وقفه لمعلمى الازهر
 

اخوانى الكرام معلمى الازهر الشريف كلنا يعرف الظلم الكبير الذى تعرضنا له من خصم فى الراتب العام الماضى وتوحيد جميع العقود براتب واحد 310 فقط مع ان هذا غير مبرر وغير منطقى فكيف يتساوى من عمل فى 2005 مع من دخل سوق العمل فى 2010 الكل يعمل بنفس الراتب وكاننا نعمل بالاجره اجرتنا فقط 310 وفقط طيب عاوزين نفهم ليه اخوانا فى الوزاره لا تتم معاملتهم بنفس الطريقه مع ان عددهم اكبر لا نجد اجابه
لذا ادعوا اخوانى الكرام لاقتراح الحلول لان لا بد لنا من وقفه وخاصه ان فضيله الامام الاكبر رجل عادل لا يعرف الظلم له سبيلا
وادعوا الساده مشرفى منتدى المعلم المساعد بمساعدتنا باحضار كارته مرتب معتمده حتى يتسنى لنا المطالبه بحقنا فى ضوء ذلك
وسبقت وان تحدثت مع مسؤول فى شؤون العاملين فقال عليك بالشكوى واحضار ما يفيد ذلك من زملائك
ايضا علمت اليوم من موظف الماهيات بان الاساسى الجديد 183 اى تم اضافه علاوه 2005 بدلا من 153 اذا فنحن متساوون فى الاساسى فكيف لا نتساوى فى الراتب واذا حدث تفاوت يكون جنيهات قليله وليس 50 جنيه واكثر

وعلمت اليوم ان المرتب الجديد فى الازهر 340 بدلا من 310 اما اذا تم اضافه علاوه دوريه 4 جنيه سيكون 344 والموظف لا يعلم هل ستتم الاضافه ام لا لمتعاقدين

ارجوا التفاعل وليساعد بعضنا البعض

ومرفق صوره مفردات مرتب لمعرفه الفرق تم نقلها من احد المنتدياتhttp://dc06.arabsh.com/i/01682/mti6setohvor.jpg

انتبة من فضلك
 

شهر سبعه في الازهر يتقبض من غير حوافز
وعلي ذلك فان مرتب شهر 8 سيكون
344+ 34 حوافز= 378

احنا عارفين يا استاذ كينج الى تقصده احنا بنتكلم على الزياده الجديده هتبقى كده 30 جنيه زياده يعنى 340 موضوع الحوافز دا حاجه تانيه مش موضوعنا هنا احنا بنتكلم على الخصومات الى اخدوها مننا ومرجعتش مع زملائنا فى الوزاره مرتبهم اكبر بكتير

عودا حميدا يا ابو فوزى الحل ان صوتنا يوصل لشيخ الازهر نفسه وفقط واخوانا المشرفين واجب عليهم مساعدتنا باحضار كارته مرتب حتى يتسنى لنا المطالبه بعوده ما تم خصمه دا الحل فى نظرى

ممكن فاكسات لشيخ الازهر
ممكن خطاب مسجل لمكتب الامام الاكبر لخدمه المواطنين

وياريت اسمع رايك

لو سيادتك قرات الموضع هتعرف ان الزياده فى 2010 هتكون 30 جنيه الى هما العلاوه الى اضافت بتاع 2005
ول عندك معلومات غير كدا قولنا

