|
مصر حلوه ولا وحشه؟؟
يقولولى : مصر وحشة
- أقولهم .. مصر حلوة .. بس إنتوا اللى مش بتفهموا - يقولوا : مصر مملكة ديكتاتورية .. مش جمهورية - أقولهم : مصر حلوة .. وبعدين متظلموش الراجل .. الراجل إنجازاته تسبقه .. وإحنا بنحب العشرة .. واللى تعرفه أحسن من اللى متعرفوش - يقولوا : مصر مجوعة أهلها .. وفى ناس مش بتلاقى حاجة تغطيها فى الشتا - أقولهم : مصر حلوة .. بس إحنا اللى بنخلف كتير - يقولوا : مصر بتسيب ولادها العباقرة المحترمين يسافروا برة - أقولهم : مصر حلوة .. بس هى بتعمل كدة عشان يتعلموا أحسن - يقولوا : مصر بتبنى جدار عازل - أقولهم : يا إخواننا مصر حلوة .. بس لازم تحمى حدودها - يقولوا : مصر مش بتاخد بتار ولادها (فى ألمانيا .. إيطاليا .. السعودية .. ولبنان ) - أقولهم : مصر حلوة .. وعملت اللى عليها .. واللى عايزينها تحارب نص العالم عشان تستريحوا - يقولوا : مصر بتقسى على ولادها .. دة أنت شوفت بعينك اللى حصل فى شباب 6 أبريل .. عشان بيحبوا مصر - أقولهم : مصر حلوة .. ولازم تحافظ على أمنها .. وأكيد هما عارفين مصلحتنا أكتر مننا - يقولوا : مصر سدت الربع جنيه المخروم - أقولهم : هو اللى سافل وكان لازم يتسد من زمان لأنه بيشوه سمعة مصر .. ومصر حلوة إمبارح قالولى مصر بتقتل ولادها ! أقولهم إيه دلوقتى يا مصر ؟! مش لاقى حجج تانية .. مش قادر أكذب أكتر من كدة مش كفاية بقة يا مصر ؟! شكلى وشكلك بقة وحش أوى عزيزى خالد - رحمك الله - ياريت ميكونش عندك أمل كبير فينا .. للأسف .. دمك هيروح هدر عارف ليه ؟ عشان دمك رخيص .. زى ما أنا كمان وكل المصريين دمهم رخيص .. رخيص أوى وبعدين كأس العالم بدأ .. ومحدش فاضيلك ******************************************** عزيزى خالد .. ليا عندك بس طلب واحد .. أرجوك وأنت عند ربنا .. إبقى إدعيه يخلصنا من الإحتلال المصرى لمصر قبل ما نحصلك كلنا أصل إحنا هنا بنخاف حتى ندعى بس إبقى خد بالك من نفسك .. مش بعيد تلاقى حواليك مخبرين من قسم سيدى جابر .. طالعين يقتلوك تانى ! |
ربنا يرحمه وفعلا الناس ميش فاضية غير عشان الكورة بس
|
والله فعلا
شكلها بقى وحش اوي بجد الموضوع تحفة والحوار في منتهى الروعة بس لفت نظري الحوار ده .. بصراحة ضحكني اوي \\ يقولوا : مصر سدت الربع جنيه المخروم - أقولهم : هو اللى سافل وكان لازم يتسد من زمان لأنه بيشوه سمعة مصر .. ومصر حلوة :d وسلملي على مصر :d |
الأخت العزيزة تقبلي مروري في موضوعك المتميز
ذهب رجل للطبيب فقال له انت زي الفل وصحتك ممتازة ولكنه كان يشعر بتعب فذهب لطبيب اخر قال له انت عندك سرطان وفشل كبدي وكلوي ورئوي انا ميت تقريبا من 5 سنين هذا هو حال المواطن المصري بين اعلام الدوله الوردي والاعلام الخاص الاسود أن يتحول شاب عادي لقديس ويمنحه الكل ببساطة لقب الشهيد الذي لا يمنحه الا الخالق يدل على مدى التضليل وسيادة روح القطيع في التفكير وراء الاعلام الاسود واصبح شعار اي حد عندما تسأله انت متأكد من الموضوع ده قال لي شخص يعرف شخص يعرف شخص انه سمع من شخص ان شخصا قال له ان الموضوع حصل |
