|
ايه رأيكم فى تنسيق 2011
السلام عليكم كنت عايز اعرف توقعاتكم فى تنسيق السنه الجايه "تانيه الان" هل هينزل ولا لا؟ ولا هيبقى زى بتاع 2008 |
الله أعلم بما سيحدث
هل ستفيد التوقعات ؟ من المتوقع نزول النسبة لكن قد إيه الله أعلم تعدى النتيجة على خير بس الأول وبعدين أستعدوا للتنسيق وإن كنت أعتقد أنه سيكون أفضل من أى عام مضى بالتوفيق |
انا اتوقع ان التنسيق هينزل كتير
|
اقتباس:
سيكون افضل تعنى الدرجات للقبول اعلى ولا اقل؟؟ |
الأخ الفاضل من المبكر جداً الحديث عن تنسيق العام القادم حتى أن النتيجة لم تظهر ولم تتضح معالمها حتى الآن وكل سنة لها نظامها وأحكامها التنسيق في أي سنة سابقة أو مستقبلاً مرتبط بمجاميع الطلاب وأعدادهم فيرتفع مع علو مجاميع الطلاب كما في سنة 2007 وينخفض مع انخفاض مجاميع الطلاب كما حدث في سنة 2008 كأقرب مثال ولا يستطيع أحد أن يجزم بنسب معينة فمازال أمامكم عام كامل تمنياتي بالتوفيق لكل مجتهد |
اقتباس:
ما انا عارف ان التسيق فى 2007 كان عالى جدا بس سنه 2006 الى امتحنتها 2007 فى تانيه كانت امتحاناتهم عبيطه ع الاخر فى كل المواد لكن هل مع امتحانات السنادى هينزل التنسيق ولا لا لان السنه الجايه الامتحجانات هتيجى اسخن من السنادى |
اقتباس:
أولاً امتحانات هذا العام بالنسبة للصف الثاني الثانوي الشكوى العامة من الطلاب كانت في التفاضل واللغة الإنجليزية فقط وليس في كل المواد وثانياً أخي ألم أقل لك لا تستبق الأحداث ؟ من أدراك أن امتحانات العام المقبل ستكون أسخن كما تقول ؟ وكما قلت لك مجاميع الطلاب هي التي ستحدد التنسيق انتظر حتى تظهر النتيجة ويكون لكل مقام مقال |
اقتباس:
وهو انا قلت ان فيه مشكله فى كله طيب ما سنه 2008 مكانش فيه شكوى للعلمى علوم غير الفيزياء بس |
اقتباس:
لا تستهن بالفيزياء بعض الطلاب في ذلك العام حصلوا على درجة متدنية في الفيزياء وصلت إلى 36 رغم ارتفاع مجاميعهم في الصف الثاني الثانوي حيث حصل فقط 91 طالباً تقريباً على الدرجة النهائية في الفيزياء لا يسعني القول إلا أن الطالب عليه أن يبذل أقصى جهده للحصول على أعلى الدرجات ولا ينظر للتنسيق هل سيرتفع أم سينخفض فالعملية نسبة وتناسب ، إذا قلت مجاميع الطلاب انخفض التنسيق والعكس |
اقتباس:
وابن عمتى جاب 50 وكتير جدا اعرفهم جدا جابوا 49.5 والله صحيح ان الموضوع نسبى بس برضه امتحانات السنادى وقعت ناس كتير ومصادر الوزاره بتقول ان الدرجات منخفضه |
اقتباس:
طبعاً أخي حصل عدد لا بأس به من الطلاب سواء على الدرجات النهائية أو قرب النهائية لكن الامتحان كان مختلفاً عن الأعوام السابقة وفاجأ طلاب كثيرين حتى أساتذتهم وحتى امتحانات هذا العام ستجد أيضاً حصول عدد من الطلاب على درجات نهائية أو قريبة منها لكل مجتهد نصيب |
اقتباس:
