|
هو طلاب الثانوية بتوع المنتدى دة فى مصر و لا فى بلد تانية مش فاهم حاجة
اية يا جماعة دة
كل ما ابص على حد الاقية جايب 97 و 98 و 99 و تلاقى واحد زعلان انو جاب 95 و بيقول انو اتظلم و عايز يعمل تظلم امال اللى انا شايفة دة اية دانا اعلى واحد فى صحابى وجايب 91.2 و كنت فرحان جدا كل اللى اعرفهم فى التمانينات و السبعينات و الستينات و كمان فى ناس من اصحابى فى الخمسينات و ناس ساقطة كمان فى المجموع انا لما شفت مجاميع اللى اعرفهم اتبسط جدا لكن لما شفت المجاميع اللى موجود فى المنتدى جالى احباط و و مش فاهم المجاميع قليلة و لا كبيرة و التنسيق هيقل و لا هيعلى و لا اية الحكاية دى فهمونا يا ناس عشان انا قربت اتجنن |
ولا انا كمان مش فاهم
|
للاسف المجاميع هتعلي
انا اقل واحد في مدرستي تقريبا و جايب 97% 199/205 في عندنا كل الدرجات الممكنة لحد 204/205 تخيلوا انتوا بئا انا متعقد اد اية !!!!!!!!!!!!!!!!!!!!!!!! |
انا عندى في السويس مفيش غير اتنين جايبين 203 والباقي اقل من كده بكتير يعنى في محافظات قليل ومحافظات كتير ومحافظات ساقطين هههههههههههههه والله مالهاش لزمه الثانويه دى نقعد في بيوتناا رحم
|
اصلا انا جايب 203 وصاحبي 203 لكن كل اللى باقين يعنى اعلى حد 201 ده كان في ناس طالعين من اوائل السويس في الشهاده الاعداديه معايا ووقعو خالص في الدرجات
|
اقتباس:
على راى عادل امام هههههههههههههه بفكر اتفرج على مدرسة المشاغبين عشان محسش اننى لوحدى الفاشل |
فعلا والله انتوا دفعة غريبة لكن الظاهر فعلا انها محافظات محافظات
|
كلوا اللى اعرفهم واللى معرفهمش اقل من الثمانين الحمد لله
|
كل ده كلام فاضى هما اتنين او تلاتة فعلا جابوا الدرجات دى ولكن كله بقى عبقرى واحنا مكناش بنذاكر وبننتحر ؟؟؟؟؟؟؟؟؟؟؟؟؟؟؟؟؟؟ وفى الاخر مفيش نتيجة خالص اللى بياخد درس مع الناس المستشارين الخبرة هو اللى بيعدى ال 95
|
انا اتجننت اكتر
كل دى مجاميع عالية امال احنا مادرستنا فاشلة كدة لية دا انا شوفت ارقام الجلوس بتاعة مدرستنا بالترتيب تلاتة ساقطين ادامهم واحد ناجح ملحوظة ( اللى شايل مادة بقول علية ساقط ) |
انا مش فاهم حاجه
كل ما اكلم حد يقولى انا اعرف واحد جايب 99% كأن البلد كلها جايبه 99 و الناس الى جايبه فوق التسعين و مش عاجبها دول ايه مش فاهم ؟؟ :s |
والله انا قلقت جدا كده التنسيق هيعلي والله بجد كتير جايبين فوق 95
انا الاولي عللى مدرستي وجايبه 98.5 ورقم جلوسي1477496 |
يا عم انا جايب 94 وكل مدرستنا ما بين 60الي93الاغلبية ومفيش عير عشرة بس فوق كدا
|
انا هاقول رأيى
احنا ملناش دعوه بغيرنا كل واحد يخلى ف حاله و مجموعنا وحش او حلو نقول الحمد لله العبره مش بالمجموع العالى ممكن اللى جايب مجموع عالى زى 99 يدخل الجامعه و و ياخدوا السنه ف سنتين و اللى جايب مجموع عادى زى 70 و 80 تلاقى و الله يعدى الكليه بسرعه و ده عن تجربه مع اشخاص كتير اعرفهم انا جبت 93 مرحله اولى و ها اكمل علمى علوم لان ده هدفى من الاول و بالنسبه مدرستى كتير جدا شايل و ساقط احيانا و فى برضه ناس فوق ال 95 كتير بلاش نبص لغيرنا و بعدين انا بحس ان المجاميع العاليا ف المنتدى معظمها تظاهر و خلاص و ربنا يوفقنا و الف مبروك للجميع و احنا احسن من غيرنا |
على فكره المجاميع لكل الطلبه مش كده بس في كل مدرسه فى مجموع متميزه جايبه مجميع عليه هى دى الناس اللى بنشوفها هتلقوهم كل واحد من مدرسه وده طبيعى جدااااااااااا
|
انا فى مدرستى عدد قليل جداً جايب فوق 95 ..
