رجاااء منكم النصح
 

انا جبت 87% وعايزه احول علمى رياضه واقرر هندسه وانا عارفه انه انا لازم اعمل مجهود جباااااااااااار علشان المجموع الكلى جيب 90 او 91 % مثلا بس خايفه مجموع الهندسه يكون كبير وابقى لاطلت سما ولا ارض عشان كده عايزه حد يقولى هى ممكن الهندسه تكون فى الحدود دى ولا لا وهى رياضه 2 صعبه قوووووووووووى ولا ايه

انا عندي نفس المشكله ياريت حد يدخل يفدنا

أنا نفس الكلام ياريت تفيدونا

انا كمان نفس الاستفسار انا جبت 82 % ... ياريت حد يجاوبنا.. ممكن يكون فى امل فى هندسة او علوم او فنون جميلة عمارة ... ولا التنسيق هايكون اعلا من درجاتنا ؟ و نرجو الرد

مش عارفة الصراحة
انا جايبة 93.685 % وخايفة ان انا ملحقش
لان المجاميع عالية جداااا

يعنى ما حدش يقدر يعطينا امل ولا ايه

انا مش عارف محدش بيرد علينا ليه

انا عندى نفس المشكلة جبت 88 % ينفع اكمل علمى رياضة

انا نفس المشكلة جبت 85

ارد عليكو ان شاء الله
فلتعلموا أن
كل شئ ممكن و لكن لا يتحقق الا بالارادة و ليس الارادة هى حماس فى بداية السنة يزول سريعا
و لكنة عمل متواصل طوال ايام السنة
انصحك اكتب وورقة عليها كلمة هندسة و علقها بخط كبير فى غرفتك عشان متنساش هدفك
لو اتعثرت كمل تانى
كل حاجة ممكنة و تقدروا كلكوا تدخلو هندسة ان شاء الله و هى مجموعها هيبقى فى حدود 92 ان شاء الله
و على اسوا الظروف مجتش هندسة عندكوا كلية حاسبات و معلومات فى رايى احسن من هندسة و ان شاء الله هكتبها فى الرغبات قبل من هندسة فلو لم تأت هندسة أمامكم حاسبات و معلومات
لكن لازم تعملو على هدفكم جيدا حتى تنجحوا و أقولها مرة ثالثة كل شئ ممكن

وانا عندى نفس المشكلة

انا جايبة 80 فى المية ومش عارفة

هلحق هندسة والا لا لو بذلت

مجهود جامد والا لا

انا مع رأي احمد يا جماعه وفعلا زي مهو بيقول كدا



( انا كتبت 98% اأقل حاجه يعني ده لو نزلت وكنت ديما بحطها قدامي وكنت بذاكر والحمد لله ودخلت الامتحانات وحليت حل محدش حله والله حليت كويس اوي حليت ال يخليني اجيب 98% ولو كان ف ضمير ف التصحيح كنت جبت اكتر بس شوفو المفاجاة الكبري نزلت ل 85% قولولي اعمل ايه ؟؟؟؟؟؟؟؟؟؟؟؟؟؟؟؟؟؟؟)

ازاى ده حصل
مش عارفة اقولك ايه بصراحة
يعنى بعد التعب ده كله
تجيب 85 % ازاى استحملت الصدمة دى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا عن نفسي جبت 87% والله وهاكمل علمي رياضة ان شاء الله
وهاشد حيلي في تالتة واحاول اجيب فوق 95% وما تنسيش ان في 1% مستوي رفيع
وانا واثق من ان ربنا مش هيضيع مجهودي ان شاء الله وهاخدها جد من اولها انا اللي ضيعني السنة ديه اني لعبت .
قبل الدرس :كنت بانزل قبله بحوالي ساعة.
بعد الدرس:كنت باروح مع اصحابي البلاي ستيشن / وبعدها اقعد اقول هاذاكر وولا كنت بذاكر ولا بتاع.
وانا الحمد لله مستواي احسن من كده بكتير وان شاء الله ربنا يوفقنا كلنا.

اناعلى فكره يا جماعه حسبتها علشان نكون فى امان بالنسبه للى جايبين 80% واكتر نكمل علمى رياضه بس لازم نحط فى بالنا من او السنه انه لازم نجيب 96% او 97% السنه الجايه اما بالنسبه للاخت اللى جايبه 93.5% من وجهه نظرى كملى علمى علوم لو عارفه نفسك تقدرى تجيبى فوق ال95% وان شاء الله تلحقى صيدلبه ولا طب اسنان

اسفه اقصد 85% فاكثر

على فكره انا بافكر ما اخدش درس لا عربى ولا علم نفس واجتماع توفيرا لتعب والصحه والوقت

انا نفسي مش عارفه ايه ال حصل واول لما عرفت بصي زي ميكون جالي حلة جنون وقعدت اعيط واسرخ

بس لما هديت قولت قدر الله ومشاء فعل الحمد لله ان انا مسئطش او مشلتش مواد وبلاء اهون من بلاء

واتاكدت ان ربنا هيحطني ف المكان ال يناسبني وهيرزئني بخير

والحمد لله ع كل حال

وربنا ممكن يكون بيمتحني يشوفني هصبر ولا لاء

يعني مثلا ف ناس بتنتحر وكدا فالحمد لله الواحد معملش كدا


وان شاء الله هذاكر السنادي ويمكن هذاكر اكتر من السنه ال فاتت دي يعني هموت نفسي ف المذاكره فعلا

والحمد لله انا شخصية طموحه نعمة من عند ربنا ولازم استغلها