|
بعض مطالبي ولن اتنازل عنها...........
بسم الله الرحمن الرحيم
ما تستغربوش من العنوان انا بعرض بعض افكاري اللي البعض منكم هيتوافق معايا فيها والبعض هيعارض وانا هعرض بعض الافكار وهيكون في استطلاع بالموافقة وعدم الموافقة انا مش بكتبها عافية وبلطجة او يعني الوزارة هتنفذها غصب عنها لا والله كل ما فيها ان احنا اللي بنذاكر واحنا اللي بنمتحن واحنا اللي قايمين بكل حاجه واحنا اللي بنتعب :giljotiiniug3:والوزارة عليها تحط قوانين واوامر واحنا سمعا وطاعة :078111rg3::078111rg3: عالرغم من ان القوانين دي نسبة كبيرة منها في غير صالحنا لكن نعمل ايه اتمنى يا ادارة المنتدى الموضوع يبقى ليه بعض الاهمية لانه بيمثل بعض الفروض اللي تهمنا اهمية الله وحده اعلم بيها نيجي للمقترحات وفي الاول وفي الاخر الوزارة حره تعمل اللي تعمله كل ما فيها عرضنا فكرتنا يا رب كلامي ما يضيقش حد. اليكم المقترحات:- 1_ اتاحة فرصة للطالب بأعادة امتحان اي مادة معينه هو قصر فيها في خلال فترة الاجازة فقط وده والله هيبقى كويس لكتير مننا وهيبقى في استجابة من طلبة كتير . 2_احنا امتحاناتنا جت بالنسبة ليا انا الحمد لله كويسة لكن للاسف مفيش وقت فبطالب بتوفير وقت كافي في المواد اللي بتحتاج وقت خاصة الرياضيات ويبقى افضل لو امتحان كل مادة مايقلش عن 3 ساعات . 3_ لو هنضطر ان احنا نروح المدارس في سنه 3 انا مرحلة اولى على فكرة بطالب بألغاء الدروس تماما ونرجع لأيام زمان والمدرس اللي يفكر يدي درس يتحول للمحاكمة مش كاره خير لحد لكن مش هينفع 5 دروس ويوم دراسة كامل كده هنتبهدل. 4_اطالب المستشارين اللي بيحطوا الامتحانات بأن امتحانات 3 تبقى بنفس المعدل علشان هيبقى حرام عليهم لو جابوها سهلة هنضيع لان التنسيق هيعلى بالطريقة دي وقابلوني ان دخلنا كليات عدله. 5_اطالب الوزارة بأنها تنزل نسخ للكتب الدراسية مجانا خاصة للمرحلة الثانوية عالنت حرااااااااااااااااااام الـــــــ 50 جنية وفي الاخر مش كل الكتب بتتفتح وبيبقوا ابيض من وشنا محدش بيلمسهم يعني. دي طلباتي البسيطة وفي كتير وكتيييييييييير مني ومن غيري لكن يكفيني دول ويا ريت محدش ينسى يصوت في الاستفتاء.... |
السلام عليكم ورحمة الله وبركاته
بجد موضوع تحفه يا قناص وانا معاك وموافقه ويارب فعلا المقترحاتا دي توصل للوزاره ويناقشوها كلها مقترح اجمل من التاني فكره جميله جدا |
فى اقتراح عندى انا كمان بعد اذن حضرتك طبعا
بالنسبه لرياضه واحد انا واحد من الناس اللى مبتحبش الرياضه ودماغى مبتمشيش فيها خالص فياريت يعملوا نظام بينص على ان الطالب اللى مش عاوز رياضه واحد فى ادبى ممكن يبدلها ويختار ماده تانيه لان الطالب بيحول ادبى علشان الرياضه ويلاقى امتحانها كده يا كده يأما يجيبوا لطلبه الادبى امتحان خاص بيهم يكون اسهل من العلمى |
يا رب بالله عليكم يا اعضاء المنتدى شاركونا برأيكم عايزين اكبر تصويييييييييييييييييت
|
والله العظيم
كلامك كله عشرة علي عشرة وبجد اقتراحاتك اكثر من رائعة انا معاك وكمان عمر ما حد اقترح الاقتراحات دي فعلا ازاي نستحمل يوم دراسي كامل و5 دروس يوميا |
يمن هيسمع
احنا ولا لينا اى لزمة هنا فى البلد دى هما يقرروا واحنا سمعا وطاعة |
ياريت اقتراحات حضرتك دى تتنفز والله