مش عارف الناس اللى بتحط درجاتهم هنا كانوا بيحلوا امتحانات غير اللى احنا بنحلها ولا ايه ؟!.. |
اسمعو النكته دي
صحابي ال جابو 97 وكدا كانو معايا ف االلجنه وكنا بنسال بعض ومستوانا واحد وده معروف من زمان وكنا بنطلعع من الامتحان نراجع سوا وحلنا زي بعض بالظبط وكنا بنروح نراجع مع نفس المدرسين وف الاخر انا جبت اقل واحده فيهم مش عارفه بقي هم كانو بيستهبلو عليا ولا ايه بالظبط وغير كدا انا مواد الحمد لله كنت طالعه منها قولت ان شاء الله هجيب فيها النهايه ونزلت فيها بالخمس درجات اول لما شفتها انهرت وكنت حاسه اني ف كابوس بس للاسف طلع واقع ربنا يستر ( انا باكل كيك من كتر الفرح ال انا فيه حد ياكل معايا ) |
هههههههههههههههههههههههههههههههههههههههههههههههههه هههه صراحتأ انتوا جننتووووووووووووووووووووووووووووووووووووووونى |
اقتباس:
خلاص اتهبلت |
اقتباس:
بس احنا كنا عايزين نطمن عشان التنسيق ناس بتقول هينزل و ناس بتقول لاة فهى دى المشكلة |
اقتباس:
و امتحانات النماذج و امتحانات كتاب المدرسة و المسائل المحلولة فى كتاب المدرسة و ورق الدروس و الملازم و فى الاخر جبت كام فى الرياضة 44.5 شئ غريب |
شئ غريب وعجيب والله
بمناسبة ال قال باكل اي حد قدامي انا باكل الكيك علشان اطلع غلي فيه المهم ده نصبنا والارزاق ربنا موزعها بالعدل ع عبادة ومحدش عارف الخير فين اهم حاجه انك تحب الكلية ال ان شاء الله مكتوبالك وتذاكر فيها وتحقق فيها نجاح كبير مش تبلط فيها وتقعد فيها بال200000000000000000000 سنه |
السلام عليكم .. بسم الله ماشاء الله .. انا حاسس ان طلبة مصر بقووا علماء .. دلوقتي انا عاوز اقول حاجة .. حكاية كل واحد يكتب مجموعه الحقيقي دا موضوع خيالي لان بكل بساطة ممكن واحد يسجل في المنتدي من جديد ويقول انا جايب 99 % ..!! وكمان ممكن يحط رقم جلوس مجموعه عالي ويقول دي درجاته و فـ الاخر محدش يعرفه ... انا بقووول ممكن وبعدين لو الدرجات دي صحيحة .. يبقي التنسيق هيجي عالي جدااااااااااااااااااااااااااااااااااا ماهو كله جايب 90 الي فوق وهيبقي الطب من 102 % و تجارة من 94% و هكذاااا ودي نظرية من طالب جامعة وله خبرة ف الثانوية |
اقتباس:
بما انك اساساً مش معانا في السنة الدراسية فبلاش تحكم كده .. لان الامتحانات مش كانت بالصعوبة لدرجة ان واحد يسقط او يجيب مجموع وحش اوي لان ده اكيد اما مقصر في المذاكرة يا اما ربنا مش وفقه في الامتحانات وقدره كده .. ثانياً نفسي اعرف ليه كله بيقول ان اللي بيدخلوا يقولوا جبنا 99 و 98 في المية كذابين !! هنكذب ليه مثلا ؟ يعني لو واحد جايب مجموع وحش هيبقي فايق يدخل يقول انا جبت 99 % و كده الناس هتحسده .. و بيتهيألي علي كلامك هوا مش هيبقي ناقص حسد يعني كفاية المجموع اللي هيبقي جايبه !! ! ولنفترض ان اللي بيدخل يقول كده كذاب وبيجيب اي ارقام جلوس جايبة مجموع عالي ماشي اوك .. مش ده المهم اذا كان هوا و لا الطالب اللي جايب المجموع ده !! المهم ان فيه واحد فعلا اسمه فلان جاب الدرجة دي !! وانا مش بنكر ان الدرجات نازلة بشكل ملحوظ و ربنا يعين الجميع لكن برضه فيه كتييييير جايب مجاميع عالية ما شاء الله .. وانا لاحظت يا اما عالي خالص يا اما نازل خالص اما الوسط ما بين 90 % : 96 % نادرين !! و ان شاء الله لما المنحني التكراري لدرجات المرحلة الاولي ينزل ممكن تبقي تشوف بنفسك .. |
و الله اللى انا ملاحظه من أول اعلان النتيجة ان فيه عضويات أول مشاركات ليها أصلا و تسجيل قريب جدا و مجاميعهم ما شاء الله
فا نصيحة مش كل اللى على المنتدى تصدقه .. بس ده ميمنعش ان فيه درجات عالية بصراحة انا مدرستى حوالى 20 واحد من 96 ل 98.5 فا أعتقد انها نسبة عالية جدا و فى نفس الوقت أعرف مدارس الاول فيها 92 فا بصراحة درجات متناقضة جدا جدا و للاسف مفيش مجاميع تكرارية فى المرحلة الأولى ملجوظة أخيرة : لو كل اللى فى المنتدى جايبين الدرجات دى امال ال 109 ألف راحوا فين ؟؟؟؟ ربنا يوفق الجميع |
اقتباس:
بس ياريت لما ينزل تبقى تكتب موضوع و تقلنا علية و شكرا |
اقتباس:
و بالهنا و الشفا علينا النتيجة امال انا اقول اية لما الاقي ان افشل ناس في اصحابي جايبي 99ونص و 99 و 98ونص و 98 و 97ونص و مفيش غير انا اللي طلعت فاشل فيهم و جبت 97 دة معناه اية في واحد معانا في المدرسة كانت عاملة ابداعات في الانجليزي و الكيميا و الرياضة و اما مكنتش غلطان غير غلطة واحد بس في اختيارات الانجليزي و غلطة بنص درجة في التفاضل و فجاة انا 199 و هي 204 و لا تعليق !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !! نفسي اعرف مين اللي كان بيصحح لي و ظلمني بالغباء دة :slap1qk6: :slap1qk6: :slap1qk6: :slap1qk6: :slap1qk6: :slap1qk6: :slap1qk6: :slap1qk6: :slap1qk6: :slap1qk6: :049gc0: :stickjo4: :stickjo4: :stickjo4: :stickjo4: |
اقتباس:
|
msh-tlba
يبقي اكيد كانت بتتضحك عليكم عشان الحسد و الله اعلم بس فيه ناس كتييييييير كده .. تطلع من الامتحان تقول انا حليت وحش انا ضعت انا ........ إلخ وفي الاخر تقفل او تنقص نص بالكتييييييير يعني اما دي عادة عندهم يا اما النص درجة عندهم حاجة كبيرة اوي يعني بتتفاوت من شخص لاخر !! |
كلام منطقى جدا لكن لكل مجتهد نصيب وربنا لايضيع ابدا من اجتهد والف مبرووووووووووووووك لكل من تقوق
|
اقتباس:
حسد ايه بس طيب هقول لحضرتك ع حاجه والله العظيم صادقه ف كلامي ان انا ولا بعرف احسد ولا حاجه وبفرح لكل الناس وبكبر دماغي بس ليه تيجي من الصحاب ليه الكذب يجي من الصحاب مع اني ديما بتمنالهم الخير من قلبي |
اقتباس:
خلاص بلاش نظلم حد لان كان ممكن ابقي مكانها .. يمكن هي فعلاً اتلبخت في الامتحان فعكت في الاول و بعدين رجعت ضبطت ورقتها شوية بس المجمل في الاخر ان راودها شعور انها هبلت و اكيد لما لقت الجو بره اللجنة عياط و كده زاد شعورها بانها خرفت فقامت قالت كده .. و الله اعلم انا مش عايز اظلم حد او اوقع بينكم .. لان فعلا حصل معايا موقف مشابه بس في امتحانات الدروس و مش عايز افتكر اليوم ده .. المهم ان ربنا سترها و ربنا يوفقكوا كلكوا .. |
اخيراااااااااااااااا في حد زي حالتنا هنا انا اتعقدت يا جماعه خلاااااااااااااص كلو راحححححح الواحد كن طالع من الامتحانات وهنقفل انشاء الله يلاقي نفسو على الارض هههههههههه ,, عموما احنا عندنا ناس جيبا فوق التسعين بس مش كتير على حسب ماسمعت بس كتييييييييييييييييييييييييييييير في السبعينات والستينات والخمسينات كمان وفي اللي سقط وكل حاجه اطمنوا يا جماعه مصر لسا بخير ههههههههههههههههههههه
|
اقتباس:
ربنا يطمنك |
:(انا طالع بمادة وجايب 63% والصراحة من ساعة ماجبت الدرجات وانا مش طبيعي بجد جاتلي حالة اكتئاب مش طايق ابص في وش حد وكرهت الكتب واي حاجة ليها بالتعليم في الدولة دي والي مجنني زمايلي الي اقل مني كتير عدوا علي الاقل من غير مواد وانا وقعت في مادة وكمان حتي لو امتحنتها مش هجيب اكتر من النص يعني قضية خسرانة
|
علي فكرة وانا كلامي هتحاسب عليه كان في غش بكل الطرق وانا شفت بعيني محدش قالي بس المشكلة ان الي بيحاول ميغشش او بيحاول يعتمد علي نفسه ويقول ربنا هيكرمني هو الي بيقع
|
واللهى انا همووووووووووووت من الجنان
لما كول حد فى المنتدى بيقول انه جايب فوق التسعين اكترر من خمسمييت توبيك كوله بيقول جايب 90 و95 و99و98 اومال ال 109 الشاقطين دول فييين والدرجات ال انا بسمعها عندنا ف اسكندريه دا الدرجااااات عندنا زبااااااااله وناس كتيير اووووى طالعين بمواد وتلاات اربع اسكندريه تحت التسعييييييين يعنى اسكندريه من كوكب اخر؟؟؟؟ |
حاجه تانيه انتم كولكم علمى
فييييييييييييييييين الادبى مش شوفت حد ادبى ف النتدى بيقول انا جبت حاجه وتسعيييييييييييين |
نعيب زماننا والعيب فينا ومالزماننا عيب سوانا .... اه يابلد خليتى مستقبل البشر زى البقر
|
يا جماعه اللى جاب مجموع كبير نعمه من عند ربنا واللى مجبش برده نعمه من عند ربنا فياريت نهنى بعض مش ننتقض فى بعض كلنا اخوات والف الف الف مليون مبروك للناجحين كلهم
|
اقتباس:
هتدخل امتحانات الدور التانى و تاخد درجة النجاح و لا تكملها السنة الجاية و تاخد الدرجة كاملة اللى حصل حصل المهم لو هتدخلها دور تانى و عايز تنجح فيها عشان ميبقاش الحمل كبير فى تالتة لازم تبدأ فى المذاكرة من دلوقتى لان امتحانات الدور التانى قريبة جدا و مفيش وقت تحياتى |
اقتباس:
دى حقيقة للاسف و كمان فى تسريب للامتحانات بس على نطاق ضيق |
اقتباس:
|
اقتباس:
فعلا مصر لسة بخير متقلقيش الفشلة كتير :d |
| جميع الأوقات بتوقيت GMT +2. الساعة الآن 11:28 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.