|
مناقشات تدور بين طلبة علمي
بسم الله الرحمن الرحيم يا جماعة عاوزين نتناقش حول المادة الادبية بالنسبة لطلبة العلمي و تحسوا إن اللي جايب كام ممكن يلحق طب السنة الجاية انا بقول ان المجاميع عالية جدا و ده اكيد مش هيرضي د-أحمد ذكي بدر فالأمتحانات السنة الجاية هتبقي نار فتفضلوا علم النفس و لا أقتصاد و أحصاء بالنسبة للي مش بيحبوا الحفظ ياريت تشاركونا بأرائكم |
علم نفس
لانه تقدرى تتكلمى فيه بطلاقه وغير كدا دا هيفيدك ف حياتك جدا وف تعاملك مع الاخرين ومن رايى انك هتحبها جدا الماده دى |
علم نفس
وانا جايب 97 % وخايف اكمل علمى علوم لان الامتحانات السنه الجايه ممكن تبقى صعبه فان شاء الله هدخل هندسه (رياضه ) |
علم نفس ان شاء الله
وأنا جايبة 95% السنة دي وان شاء الله هبذل كل جهدي علشان أقدر أجيب مجموع طب بس انتم ادعو لي ربنا يوفقني |
واضح إن في إجماع علي علم النفس
يارب استرها معانا ووفقنا لما تحبه و ترضاه ياريت يا جماعة متبخلوش علينا بوجهة نظركم |
اخيرررااااااااااااااا حد هيتناقش في الموضوع ده
والله انا برضه محتار بين اقتصاد و احصاء و علم نفس انا عايز اقتصاد و احصاء و اصحابي كلهم هياخدوا علم نفس بيقولوا مضمونة فيها الـ 50 من 50 بس انا مش بعرف احفظ خاصة ان علم النفس عامل زي الفلسفة و الحاجات الرخمة دي و المنهج طويل اوي بس بيتهيألي الامتحان بيجي سهل بس خايف مش اقدر احفظه و اضيع فيه خاصة ان ذاكرتي ما شاء الله احط الكلمتين من هنا يطيرو ا في ساعتها اما الاقتصاد و الاحصاء .. الاحصاء سهلة كما يقال لكن انا خايف من الامتحان يلعبوا فيه و يجيبوا تركات صعبة و انا اتهبل في الامتحان و اغلط و ساعتها هنقص بينما زمايلي يبقوا جايبين 50 في علم النفس و الاقتصاد هيبقي برضه صعب في الحفظ لكن علي الاقل هيبقي في نص حجم علم النفس !! ياريت يا جماعة اسمع رأيكم عشان انا محتار خااااااااالص وانا علمي رياضة ان شاء الله |
انا واخد علم نفس
كلو نصنى بيها بس لسة متردد هيا و لا اقتصاد و احصاء |
اقتباس:
و الاقتصاد و الاحصاء ساعات بيتفزلكوا فيه و انا كمان محتار بين الاحياء و الرياضيات2 و مش عارف اعمل كنت استقريت علي الاحياء بس لقيت في 40 و احد في مدرستي أعلي مني و في مجاميع عالية جدا و انا عن نفسي متقبل المادتين بس محتار و مش عارف الكلام ده عادي و نسبة اللي فوق 95% بتبقي كدة كل سنة و لا أقل و لا أعلي و مفيش حد راضي يفيدنا |
اقتباس:
طب والعمل ايه ؟! انا كل اما اسأل حد ! يقولي علم نفس بلاش فزلكة و تعمل نفسك عبقري !! والله حاسس لو اخترت علم نفس هرجع اندم و برضه لو اخترت اقتصاد و احصاء برضه هرجع اندم في الاخر .. يعني كله ندم x ندم .. وانا كمان كنت بكره الفلسفة في اولي ثانوي .. ارسطو و افلاطون و ........ إلخ و فاكر القوانين بتاعة أ . أ هو أ و الشئ اما يكون أ او لا أ ........ باين كده و لا ايه كانوا 3 قوانين احفظ الاول انسي التاني ههههههههه ربنا يشفيهم .. ربنا يسهل بقي و يعدي الموضوع ده علي خير و استقر علي حاجة .. طب انت جبت كام ؟! يعني انتَ متقبل المادتين ؟! ممم طب عايز تبقي دكتور و لا مهندس !! يعني اكيد عندك ميول اكتر لحاجة معينة انا عن نفسي بكره الاحياء لدرجة محدش ممكن يتصورها ..... دي اغبي مادة شفتها في حياتي !! و مع ذلك خايف من رياضة 2 .. بس هبذل اقصي جهدي و ربنا يسهل ^^" اه انا برضه عايز اعرف كده المجاميع نازلة و لا ايه ؟!! بس بيتهيألي ان المجاميع اللي فوق ال95 نسبتها زي كل سنة لكن اللي كانوا بيجيبوا من 90 : 95 هما اللي نزلوا للتمنينات !! علي ما اظن بس برضه فيه شاطرين جدااااا و كانوا والله يستحقوا 98 و 99 بس نزلوا خالص .. ربنا يكون في عونهم .. انا التاني علي المدرسة علمي رياضة و الخامس علمي علي بعضه و حاولت اجيب مدارس محافظتي كلها واجمع كده شوية لقيت اني السادس مكرر علمي رياضة ^^ بس مكرررررر اوي يعني لان 2 -------- 203.5 4 -------- 203 5 -------- 202.5 6 -------- 202 10 ------- 201.5 15 -------- 201 >> انا من دول ^^ بس فيه برضه 204 و 203 و 202 بس اخدين احياء في الاول ^_^ |
اقتباس:
يلا قدر و ما شاء فعل و مفيش حد بياخد اكتر من نصيبه الحمد لله علي كل حال و انا محتار جدا و إبن عمي كان واخد علم نفس السنة اللي فاتت و هو برضو مش بيحب الحفظ بس بيقولي اخدها و انها مادة حلوه |
اقتباس:
اها معلش قدر الله و ما شاء فعل و درجتك حلوووووووووة جدا ما شاء الله فعلا يعني ممكن واحد مش بيحب الحفظ يحب المادة دي ؟! مممم طب هوا جاب كام ؟ |
اقتباس:
بس شكلي كده هستقر إن شاء الله علي علم النفس و ربنا يسهلها علينا كلينا |
اقتباس:
|
الحل يا جماعة ناخد تاريخ
ههههههههههههههههه |
طاب يا جماعه انا جايب 92.2 ممكن يكون في امل اخش هندسه ولا لا ارجو الرد
|
اقتباس:
|
اقتباس:
ههههههههههه :d |
اقتباس:
بس مش تبقي تقيله شويه |
علم نفس طبعا انا احياء جبت 98.3
|
كله محتااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااار
صلو استخاره وبعدين طيب اقتصاد واحصاء اسهل ياجماعه بس لل بيفهم وف ناس بتقول ماده واحده احسن من مادتين توفير وقت ومجهود وااختي جمبي اهي وبتقولي علم نفس وفلسفه عايزين حفظ مع فهم بس الحفظ اكتر احنا هنوصل لقرار امته لما الامتحانات تقرب ولا ايه لازم نقرر بسرعه وانا شايفه انك تاخد ال هتفهمها وهتكون لذيذه ف المذاكره معاك وسيبكو من صحابي واخدين كذا وكدا كل واحد بيكتب ال هيعرف يمشي فيها وهم شكلهم بيحفظو انت ممكن تحفظ ازاي بقي للهياخد علم نفس او فلسفه بالورقه والقلم ومش هتنسي حتي لو ايه و ال بيعرف يكتب وليه ميول للكتابه وكدا ممكن ياخد علم نفس لانه ممكن يكتب بسهوله مدام بيعرف يكتب ومع المذاكره طبعا |
السلام عليكم