كان زمان كل حاجة اتصلحت بس مين يسمع |
يارب نهتم باولادنا
|
هعلق علي مقترحاتك سريعاً كده بس بصراحة الموضوع نال اعجابي ^^" اقتباس:
هذ ما كان يُعرف بالتحسين .. كان حتي الطالب المتميز اللي ناقص نص يدخل يحسن عشان يقفل !! و انا بصراحة ضد الفكرة دي !! اولا مش بالضرورة الامتحان اللي امتحنه اول مرة و الامتحان التاني يكون بنفس المستوي !! يعني كده مش فيه تكافؤ فرص .. ثانياً كده الطلبة كلها ممكن تقفل و يجيبوا 100% و ده اللي خلي الدول تتريق علي مصر !! يقولوا ايه عباقرة و في الاخر و لا بيطلع منها علماء و لا اي حاجة تعليم فعلاً فاشل !! اقتباس:
اه فعلاً كانت كويسة .. يعني اه ممكن كانت تقيلة شوية بس بتتحل و الحمد لله !! يعني اهم حاجة مش تعجيزية .. و دي حاجة كويسة لانها بينت الطالب المتوسط من المتميز .. مع اني مش مرحب بالفكرة دي اوي خاصة انها جاءت مفاجأة للجميع و حرام و الله فيه طلبة شاطرة مستقبلهم ضاع انا ساعات بفكر اني مثلا مكان واحد فيهم !! بجد شعور صعب خاصة لو حالين حلو .. الحمد لله بجد .. بالنسبة لفترة امتحان الرياضيات اؤيدك و بشدة خاصة رياضة 2 اللي متقسمة لعدة فروع والامتحان بيبقي ساعتين و دي حاجة قليلة جدا خاصة لو الامتحان كان صعب وفيه اكتر من فكرة ! فياريت يوفروا لينا وقت اطول شوية .. و بيتهيألي 3 ساعات هتكون مناسبة ^^ و كمان الاقتصاد و الاحصاء .. الاقتصاد لوحده و الاحصاء لوحدها و كل واحد ساعة ونصف بس !! اقتباس:
والله دي اكبر مشكلة انا مش عارف اعمل ايه !! مش هينفع طبعاً نروح اليوم الدراسي مع الدروس !! مشكلة فعلا كبيرة خاصة ان في تالتة الفيزياء و رياضة 2 .. مدرسين الدروس بيدوا 3 حصص في الاسبوع يعني مفيش وقت خالص بجد !! بس حلك لا اؤيده اتمني العكس انهم يسيبونا براحتنا في الغياب و ده مستحيل !! حتي فكرت احول مدرسة خاصة لكن للاسف مش راضين يقبلوا حد .. كان مفروض من تانية !! اقتباس:
و انا برضه بقول ياريت تكون صعبة .. بس مش صعوبة لدرجة التعجيز .. يعني تكون بمستوي امتحانات السنة دي .. اقتباس:
اهااااااا فعلا المشكلة مش في الخمسين جنيه المشكلة انهم منزلنها قبل الامتحان بتلات شهور بس تقريبا !! يعني الوقت مش كافي !! بس ممكن اصلا تستخدم كتب اصحابك بتوع السنين اللي فاتوا لان تقريبا النسخ كلها واحد اقتباس:
طبعاً في طلبات كتييييييييير بس مين يسمع .. يلا ربنا يكون في العون بس فين الاستفتاء ؟! اظنك لم تضعه بعد !! بالانتظار بالتوفيق اخي قناص ^^ |
ولأنك اتخذت طريقة شرعية ولائقة فى عرض فكرتك
ولأنه من مهام منتدانا تعليم الطلبة وليس تعليم ما بالكتب وحده بل تعليم الطريقة الصحيحة للمطالبة بالحق والبحث عن الأفضل تم تثبيت موضوعك وفى إنتظار ومتابعة كل الأراء لكن لو إتخد الحوار طريقة غير لائقة أو خرج عن حدود الإحترام سيكون للمنتدى حق التصرف وقتها يثبت الموضوع ونتابع أراء الجيل الجديد بالتوفيق |
اقتباس:
مبروووووك يا قناص ^.^ |
ممنوع وضع روابط على الفيس بوك
|
شكرا جزيلا يا استاذة ام شاهندة ويا رب نحصل على اكبر تصويت ويا ريت الوزير شخصيا يتابع الموضوع او يكون عنده خلفية عنه مش صعبة والله يا جماعه لما احنا هنرتاح والله هنحب مصر وهنحب التعليم المصري يالا ورونا همتكم.............
