شعورك ايه لما تلاقي مشاهدات كتيرة على موضوعك ومتلقيش ولا رد ؟والله حاجة تكسف
 

هى فعلا حاجة تزعل
أكدب يعنى وأقولك مش تزعل
لكن بصبر نفسى وأقول كله عند الله
المهم يكونوا استفادوا
يمكن بيخافوا من الأخطاء الإملائية
وعلى فكرة فيه ناس اقترحت أن المنتدى يكون بنظام ضع رد ليظهر لك المحتوى
عارفين الحكاية دى طبعاً
بس بصراحة
الادارة والمسئولين عن الموقع رفضوا لأنهم اعتبروا ما يقدمونه خدمة دون مقابل
حتى ولو كلمة شكراً
وأخيراً أقنعت نفسى أن ما أقدمه لوجه الله جزاؤه عند الله
تصدقى ارتحت






خالص الشكر والتحية على موضوعك الرائع
تقبلى مرورى

بصي والله انا بزعل شوية

بس بضحك على نفسي واقول ما يمكن المشاهدات دي من الزوار اللي مش متسجلين

او يعني يمكن الموضوع مش عجبهم

وفي الحالة دي بيجيلي احباط

بس زي ما قالت الاستاذة ام شاهندة

انه بيحتسب عند الله سبحانه وتعالى

شئ مؤلم جدا جدا

ولكننا نعتبر عدد المشاهدات ردود !

وعدد التحميلات ردود !

وثواب الله أعظم وأجل

الموضوع عادي جداا
انا لو هزعل يبقي مش هكتيب مواضيع تاني
انا مسجلة في المنتدي من 2008
كان في الوقت دا
انا كنت بكتب موضوع بالليل وشوف اصبح الاقي ردود
ونقاش كثير جداا
وناس تقعد تتنقاش في نفس الوقت
ام دلوقتي الحال اختلف كثير
ع العموم شكراا ع الموضوع

عادى جدا المهم استفادة الاعضاء والمشاهدين من الموضوع ان كان به افاده
اما موضوع الردود فاعتبره تواصل من الاعضاء ومناقشه للموضوع او مجامله
وطبعا الاحسن الرد والمناقشه
مشكوره

الموضوع مؤلم جدا ويزعل انا هضيف حاجة واحد

العضو صاحب المشاهده هو اللي خسران

و خصوصا اللي مش مسجل في احلي وأكبر منتدي في مصر والعالم العربي

المشاركه والمناقشة ده تميز وانا نفسي الكل يكون متميز

بس الحمد لله احنا متميزين

انا أديت الصدقة (المعلومة ) من غير ماعرف هي رايحة لمين وكده او كده خت الحسنة يعني انا كده او كده اللي كسبان لو شكرني علي المعلومة يبقي كتر خيره انسان محترم ولو عمل غير كده برضه أنسان محترم


العلم رسالة مش مشاركه خليها علي الله وانا والله بحبكم في الله

طبعا بدون لف ودوران وادعاء المثاليه
أنا بزعل وببقى هفرقع كمان
هو أنا كاتب الموضوع علشان أحمصه ولا أهوى عليه ؟
شكرا ع الموضوع الجميل

بالنسية للردود

العبرة عندي بالكيف لا بالكم

فهناك رد على الماشي

وهناك رد يعبر عن فهم الموضوع والغرض منه

وهناك رد يضيف معلومة للموضوع

أما حجم المشاهدات فهو أيضا مهم بالنسبة لي لأنه يعبر عن كم الافادة المقدمة للآخرين

وإن قلت المشاهدات فربما لأن عنوان الموضوع غير جذاب

أو أنه مكرر مثل ( حدث في مثل هذا اليوم )

أو ربما أكون أسأت إختيار الموضوع

فأستفيد من أخطائي ولا حرج

تتعوض في مواضيع أخرى

وفي النهاية ( موضوعك غاية في الروعة ويمس كل الأعضاء خاصة النشطين منهم )