الموضوع ده منذ سنة ونحن بالمنوفية نبحث فيه وعلي فكرة الموضوع كان ان الازهر بالمنوفية المتعاقدين فيه يتقاضون 310 في حين ان باقي المناطق تتقاضي 344 وبعد عدة مشاوير الي المشيخة العام الماضي ومعنا صور كارتة مرتبات لزملاءنا بالمحافظات الاخري تم الخصم منكم الزيادة باثر رجعي
وكل هذه المشكلة بسبب ان الزيادة التي كانت30% نزلت لنا في المنوفية علي مربوط الدرجة ولكن عندكم نزلت علي الاساسي
ولكن السؤال لماذاتحدث تفرقة بين المناطق الازهرية داخل الازهر الواحد؟ والاعجب من ذلك في المنوفية كل المتعاقدين من2005 حتي 2009 يتقاضون 310 ............. ولكن مثلا في البحيرة تجد اختلاف بين المتعاقدين كل حسب سنة تعاقده. والسؤال من المتحكم في مرتبات المتعاقدين وهل هناك سياسة واضحة للاجور بالنسبة لنا في الازهر ام لا؟
ناهيك عن الفرق الشاسع بيننا في الازهر وبين المتعاقدين في التربية والتعليم حيث انهم يتقاضون اكثر مننا بحوالي50 جنيه زيادة .فلماذا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
حد لو سمحتم يرد ويوضح لنا هذه النقطة وكله بيقول اشتكوا لفضيلة شيخ الازهر.
من المنوفية
المتعاقدين بها

احنا عاوزين كارته مرتب لزملائنا فى الوزاره عشان نقدر نتساوى معهم ونحصل على حقنا كامل

ياريت فاكس شيخ الازهر ونبعته كلنا شكوي

فاكش شيخ الازهر 25883064
يضاف 02 قبل الرقم

رئيس قطاع المعاهد 22923226

الكلام ده اكيد

وهاتكون الساعة كام

ياريت الكل يشارك

السلام عليكم

من الواضح ان في ظلم واقع علي المتعاقدين خاصه الازهريين
المرتب في التربيه والتعليم في فرق عننا حوالي 50 جنيه
ولما سألت الاداري في المعهد قال انا معرفش حاجه
بس كده ظلم

احنا المفروض نبعت فاكسات لشيخ الازهر لانه ممكن ما يكونش عارف

انا فى سوهاج جاهز للفاكسات
وانا على نفسى ها ابعت شكاوى كتير جدا


ومش وحدى فى سوهاج شغال معايه متعاقدين كتييييييييير

ياريت الى جاهز بصيغه فاكس يكتبها ونبعتها لشيخ الازهر وياريت يجماعه الى يبعت فاكس يوقع عليه بالاسم ومحل العمل ورقم البطاقه حتى يمكنهم الرد مش يبعته وخلاص لان الفاكس الى بيرسل من غير بيانات محدش بينظر اليه

لكن الى الان مفيش حد من الساده المشرفين رد علينا
احنا طلبنا منهم كارته مرتب عشان نقدر نطالب بالمساواه مع ان المنتدى ما شاء الله فيه عدد لا باس به من الشرفين المتعاقدين

شكوى مقترحه للامام الاكبر ارجوا ابداء الراى

الابقاء او التعديل حسب راى كل شخص

ياريت يااستاذ محمود تكتبها هنا
او تخليها على اوفيس اكس بى او 2003

اقتراح
عرض المطالب كلها مرة واحدة فى عدة عنا صر
1-التثبيت
2-الخصم الغير المبرر
3-طلب المناطق لا صل شهادة icdl
وبهذا يدرس فضيلته كل هذه النقاط مرة واحدة

يا اساتذة اللى حصل انى الكادر اتصرف للمدرسين المتثتين فى شهر 7 /2009فى نفس الوقت اللى بداوا يخصموا
على راى المثل خد من دقنة وافتله

يا خونا انتم نسين شيء
ومش ملا حظين شيء
ان الدوله تسير في تخبط تام
وهما اصبحوا لا يميزون بين اس شيء
بالله عليكم احنا ها نفضل لحد امتي نحلم ب 3 ----- 4 جنيه

البلد راحه لفين فوقوا بقي
ضرايب وظلم في الحياه
عدم مساواه بين ابناء الوطن الواحد
غلاء رشوه فساد محسوبيه
استحقار واختفاء لفئات
تهميش امراض فقر

هي دي مصر

للاسف ياجماعه الشكوي كدا تبقي غير صحيحه

اولا انا كاتب بأحد المعاهد الازهريه

يعني احنا عارفين سبب الخصم جه منين وعلي اساس كدا مفروض تكون الشكوي
المرتب الجديد اللي هيكون بتاع شهر 8 هيكون 320 مش 340 زي مع بعض الاخوه بيتمنو