|
اقتباس:
بالنسبة للاقتراح الأول ففيه عدم تكافؤ للفرص وغير عادل مع العلم أن اقتراحك هذا كان مطبقاً من قبل نظام الثانوية الحالي " نظام السنتين " وكان يسمى " نظام التحسين " الذي ألغي ولكن الطالب كان يعيد دخول الامتحان في جميع المواد وكان عدد المواد أكثر من الحالي بالنسبة للاقتراح الثاني ليس من السهل تغيير وقت الامتحان كل المواد التي من 50 درجة وقتها 3 ساعات فلا يمكن زيادته أكثر من ذلك وبالنسبة لمادتي التفاضل وحساب المثلثات ، والجبر ألا يكفي ساعتان لكل منهما ؟ وكيف حصل كثير من الطلاب على الدرجات النهائية فيهما أو قربها ؟ بالنسبة للاقتراح الثالث طبعاً هذا هو أساس مشكلة التعليم وهو عزوف الطلاب عن المدارس ، واللجوء إلى الدروس الخصوصية ولن تنتهي إلا بتجريم الدروس الخصوصية وإعطاء المدرس حقوقه وما يلزمه وطبعاً إجبار الطلاب على الحضور إلى المدرسة وعدم التهاون في ذلك والأمر من ذلك هو أن المدرس يشرح في الفصل كما كنا يشرح في الدرس الخصوصي وبالنسبة للاقتراح الأخير دائماً ما تردد الوزارة أن الكتب مجانية وما يدفعه الطالب هي مصروفات مدرسية أضف إلى ذلك أن الطلبة تعتمد على الكتب الخارجية لذا على الوزراة إعادة النظر في محتوى الكتاب المدرسي وطبعاً الاختلاف في الرأي لا يفسد للود قضية |
كلام كويس
بس ياريت ياخدوا بيه |
انا طبعا طبعا معاكم وبضم صوتى لصوتكم انا بجد هو الحمد لله جبت كويس بس احنا اتبهدلنا يا جماعه وطبعا كلنا بس البنات اكتر والله العظيم دروس ومدرسة وحاجه قرف بس احنا لازم كلنا كل الطلبة فى مصر مش احنا بس مع احترامى المنتدى هنا عظيم جدا ومشهور جدا بس احنا محتاجين صوتنا يوصل محتاجين حد يشجعنا يا جماعه قولولى ايه الحل دايما بنشتكى من التعليم والدراسة لكن ايه اللى اتغير حد يرد عليا ويقولى هنعمل ايه وانا معاك يا قناص الاقصى انا واصحابى وكل طلبة مصر ضاع حقهم خلاص
|
ارحب بالنقد البناء في اي وقت وارحب بتصويتكم وارائكم في الموضوع ويا ريت يتنشر في كل مكان تقدروا توصلوه
|
100% كلام صحيح وياريت يتنفذ بجد
|
والله يا قناص اقتراحات جامده جدا بس انتا عارف التعليم فى مصر لا حياه لمن تنادى
يعنى كلوا بيقلب صفوت يعنى من الاخر الاقتراحات دى ولا يعتبر ليها اى لازمه انا مش بقول كدا علشان احبطك لا والله انا نفسى التعليم فى مصر يبقى احسن بس انتا عارف مصر بقى الثانوى من اول ما تعمل عام 1930 وهوا فى الضياع ومصايب كل سنه لكل دفعه فمش معقوله يعنى هيجوا فى الاخر ويطورا دى احلام وفى الاخر انا بقولك دا مش احباط انا موافق على الاقتراحات بس لازم نكون واقعيين احنا فى مصر مش فى امريكا |
السلام عليكم
انا طالبة فى المرحلة الاولى من الثانوية العامة مواااااااااااااااااااااافقة على كل كلامك وياااااااااااااااااااااااااارب حد يسمعنا ويوافق على الكلام دة |
ا
أنا معاك فى كل اللى انت بتقولة بس يريت حد يسمعنا وينفذ لأن الواحد بجد تعب ونفسة بعد كدة يروح موزمبيق على الأقل ارحم من التعذيب على البارد اللى احنا فية وبجد ميرسى جدا يا قناص على التوبيك الرائع جدا :078111rg3::078111rg3::078111rg3::078111rg3::07811 1rg3::078111rg3::078111rg3::078111rg3::078111rg3:: 078111rg3::stickjo4::stickjo4::stickjo4::stickjo4: :stickjo4::stickjo4::stickjo4: |