الصراحة هوا موضوع يكسف فعلا
مش عارف ليه الناس بتكسل ترد
وفيه ناس حتى لو ردت بترد ردود تافهة ملهاش لازمة
انا طبعا مش بتكلم على المنتدى هنا لاني لسة جديد
ومش عارف النظام بالظبط
لكن بتكلم على منتديات تانيه كتير
وطبعا الاتنين بيعملوا احباط لصاحب الموضوع
وانا عن نفسي بضايق جدا لو ده حصل معايا
وربنا يهدي

هو بجد حاجة محرجة اوى بس متهيألى ان الوحد لما يكتب الموضوع بيبقى كاتبه عشان الاستفادة او عشان يوصل معلومة والمفرود بردو اللى بيرد يبقى نفس الحكاية
اما بالنسبالى بقى فزهقت م الحكاية دى فقولت اريح نفسى ومعدتش اكتب مواضيع منعا للاحراج:):)

اكيد بزعل شوية بصراحة بزعل اووى
وميرسى ليكى على الموضوع الجمييل دا

بصراحة بتكون حاجة مستفزة جدا وبزعل جامد لدرجة اني اعتقد ان اللي بيدخلوا كارهيني ولا في حاجة بيني وبينهم

وساعات والله ناس بتدخل الصفحة ومكتوب اسمها ولا ترد حتى بأي كلمة

لا ان شاء الله

الناس كلها ترد ع مواضيعكو

انا فعلا وةالله ببقي زعلانة واقعد رايحة جاية عليه وببقي نفسي يتحذف احسن والله

وكمان في موضع اي حد بشارك احنا فعلا مش ورانا حاجة وبحس بالفشل بقي انا تعبانة وجيبة الموضوع ومحدش يشارك فيه ليه يعني

بس الحمد لله لما بلاقي الموضوع يزيد صفح بصفح بفرح جدا

والحمد لله الواحد بيرضي بكل الاحوال بس بيبقي في زعل بسيط يعني

والله الواحد بيزعل من جواه
وياريت كل واحد يدخل موضوع يرد عليه
يعني عايزين عدد المشاركات تبقي زي عدد المشاهدات
او اقل بشوية
شكرا علي طرحك الموضوع ,
تحياتي ...

انا فى الاول كنت بزعل جدا واقول مش هكتب مواضيع تانى ولاهشارك فى حاجة ولكن كلما رايت شئ يفيد المنتدى برجع فى كلامى وبنزله لكن مع مرور الوقت اتعودت على كده

قد نحزن ولكن الاجر عند الله ونسأل الله تبارك وتعالى ان ينفع بكل ما تقدمونه انه ولى ذلك والقادر عليه وطالما ان انتى متفاعلة كذلك ارجو ان تعطينى رأيك فى موضوع (هل تريد الجنة هاااام )فى القسم العام .... أسأل الله ان ينفع به .. وجزاك الله كل الخير
اختكم فى الله
عزتى نقابى

هى حاجه تزعل وخصوصا انك
بتتعبى ف الموضوع ده
تم التصويت

اكيد الحاجة دي بتزعل ، وبحس ان موضوعي مأثرش في اي حد ، وبالتالي هفقد الثقة بموضوعاتي .

انا لما اشارك في موضوعك برد ، يبقى ظهرت فيه ، وضفت معلومة لكل اللي هيقرأ الموضوع ، + انك عرفتي بعد كده ان Zika او غيره ناس بتدخل الموضوعات وتشارك وتتفاعل .

ساعتها لما هتلاقي موضوع مكتوب من Zika داخل القسم هتلاقي الفارة بتجري على الموضوع لانك واثقة ان اللي كاتب الموضوع عرفتيه من خلال ردوده وهكذا

اما اللي لا يساهم في المواضيع فهو يستفيد ولا يفيد ، ومعلش في المثال (الحمار لما بنأكله) بينفعنا ^^

وتقبلي مروري