الآن الــردود الشـــافـيــــــة لأمتحان 2010
 

الآن ومن واقع التصحيح فى غرف اللغة الفرنسية بقطاع المنصورة تحديدا أحب أن أطمئن أحبائنا الطلاب أن بحمد الله النموذج الذى وضعته على المنتدى هو نفسه المعتمد داخل غرف التصحيح وهو أيضا نفسه الذى ذكره غيرى من الزملاء . ( أرجو الرجوع لأيقونة الجواب الشافى لأمتحان 2010 على المنتدى )

الوثيقة مثل ما ذكرت فى نموذج الأجابة وكذلك سؤال A qui أما سؤال أين تقرأ تم الألتزام بنموذج الأجابة و الا عمل carte فقط أو carte d" identite وأى اجابة غير carte scolaire فهى خطأ ولا يأخذ شئ . وبالنسبة لسؤال الأبواب فلا نقاش فيه ( أرجو الرجوع لنموذج الأجابة ) ومفيش حاجه اسمها societe .
وسؤال القواعد أى اجابة أخرى مكتوبة وبها الحل الصحيح واجابة بها الحل الخطأ يأخذ لصالح الطالب الحل الصحيح لأن السؤالين يتم تصحيحهما والدرجة الأعلى تأخذ لصالح الطالب وبالنسبة لحدوتة de أو d' ان شاء الله يأخذ الدرجة كاملة . وحتى لو كان عامل التبعية فهو يأخذ الدرجة على ماطلب منه أما الزيادة فلا تنقصه شئ .

وفق الله المصحيحين لما فيه خير الطلاب ومصلحتهم ولا داعى أن يحزن أبنائنا الطلاب على ما فات فكل شئ بقدر وهناك حاجة اسمها توفيق الله وعدم توفيق وكله بارادة الله .:)

عليا النعمة الاستاذ اشرف ده جامد
ومتشكرين يا غالى

طيب هم عملوا برضه رقم 5 صح
يا ريت المدريسن يتناقشوا فيها لانها وقعت معظم الطلاب المتميزين

يا جماعة السيت ده لازم ياخد جائزة نوبل

ســلــم يــــــارب ســــلــــــم ............
 

ابنى العزيز أعتقد انك محتاج لدعوة صادقة ومخلصة من والديك ومحبيك لكى يحتسبوا لك فى التصحيح الدرجة كاملة لأن المفروض أن السؤال الرد عليه من خلال الشخصيات التى ورد ذكرها بالوثيقة وليس من خلال الوظائف لأنها لم ترد فى الوثيقة وربنا يحنن قلب المصحح ويتعاطف معك لأن لاقدر الله لو لم تحسب لك ستكون الخسارة كبيرة .

ربنا يسلم ويوقف لك ولاد الحلال فى التصحيح قل آآآآآآآآآآآآآآآمييييييييييييييييييييييييين .

مسيو تامر دائما بالخير آمر
 

الأخ العزيز مســيو / تــــامــــر شكرا جزيلا لمرورك الكريم وتعليقك اللطيف والذى ينم عن شخصية باسمة رقيقة وذلك من واقع الصورة فما بالى بالحقيقة بارك الله فيك لقد أثريت المنتدى بتحف ومعك كوكبة مشرقة من الأفاضل الذين سخرهم الله لاسعاد أبنائنا الطلاب .

دمــتم بخيــر وعافيـــة .:022yb4:

شكرا يا مسيو
ولان خامس واحده في اقسام الجريدة دي كانت صعبة لان مخدناش معني كلمة برج العقرب ولا برج الجدي دي وكمان اللي معظم اللي حلها عاد الخمس جمل ثلاث مرات او اربعه بكل الاحتمالات يعني مفيش تميز ولا حاجه من رايي ان السؤال ده المفروض كانوا يوزعوا درجته وكمان نمره 5_7 في الصح والغلط لان نص الطلاب عاملينها كده والنص عاملها كده لانها موضع شك بكل تاكبد من رايي يحسبوا الاتنين صحيح
وجزاكم الله كل خير

انا عملت Avant de فى النص صح ولا غلط؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

خــيرهـــا فــى غـيــرهــــا ...
 