الاقتاح الاول ان مش معاه خالص وانا معاك فى بقيت الاقتراحات
والاقتراح عدم مساواة امتحانات الرياضة فى العلمى والادبى دة كويس |
100% كلام صحيح
|
اقتباس:
كلام سليم فعلا البلد ماشيه بمزاج بعض الفاسدين الذين لا يهتموا بأراء الأخرين وأنا معاك ياقناص الأقصى فى كلامك كله. |
ياريت ياقناص أتشرف بأسم حضرتك
|
مقترحات اكتر من رائعة ولكن اعلق علي الاعضاء الكرام لو سمحتم
الكلام دا لفئة / اولا لو كنتو فاكرين ان الي بنعملو دا تعليم يبقي انسي وهتفضل زي ماأنت وبكل صراحة وكتير من الطلاب بتعمل كدا تأخد في المادة درسين وثلاثة ومئة كتاب تحل فيه والي بيموت روحه في المذاكرة لحد لما ما يبقاش باين من الارض وبعد كل دا يجيب مجموع او ما يجبش دي محبطة ودا لفئة ثانية / بلاد كتير كانت في مؤخرة الركب الان هي في المقدمة واحسن مننا بكتير طبعا المصري في عادة وحشة اوي وهي ان احنا افضل حاجة وانا بقولكم لا في احسن مننا بكتير وفي عيب كبير اوي دائما بنحب نفتخر بالماضي بس فين الحاضر عوزين احمد زويل تاني مجدي يعقوب كل الناس الي كانت بتتعلم ايام ما كان في تعليم لكن خلاااااااااااااااااااااص مافيش فايدة في الاخر الكلام للفئتين واحد وخلاصة القول التعليم يسقط في الهاوية ومعلش اسفة علي الاطالة |
بجد هايل يا قناص ربنا معاك ومعانا
|
عفوا يا لمبودي ده اسمي المستعار في كثير من المنتديات وعالفيس بوك قناص فاقوس وهل يسمح لي بأدراج اميلي ام غير مصرح ... اما بعض المعلومات عني فأنا شرقاوي من فاقوس مدرسة فاقوس الثانوية العسكرية اما اسمي الحقيقي كان نفسي اقولك عليه بس للسرية الهامة
مستني التصويت وارجوا الاهتمام بالموضوع |
ارحب بالزائرين لكن مش هتخسر حاجة لو اشتركت وصوت
عايزين اعلى تصويييييييييييييييييييييييت |
اهم حاجه الدروس يلغوها فعلا فعلا
يعني اذا معظم الاقتراحات مرفوضه ياريت بس يوافقو ع حكاية الدروس دي وكمان ان الامتحانات تكون مقياس لجميع المستوايات من اول الفائقين لعند ال بس مجرد القو نظره ع الكتاب سريعا قبل الامتحان علشان محدش يتظلم ( مبروك التثبيت ) وانا مع راي كونان |
ربنا يسهل بس عايزين استجابة لاي اقتراح
|
ربنا يسترها معاكوا انتوا في سنة ما يعلم بيها الا ربنا موافقة 100%
|
اتفق معاك فى كل الأقترحات تقريبا معادا اول أقتراح من وجهة نظرى المتواضعه دا ممكن يفع درجات ناس على حساب حد تانى للأن فى واحد اجتهد و ربنا كرمه و جاب درجات كويسه و واحد امتحن نفس الماده بس مرتين فطبيعى انو يجيب درجه اعلى و يتساوى مع اللى جاب الدرجات العليا دي بردو بس من أول مره _أرجوا ان تتقبل نقدى _
أما الدروس الخصوصيه فهى فعلا مشكلة لكلا الشعبتين و خاصة العلمي بما ان اغلب المواد بتبقى حصتين و احيانا اكثر بالأضافه الى حصص الأمتحانات |
|
انا اوافق على الحجات دى مع انى خلصت خلاص
|
تم التصويت ياقناص وكل كلامك سليم وأنامعاك فيه أنا علي فكرة من الشرقية_فاقوس. ومعاك في نفس المدرسة كمان.
