حصل شيء مؤسف اليوم..........والله حررام
 

كنت فى المدرسه انهارده واحد الزملاء بقوله ياريت الواحد مجه الانهارده كنت عيان وجيت
تصوروا يرد يقول ايه ( انت جاى ليه انتوا مالكوش لازمه لسه اساميكم بالرصاص يابو عقد هههههههههه) طبعا انا اتحرق دمى معرفتش ارد
شوفتوا الاهانه الى المعلم ابو عقد فيها هو متثبت ومش فارقه معاه

منه لله الى كان السبب

هنعمل ايه نصيبنا كده ........ ولك يوم يا ..................

على فكرة مش كل المدارس بتعامل المتعاقدين كده معلش ربنا بسامحهم
كنت فى الاول بتعامل بنفس الطريقة بس لما مبقاش غيرى مدرسة للمادة اتغيرت المعاملة و بتعامل زى المدرسين العادين ويمكن احسن كمان

الاحترام مازال متبادل من الطرفين الدائم والمؤقت عندنا

شخصيتك هي من تحدد كيف يتم التعامل معك
الكلام ده فاضي
انت لازم توريهم العين الحمراء

مش ضعف شخصيه
 

الكلام موجه لجميع المتعاقدين الاهانه مش لشخصى انا كله بيحترمنى ويمكن محدش زى فى المدرسه بيحبوه بس الكلام كان على المبدأ بمعنى انك متعاقد مش هتفرق مع الحكومه جت زى ماجتش او بمعنى ادق انت بتسد عجز وخلاص

شخص ناقص
 

الانسان اللى يقول الكلام دا ناقص اكيد فى حاجة ناقصة فى حياتة طلع عقدة عليك وللاسف اللى زى دة هوة اللى بيطلع عقدة على العيال فى الفصل ويحصل للطلبة اللى بنسمعة فى الاعلام يبقى مين اللى بوظ التعليم الانسان الناقص اللى زى دة ........................

على فكرة الإنسان هو اللى بيفرض نفسه وشخصيته فى اى مكان يروحه
وانا متعاقد اخذت المعلم المثالى هذا العام مع العلم كان فى أسا سيين كتير معايا

ساعات بتحصل معانا المواقف دى

بس بنرد بقوه معلومتنا

وباننا احسن منهم

يا جماعه احنا متعاقدين اقل وحد فينا تقديره جيد جدا

اما المعينين

اللى مقبول والى شغال وهو معاه ماده من رابعه كليه

وبرده كان فيهالمتفوق

دول كانو بيتعينوا وهما بيمتحنوا رابعه كليه

ان شاء الله لينا يوم نكون احسن منهم

الاحترام مازال متبادل من الطرفين الدائم والمؤقت عندنا

ليس الانسان بالتعاقد ولا بالتثبيت
هناك معلمين بالعقد أقدر وافضل من غيرهم المثبتين
وهناك العكس
هذا شخص مريض لو كان يقصد المعنى
وقد يكون يحب الهزار ولكن لحساسية حضرتك من الموضوع أسأت فهمه
على العموم
الله سبحانه وتعالى لا يعامل بالعقود ولا بالتثبيت
يعامل بالنيات
أحسن الظن بقصده
وربنا يفرح قلوبكم بتثبيتكم قريباً إن شاء الله

لالالا من المعروف والمشهور جدا
معاملة المتعاقد على انه نصف مدرس او بالقلم الرصاص
حصص احتياطى مشاور الادارة معاملة غير لائقة
دى شكوى عامة
يارب نتعين من اجل تحسن وضعنا

اقولكم المفيد ليس بالاستعطاف والانكسار واظهار اننا مكسورين الجناح سننال حقوقنا
كن انت نفسك محترما فخورا بها اى ان كان موقعك ولا تهن نفسك ولاتشعرها بالنقص فينتصقك الاخرون
وتعامل مع الكلام دون ادنى حساسيه واشعر فى نفسك بعزه وانفه والفرق بيننا وبين الاساسيين السميه اساسى ومتعاقد
لا تستعطف احد كن عالى الهمه اجبر الجميع على احترامك
انتم متعلمون فكونوا فخورين بذلك