الأبن العزيز لو الطالب اعطى نفسه الفرصة الجيدة للتفكير وعرض الجملة على كل الأبواب من اقتصاد ، سياسة ، صحة ، رياضة ، اذاعة وتلفزيون ، فنون وآدآب ، بيئة ، علوم واكتشافات ، وأحداث جارية لن يجد سوى الأبراج حتى مع ترجمة الجملة تصبح واضحة جدا ( يوم مثالى للعمل ) ايه رأى سعادتك تنفع أى حاجة سوى الأبراج .

وبالنسبة لجملة الصح والغلط مفيش علاقة بين أن نصف الطلبة عاملين كذا والنصف الباقى عامل كذا ، فى حاجة اسمها وثيقة المفروض الطالب يرجع لها عند اجابة أى سؤال ولكن أحيانا الطالب الشاطر شوية والذكى الذى يوظف ذكائة خارج حدود الوثيقة ويحلل أحداث الوثيقة تحليل غير موجود فى الوثيقة أصلا هو الذى يقع فى الأخطاء التى لا يقع فيها الطالب المتوسط .

عموما زى ماقلت هذا نصيب وقدر وكله ان شاء الله خير لأن ما يأتى من عند الله فهو خير وان يبدو ظاهره شر لنا
كتب الله الخير للجميع ووفقهم اليه .:slap1qk6:

أوعــى تخــاف ....
 

صـــح وعـيـــن الصـــح وســوف تــأخــذ الدرجة كاملة ان شاء الله ، سواء فى النصف أو أول الجملة الوضعين كلاهما صح . ربنا يوفقك .:av4056bb7jp3:

يا استاذ اشرف ممكن حضرتك تكتب حل الوثيقة تانى معلش

التوفيق لجميع الطلاب

السلام عليكم

لو سمحت يا مستر أشرف رد عليا بموضوعية

انادلوقتي عملت رقم خمسة غلط وانا مقتنع بكدة مليووون في المية

لو سمحت قلي وفهمني هي لية صح

وقلي هو في حد في التصحيح اتناقش فيها ولا لا

اصل انا شفت مدرسين عملينها غلط

لو سمحت رد عليا وفهمني

وجــهــــة نـــــظــــــر ......
 

يا ابنى يا عمر بارك الله فيك ، على ما يبدو ان حضرتك ذكى شويتين وبتشغل دماغك أكثر من اللازم عشان كده لو رجعت للوثيقة وبالتحديد لكلام هنرى تجده بيقول ( أنه سكن عند صاحب العمل الذى كان يقدم أيضا لهم الوجبات )

فى الوثيقة هنرى يتحدث هنا عن نفسه ، أما فى السؤال واضع الأمتحان هو الذى يتحدث عن هنرى وزمن الجملة فى المضارع ليس له علاقة أبدا بالزمن الذى يتحدث فيه هنرى عن نفسه .
عشان كده حضرتك أخطأت لأنك شغلت دماغك أكثر من اللازم والموضوع أبسط من ذلك وبعدين زى ما فيه بعض الزملاء حلوها خطأ الكثير حلوها صح مع ابنائهم الطلاب ومع نموذج الأجابة يقف الكلام لحد هنا لأنه ليس من العقل البكاء على اللبن المسكوب مش كده ولا ايـــــــــــــــــــــــــــــــــه ...........