وانا قلت حاجه انا مش بقول انى عايز الطب ياخد 95% انا عارف انه التنسيق هيقل لسبب ان كتير ضاعوا بسبب التوتر لاننا كنا لسه داخلين تانى امتحان ثصانويه لينا انتوا اضربتوا فى تالته وعلى الاقل كان عندكم خبره السنادى مش عارف ممكن انقص كتير بسبب التوتر الى اكيد اصاب العديد من الطلاب مشكله التفاضل التوتر مش اكتر الامتحان كان هايف ولو اديتهونى فى اي يوم تانى كنت احله فى نصف ساعه بس التوتر ضيعنى وغلطت فى حاجات هايفه والاله هنجت معايا والانجليزى كنت مستريح للامتحان وحليت بغباوه وده الى ضيعنى مش اكتر والفيزياء بتاع 2008 مكانش اسطورى اوى يعنى وكتير قالوا انه كان هايف بس المشكله فى اعصاب الى بيحله مش اكتر |
اقتباس:
كما قلت لك التسيق الله أعلم به لكن حكاية ثانية و ثالثة فهو كلام غير منطقي كلاهما ثانوية عامة والطالب من أول السنة يعلم ذلك ويتدرب عليه مشكلة الأخطاء التافهة والغير متوقعة فهي سمة غالبة وأكثرها في الطلاب المتميزين بالنسبة لامتحان التفاضل أخي الفاضل هذا العام الطالب المتوسط كما قيل اشتكى من الامتحان نقطتين فقط ، النقطة " ب " في السؤالين الرابع و الخامس وهما في الأسئلة الاختيارية ، معنى ذلك أن حتى لو افترضنا أن الطالب لم يستطع الإجابة فهذا لا يعني فقد كثير من الدرجات بسببهما أنا لم أقل بأن امتحان الفيزياء 2008 كان أسطورياً بدليل وجود الطلاب الذين استطاعوا حله وهؤلاء كانوا متميزون فعلاً لأن الامتحان لم يكن تقليدياً ، وستعلم ذلك العام المقبل إن شاء الله لكن قولك عنه بأنه كان تافهاً فما بالك بامتحان 2009 أو امتحان هذا العام !! وللعلم في هذا الامتحان تم توزيع الدرجات من جديد ورفع كثير من الطلاب حتى لا تكون نسبة النجاح سيئة للغاية وعذراً على الإطالة و عن الخروج عن صلب الموضوع |
اقتباس:
هى دى المشكله انا حليت السؤالين دول وعلطت فى السؤال التانى اول واحده!! وعلى فكره للى غلط فيهم عليهم 4 درجات يعنى مش قليل زى مانت فاكر من غير قسمه وامتحان فيزياء 2009 كان عبيط عبط عبيط :d |
اقتباس:
قدر الله وما شاء فعل على فكرة امتحان التفاضل الطالب مطالب بحل السؤال الإجباري بالإضافة إلى ثلاثة أسئلة أي أنه يمكن للطالب تفادي إحدى النقطتين إذا كانت صعبة عليه وإذا حل الامتحان بالكامل ما عدا هذه النقطة فسوف يحصل على 23 من 25 وعندما يكون الامتحان بهذا الشكل على الأقل سيفرق بين المستويات لأنه من السيء أن يكون الامتحان في متناول الجميع .. أليس كذلك ؟ تمنياتي بالتوفيق والنجاح الباهر |
ياا رب يقل لأن انا عكيت في التفاضل:frown: واتغبيت في الانجليزي :d
|
والله اللى اعرفه ان احنا دفعه فقر وكل حاجه مؤرفه بتيجي علينا بس الحمد لله يعنى
وكده كده احنا خدنا نصيبنا وخلاص واللى مقدرهولنا ربنا احسن من اى حاجه واحنا نشد بس السنه اللى جايه وان شاء الله خييييييييير |
اقتباس:
عشان افهمك انا "استعبطت فى ايه" انا حليت الامتحان كله والاسئله الصعبه كلها حليها صح 100% جيت فى اعبط سؤال هو أ السؤال التانى وأ برضه السؤال الثالث عكيت فيهم مش عارف ليه:( فقدر الله وما شاء فعل وربنا يستر |