يا خوانى انا ادبى وبقلكم اسهل مادة علم النفس والاجتماع مادة جميلة جدا جدا جدا وجات سهلة جدا السنة دى |
يا خوانى
الاقتصاد والاحصاء زى الرياضة بتيجى صعبة لكن علم النفس والله سهل جدا بس اللى يذاكر وهى احسن من الفلسفة وسهل منه بكتير جدا انا قلت النصيحة واللى عايز ياخد بها الله ما قلت الله ما اشهد |
==============علم النفس يا جماعة ===========
==========انا شايف فى ناس كتيرة محتارة مش عارف ليه ========= ====== الاقتصاد والاحصاء صعبة يا جماعة انا قلت لكم ============ |
اولا السلام عليكم انا اقترح ان نقرا جزء من علم النفس ولو لاقيناه سهل ناخده وعايزه حد يفكر معايا فانا جبت 94% مش عارفه اكمل علمى رياضه ولا احول علمى علوم ارجو الافاده
|
وعليكم السلام
يا ختى انا ادبى وكنت واخد علم النفس وهو مادة سهلة جدا جدا جدا وكمان علم الاجتماع اسهل منه واول باب فى علم النفس مش ها يخد يوم مذاكرة وعلم النفس 5 ابواب علم الاجتماع 4 ابواب وعلى فكرة انا لم اخذ اى درس وكان سهل جدا والراى الاخير لك وعلى فكرة كل طلاب العملى هنا بياخد علم النفس لانه سهل ولابنا يوفقك |
انا كمان كنت محتاره ما بين علم نفس وافتصاد واحصاء
لكن انا بحب الرياضه وناويه اخد اقتصاد واحصاء باذن الله وبالنسبه لحكايه ان الاقتصاد والاحصاء مادتين كمان الفلسفه والمنطق جزئين واظن ان الاقتصاد والاحصاء احسن بالنسبه لعلمى رياضه بالنسبه بقى للاحياء فدى ماده لذيذه والله بس عاوزه دماغ انامش كنت بحبها فى الاول لكن المنهج شيق وتستمتع بيه انا عاوزه اسالكم سؤال تانى بقى بخصوص المستوى الرفيع انا كنت عاوزه اخد احياء بس دى هتحتاج مجهود وانا جبت السنه دى 197,5 يعنى محتاجه ازود مجموعى السنه الجايه بشكل كبير فقلت اخد عربى عشان اضمنه اللى عنده تعلق ياريت يناقش لانى عاوزه اخد المواد اللى تفيدنى زى احياء كمستوى رفيع |
انا جبت 98.5 وانشاء الله هاخد علم نفس ومستوي عربي
|
انا هاخد مستوي رفيع إنجليزي
في رايكوا العربي افضل؟ |
شاكرين الافضال
|
كده الواحد احتار بعد ما شاف الردود
انا كنت ناوي ادخل ان شاء الله اقتصاد و احصاء و اخويا نصحني بكده و قلي بدام انتا علمي رياضة يبقى هتبقى كويس في الاقصتاد و الاحصاء انتو ايه رأيكو |
اه صحيح العربي اسهل و لا الانجليزي كمستوي رفيع ؟؟
انا شفت امتحانات السنة دي في العربي و الانجليزي !! من رأيي الانجليزي ^^ بس عايز اعرف رأيكم ؟ |
اقتباس:
تقريبا كده هقرأ شوية من علم النفس و من الاقتصاد اما الاحصاء متأكد من سهولتها ^^ |
انا كنت محتاره زيكو كده فى انى اخد اقتصاد واحصاء ولا علم نفس بس كتير قالى انى اخد علم نفس احسن ولانو مضمون فيه ان الواحد يجيب 50 وانا بصراحه لما فكرت فيها الحمد لله اهتديت لعلم النفس مع العم انى علمى رياضه
وبالنسبه للمستوى الرفيع انا وخداه انجليزى انتو ايه رايكو ؟ |
ياريت اي مدرس يدخل يقولنا رأيه !!