المشكله في خصم المرتب انهم بيحسبو العلاوه علي مربوط الدرجه ودي الكارثه اولا ده مخالف لقانون العلاوه

مفروض العلاوه تحثب علي اساسي المرتب
يعني الزياده المره دي 4.8
فعلا الاساسي زاد 30 ج ولاكن علي النقيد العلاوت الخمسه نقصت فرق 30من 4.8 يعني 25.2
عاوزين تتأكدو من كلامي اسألو الكتبه عندكو المشكله هتزيد قوي ونحث بيها السنه اللي بعد اللي جايه لان العام القادم الاساسي هيزيد 36 يعني الاساي هبقي النه اللي بعد اللي جايه 216 بعد كدا هتبقي زياده الاساسي 4.8
يعني مفيش
الكلام مفروض يكون من هذا المنطلق مع فضيلة الامام الاكبر

مرتب هذا العام 320 فقط مش 340

مفروض الكل يتحرك الفجوه بتزيد بين الاساسين والمتعاقدين
كدا مع كل احترامي للساده العمال الاساسين مرتبهم حصلت المدرسين المتعاقدين

انا موافق الاستاذ فهد لان المرتب الجديد مش هيزيد فعلا غير حوالي 20 جنيه يعني هيوصل 330 جنيه
ودا مالهوش علاقة بزيادة الاساسي لان الاساسي هيزيد 183 جنيه بس المرتب هيكون 330 والاستفادة من زيادة الاساسي في مكافأة السنة الجاية ان شاء الله
اما بالنسبة للخصم من المرتب وفي نفس الوقت زيادة مرتبات المتعاقدين بالتربية والتعليم دا لان المتعاقدن بالازهر بيصرفو ال 50 % بتاعت الكادر من 2007 في حين ان التربية والتعليم لسه صارفينها السنةاللي فاتت 2010 وعشان كده بتخصم من متعاقدي الازهر
واللي مش مصدق يسال وبلاش احلام ع الفاضي

اللى قلقنى مش موضوع فرق ال50 جنيه مع التربية و التعليم< مع اهمية الموضوع البالغة>
اللىيقلق فعلا هو تساوى مرتباتنا جميعا=310 دون مراعاة لتاريخ التعاقد او المباشرة "عمال بالاجر"
هل معنى ذلك انه فى حالة التثبيت لن يتم ضم فترة العمل السابقه للخدمة وسيتساوى القديم بالجديد فى المرتب و الدرجة والترقيات....الخ؟

والله يا اخي فاكس وصيغه اكثر من رائعه

بس في ملاحظتين ادعوه الاخوه الافاضل التناقش فيهم في اضفاتهم من عدمه
1- ممكن تضيف للفاكس النقطه دي
نلتمس من فضليلتكم ايضا عوده العلاوات الخمس الماضيه واحتسابها علي اساسي المرتب وليس علي مربوط الدرجه
وذلك تطبيقا لما حدث لنا في 1/8/2009 بعد التعديل الغير مبرر لاحتساب العلاوة علي مربوط الدرجه تم حسابها عن العلاوة الخمس الماضيه ماعدا وهم علاوه 2004 وعلاوه 2005 لانهم صدرو بحد ادني 30 و36

2- عدم ذكر تساوي مرتبت المتعاقدين من 2005 حتي الان
لانه الفرق اللي بيحصل بيكون بسبب احتساب العلاوة الدوريه علي الاساسي وقيمتها اربعه جنيهات كل سنه
وايضا العلاوة التشجيعيه
ممكن بدل النقطه دي نطلب تثبيتنا وبالتالي سوف نحصل علي تلك المزيا

ولكن المشكله الاكبر ويجب التركيز عليها بالصيغه اللي يتم الاتفاق عليها هي تغير العلاوة الماضيه لانه في حالت تثبيتنا علي الوضع ده هتفرق معانا كتير اوي
لانه ممكن يسكنا علي درجه صح بس بنفس المرتب الحالي يعني العلاوة اللي عدت متتغيرش صحيح بعد كدا هحسب علي الاساسي بس بعد ايه بعد خراب مالطا زي ما بيقولي بص علي العلاوة الاربع الماضيه بلاش الخامسه لان لها حد ادني وهو 36 ج
اما الاربعه الباقين 4.8 يعني الاساسي هيزيد في السنه 4.8 مش زي باقي المعنين43ج

