|
سؤال جد من ولى أمر اتهد
كام واحد فى التعليم المصرى
من الحضانه الى الثانويه بيذاكر من الكتاب المدرسى وهل الكتاب المدرسى يصلح لمساعدة التلميذ للإجابة النموذجيه فى الامتحانات وإذا كان لايصلح فماالفائده من توزيعه على الطلاب أليس غريبا أن تجد من قام بتأليف الكتب المدرسية هم من يقومون بتأليف الكتب الخارجية أيضا ويقولك الامتحان من الكتاب المدرسى -عجبى وياخسارة الألاف اللى جت شويه من الجيب وشوية بالاستلاف كله راح فى الإنجليزى وكمان التفاضل واللى جاى ربنا يستر على اللى زينا من الامتحان بيترعب ويخاف وياريتنا جمدنا قلبنا وماقضيناها عيش حاف بأعيد الثقة لقلب إبنى وأنا اللى يشوفنى وهدتى يحلف إن عمره زى غلبى ماشاف |
أكيد الكلام ماجاش على هوى ومزاج الناس
غريبه مع أن الكل بيشرب من نفس الكأس |
سبها على الله مادام الولد ذاكر قل لن يصيبنا الا ما كتبه الله لنا المهم قويه علشان ميتصدمش والله السعاده مش بالشهاده
|
تجيلها كده تروح لها كده هيا كده...0(الحاجة الساقعة بيبس)
وربنا يعوض علينا وعليك |
اقتباس:
والمشكله كلها كانت فى ارتفاع سقف الطموحات لكن الحمد لله كله تمام إلا ربع فى الميه |
اقتباس:
يعنى إيه يامولانا؟ لأن بصراحه مش مطمن لكلام حضرتك اللهم اجعله خير |
ربنا معاه ومع حضرتك ربنا يكون فى عونك
إن شاء الله ربنا يوفقه |
شكرا للجميع
للأسف مفيش حد بيناقش الموضوع هل الكتاب المدرسى يصلح نذاكر فيه ونجيب درجات مرتفعه دون اللجوء للكتب الخارجيه ؟ |
اقتباس:
|
السلام عليكم ورحمة الله وبركاته
اخى الكريم كلنا بنشرب من نفس الكاس اللى شربت منها من اول اول ابتدائى للجامعة بس هنعمل ايه فى ايدينا ايه علشان نقدر نعمله احنا مجبورين على كده تعرف لو فكرت انك متشتريش الكتب الخارجية انت نفسك مش هتواقف لانك هاتحس انك مقصر فى حقهم تصدق بالله انا الحمد للله ابنى ممتاز وبيطلع الاول بس برده لازم يروح الدرس عارف ليه علشان الحقيبة والنظام الفاشل اللى فى التعليم الحقيبة اللى بتخلى المدرس يتحكم فى الطلاب واولياء الامور عارف كمان ابنى فى الصف الاول الاعدادى جاب الدرجات النهائية فى كل المواد والتربية والفنية والدين والحاسب وكله وفى العربى نقص درجتين ليه علشان رفض انه بياخد درس عند المدرسه بتاعته شوفت الظلم عارف كمان ابنها معاه فى نفس الفصل تعرف واخد كام فى العربى 80/80 الدرجة النهائية لانه متظبط كويس قوى فى الحقيبة وواخد الدرجات النهائية فيها اما التصحيح مقولكش انها كانت مع المدرسين اللى بيصححوا مادة اللغة العربية لانها طبعا مدرسة عربى لما طالب متفوق زى ده يحس بالظلم فى بداية حياته تعمل ايه تقوله ايه ربنا يوفق ابنك ويسمعنا عنه خير ونيجى هنا وناخد الحاجه الساقعه ولاها تبخل علينا بيها هههههههههههههههههه اخى الكريم احمد ربنا وربنا يبارك ليك فيه ويحميه من الشر لانه طبعا سلامته بالدنيا ومافيها بعتزر لاطالة اختك نغم |
الحل -- اللمبى
|
تسلم لنا ياغالى
وربنا يهد اللى فى بالى وترجع لنا بالسلامه |
شكرا ياميدو بس خلى اللمبى ينفعك
تحياتى ياأغلى وأجمل وأحلى شهد فى الدنيا |
اقتباس:
