيس الحكومة التركية رجب طيب أردوغان يدرس التوجه بنفسه إلى قطاع غزة لكسر الحصار المفروض عليها من قبل جيش الاحتلال الاسرائيلي ، مشيرة إلى انه طرح هذه الفكرة على الداوئر الرسمية القريبة منه.
وأشارت الصحيفة في عددها الصادر اليوم " السبت" إلى ان أردوغان كشف للادارة الأمريكية أنه ينوي الطلب من سلاح البحرية التركية ، مواكبة أسطول جديد لسفن الاغاثة يجرى الاعداد له للتوجه إلى غزة، لكن المسئولين الأمريكيين طلبوا منه التريث لدراسة الموضوع.
وأوضحت أن الحكومة التركية تتعرض لضغوط كبيرة مصدرها أوساط سياسية وشعبية لالغاء الاتفاقات العسكرية المعقودة مع الدولة العبرية ، لكن المؤسسة العسكرية التركية تعارض هذا الأمر تماما
من ناحية أخرى أكد السفير التركي فى واشنطن نامق تان أن التوتر الراهن فى العلاقات التركي الإسرائيلية يمكن أن يزول إذا نفذت اسرائيل ثلاثة مطالب تركية .

ونقلت شبكة " إن تي في " الإخبارية التركية ، عن تان الذى كان سفيرا فى إسرائيل قبل أن يعين مؤخرا سفيرا فى الولايات المتحدة ، أن المطالب التركية ، والتى تمثل شروطا لعودة الهدوء للعلاقات مع إسرائيل تتمثل فى اعتذار إسرائيل أمام الرأي العام والاعتراف بمسئوليتها عن مأساة اسطول الحرية ، ورفع الحصار المفروض على غزة ، والموافقة على إجراء تحقيق دولي مستقل.

وقال تان إننا لا نرغب في تجميد العلاقات مع إسرائيل ، لكن إذا استمرت إسرائيل على موقفها فقد تضطر حكومتنا لاتخاذ مثل هذه الخطوة مشيرا إلى أن اسرائيل دولة صديقة لتركيا ولكن اسرائيل ستفقد صديقها .

في الوقت نفسه أعرب تان عن خيبة أمله لعدم إدانة واشنطن العدوان الاسرائيلي على قافلة المساعدات الإنسانية لغزة مشيرا إلى أن مثل هذه الإدانة ، ربما كانت ستؤدي الى تهدئة الأمور بشكل أسرع لو اتخذت الإدارة الأمريكية موقفا مخالفا وضغطت على إسرائيل وطلبت منها مزيدا من التفسيرات المتعلقة بالهجوم على سفن الحرية .
http://www.dostor.org/politics/world/10/june/5/18308

والله راجل وابن راجل
فى زمن قل فيه الرجال

و الله رجل و الرجال قليل

أردوغان يدرس التوجه إلى غزة شخصيا لكسر الحصار المفروض عليها </strong>

لو صح الخبر يبقى على الاقل قال انه هيعمل حاجة موش زى الناس التانيه
ويحعله عامر

كفاية إن محدش كاسر عينه

ربنا معاه
ربنا يوفقه
هو ده الزعيم
مش الرقاصين بتوعنا

هو فيه حاجه موديانا فى داهيه غير الكلام
شغالين مدح فيه لمجرد إنه قال هيروح
طيب بالله عليكم مش كل واحد فينا نفسه يروح غزه
القيود اللى عليه وعليك صدقنى أقل من القيود اللى عليه
هدوا اللعب شويه
ومفيش عاقل يقول أهدم بيتى علشان أروح أعمر بيت أخى
وكلامكم هذا ماهو إلا هدم للروح وللبلد التى يعلم قيمتها
كل أهالى غزه وللأسف أكثر من سكانها - وشكرا

يا اخ بلاك هذا الرجل بأمه حرك العالم لاجل اخواننا المسلمين فى غزه من اجل اطفال مسلمين وشيوخ نسيناهم ونسيتهم الايام
فقام الرجل الطيب اردوغان وطرق الباب لنصحو
وانى لاشم رائحة احمد عز فى كلامك
انصحك ان تقرا التوقيع الخاص بك وتنفذه

أحمد عز مين يابرنس؟
هو دا أخرنا !!!!!!!!!!!!!
أى واحد يختلف معانا فى الرأى على طول نضعه فى القايمه السوده
مش هو ده فكركم الجديد؟
يا معانا ياتبقى عدونا
لاحوار - والضرب بالنار