والله يااخى انا مليش فى ال

حسابات انا انجليزى وكنت ادبى هههههههه
فياريت حد يكتب صيغه واضحه وتكون صحيحه ميه فى الميه عشان يعرفوا ان احنا فاهمينهم

يا جماعه دا رقم فاكس مكتب خدمه المواطنين لشيخ الازهر الشريف بمشيخه الازهر انا اتصلت بيه وقالى قبل ما تبعت كلمنى وانا افتحلك الفاكس وتبعت والشكوى بتتعرض علي الشيخ

الفاكس 0225907268

نحن ابنائك المتعاقدون بالازهر من خلال المسابقات النزيهه التى تعتمد على اختيار الاعلى تقدير والاقدم تخرجا فالاكبر سنا ما زلنا نعمل بالتعاقد حتى هذه اللحظه رغم صدور قانون كادر المعلمين 156 لسنه 2007 والذى ينص فى ماده 93 يكون شغل وظيفه معلم مساعد بالتعاقد لمده سنتين قابله لتتجديد سنه اخرى بقرار من شيخ الازهر ويجب على شاغلها خلال هذه المده الحصول على شهاده الصلاحيه لمزاوله مهنه التعليم بالمرحله التعليميه الازهريه التى يتقدم لها ويعين بقرار من شيخ الازهر من امضى سنه على الاقل فى وظيفه معلم مساعد وحصل خلالها على الشهاده المشار اليها وثبت صلاحيته للعمل وفقا لمعايير التى تحددها اللائحه التنفيذيه والحمد الله حصلنا على شهاده الصلاحيه (اجتياز اختبار الكادر فى 20-11-2009) والى الان لم يحدث جديد رغم اننا اجتزنا الاختبار وحصلنا على شهاده الرخصه الدوليه لقياده الحاسب الالى كما طلبت الاكاديميه المهنيه للمعلمين ولكن لم يتم تثبيتنا وخاطبنا وزاره التنميه الاداريه فافا دت بان الازهر هو المسؤول عنكم بنص القانون وهو من يطلب تثبيتكم ونحن نوفر الدرجات الماليه فقط وهى متوفره وايضا
نشكوا لفضيلتكم الخصم الغير مبرر من راتبنا الضئيل منذ العام المالى الماضى 1-7-2009 وشكونا كثيرا الى المسؤولين فى المنطقه الازهريه فلم نجد جوابا شافيا وتم توحيد راتب جميع المتعاقدين من 2005 مثل متعاقدى 2009 براتب واحد 310 فقط ثلاثمائه وعشر جنيه فقط لا غير وهذا غير منطقى ومخالف بنود العقد المبرم بين المتعاقد والازهر لاننا نستحق كافه العلاوات المضمومه مثلنا مثل زملائنا المعينين ولكنا فوجئنا بخصم 40 جنيه و50 جنيه من راتبنا حيث يتم احتساب العلاوات على مربوط الدرجه وليس على اساسى المرتب مثل المعينين و زملائنا المتعاقدين فى التربيه والتعليم لم يخصم منهم اى شىء على الاطلاق ويتم احتساب علاواتهم على اساسى المرتب مما اوجد فرقا شاسعا فى الراتب بيننا وبينهم

لقد ارسلت على هذا الفاكس الان 0225907268 ياريت الكل يشارك ومش يعتمد على غيره

حملة فاكسات
حملة فاكسات
حملة فاكسات
أنه من الظلم ان يحصل المتعاقدون جميعا على مرتب ثابت
القديم مثل الحديث
لماذا لم يتم تقليد التربية والتعليم فى المرتبات
هو التقليد فى الخيابة وبس
د المتعاقدين بالدبلوم فى التربية والتعليم امناء معامل ولا حاسب بيخدوا اكتر من المدرسين
عجبى
لقد ارسلت على هذا الفاكس الان 0225907268 ياريت الكل يشارك ومش يعتمد على غيره