بارك الله فيك مسيو اشرف وزادك الله رفعه وعلما وباهى بك ملائكته امين
عندى تعليق فى جمله Avant de لو هوه عادى تيجى فى الاول او فى النص ليه بدأها بحرف كابيتال وفى نفس الوقت بدأ en general بحرف سمول وفى نموزج الاجابه لم يعلقوا على هذه الجزئيه وارجوا التوضيح . جزاكم الله خيرا

أولا يا مستر شكرا على ردك

ثانيا أنا لا أبكي على اللبن المسكوب

ثالثا للأخذ بالعلم انا السنة اللي فاتت كنت الأول على المدرسة
والحمد لله عملت كويس في التفاضل و الانجليزي اللي كانوا موت

رابعا انا الحمد لله كويس جدا في الفرنساوي واخد كورسات كتيره فيه
لدرجة اني مكنتش بحفظ المواضيع
ودخلت الامتحان من غير حفظ

خامسا وأخيرا ودة الاهم
ان انا شايف مفيش فارق ان هنري بيتكلم عن نفسه او الكاتب بيتكلم عن هنري
لان لالزمن واحد
انا بقول ان انا سكنت عند فلان واكلت عنده
الككاتب المفروض لما يتكلم يقول هو سكن و أكل
ميقلش هو بيسكن و بياكل
عشان الحدث دة حصل وخلص في الماضي والكاتب مش موضح هو اتكرر ولا لا
فالطبيعي انه لن يتكرر

وغير كدة ان كونه سكن عند صاحب العمل لا يعني انه كان ساكن في مكان العمل

منتظر الرد

ولو سمحت قلي حد اتناقش فيها في التصحيح من المدرسين ولا لا ؟؟؟؟؟؟ظ

طيب انا بتاعت art&lettres عملتها at&cinema
صح

أستاذي العزيز
أسف في اللفظ يعني
هو ليه العملية فيها خيار وفاقوس
اشمعنى اللي عمل de هاتحسبوها صح مع ان ده في المنهج وبكدة يبقى طالب مش مذاكر ، واللي ما عملش كارت مدرسي يبقى غلط ، مع أن والله العظيم تلاتة ان مدرسي قالي أثناء الدرااسة انه طالما قالك الجنسية تقول كارت فقط ولا تقول كارت مدرسي ، حراااااااااااااااااااااااااااااااااام والله
ممكن تجاوبني أرجوك أحسن هاتجنن

أنا عملت carte scolaire مذكرة وليست مؤنثة هنقص عليها قد إيه

طاب معلشه يا استاذ انا عملت en general في النص وكتبت الجمله دي(je vais a lecole en general tout les jours sauf le (vendredi ل الجمله دي صح

طيب لو je regardais صح ولا غلط

ياريت الرد يا مسيو انا عملت arts et cinema بدلا من arts et lettres هل دة صح ولا اية ؟.... ربنا يستر ... وارجو الرد

الـــــــــرد واجـــــــب ....
 

على فكرة هناك فنيات لواضع الأمتحان فيما يتعلق بالأزمنة التى يكون لها تأثير فى صحة الجملة أو خطئها وهذه الفنيات غير موجودة فى هذه الوثيقة وأرجو الرجوع لوثيقة 2006 دور ثانى ووثيقة 2008 دور أول تكررت كثيرا موضوع الزمن بالوثقية وعلاقته بسؤال الصح والخطأ ولكن حضرتك تأثرت كثيرا بهذه النقطة وأسقطها على امتحان 2010 ولم تنتبه أن هذا وصف ومن حق واضع الأمتحان أن يضع الفعل فى المضارع بغض النظر كان الوصف فى الماضى لأن زمن الجملة لم يترتب عليه تغيير فى الأحداث مثل وثيقة (2006) ،( 2008) .
بالتأكيد فيه أخوة مدرسين تناقشوا الجملة وكان هناك من هو يؤيد رأى حضرتك ولكن هناك نموذج اجابة يجب الألتزام به وأنا مقدر حرصك على الدرجة لأنك شاطر ومتفوق وعموما ربنا يوقف لك ولاد الحل من المدرسين فى التصحيح بصفة عامة .
وبالنسبة لمن كتب arts et cinema ان شاء الله صح .
ولمن كتب الفعل فى الماضى الناقص زى ما قلت قبل ذلك ان شاء الله صح .
وموضوع Avant de و En general سواء مكتوبة كابتل أو صمول بلاش الأفكار الكلاسيكية فى التدريس ، هذه لغة وليست قوالب طوب يعنى avant de تأتى فى أول الجملة أو فى المنتصف لن تؤثر على سياق الجملة المهم أنها تاتى مع الحدث الثانى . وكذلك en general تفرق ايه لو بدأت الجملة " بصفة عامة " أو وضعتها فى نهاية الجملة .
وبالنسبة ل carte scolaire لو عملتها مذكر ، ان شاء الله هاتكون صح لأن الخطأ الأملائى طالما لم يغير من شكل ومعنى الكلمة يمشوها صح .
وأخيرا موضوع d' و de لوحضرتك كنت عامل de كنت زمانك فى نفس الموقف وبتطلب أن يمشوها صح وان كان عدل الله أن يحاسب على ال ( ' ) ولكن عشان تبقى متأكد أن التصحيح له روح مش قوانين والمدرسين يمشون عليها وعموما ربنا يوقع أوراقكم فى يد من يرحم ويتعاطف مع كل من أخطأ .:078111rg3:

لا تـــــخـــاف واطـمئـــــــن ....
 

ان شـــــــــــــــاء اللــــــــــــــه صــــــــح ، طالما انت كتبت كلمة arts سوف تأخذ الدرجة كاملة وقولوا يـــــارب .:022yb4:

مرسي لحضرتك بجد انا كنت عاوزة حضرتك تقيمنى اجيب كام ....اولا انا حليت الامتحان كلة صح الحمد لله ..بالسبة لابواب الجريدة انا عملت arts et cinema ....وبالنسبة للجملة رقم 7 في الجرامر انا عملتها مرة بتبعية وتحتها علي طول من غير تبعية ......والجملة رقم 6 سهوا منى ضفت حرف زيادة وكتبت الجملة كدة"la fille les lui offriras" يا تري اجيب كام مع العلم ان موضوع الخطاب كتبت صح من دون اخطاء الحمد لله ....... ارجو الرد وشكرا جداااا لحضرتك

طيب لو كتبتها artوسينما يعنى مفرده؟؟

لو سمحتوا يا جماعه حد يرد عليا ضروري

شكرا يا مستر أشرف على رد حضرتك المحترم

وجزاك الله كل خير

اى جملة مكتوبة صح فى كون جمل تاخد الدرجة وبالنسبة لجملة arts et cinema jتاخد الدرجة كاملة انامقدر درجات فى التصحيح وربنا يكرم الجميع

انا بقا مبدله اتنين مكان بعض فى الاسماء يارب ما ياخدوا بالهم منها او يحسبوهالى صح

ميرسي يا مستر

الحمد لله ان مدرسين المنصوره كويسين فى التصحيح بس انا بسمع ان فى ناس فيهم مبترحمش

تقريبا اى جمله تتحسب صح بس اهم حاجه الكلام يبقى مظبوط ومافيش خطأ

وان شاء الله تتحسبلك صح

استاذي الفااضل
انا كتبت الصح و الغلط علامات
√ × و لم اكتبها كلمات
هل تحسب غلط ؟
ارجو الرد سريعا

سؤال للاستاذ\ الليشى

هو أنت كنت بتصحح الورقة كلة والا السؤال بتاعك بس؟؟!!!!!!!!!!
وبلاش لعب ب أعصاب الطلبة واللى أتكتب أنتكب وخلاص ومش مرة تقول دى حتنحسب\ ودى لا \ودى ممكن \هو تصحيح ولا (مكوى)
أنا كنت بصحح السؤال الخامس فى قطاع الاسماعلية والحمد اللة الطلبة كلة مجوابة وربنا حينجح الجميع وبلاش الفزلكة اللى ما لهاش لازمة !!!!!!!

دا كلام سليم

في رأي رالشخصي أن امتحان الثانوية العامة لهذا العام هو أبسط نماذج امتحانات الثانويةالعامة التي وردت ولا أجد مبرر لكل هذا اللغط حوله وجزي الله كل من اجتهد علي قدر مجهوده إنه نعم المولي ونعم النصير