|
انا موافقه ومن رايى كمان ان مستشاريين المادة واللى بيحطوا الامتحانات هما اللى يعملو الكتب بصراحه مش اعرف هما لى بيعملوها ولالا بس تكون الكتب المدرسيه وافيه باننا ندخل اى مستوى للامتحان
|
والله مقترحات جميلة
بس لو كان كل واحد فى البلد دى اقترح ونفذوله اقتراحة ما كنش حد تعب فيها بس تقول ايه بقه ولا حياة لمن تنادى |
انا موافقه على الاقتراحات دى وبالذات الغاء الدروس الخصوصيه لكن فى المقابل يجب مراعاه الحاله الماديه للمدرسين
|
انا موافقة ياقناص على مقترحاتك الجميلة بس اود اضافة اقتراح
الغاء شعبة علم علوم وعلم رياضة ويكون التقسيم علمى وادبى حتى تتسنى الكليات امام الجميع مش معقول طالب علمى جايب 92% ومش عارف يدخل اى كلية حتى تربية نوعية قسم حاسب الى علشان مش رياضة ياريت ياقناص تضيف البند دة اصل تعبنى جداا |
شاكرين الافضال
|
بسم الله ما شاء الله
والله مطالب كلها هادفه وفي صالح الجميع بس احنا فيم والكلام ده فين بارك الله فيك على موضوعك |
افكار رائعة ولكن مين هيسمع ؟ّ!!!!!!!!!!!!!!!!؟
اقتباس:
فعلا بجد مين هيسمع ؟؟؟!!!! انا عجبانى المقترحات جدا واتمنى ان النظام ده يطبق بس للاسف ده مش بيطبق دول بيطبقوا اللى هما عايزينه بس هما لو خلو الامتحانات صعبة السنة دى هيخلوا برضو التنسيق زى ما هما عايزين . ____________________ > > بالتوفق ان شاء الله |
يا ريت اللي يدخل ويعجبوا الموضوع يشترك ويصووووووووووووووووت
|
اقتباس:
خلوا بالكوا ياللى هتدرسوا كيميا السنة دى ان نسخ الوزارة مختلفة فى بعض الجزئيات واكيد لو مدرسك شاطر وفاهم هيقولك ع الصح نسخة 2010 نفسها كان فيها 3 طبعات وكل طبعة مختلفة فى بعض المعلومات متقلقوش هى بتكون حاجات كدة معروفة ومدرسك اكيد هيقولك عليها بالتوفيق .... بالنسبة للموضوع فانا موافقة ع بعض الاقتراحات وان لم يكن معظمها |
صـــــــــــــــــــــح الكلام
|
السلام عليكم ورحمة الله وبركاته
بجد موضوع تحفه يا قناص وانا معاك وموافقه ويارب فعلا المقترحاتا دي توصل للوزاره ويناقشوها كلها مقترح اجمل من التاني فكره جميله جدا |
موضوع جميل جدا بس بالنسبه لموضوع الدروس فقبل مانقول مش هنروح دروس لازم نلاقي في المدرسه مدرسين يهتموا بينا ونحس ان مفيش لازمه للدروس ولا ايه؟
|
اه فعلا ياريت كل ده يحصل
|
الموضوع فعلاا جميل جداااااا ولازم كلنا نصوت مع قناص الاقصي لان فعلا دي مطالبنا وياريت حد من المسئولين يشوفها ع الاقل علشان يعرف ان فينا طلبه عندهم اراء لازم يسمعوها حتي واحنا متاكدين ان محدش هيعملنا حاجه بس انا مش مع حضرتك في الاقترلح الاول ولكن انا موافقه ع الباقي كله وموضوع جميل جداااااااا بنحيك عليه
|
| جميع الأوقات بتوقيت GMT +2. الساعة الآن 06:29 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.