والنواب المصريين خدوا الجنسية التركيه؟
والجزائرين والتونسين واليونانين والايطالين كل دول أتراك ؟
30جنسية مولوا الشاحنات من جمعيات دوليه
كلها صبحت تركيه؟
هو كان فيه مسئول تركى فى القافله لننسبها للحكومه التركيه ورئيسها؟
اللى مايعرفش حاجه يقول تركيا

وبعدين إنت إيه ياأستاذ علشان تقوللى نفذ هذا ولاتنفذ هذا
ياريت توفر نصايحك لنفسك ولرفيقك
وشكراللجميع

لذيذ اوي انت والله

كانوا قبل كده بيقولو انت تبع الحزب الوطني
انت شكلك مدفوعلك من الحكومة

دلوقتي بقت رائحة احمد عز :d
بكره نسمع ريحة المتتمرين واتباع هيفا :d

ياريته شبه كلامى بالدكتور السيد عطيه عضو مجلس الشعب أو حتى المهندس عبد الحميد الكيلانى عضو الشورى عن الحزب الوطنى لدايرتنا اللى أنا متأكد إنه كان من أنصارهما - كان يبقى الموضوع على قدى إنما-----:022yb4:
دول عالم بتتلون يا باشمهندس:excl:
وياريت حد يوصلنى للكبار لأنى قرفت من الفقر والغلب:dهما داريين بحد:p

كلام بايخ ومقرف حقيقة ولا يمت بصلة للثقافة ولا للفهم الواعى .
واين ردك الجميل المتظر على رسالتى الجميلة لك ؟! :abdoog8::stickjo4:

قال يعني انت اللى كان حد سألك ولا طلب رأيك ولا تعقيبك في الموضوع حتى

وبعدين قال ايه بتنصحه هو بعدم التدخل عشان ميسمعش .......

مش قلتلك قبل كده اللى بيته ازاز ميحدفش الناس بالطوب !!

سبحان الله

راجع مشاركتك كدا الأول
مش تخلى بالك من كلامك يا أبوسند ؟
وبعدين من الذكاء لما حد يعصبنى ولايزعلنى
أرد عليه بس من غير ماأغلق عنيه وعقلى ولا أنت تقصد إن أوردغان زعيم عربى ؟إنت أدرى
وبلاش تعمل زى الجماعه اللى رفعوا شعاربلجيكا والدنمارك وكندا دول عربيه لموقفهم من حرب العراق ومافاتش سنه إلا وخرجت من الدنمارك الصور المسيئه للمصطفى صلى الله عليه وسلم---- وحاول تاخد لك من كل موضوع عشرين صديق أفضل ماتاخد خصم واحد ولا إيه ياشيخ؟
شكرا للجميع

كلام فى كلام كله مجرد كلام المهم اننا بنعرف ننشىء موضوع نتصارع عليه بدل منتحاور بهدوء
وفريق مع اردوغان وفريق مش معاه وكأنه حامى الحمى كويس جدا انه بيتكلم مش زى اغلب العرب
اللى جالهم خرس من زمان ولكن فى اللى هيروح هينضرب ونرجع ندد من تانى ونشجب ونستنكر
وده اللى بيهز صورتنا اكتر لازم نكون واضعين كل الاحتمالات ونسيبنا من سياسة الشجب والاستنكار وناخد موقف ايجابى ولو مرة واحده لانه للاسف الصهاينه والعالم عرفوا آخرنا ويجعله عامر

يارا جل اللى بيقتل قوم صلا ح الدين على حدوده الشماليه مع العراق هيبقى صلاح الدين؟
وبعدين مين قال إن إحنا ضد أوردغان - البلد الوحيدة اللى ممكن تصدر أى قرار فى أى وقت وبدون مقدمات
هى مصر لان سياستها لاتبنى على مؤسسات وقواعد ولكن معظم قرارتها تبنى على العاطفه والضغط الشعبى- لكن تركيا دولة مؤسسات لها منهج متجه نحو أوربا ورضا إسرائيل شرط لرضا أوربا
بس مشكلتنا لما واحد مننا بيقول لأ بيتخيل إن الملايين بتقول وراه أوبيستخدم صدى صوت صناعى
(الفضائيات والصحف والنت) ليوهم الجميع بأن كلامه مسموع ويردد من الملايين
والمولى سبحانه وتعالى قال فى كتابه الحكيم (واعتصموا بحبل الله جميعا ولاتفرقوا) فهل تجد لهذا التمسك مكان-- كماقال سبحانه وتعالى ( وأعدوا لهم مااستطعتم ) فهل ترى دوله إسلاميه تعد لليهود ماتستطيع وأن يكون هدفها الأول والاخير هم الصهاينه - كله بيدوس على كله للصعود - وربنا يلطف بينا
وشكرا للجميع

اللي خدته القرعة تاخده ام الشعور.