اقولكم المفيد ليس بالاستعطاف والانكسار واظهار اننا مكسورين الجناح سننال حقوقنا
كن انت نفسك محترما فخورا بها اى ان كان موقعك ولا تهن نفسك ولاتشعرها بالنقص فينتصقك الاخرون
وتعامل مع الكلام دون ادنى حساسيه واشعر فى نفسك بعزه وانفه والفرق بيننا وبين الاساسيين التسميه اساسى ومتعاقد
لا تستعطف احد كن عالى الهمه اجبر الجميع على احترامك
انتم متعلمون فكونوا فخورين بذلك

احنا وريناهم كل العيون ولكن يبقى المعام المتعاقد مهانا من المعلمين الاساسيين الا من رحم ربى ومش فى المدارس وبس دى حال الناس فى كل مكان لا كبير يرحم صغير ولا غنى يعطف على فقير الا من رحم ربى

السلام عليكم ورحمة الله وبركاته
الزميل العزيز إن الفترة العصيبة التي نمر بها الآن ما هي إلا اختبار من المولي عز وجل حتي عندما تمر الأيام والسنون وتكون قيادة في مجالك تشعر بالأضعف منك وتراعي شعوره وتقف بجانبه وتنصره عند الحق ولاتكون مثل البلهاء الذين نتعامل معهم يومياً وتذكر دائماً الرسول صلى الله عليه وسلم ومن قبله نوح عليه السلام وأولو العزم من الرسل وما مروا به وكيف كانوا يدافعون عن مبدأ التوحيد .
واعلم إن كانت دولة الظلم ساعة فدولة الحق إلى قيام الساعة .

انا متعاقدة في الاهر وكنت اتنقلت معهد جديد وفي يوم خلصت حصصي ومشيت من غير مااستاذن منه تاني يوم لقيته بيقولي يعني اشطب عليكي انصراف واحولك للتحقيق وكان الكلام ده بصوت عالي تخيل عملت ايه ؟ اولا رديت عليه ببرود شديد وقلت له لو سمحت متعليش صوتك عليا انا موظفة زي زيك بالظبط تاني حاجه انا بيني وبينك ورقة وقلم اكتب الي انت عاوزه وانا كمان هاكتب الي انا عايزاه ونتحول احنا الاتنين للشئون القانونية انا متعاقدة مش فارقه معايا لكن انت الجزاء هيفرق معاك قوي
والله مافتح بقه بكلمه بعدها معايا ومن ساعتها مايقوليش غير يادكتورة( نظرا لاني حاصلة علي ماجستير)

إحنا والحمد لله بنتعامل كويس

هههههههههههههههههههههههههه
فى ناس كتيير كدة

محدش يردنا كرامتنا غير وقفة 25/7/2010

على فكرة مش كل المدارس بتعامل المتعاقدين كده

عارف هوه قالك كده ليه علشان متأكد انك مش هترد عليه

ان شاء الله لينا يوم نكون احسن منهم

اصبر يا عم وائل كله مسألة وقت

الله عليكى يا استاذة خير الكلام ما قل ودل

مش انت لوحدك والله انا فى الامتحانات عشان منعت مدرسة اساسية انها تدخل تغشش قالتلى مافضلش غير العيال دة غير كلام تانى بس انا ماسبتش حقى وكتبت فيها مذكرة ورجعت اتاسفت وبعدين انا مش عارفة ليه الحقد اللى هما فيه دة علينا ربنا يسامحهم كلهم ونتثبت بقى عشان نبقى زيينا زيهم

الرغبة فى التثبيت والاحساس بالظلم والتفرقه هو شعور عام لدى كل المتعاقدين ,سواء تعرض لاهانه اولا , سواء كانت شخصيته عندها انيميا او بتشيل حديد
حتى مجرد سؤال الموجه لك وهو بياخد بيانتك- وده عادى- انت متعاقد ولا اساسى؟ .......