مصر إن كانت حلوه فهى حلوه بينا
وإن كانت وحشه فبرده بينا وأنا عن نفسى علشان ماليش غيرها فلازم اتحملها بحلوها ومرها |
مصر فى الأول وفى الاخر هى بلدى وعمرها ماتكون فى يوم من الايام وحشة احنا اللى مقصرين فى حقها
|
مصر دى بلدنا
سواء كانت حلوة او وحشة فهى كده بسببنا خالد مننا وبرده الى ضربوه مننا.. |
اقتباس:
الإعلام يحرك فقط لمصلحة خاصة و لكنا هنا فى المنتدى نتكلم عما بأنفسنا و لا يهمنا فى القضية التى يلكوها الإعلام غير التغيير لأفضل حال لى و لك و لكن أين نجد من يقوم بذلك ؟؟؟ تذكرت مقطع من فيلم الناظر صلاح الدين لعلاء ولى الين و هو مشهد كلنا نعرفه و نضحك كثيراً عليه و هو يمثل دور سعد زغلول فى المطالبة بالاستقلال التام أو الموت الزوءام أيه اللى بيحصل ده يا سلام يا سلام سا سلام - و عندما تم إطلاق النار عليهم قال- لف و ارجع تانى و مازال الشعب كما هو منذ دستور 23 فبراير حتى الآن يحارب المحتل و ما النتيجة ؟؟؟؟؟؟؟؟؟؟؟ صفر لكل الانجازات و السبب حديد عزتمى و أنصاره و ده حالك يا بلد الصحوة القادمة ......... ف انتظار الآمال خالص ودى مستر علاء |
اللى عايز يرفع من قدر بلده
يبدأ الاول برفع قدر نفسه ميبوصش للى حوليه و يقول هما ليه بيعملوا كدا انا ليه اتخلقت فى الوقت اللى مصر بلدى فيها مش حلوه انت لما تتحاسب يوم القيامة هتتحاسب لوحدك مش هتتسأل عن اللى حوليك هتتسأل انت ليه معملتش حاجة فعلا لبلدك مش تستنى غيرك اما يجى يعملها حاجة ومصر حلوه مصر وحشة مصر هى بلدى مصر هى ام الدنيا مصر بلدى لاخر يوم فى عمرى و الف الف الف رحمه على الشهيد خالد سعيد و حسبى الله و نعم الوكيل فى اللى عملوا فيه كدا ربنا يرحمه و يدخله فسيح جناته شكرا الاء على الموضوع المميز بارك الله فيكى |
مشكوره يا رودى انتى ومستر علاء كلام 100%
|
|
مصر فوق الجميع
بس مصر جميله بشعبها واهلها وارضها وتاريخها وحضارتها بس المشكله في حكومتها |
مضبووووووووووووووووووووط جدا
|
مصر أجمل وأحلى بلد عى الاطلاق
نحبها بحلوها ومرها كانت ومازالت وستظل هى الحب الأوحد والأخير حتى أخر نفس فى العمر وحتى أخر نبضه فى القلب وتحت أى ظروف |
مصر حلوة بس بأولادها المخلصين
|
مصر امى
بحضنها الدافى اللى بيضمنى لما بكون مخنوقة وعيونها الجميلة اللى بتبكى على بكايا مصر اكبر من اى كلام فى الكون عظيمة يامصر |
اقتباس:
ههههههههههههههه |
اقتباس:
لان المخلصين اكتر |
اقتباس:
انا محدش بيعرف يقول شعر قدى متخلنيش اتحداكى هههههههههههههههههههههههههههه |
انا فى حبى لبلدى مفيش حد يقدر يتحدانى
ههههههههه مش شعر ولا حاجة والله انا بكتب اللى بحسو وبس تسلمى على الموضوع الروعة |
|
مصر جميلة و هتفضل طول عمرها حلوة و عمر ما هيكون شكلها وحش حتى لو احنا ايه
