اجراءات استخراج كارنيه النقابة
 

السلام عليكم
انا من محافظة الغربية واليوم زميلة لى اتصلت وقالت لى ان فى منشور وصل الادارة ان المتعاقدين يعملوا كارنية النقابة لكن مانعرفش التفاصيل

• ممكن اى حد عمل الكارنية يقولى الاوراق المطلوبة اية
• الاجراءات اية
• تكلفة استخراج الكارنية كام
• اللى بيخصم كل شهر اد ايه
• الكارنية بيطلع بعد اد ايه
• فوائد كارنية النقابة اية

معليش اسئلتى كتير بس هذا للعلم
ولكم جزيل الشكر
ارجوا الاهتمام والرد

ياريت اللي عارف يخبرنا ياجماعة أزاي نعمل الكارنيه

1- الاوراق مجرد استمارة من اقرب مكان للنقابة وتتختم من المدرسة ثم الماهيات والاجازات فى الادارة ومعاها 3 صور
2- بيتخصم منك كل شهر حوالى 3 ج
3- الكارنية بيكلف 11 ج
4- له فائدة كبيرة ممكن رحلات و شقق من النقابة وفلوس
5- بعد استيفاء الوررق بيطلع بعد حوالى شهر
انا من الغربية بردة والنقاية فى اللمحلة بتقول انها مش بتعمل للمتعاقدين

ده المطلوب منك بالظبط

http://services.moe.gov.eg/s_nekaba_2_egov.html

جميييييييييييييييييل

السلام عليكم
احنا محافظة 6أكتوبر وفعلا بعض المتعاقدين استخرجو كارنيه النقابه

متشكرة جدا استاذ محمد على المعلومات دى
جزاك الله خيرا
حضرتك ممكن تسال فى الادارة عندكم لانى زميلتى بتقول ان المنشور ده لسة وصل وممكن يكون لسه هيوصل عندكم
وممكن يكون ده خير لنا ان شاء الله

:078111rg3:متشكرة جدا لحضرتك
جزاك الله خيرا

ياجماعة متأكدين من الكلام ده ولا مجرد احلام احنا في سوهاج مش مسموح لنا بعمل كارنية أصلا

الموضوع سهل جدا طالما ستدفع أنت فلوس لكن علشان تاخد هو ده المستحيل

يا جماعة انا تابع لمديرية كفر الشيخ وعملت كارنية النقابه بالنسبة للتكلفة ماداما انت سنك معداش 25 بتدفع اا جنيه فقط اما لو عديت السن ده بتدفع حوالى 37 من سنة التخرج

انا من محافظه الفيوم وبيتخصم من شهر 4 /2009 17 جنيه وروحت عشان اعمل كارنيه النقابه قاللى انتى عقدك من 2008 وبيتخصم النقابه من 2009 يبقى عليكى سنه ب 90 جنيه
بالنسبه للى مطلوب بتروحوا النقابه تجيبوا استمارة وتملوها وتتختم من المدرسة ومن الادارة ختم شعار وبتروح الماليات عشان يكتبوا انهم بيخصموا منكم نقابه من امتى وتجيب صورتين شخصيتين وصورة من العقد بتاعك
:romarioxp6:

انا السنة الى فاتت اتخصم من المرتب فلوس ولما سالنا قالوا دى فلوس للنقابة

وتقريبا بيتخصم 14جنيه فى الشهر

ولما جيت اعمل الكارنية دفعت فى البنك فلوس لكل سنة اشتغلت فيها بس بعدسن25

شكرا اااااااااااااااااااااااااااااا

معلشى انا مش فاهمة
كل سنه بيتدفع عليها كم؟
:022yb4:

نقابة مين والناس نايمين
في محافظة سوهاج لا يوجد كارنيه للمعلم المساعد لانه ببساطة متعاقد وغير ثابت وهو ده اللي بقولوا عليه كل شوية المساواة في المعامله وسلم لي على المساواة"هههههههههههههههههههههههههههههههههههههههه"
وبعدين مستعجلين على ايه النقابةدى لا تقدم ولا تؤخر لنا في شيء فهي تنكرنا من الاساس " ليه احنا نستعجل وندور عليهم "
واحنا مش حنستفيد منها في حاجة الا بعد المعاش اما الان فهي لا تخصنا الا في جمع الاموال منا فقط

انا من القليوبيه متعاقد وطلعت الكارنيه

انا والدي بيشتغل في النقابة
في البداية حضرتك بتروحي النقابة وبتطلبي منهم ورق اشتراك عضوية جديدة وهما عباره عن ورقتين
بعد كده بتحطي عليهم صورتين شخصيتين وبتملي البيانات وتختميها من المدرسة التابعه لها
بعد كده بتروحي الادارة التعليمية في الماهيات عشان يحدد ليكي انتي اتخصم منك ولا لا ويمضي ليكي الورق ثم بعد كده بتروحي الاجازات وشئون العاملين ومدير الادارة وتختمي الورق
بعد كده تروحي النقابة ويتم تحديد الملبغ اللي انتي هتدفعيه وركزي معايا في النقطة دي ( اذا كان تاريخ العقد والخصم من الادارة وانتي لم تتمي 25 سنة بعد لن تدفعي اي مصاريف اما اذا كان سنك فاق ال25 سنة سوف تدفعي مصاريف اشتراك عن كل سنة بعد ال25 سنة 95 جنيه فقط لاغير ) بالاضافة طبعا الي 10 جنيه مصاريف كارنيه
بعد ما تدفعي بتاخدي وصل والكارنيه بيطلع بعد حوالي 9 اشهر
بخصوص المميزات فهي بعد ما تطلعي علي المعاش وربنا يديلك طول العمر بتاخدي مكافأة ومعاش بالاضافة الي ميزة الرحلات والمصايف وكده
اذا كان فيه اي استفسار ممكن تراسليني علي الخاص وانا تحت امر اي انسان عاوز مساعده

السنة بعد تخطي ال25 سنة ب95 جنيه والشهر ب 8 جنيه

وليه بعد التثبيت دا كارنيه عضوية يعني قبل او بعد التثبيت مبتفرقش خالص

ياريت اللي يعرف يقول بلاش تخمينات