ان لله وان اليه راجعون
 

حسبنا الله ونعم الوكيل فى كل من ظلمنا:frown::frown::frown:

اخى الغالى ممكن ان يكون من باب المداعبة او الهزار و دى بتحصل كتير فى كل المجالات حتى عندنا لو جه مدير مدرسة او حتى وكيل جديد بنقوله نفس الجملة

التمس لاخيك سبعين عذرا

فى امان الله

الأخت العضوة ( نسمات هادئة ) تذكرينى كثيرا بنفسى

وبعد أستاذى الفاضل

لايحزنك قولهم فهذا حال النفوس البشرية الضعيفة فلا تلقى لهم بالا
ولكن لتتخذ أجراء حازم أذا لزم الأمر

للعلم كلام الاستاذ وائل صحيح لعلمك كثير من المدارس والمعلمين الاساسيين ينظروا للمتعاقدين بهذه النظرة ويتضايقوا عندما يشعروا اننا سنتساوى معهم
وتان القصة ليس لها شأن بالشخصيه ولا العين الحمراء زى ماحضرتك بتقول والموضوع ده حصل والله فى كثير من المدارس وانهم يوكلوا اى تقصير او اهمال للتعاقد حتى وإن لم يكن التقصير فيهم!

اخى
كثير منا يخطىء عندما يظن انا مايملكه من مقومات يتميز بها عن الاخر قد تدفعه للتعالى او للسخريه
ولكن هيهات هيهات بين شخص يحترم نفسه وشخص يفضل اهانتها
فنحن كلنا اصحاب رساله مثبتين وغير مثبتين والاقوى والابقى من من حمل هذه الرسالة بصدق دون النظر الى مقدرات الامور ففى النهاية اجرك وثوابك لا يعلمه الا الله ولك ان تفخرا بهذا التكليف ولا تنظر الى من حمل الرسالة خطأ فهم كثيرون وحسبنا الله ونعم الوكيل فيهم
تحياتى اليك

زعلان ليه احنا درجة رابعة
العامل افضل منا لنا الله
رغم ان حنا والحمد لله بنتعامل كويس

على فكرة مش كل المدارس بتعامل المتعاقدين كده معلش ربنا بسامحهم

عفوا ولكن شخصية الفرد وطبيعته هي التي تجبر الأخرين على معاملته بالصورة التي يسمح بها
معلش لو انت محسسهم ان العقد ده مش فارق معاك ولا له لزووم كل واحد يلزم حدوده. انا شخصيا في مدرستي الحمد لله مميز جدا وبالرغم من ان في مدرسين اقدم مني لكن اثبت نفسي ومحدش يقدر يتجاوز حدوده لأنه هرد عليه وهحرجه.
الكلام كان موجه لك شخصيا ولا داعي لتعميم الموضوع على كل المتعاقدين.

انت لازم تورى الأشكال دى العين الحمرا يعنى لازم توقفه عند حده عشان يعرف هو إيه ومستواه العلمى إيه

للعلم انا متعاقد عقد مميز مدرس لغة انجليزية بس اي حاجة تخص الكميوتر وغيرها من الاشياء الادارية بعرف اعملها علي اكمل وحه وكمان عضو كنترول اساسي المهم بقي لو غبت يوم ممكن يتصلو بي وفي ناس مثبتين لو غابوا عـــــــــــــتادي المهم فعلا شخصيتك ومدي تاثير عملك في المدرسة بغض النظر اساسي ولا مثبت

فلنصبر ونحتسب والله على كل شىء قدير

تستاهل ما عندكش لسان

انا لو مكانك اضحك بدل ما اتفرس

لو منك بجد كنت ضربته .......
لان من يفعل هذا الكلام جااااااااااهل والجاهل عندى بعامله بطريقتين حسب نوعه لو جااااااهل فى حاله ولا بسأل فيه وبحاول اساعده عشان يتعدى هذه المرحلة اما لو كان جاهل يتعرض لى فليس له الا ........

انتوا عارفين المشكلة جاية منين
مننا احنا
انت لازم تكون عارف قيمة نفسك وتكون محترم من كل اللي حواليك
وده كله من شخصيتك وشغلك
اللي انت لازم تكون مميز فيه
والكلام ده لكل المتعاقدين ويا ريت متحسسش الناس اللي حواليك انمك اقل منهم

اللى فاكرين انهم بيتعاملو كويس دول باين عليهم بيحلموا هو كل اللى بيحصل مع المتعاقدين دا ولسه بتقولو بنتعامل كويس