لو الدنيا كلها قالت ان بقى شكلها وحش المفروض احنا نقول لأ و ندافع بجد مش نتحجج . طبعا حكاية الشاب خالد اثرت فينا كلنا بس العيب مش فى مصر لأن مش مصر هى اللى قتلته و ان كان المخبرين قتلوه فأحنا ساعدناهم اننا مقلناش للظلم لأ و عموما منقدرش نحكم انه ظلم اوى لان حكاية خالد دى مشكوك فى سبب موته بس المهم اللى عايزة اقوله اننا احنا اللى شكلنا وحش و ان اللى ينتقد حاجة على مصر يقول الاول هو وفى بحقها عليه ولا بيفكر فى نفسه و بس و كل واحد فينا يشوف هو قدملها ايه الاول عشان ياخد الحب مش بالكلام حبنا لمصر اننا نشتغل بجد ونديها زى ما بناخد عشان ندافع عنها بجد مش نتحجج |
حلمي كلة كاة كلة
ان يصيبني الدور في قرعة الهجرة ادعولي دي الحالة الوحيدة اللي ممكن احب فيها مصر |
اقتباس:
عايز تهاجر ولما تهاجر هتحب مصر ههههههههههههههههههههههههههههه |
اقتباس:
هههههههههههههههههههههه بس انا اتحداكى:stickjo4: |
اقتباس:
شرفت التوبيك:) |
اقتباس:
|
على اسم مصر التاريخ يقول ما شاء انا اسم مصر عندى احب واجمل الاشياء
|
مصر يا مصر يا أم الدنيااااااا
هى بصراحة مصر لا حلوة ولا وحشة هى(حلشة) |
مصر جميلة بكل حاجة زى م الاء قالت ... و زى بقيت الردود و اللى قالو .. معادا الحكومة :
احب اقول ... : مين اللى مخليك امن و انت نايم فى بيتك فى حين ان غيرنا زى القدس و العراق بياخدو سورى على قفاهم ؟! مين و انتى ماشى بعربيتك .. و سواق ميكروباص . ( مع احترامى ليهم ) . يزنق عليك و ييجى الظابط يزعق معاه وواقف فى الشمس اللى انت مش قادر تقف فيها 10 دقايق بالسبع ساعات ؟! مين الدوريات اللى بتقف فى الشارع عند الهرم و فى المعادى و مدينة نصر و غيره .. باليل فى الفجر و سايب مراته و عياله فى حين ان غيره بيتفرج على التليفزيون ؟! ... اخى العزيز اتفرج على سجون امريكا .. اتفرج على شيكاغو ... واشنطن ... لما تبقى ماشى جمب مراتك يطلع عليك 5 يخدوها و يمشوا .! ده حالهم و انا اتحداك انك تلاقى هنا إلا ما ندر و قل !!الحكومة مصريين ... و رئيسنا مصرى ... و حققلنا كتير ... عيبنا اننا بنمسك فى لوحش فى حين ان محدش فينا كامل .. انت لو مكان الظابط الشيطان هيوحيلك و هيقول انت السلطة اشمعنى الظابط ده بيمشى كده و هيخليك من غير وعى تغضب ربنا او تقتل نفس ... زى ما الموظف فى لبنك يقع من غير قصده فى جيبه مبلغ ( من غير قصده صح ؟! ) زى كتير من شعبنا ... صلح نفسك .. بلدك تتصلح .. لان الحكومة ده اخوك .. ابوك .. قريبك ... مش يهودى او امريكى !! و تذكر زى ما فيه ابيض .. فيه اسود .. و ربنا خلق الاتنين .. هل تقدر تعترض على ربنا ! |
صح والله..................
|
حلوه وحشه هى بلدنا
وإن كانت حلوه فلينا وإن كانت وحشه فبينا والعيب مش فى مصر نفسها ولا فى أهلها العيب فى نظام حكمها ميرسى يا لولو على التوبيك |
اقتباس:
الله أكبر............ايه الحكم دى بس يا أستاذة مروة........الله ينور |
الله ينور عليكو كلكو
|
| جميع الأوقات بتوقيت GMT +2. الساعة الآن 11:37 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.