اقتباس:
فعلا احنا عندنا سنه 6 والامتحانات الى حاططها بيستعبط الوزير فى اعلان النتيجه بيستهبل دا الواقع |
نرجو الهدوء والصبر وبالتوفيق للجميع ان شاء الله
|
اقتباس:
يااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااااااااااااارب |
متلقوش انفسكم انا دلوقتى فى صيدلة واتظلمت وانا فى 2ث لكن ربنا عوضنى خير فى تالته لانى اعتمدت على ربنا وتوكلت عليه تماما 100% وكنت كمان البحق طب اسنان ولكنى فضلت صيدلة وتاكدوا انه مش بالكلية اللى انت داخلها اهم حاجة اعمل اللى عليك وتوكل على الله
|
ياشباب انا بقى المفترض اكون فى تالتة كليه بس حاليا داخل سنة اولى كليه
واديلى 5 سنين فى ثانوى كنت كل سنة مذكرش غير قبل الامتحان باسبوعين ولا حاجة المشكلة ان انا كنت بذاكر غلط ومكنتش بحل اى امتحانات افضل احفظ مكنه حفظ احفظ واحفظ لكن اجى ادخل الامتحان اسف فى اللفظ طور الله فى برسيمه معرفش احل اى حاجة كانى اول مرة اقرا الكلام ده وانا محبط جدا كل الناس اللى بشوفها يعنى اهو فى اعضاء جايبين مجموع كبير وانا كان نفسى افرح اهلى وفى الاخر جبت مجموع زى الزفت وهادخل جامعه خاصه المهم انا قعدت سنة دى فى الفيزياء ذكرتها بجد وكنت بفضل ليل ونهار احل امتحانات وربنا اعلم بده بس اللى ضايقنى معرفتش اركز كويس فى الامتحان وكنت متوتر والمراقبين راغيين اوى وبسبب ده ضاعت منى 4 او 3 درجات ورجعت مع الاستاذ لقيت نفسى اجيب 42 او 43 المهم انا مخنوق اوى ومحبط جدا |
حصل على الدرجات النهائية بين طلاب المرحلة الأولى : 3 آلاف و662 طالباً وطالبة فى امتحان التربية الدينية ولم يحصل عليها سوى 657 طالبا فى اللغة الأجنبية الأولى الذى شكا منها غالبية الطلاب فيما حصل 15 ألفا و698 طالبا على الدرجة النهائية فى اللغة الأجنبية الثانية و12 ألفا و102 فى الرياضيات "1" و311 فى التاريخ و114 فى الفلسفة والمنطق وألف و366 فى علم النفس والاجتماع و10 آلاف و529 فى الكيمياء و194 فى الأحياء وطالب واحد فى الجيولوجيا والعلوم البيئية وهذه النسب يجب أن تؤخذ في الاعتبار للحديث عن تنسيق 2011 |
وحد قالك ان مفيش حد جاب النهايه انا بقول ان الشاطرين الى كانوا ممكن يقفلوا فى الامتحان ده توتروا ونقصوا ع الفاضى |
على فكرة الدرجات زى ماهى وناس كتير جابت فوق 93%
وبكدة اعتقد ان التنسيق زى ماهو وعوضى على ربنا بس لو مدخلتش هندسة يبقى انتحر احسن انا جايب ف 2 88% وكدة خلاص راحت عليا صح؟ ياريت حد يقولى بس ميقوليش تعويض ف 3 لان التعويض صعب.... وبالنسبة للتنسيق ممكن ينزل واحد ف المية بس يلا بقى الدنيا حظوظ |
اقتباس:
طيب انا اعمل ايه؟! انا جايبة فى تانية 80% بس وكتير بيقولوى احول لادبى وتانيين بيقولوا لا ما تحوليش لان فى امل ان المجموع ينزل كتير وعلى فكرة انا علمى رياضة وكان حلمى طول عمرى هندسة ودلوقتى انا فى حيرة شديدة وفى بيقولولى ان كلية الهندسة بنها بشبرا بتقبل من 85% بس ياريت تنصحنى وتقولى احول ادبى ولا لا فى اسرع وقت وهل تنسيق الكلية ده صح ولا لا وشكرا |
