|
محتاجلكوا أوى أوى
من يوم مخلصت الامتحانات وانا عايشة ميتة طول الليل كوابيس بانى ممتحنتش أصلا وأرق مستمر بجد حاتى واقفة بنام بعد الفجر واصحى واحدة الظهر وجسمى كله مكسر مستنية النتيجة ع أحر من الجمر بقالى حوالى شهرين مليش نفس للاكل خايفة أوى أوى أوى أنا لوحدى اللى كده وله ايه بالضبط رغم انى الحمد لله متفوقة وحليت كويس بس ممكن ده خوف لضيع امل امى وابويا فيا ياريت حد يرد عليا
|
يا حبيبتى مش لوحدك ولا حاجة
وده دليل أنك إنسانة حساسة لأنك لو مش كدة مش حتفرق معاكى إن شاء الله ربنا مش حيضيع تعبك وإتجهى لربنا صلى وإدعى له وبإذن الله نبارك لك قريب ونبارك بماما وبابا |
بدال قلقانة كدة يبقى ان شاء الله ربنا حيكرمك وحنباركلك قريب ولبباكى ومامتك كمان
والدنيا كلها حتبقى سعيدة بيكى ان شاء الله |
مش تخافى
ان شاء الله خير |
كل اللى فى الثانوى عام ونفسه يحقق امانى والديه لازم يكون خايف
فده طبيعى جدآ ,,, بس اهم حاجه لازم تعرفيها ان سواء خوفتى او لا فالنتيجه واحده وقدر ربنا لا مفر منو فلا داعى للقلق وقربى من ربنا وادعى وربنا يوفقك ان شاء الله بالتوفيق |
ربنا يوفقك انتى ف سنة كام
واحب اقولك انى زيك تمام |
اكيد طبعا متفوقة عشان اللي مش متفوقيين ولا هيفرق معاهم
وزي ما قالت الاستاذة ام شاندة (( صلي )) (( وادعي ربنا )) وحاولي تهدي اعصابك عشان كده غلط عليكي وبالتوفيق للجميع ان شاء الله |
انا بقى اشد منك عذبا لانى خايف اوى اوى اوى وبحلم بكوابيس دائما
|
لو سمحتم هو الطب كان واخد من كم السنة الللى فاتت
|
ربنا يوفق الجميع
|
en sha2 allah rbna ma3ky
we hbarklk 2oryb |
ربنا معاااكى
|
ان الله لا يضيع اجر من احسن عملا
توكلى على الله احنا كلنا كنا زيك بالضبط والحمد لله دخلنا الى احنا عوزينوا |
ربنا يوفقك ومتقلقيش وبعد اما تظهر النتيجة طمنينا
|
ألم تؤد ما عليك ؟ ألم تذاكري ؟ دع الأمر لله تعلقي بما هو أهم : حب الله ورسوله ولا تجعلى الدنيا كل همك حاسبي نفسك على تقصيرك في حق الله واعلمي أن ما أنعم الله عليك من نعمة الصحة والرضا وحب والديك يغنيك عن كل شيء وما قيمة النجاح إذا حرم الإنسان من الصحة أو فقد أحد الوالدين أو ..........؟! عودي إلى الله اجعلي رضا الله هو غايتك لا امتحان في سنة دراسية
دعواتي لك بأن يكون نجاحك عظيما يثلج صدر والديك . |
اقتباس:
أكثري من قول لا حول ولا قوة الا بالله ضعي هذه الآية أمام عينيك : (أمن يجيب المضطر إذا دعاه ويكشف السوء ويجعلكم خلفاء الأرض أءله مع الله قليلا ما تذكرون) لا تتابعي النتائج حتي نهاية الاسبوع لا تجلسي وحدك كثيرا عليك بالوضوء ليلا وتلمسي عفو الكريم بركعتين وأطلقي عنان عينيك بدمعتين رجاء وخوف من الله واعلمي يا ابنتي أنه ما شاء الله كان ومالم يشأ لم يكن فلا يوجد أرحم من الله تعالي بك وكل من هو مثلك خالص الدعاء لك بظهر الغيب أن تنالي ما تتمنين في الدنيا والآخرة وكل من يقرأ هذه الكلمات والحمد لله علي نعمه الكثيرة |
ربنا يوفقك يا رب وتطمئنى باذن الله
وقلوبنا ودعواتنا لكم جميعا بالنجاح والمجاميع العليا |
إن شاء الله ربنا يكرمك ويوفقك وتحققى حلمك وحلم والديكى بإذن الله
|
رسالة شكر
:av4056bb7jp3::022yb4:شكرا جزيلا لكل من انتبه لموضوعى وتمنى لى التوفيق. ان شاء الله فور ظهور النتجة هطمن سيادتكم وان شاء الله ربنا معانا كلنا:022yb4::av4056bb7jp3: |
لا تفكري في الامر كثيرا ودعي الامر لمن بيده الامر وكوني مطمئنة جدا جدا
|
بالتوفيق والنجاح ان شاءالله
|
مش لوحدك بس انا زيك اصحي علي كوابيس النتيجة والامتحانات وده من قبل ما الامتحانات تبدا وخايفة تعبي يضيع ومحققش امل ماما وبابا بس الحمد لله الكل نصحني بان مفكرش كتيبر في النتيجة واسيبها علي ربنا طالما انا عملت اللي عليا انا دلوقتي بصلي وادعي ربنا وربنا معانا جميعا ويوفقنا
|
اعملى زى محمد هنيدى فى الفليم بيسألوة انت بتفكر فى اية كان بيفكر فى افلام كرتون القط والفار وانتوا اعملو زية
ههههههههههههه |
اقتباس:
لالالالالالالالالالالالالالالا انا عن نفسى مش عايز اطمن انا عايز الحلاوة على طوووول :028ja7::028ja7::022yb4::022yb4:ههههههه |
مش لوحدك دا طبيعى انا عن نفسى اهلى بيتحايلو عليا علشان اروح معاهم اسكندريه اسبوعين نصيف وكده وانا مش راضى ومبخرجش من البيت الا للصلاه بس
|
| جميع الأوقات بتوقيت GMT +2. الساعة الآن 03:54 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.