صدقينى أنا مش بتكلم على أبنائى فقط أنا بتكلم على الموضوع عامة وعلى فكره أنا من المجموعه اللى دربوهم على التقويم الشامل وهذا الموضوع لو اتنفذ صح هيبقى له مردوده الرائع لكنه يحتاج للضمير -ووسط ظاهرة الدروس الخصوصية وانعدام الضمير عند البعض -استغلت لأهداف شخصيه وأهواء عامياء--وكما يقولون السيئه تعم - وبسم الله ماشاء الله الفضائيات والصحف إياها بتسعى دائما لتغليب السلبيات على الايجابيات وخاصة الوزاره اللى مالهاش صاحب زى وزارتنا وللاسف معظم المدرسين مقلوبين عليها وبيحاربوها وياريت نشوف المحامين أو المهندسين أو حتى الممثلين ونشوف إزاى بيدافعوا عن مهنتهم بس هنقول إيه --- ربنا يصلح الحال --- قادر يا كريم وشكرا لحضرتك |
بصراحة ممكن نقول ان العيب فى المناهج
بس الكتاب المدرسى لابد من المذاكرة منه ................لان فى التصحيح بيلتزموا بكتاب الوزارة او المدرسة وبصراحة انا بيعجبنى فى حاجات وحاجات لا :stickjo4::stickjo4::stickjo4::stickjo4::stickjo4: :stickjo4::stickjo4: |
جزاك الله كل خير
|
اكيد الكتاب مش كفاية
لان معلوماتة بتبقى محدودة جدا ولازم الكتاب الخارجى عشان التدريبات الكتيرة وماا دام اللى بيالف كتاب المدرسة هو نفسة اللى بيالف الملخص فدا عشان يسترزق زى المدرس اللى مش بيقول كل حاجة فى الفصل وبيقولها فى المدرسة كلها دائرة مغلقة والسبب الرئيسى هو غياب الضمير مش رفة هنروح من ربنا فين ربنا يهدينا جميعا تسلم يا بلاك عى المواضيع الاكثر من رائعة |
بص والله حضرتك انا الحمد لله دايما بعتمد على مذكرات المدرسين والكتاب الخارجى ومراجعة قبل الامتحان مش بعتمد على حاجه غير كتاب المدرسة والحمد لله من الحضانه لحد الثانوي دايما بتصيب معايا وبتيجى من كتاب المدرسة بس الا السنة السودة دى الصراحه غلبت كل التوقعات ربنا يعنا يارب ويسترها على النتيجه بقى
|
بالنسبة لى اكيد طبعا كتاب المدرسة واكيد لازم الملخصات علشان الاسئلة(وفى ملخصات خاصة بالاسئلة بس على فكرة)
اما بقى الدروس فانا السنة دى اتعلمت منها حاجات كتير اهمها الالتزام فى المدرسة وعدم مرواح دروس فى كل المواد ان شاء الرحمن هكتفى بفيزياء وانجلش واحصاء الواحد لازم يحس بأعتماده على نفسه وبقيمة المدرسة وانا اعرف ناس مخدوش دروس خالص وحاليا فى طب والله العظيم 2 اختين واحدة اتخرجت من صيدلة والتانية بتدرس حاليا فى طب |
وجه نظري
الثانويه العامه واخدة ضجه علي الفاضي يعنى لا تحديد مصير ولا حاجة المشكله ان ممكن بعد العمليه دى كلها وبعد المصاريف دى كلها الطبييعى هتلاقي كتير بعد ما بيتخرجو بيقعدوا في البيت ومش لاقيين شغل في كل الكليات بلا استثناء عشان كدة لازم تسال وماذا بعد التخرج من اي كليه ؟؟ فاعتقد الثانويه واخدة ضجة زيادة عن اللزوم اوى اوى اوى وعلي فكرة الثانويه ليست مقياس واغلب موادها تعتمد علي الحفظ وملهاش علاقه باي واقع في الدراسه في اي كليه بعد كدة واغلب المواد في الثانويه العامه تعمد علي الحفظ الصم للاسف ودة بيفسر ان احنا عندنا منظومه تعليميه فاشله من تحت سواء ابتدائي او اعدادى او ثانوي |
كتاب مدرسه ايه ؟؟؟؟؟
والله ما فتحته غير فى الكيميا هو حد مستغنى عن مستقبله عشان يزاكر منه |
بصو انا فى ثانوية عامة وبقول والكلام ده صحيح مية فى المية
الكتاب المدرسى ينفع فى حاجة واحدة بس وهى يتباع فية طعمية ولا لب لكن يتزاكر فية يبقى كفاية على الطالب 2% ونرجع ونقول حسبنا الله ونعم الوكيل ربنا على الظالم وشكرا يا استاز بلاك انك قلبت عليا المواجع |
بالنسبة ليا السنة اللى فاتت دى كنت بذاكر من كتاب المدرسة قى مادة واحدة هى الكيمياء و كنا لازم نحل أسئلة كتاب المدرسة فى مواد زى الرياضيات و الإنجلبزى بس أغباهم فعلا هو العربى تقريبا مفهوش أى حاجة ..