وبعد اعلان النتيجه مقارنتا بنتيجه الاعوام الماضيه هل فى امل ان مجاميع الكليات تقل ولا لا ؟
|
ادخلواااااااااااااااااااااااااااا بسرعه
نسبه الحاصلين على 90% فاكثر لطلاب المرحله الاولى هذا العام 18% فهل هذه النسبه مقارنتا بالاعوام الماضيه كبيره ولا صغيره ولا ايه ؟ وايه توقعات تنسيق 2011 مرتفع ولا منخفض
|
لسه نشوف السنه الجايه الامتحانات حيجي ازاي
|
اقتباس:
بصى انتى اتعبى وشدى حيلك وهتجيبى والله التنسيق هينزل اكيد باذن الله ولو محصلش فيه كلية حاسبات ومعلومات وفيه فنون تطبيقية وفيه فنون جميلة علمى رياضة كلياته كتيرة جدااااااااااااا ومتسمعيش كلام اى حد تانى |
اقتباس:
انا راجعت الامتحان مليون مرة لاقيت ان المفروض اجيب 42 لاقيت نفسى جايب 37 ونص والجبر ع فكرة مش سهل كان فيه بس تركات وعلى فكرة سؤال النهايات مش سهل حضرتك مشفتش الامتحانات يبقى متسمعش كلام الناس اللى بيودى ف داهية والسؤال الرابع ف الجبر والتفاضل اصعب سئلة لا احد يستطيع حلها كل الناس هربت من الرابع واتشهيصو ف الباقى |
اقتباس:
بالنسبة للتوتر والضغط النفسى معتقدش انهم يجيبو طالب ممتاز لمستوى تمانيناتى وعل فكرة الامتحانات كانت اصعب سنة من السنين اللى فاتت كلها انا واحد كانت اعصابه هادية تماما وكنت بصلى كل وقت بوقته وحليت كويس جدا لاقيت لجان شادة بخرج بسال صحابى لاقيت لجانهم سايبة وكمان التصحيح كان كوسة لان واحد صحبى جاب 87 اقل منى ب 1% عمل تظلم لاقى 12 درجة لانه البيه المصحح يارب يخرب بيته وينتقم منه شطبله ع الخطوات والمسالة برغم انها صح وكمان العدد كان كبير وبعدين حضراتكو مش بتشمو ع ضهر ايديكو لان مش كل التصحيح ومش كل اللجان كانت ماسكة ياريت نوزن كلامنا بالعقل وكتير جابو 98 و 97 و 96 و 95 بالغش ياا اما حظ لكن مش موضوع توتر موضوع حظ 99% و ال1% نصيب وبالنسبة للتنسيق اعتقد انه هينزل ل 91 او ممكن 90 لكن زى ماهو معتقدش |
اقتباس:
لو جت سهلة يبقى بنسبة 15% التنسيق هيفضل زى زمان وممكن تنزل هندسة ل90 ولو جت صعبة يبقى بنسبة 85% التنسيق هينزل جامد وربنا يوفقنا جميعا وبنسبة 90% التنسيق هينزل ولو 1% مش موضوع نشوف السنة الجاية |
التنسيق لازم ينزل لأن لازم نلاحظ حاجتين مهمين :
1- ان المجاميع عالية اه بس مش بالنسبة اللى تخوف و بعدين لسه فى تالتة و زى ما بتبصوا و تقولوا التنسيق مش هينزل زى السنين اللى فاتت لو شوفتوا السنين اللى فاتت فى نسب كبيرة من الطلبة مجموعها قل فى 3 2- و تانى حاجة و ده الاهم ان عددنا قليل بعد عدد رسوب العديد من الطلبة و لسه كمان فى سنة تالتة و اكيد هيصعب الامتحانات و المجاميع هتقل اكتر و زى مقولتلكوا اتحدى اى حد ان التنسيق هينزل و لو باتنين فى المية عن السنين الماضية |