|
علي فكره علم النفس افضل ماده انا اخدتو وذاكرتو ف اخر شهرين ونص والله ما كنت اعرف عنو حاجه قبل كده ولا كنت باخد درس غير ف اخر شهرين دول وجبت فيه 49 ووالله كمان ما غشيت ولا كلمه عشان محدش يقول غش
|
انا طالبة رايحة تانية طب
انا عن نفسي كنت واخدة علم نفس وكان سهل جدااااا وفي اصحابي كانو واخدين اقتصاد واحصا وقالو انه حلو بردو انا عن تجربتي شايفة ان علم النفس كان حلو وكنت حاسه انه مادة صغيرة اهم حاجة ابعدو عن مستوي الرفيع احياااء انا مااستفتش منه خالص كان عايز مزاكرة جامدة زي الاحياء العادية والامتحان بيبقي طويل زي امتحان الاحياء العادية 6 اسئلة تختار 5 منهم وكل سؤال بعشر درجات وامتحاني كان وحش اوي كمان يعني من الاخر عايز مزاكرة جامدة زي باقي المواد |
انا بقي ان شاء الله اقتصاد واحصاء
ربنا معاكو الاحصاء انا شفتها ولقتها سهله لسه هشوف الاقتصاد |
يا ناااااااااااااااااااس الوزير لغى تحويل المستوى والمواد الاختيارى القرار ده تم تطبيقه علينا ((سنة الفراغ))
يعنى اللى كتبته فى استمارة تانية ...قضى الامر ومفيش تحويل من علمى لادبى او من رياضة لعلوم..لذلك استيقظوا |
اقتباس:
لو عمل كدة مش هيعيش لبكرة لان نص علمى هيحولو ادبى عشان المجاميع و محدش هيسكت لو قال مينفعش و الاهالى مش هيخلوة يشوف نفسة تانى يستحيل |
............................
|
أنا أخدت علم نفس و بردو مش بحب أحفظ بس كلامه حلو و سهل مش محتاج حفظ أصلا مش زي حفظ الأدب (يا ساتر يا رب)
الواحد يحفظ يحفظ و الحصيله صفر |
اقتباس:
و في نسبة رسوب عالية و ربنا يكون في عون هؤلاء الطلاب هما و أهاليهم و فيهم نسبة مؤكد هتحول لادبي اما لو لغي التحويل من علوم و رياضة للي واخدين كيمياء فدي تبقي كارثه و ربنا يستر و اعتقد انو كلام خاطئ اقتباس:
|
السلام عليكم
انا متابعة المنتدي من اسبوعين كده بس بجد عجبني جدا واخيرا سجلت فيه انا واخدة اقتصاد واحصاء والمستوي عربي اصل احصاء حصة في الاسبوع وكذلك اقتصاد يعني توفير وقت مش كده ولا ايه ؟؟؟؟ |
طب علم النفس ايه نظامه كام حصة ؟!
بيتهيألي علم النفس شغال طول السنة اما الاقتصاد بيبدأ من الاول و الاحصاء من شهر 12 كده ؟! |
اقتباس:
|
أنا أختي كانت واخدة علم نفس وجابت 49 بس علي سنتهم كان الاقتصاد و الإحصا نااااااااااااااااااااااار بس طبعا كان فيه خمسينات كتير في علم النفس
|
انا عن نفسى اضمن 50 فى علم النفس اكتر من الاقتصاد والاحصاء
اخويا كان عنده غلطة وجاب 50 واختى كان عندها غلطة وجبت 50 وان شاء العزيز المقتدر اجيب 50 |
طيب يا جماعة الخير هو علم النفس بيبقي طول السنة و لا برضه آخر شهرين
و المستوي الرفيع بيتشرح و لا انا بذاكره مع نفسي |
بعد كل النقاش ده مش قادر اوصل لقرار برضه ؟!!
|
المستوي الرفيع بسمع ان فيه مدرسين بيدوه ؟ بس انا مش مع الفكرة دي !! انا هذاكره في البيت يعني ليلة الامتحان كده
وممكن احاول اذاكره في الاجازة بس اما اعرف الاول هاخد ايه ؟! |
| جميع الأوقات بتوقيت GMT +2. الساعة الآن 10:47 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.