اقتباس:
|
|
اقتباس:
مفيش حد بيهتم بالكتاب المدرسى من الابتدائى للثانوى لانه عباره عن عناصرمع توضيح مبسط تشرحها الكتب الخارجيه بتوسع مع مراجعات كثيره شكرا على المشاركه الرائعهTona Ashraf |
اقتباس:
شكر ا يا أستاذة لخصتى الحقيقه كلها فى سطرين هى فعلا دائره مغلقه على الطالب وولى الأمر ورغم كونى مدرس فأنا أيضا ولى أمر إتهد فعلا من الدروس والكتب الخارجيه شكرا على المشاركه المفيده |
اقتباس:
اللى يجهله ناس كتير واللى اكده لى عمى لانه موجه انجلش ان امتحان الانجلش 2ث كان من الكتاب المدرسى الكبير مش الwork book فرقوا |
اقتباس:
وكدا يا =soul333 تبقى مش واخد بالك من أصل الموضوع هل الكتاب المدرسى فيه المعلومات الكافيه والتى يمكن أن تغنينى عن الكتب الخارجيه فى جميع المواد وليس اللغات فقط؟ وشكرا على المشاركه الجميله |
اه حضرتك هو يغنى عن الكتب الخارجية
والدليل على كدة ان لما بنقول الامتحان صعب ونشتكى ييجوا يطلعوا تقرير السؤال رقم 1 موجود فى صفحة رقم........... والسؤال رقم........ موجود فى صفحة رقم ............... وده للشهادات بس انما النقل المدرسين بيحبوا يتفزلكوا ويجيبوا للعيال حاجات غريبة |
اقتباس:
تانى ياsoul333; يعنى لو كتبت فى الامتحان الاجابه المختصره اللى فى الكتاب هتاخد الدرجه النهائيه؟ ليه مانتوسعش فى الكتب المدرسيه زى الكتب الخارجيه وخاصة لوعلمنا أن معظم واضعى الكتب المدرسيه هم أيضا واضعى الكتب الخارجيه شكرالك :078111rg3::078111rg3: |
:d:d:d:d:d:d:d:d:d:d:d:d:d:d:d :006et4::006et4::006et4::006et4::006et4::d:d:d:d:d :d |
أستاذنا
انا عايزة اعرف حاجة هل اصلا الكتاب المدرسة دا بيفدنا في ايه اصلاّ!!! المعلومات بعبيها في دماغها ونفضيها في الامتحان وبعد كدا كان الله بالسر عليم عايز اقول لحضرتك من ناحية الكتاب المدرسي كمذاكرة انا كنت بحب اذاكر فيها بس مفهوش اسئلة كثير ولاا اي شيء تمهيد لكيفية الامتحان المنظومة التعليمية كلها بايظة الله يستر علينا شكراالحضرتك |
ما هو النظام اللى ماشى
|
اقتباس:
شكرا على المشاركه الإيجابيه وسلام |
اقتباس:
وشكرا على المشاركه والمرور الكريم |
اقتباس:
فحذفت الرد الاول وخليت الرد الثاني اقتباس:
|
وشكرا على كدا
وإيه هيكون شعورك كدا لو شاركت فى موضوع لحضرتك كدا بمشاركه بالشكل دا ورأيك موضوعى وله كل الاحترام وجزاكى الله خيرا |
أنا آسفه والله
مش كنت اقصد اي حاجة !! مكنتش اعرف ان حضرتك هتزعل ع العموم آسفة جداا |
الحمد لله مفيش زعل ولاحاجه
بس اللى زعلنى شويه فى مشاركة حضرتك لمالقيت 21 مبتسم :dو5 بس بيراجعوا الواجب:006et4: ومعلومه اللى وصلنا لكاس العالم عام 1990هو كابتن الجوهرى :022yb4: اكيد ماحضرتيش الأيام دى وشكرا والسلام عليكم:078111rg3::078111rg3: |
اقتباس:
أنا كنت كاتبة رد فعلا في المشاركة ولقيته تم ادراجه فحذفته وحطيت 4 ابتسامات فتكتب ان الرد لازم يكون 10 حاجات ع ما اظن لقيت الايموشن دا ادامي فحطيته مش كنت اقصد حاجة خالص بس مكنتش عايزة الرد يتكرر وخلاص.. انا مواليد 92 غير اني مليش في الكورة أصلا كنت بحسب حضرتك بتتكلم عن الايام دي وبتقول علي جدو فكنت بمزح مش اكثر ولا اقل فحضرتك شخصية محترمة وانا فعلا بحترم حضرتك ولحضرتك كل تقدير أكيد ع العموم انا بكرر آسفي ... وان شاء الله المنتخب يبقي يأخذ الكاس مرة آخري لو كان دا ممكن يسعد حضرتك والسلام عليكم ورحمة الله وبركاته |
جزاك الله خيرا
|
| جميع الأوقات بتوقيت GMT +2. الساعة الآن 05:55 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.