|
وقفتنا الأحد 25/7/2010
بسم الله و باسم مصر و ما نيل المطالب بالتمنى و لكن تؤخذ الدنيا غلاباوقفتنا الأحد 25 / 7 / 2010 الساعة 12 ظهراً أمام وزارة التربية مطالبنا : التثبيت و زيادة الرواتب و حق قدسية مهنتنا يجب أن نكون مُكرَمون فى هذا الوطن أكثر من كثيرين و لا احنا خوافيييين أكتر من كل قطاعات الشعب تذكر بالخوف و السلبية ستبقى معدم طالب بحقك و حق الوطن من قبلك Facebook http://www.facebook.com/group.php?gid=133325813357265 مرة واحدة يسمعوا صوتنا و بعدها مش هنخاف تانى يجب أن نضغط يجب أرجوكم يا معلمى مصر لا تتنازلوا عن حقوقكم و إن كان على الميزانية فهى مش خربة جداً و لكنها مسألة أولويات |
ونفس الشىء يكون لمعلمى الازهر امام مشيخه الازهر فى حاله عدم حدوث جديد فى شهر 7 كما وعدونا
|
معاكم يا جماعة
وياريت كل واحد مؤيد للموضوع ده يدخل ويسجل تأييده واستعداده وان شاء الله هنعمل صفحة على الفيس بوك لدعوة كل المعلمين المساعدين لهذه الوقفة وياريت ننشر الخبر لكل الأصدقاء خارج المنتدى خلاص زمن الشجب والاستنكار انتهى |
معاكم ياجماعة
وعلى بركة الله ناحد حقنا |
صح الصح ينصر دينكم :049gc0::049gc0::049gc0::friendsxs3::friendsxs3::f riendsxs3: |
انا كمان معاكم بس 8/8 ده بعيد انا اقترح انه يكون يوم 20 /7 او قبل ذلك عشان شكلها الوزاره ناويه تخلينا نستنى زمايلنا على بال ماياخدو الاى سى دى ال براحتهم
|
هو ده الصح
|
8/ 8 موعد سهل و مناسب و نكون تأكدنا من نية الحكومة
|
اقتباس:
ان شاء الله انا معاكم |
انا رأئي اننا نبدّر اكتر من كده شويه
بعني في اخر 10 ايام من شهر سبعه يبقى بانت لبتها |
والله افضل ميعاد 20/7 ونجهز نفسنا
ثبتونا خير لو محصلش يبقى غصب عنهم يثبتونا فى 8 لكن لو استنينا لغايه شهر 8 يبقى احنا بنضيع وقت اكتر من الوزاره |
معلش يا جماعة انا شايف انه 8/8 مناسب
و يكون كثيرين علموا بهذا الموعد و لازم الحكومة تعرف نيتنا علها تستجيب قبل الوقفة و ننشر القضية اعلاميا ده احنا معلمين يا ناس معلمين يا حكومة و هيكون باقى شهر و نصف على بداية العام الدراسى إياكم و الاختلاف زى فتح و حماس |
اخى الفاضل الاستاذ اشرف حدد انت اى يوم فى شهر 7
واحنا كلنا معاك والخبر كلنا هننشره بسرعه البرق متخافش |
يوم الأحد 25 - 7 - 2010 ....... موافقون ؟
يوم الأحد تكون البلد هادئة .. لكن الوزارات شغالة و برامج التوك شو كلها شغالة و الناس تحس بينا بقى |
اوكيشن بس ليه كل مواعيدك ايام احد
عموما كويس |
عدلت مشاركتى الاخيرة
|
معاك يابرنس
|
20/7 كويس
كل ما كان بدرى كان احسن |
انا شايف ان مشاهدات الموضوع 120 والمشاركات 12 فقط يعنى 10% بس اللى مهتمين ومستعدين
والله حاجه تكسف |
كل مافظة الفيوم معاكم بأذن الله ويوم 25/7/2010
|
كل معلمى كفر الشيخ معاكم ياجماعة ودى فرصة لكل معلمى التربية والتعليم اساسى وعقد لكى يكون لهم صوت وكيان
|
بارك الله فيك يا أستاذ أشرف عبدالحي
سبقتني لإنشاء الصفحة أنا طبعا انضميت والميعاد الجديد مناسب بالمناسبة ايه حكاية يوسف نبيل ده أنت برضه ؟؟ |
المهم الناس هتعرف ازاى؟
أنا حاسس بصراحة إنه شباب المتعاقدين فى أغلبهم مش بيتابعوا أى وسائل إعلام و لا الناس خايفة و إشمعنا احنا اللى خايفين ما هو البلد فيها كل يوم احتجاج ده احنا عددنا مش هيقل عن 5000 واحد بإذن الله من الموجودين قرب القاهرة و الدلتا و شمال الصعيد |
احنا مش قادرين نتفق على اليوم
اى يوم المهم نتحرك |
السلام عليكم ورحمة الله وبركاته
أخوكم محمد من الإسماعيلية يا جماعة مينفش كده لازم نتفق مع بعض علي معاد محدد يا يوم 20/7 يا يوم 8/8 إذا كان مش عرفين نتقف علي مااااااااعد محدد إزاي هقدر نتكلم قدام المسئولين ارجو الاتفاق علي ميعاد محدد أخوكم محمد متعاقد من الإسماعيلية |
انا معكم فى الاسكندرية
وها اجمع كل اصحابى واكلم كل اللى اعرفه |