الرد القاطع على هذا الموضوع
http://www.thanwya.com/vb/showthread.php?t=239721 |
يا جماعة عايز اعرف
المعاهد العليا الخاصة هتاخد من 50% السنة ال جاية ؟ ولا هتذيد |
طيب ممكن حد يقولى توقعات التنسيق السنه الجايه بالنسبه للى لسة داخل تالته ثانوى السنه دى يعنى ممكن الطب يا خد من كام
|
توقعاتى طب 97.3 صيدله 96.5 اسنان 97 او حاجه زى كده |
تؤتؤ تنسيقنا هيبئه شبيه بتنسيق 2008 و ممكن يقل واحد او اتنين فى المية لأن عددنا قليل
|
اقتباس:
اعتقد كده برضه لان نسب المجاميع قريبه جدا بس مش هيقل يعنى الطب كحد ادنى خالص 97.3 |
طيب انا جايبه 94% ممكن الحق صيدله
|
اقتباس:
|
اقتباس:
|
اقتباس:
مجتيش فى جمل اه بسيطه يعنى انتى محتاجه بتاع98% والرفيع بيهم ممكن 97% شدى حليك املك لسه كبير اوى |
مين اللى قال ان عددنا قليل السنه دى دا العدد اكتر من 405 الف طالب يعنى كبير جدا
|
انا جايبة 90.4 ممكن الحق اسنان
|
يا جماعة بليز ردو عليا انا خلاص بقيت محبطة انا ممكن الحق طب اسنان انا جايبة 90.4
|
اقتباس:
اقتباس:
كنت أتجول في المنتدى وفوجئت بمشاركتك في هذا الموضوع الذي كنت قد نسيته تماماً ما هو الغير منطقي في كلامي ؟ عندما تتحدث أرجو أن يكون كلامك محدداً وليس عشوائياً سبحان الله ومن قال لك إنني أسمع كلام الآخرين ؟؟ لست من يردد كلام آخرين وما أقوله هو كلامي فقط وبالنسبة للامتحانات فأنا كنت أطلع عليها يومياً لأن لي أقرباء يمتحنون لذا أتكلم من واقع مشاهدة وأشعر من كلامك أن الامتحانات كانت تعجيزية !! تقول أن الامتحان " مش سهل " .. إذاً ماذا تريده أن يكون ؟ وما تفسيرك لحصول 12 ألفا و102 طالباً وطالبة على الدرجة النهائية ؟ أعرف أنك ستقول الغش .. إلخ للأسف هذه حجة لا تنطوي على أحد وهذا هو العيب نجيد دائماً إيجاد الأعذار والحجج وللعلم صاحب الموضوع الأخ / ArabianPDA الذي كان قد كتبه قبل أن تظهر النتيجة والذي كان قلقاً بعض الشيء من الامتحان وهذا شأن أي طالب مجتهد حاصل في مادة الرياضيات"1" على 49 من 50 !! بالنسبة لدرجتك فلا دخل لي بها أنت تحسب لنفسك فأنت حر في ذلك وبما أنك أكدت أنك ستنقص درجات فلا يمكن أن نعتمد على تخمينات وحسابات وهل حصولك على مجموع 88% بسبب مادة الرياضيات فقط ؟؟ نقطة أخيرة : انخفاض أو ارتفاع التنسيق لا يعنيني لا من قريب أو من بعيد وتمنياتي للجميع بالتوفيق والنجاح |
اقتباس:
مهو المشكله انى كنت ميت من الرعب ليه معرفش مع انى كنت المفروض اجيب 50 على فكره بس يلا بقى حظي "الاله غلطت فى الجمع مكانش غلطى انا" وربنا اكيد كان بيعاقبنى على تقصيرى فى الرياضه المهم ،، كلامك صح وفعلا موضوع الحساب للنفس ده هو الى كان موترنى ع الفاضي وزي ما قلتلك يا بهاء الدين مش الشرط والمطلوب انك تثبت ان المجاميع قليله شد حليك وربنا يكرمك |
| جميع الأوقات بتوقيت GMT +2. الساعة الآن 06:21 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.