يا ريت نتعرف على بعض أكثر يا جماعة
كل محافظة يتجمعوا مع بعض ويتعارفوا علشان جدية الموضوع بالنسبة لي أنا من الشرقية مركز فاقوس نداء لكل الأعضاء من الشرقية ( الجادين فقط ) أن نتعارف ونتواصل علشان يوم التحرك نكون سوا ويا ريت كل الأعضاء من مختلف المحافظات يعملوا نفس الشىء علشان لا نتراجع |
اليوم 25/7/2010 يوم مناسب لكل المتعاقدين
|
يا جماعة خلاص إن شاء الله استقرينا على 25/7 الميعاد اتحدد خلاص يا ريت نشوف الخطوات التانية التجمع والتواصل بين المراكز والمحافظات نشر الخبر وبالنسبة للإعلام ادخلوا على أي موقع للجرائد المنتشرة على الانترنت وراسلوا الموقع واعلنوا الخبر واكتبوا صفحة الفيس بوك للتأكيد وكثير من الجرائد هتنشر الخبر لأنهم بيحبوا الحاجات دي فلنبدأ من الآن |
اقتباس:
مش بس اسكندرية بورسعيد ودمياط واسماعيليه والدقهلية والشرقية والغربية وحلوان وكل المحافظات لازم نكون ايد واحدة ووقفة واحدة |
أنا أحد أصدقائي محرر في جريدة الدستور
إن شاء الله هبلغه الخبر |
على بركة الله يا ابطال وان شاء الله موفقون يوم 25/7/2010 وما ضاع حق ورائة مطالب
|
أنا إسمى الحقيقى يوسف نبيل
|
يا جماعة انا شايفة ان الافضل يكون يوم سبت عشان يكون اجازة او يكون بعد الساعة 2 ظهرا
لأن التجمع فى وقت العمل حيكون مبرر للتحقيق مع المتعاقدين |
تم الاتفاق على يوم 25/7 ومفيش اسهل من نشر الدعوه وعلى فكره احنا عملناها قبل كده فى محافظه سوهاج وكان العدد فعلا كبير فما بالك بموضوع زى التثبيت طبعا اولى واهم
|
لابد من احضار كل المستندات الخاصة بنا حتى تنشر فضائحهم وسائل الاعلام المختلفة
|
الاخ خايف من التحقيق ومش خايف على مستقبلة
|
اعقلها وتوكل
|
شوفوا اللى ينفع و ياريت نستعين بأى خبراء قانونيين أو محامين و نسألهم عن بعض الأمور
لكن بلاش إتصال بأى أحزاب أو جمعيات لكى لا يقولون أن الموضوع وراه أهداف و خلفيات سياسية إحنا المعلمين يا جماعة إحنا المفروض (ناس تقيلة) و احنا المفروض ضمير البلد دى. صدقونى لازم نتأكد من قدسية مهنتنا علشان نعرف ندافع عنها و عن كرامتها. و كمان مهم إنه يكون عدد المشتركين فى مجموعة الفيس بوك كتير علشان ده أظن يعطى ثقل للقضية. |
انا عايز اقول كلمة واحدة والرجل الصح هو كلمة انا معاكم بكل ما املك وكل جوارحى
وعلى فكرة هكلم بردة رئيس تحرير جريدة الجيل وهو من احد معارفى الذى اعرفه معرفه شخصية وجلست معه مئات المرات ولكنى لم اكلمه عن هذا الموضوع ابداااا لكن ان شاء الله سأتكلم معه وسأدعوه لكى يقوم بتغطية الوقفة كاملة ان شاء الله وأظن أنه لن يتأخر اطلاقاااا يا رب نصدق مع انفسنا لانفسنا |
ايو كده يارجاله الفكرة دي كانت في كل الخوطر بس مش عارفة تطلع للنور
انا معاكم و كل اللي اعرفهم الميعاد 25/7 الاحد مناسب جدا |
الرجاء من المشرفين تثبيت هذا الموضوع
|
احنا معاك يا ريس
انا اشتركت فى الجروب بس يا ريت تظهر عدد المشتركين |
طيب ومتعاقدي الازهر ممكن نشاركم ونزود العدد
|
سوهاج كلها معاكم
ايوه كده يارجالة اخيرا والله العظيم بقالي سنه مستني الكلام ده 100% يامستر المهم عدم التراجع وابلاغ جميع وسائل الاعلام |
انا معاكوا يا جماعه
وربنا يوفقنا يارب |
هشوف كيف أظهر العدد؟ لأنى مش محترف فيس بوك
و كل من يهمهم صحوة مصر من غفوتها و يهمهم أمر التعليم و العلم هم مدعوون للمشاركة معنا بكل الوسائل, ماعدا الإتصال بالأحزاب و جمعيات التغيير. |
اقتباس:
يعم ازهر او تربية وتعليم القضية واحد وانا ازهر ومعاكم المهم كل واحد يجمع اكبر عدد ممكن من الزملاء وانا بكره هنشر الفكرة في مركز التصيح |
اقتباس:
لا تراجع ولا استسلام |
وكل معلمى الازهر معاكم احنا كلنا فى قارب واحد لننجى كلنا لنموت كلنا وربنا معانا على الظالمين
|
| جميع الأوقات بتوقيت GMT +2. الساعة الآن 11:18 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.