|
نداء الى كل من حصل على 95%
يا جماعة انا جايب 95% ومحتار جامد اكمل علمى علوم ولا احول رياضة حد يقولى ضرورى ويا ريت اللى جايبين زى يقوليلى هيعملوا اية ؟ انا نفسى فى كلية من كليات القمة يا ترى لو كملت علوم اجيب صيدلة او طب اسنان
|
ردا ع كلامك انا جايب اعلى منك بحاجات بسيطة جدا وشاورت ناس كتيييييييير جدا اجدا جدا جدا واطمنت وقررت خلاص وممكن افيدك عامة ده ايميلى عشان نتكلم ونرد ع بعض ونوصل لحاجة تطمنك زيى (
dr.agwa2010***********))))))))))) |
بصي يا ستي انا جايبه95.6 وبرده محتاره جدااااااااااااا
بس فكرت في حاجه احنا لو ذاكرنا جامد جدا ان شاء الله وجبنا مجموع حلو هنجيب درجه كويسه ولو التنسيق في الطبيعي صيدله بتاخد من96 ان شاء الله نجيبها ولو لقدر الله ملحقناش صيدله كده كده نمتحن فنون تطبيقيه وندخلها ونطلع برده مهندسين وبرده محتاره |
انا جايب 96 وبردو محتار ...... المجاميع عالية جداااا
|
اية فنون تطبيقية دى ؟ انا اول مرة اسمع عنها
|
انا مجموعى زيك 95% ونويت احول رياضة علشان اضمن هندسة لانى غير متاكدة من مجاميع المرحلة الاولى
|
والله يا جدعان محدش ييأس انا بنت خالتى السنادى فى الثانويه وجابت 95.8 مع انها كانت طالعه الاولى ع المحافظه ف 3 اعدادى وهتكمل علوم صدقونى مع ان المجاميع عاليه جدا السنادى الا ان اصحابها قليلين تخيلوا القطاع الطبى بياخد كام واحد اصلا بتاع 7000 واحد يعنى كتير ومتقلقوش |
انا مجموعى99%
|
بصي و سيبك من اي حد بيشتغلك
انا خدت عينه عشوائيا 200 طال طلع 13 طالب جايبين اعلي من 95 لو فرضنا ان 60% علمي هيجمعلك في ال 400 الف طالب حوالي 5000 الاف طالب جايب فوق 95علمي علوم كليات الطب بتقبل 12 الف سنويا وفي سنه فراغ يعني ممكن توصل لـ 14 الف عشان ماتظلمش الطلبه الي في 2 ثانوي مقارنه ب3 ثانوي الي هيدخلو بـ 94% يبقي فاضل 9 الاف مقعد هيجيبوا منين؟؟؟ من ال 95 واقل واعملي الي تقولك عليه دماغك وماتخليش اي معقد فاشل يأثر عليكي |
اقتباس:
100 100 ya rayes kalam zay l fol wlahy a7sn rad |
بسم الله الرحمن الرحيم
السلام عليكم و رحمة الله انتا اللى تعرف ازا كانت ميولك رياضية ولا احياء وحفظ لو ميولك رياضية تخش هندسة مرتاح اما لو احياء يبقى شوف ازا كان عندك استعداد تزاكر بانتقام وماتسيبش فتفوتة عشان تظبط مجموعك ان شاء الله ولا لا وحتى لو ملحقتش هندسة عندك فنون جميلة قسم عمارة دى بتطلع مهندسين واللى مش عارف ايه هى فنون تطبيقية دى كلية بتتدخل بامتحان قدرات رسم وفيها اقسام من هندسة بس مش كل الاقسام وبتاخد اقل من هندسة و مش موجودة غير ف كام محافظة كدة |
يعنى هى التنسيق هيقل ولا لا ؟ انا محتار جامد انا بحب الرياضة والاحياء برضه وحتار جامد هنعمل اية حد يرد علينا
|
انت زىى بالضبط انا جايب 98.3 ومش عارف اكمل رياضة ولا احياء ياريت حد يرد
|
نصيحه مني والله العظيم لو عايزة طب اسنان او صيدلة كملي احياء وهتجيبي ان شاء الله فيه ناس في سنه 2007 كانت جايبه 95 % وكملت ودخلت صيدله وطب اسنان وانا جايب 97 وكلمت مدرسين كتير قلولي كمل احياء علشان المجاميع عاليه اة انما النسبه قليله جدا وسيبك من المجاميع العاليه خليكي في النسبه القليله فيه ناس جايبه 92 % وهيكملوا وممكن يوصلوا للطب فعلان بس شدوا حيلهم وبعدين دة نسبه الي جابوا 90 % قليله اساسا وان شاء الله ربنا هيوفقنا وربنا مش بيضيع تعب حد وباين خالص يعني ان الطب علي سنتنا هياخد من 94 % ان شاء الله وربنا يوفقنا |
انا جبت 94.8% المشكلة اني نفسي ادخل السن وكنت علمي علوم ؟ كل الناس بتقوللي انتي مجنونة لو هتحولي ادبي انا بجد محتااااااااااااااااااااااااااااااااااارة حد يقدر يفيدني؟
|
لا طبعا انتى انشاء الله تكملى علوم وساعة اما تجيبى اسنان او صيدلية مش هتفكرى فى السن خالص حرااااام عليكى نفسك والمجهود اللى عملتى فى تانية عشان تجيبى المجموع دة وفى الاخر تدخلى السن ولو كنتى عاوزة كدة كنتى تحولى ادبى من الاول وخلاص
|
بص دا قرر انت تحدده مش حد تانى شوف نفسك تقدر تكمل علوم ولا متقدرش هتقدر تعدى ال 96 او توصلها الناس هنا ممكن تساعدك بنسبة 35% فى اتخاذ القرار لكن برده انت لازم تقعد مع نفسك وتشوف قدراتك تسمحلك ولا لا ورحم الله امرء عرف قدر نفسه واعمل صلاة استخارة وربنا معاك |
انا راى نكمل احياء طبعا ولو ذاكرنا اكتر هنجيب ان شاء الله
|
انا من راى احياء لان ان شاء اللة هنذاكر ونجيب مجومع كبير وكمان المستوى الرفيع ممكن يعلى ونوصل ل97او98
|
يا جماعة طبعا نكمل ونجيب 98 و99 كمان واحنا قدها وقدود ... انما اللى عارف ان اخره 95 يحول رياضة ... ولا اييييييه
|
يا جماعة بدون فلسفة من المعرف ان الى بيجيب 95% يكمل علمى رياضة علشان النسبة دى بالذات مش مضمونة بالنسبة للطب والصيدلة . وكمان فى حاجة السنة الجاية الامتحانات هتبقا اصعب كتير
|
الصراحه يا جماعه انا هاقول رايى بس انتوا حريين فى الاخر علشان ما ضرش حد
اولا : انك تكمل فى علمى علوم ومجموعك مش اد كده ديه فكره مش كويسه الصراحه يعنى اقصد صعب تخش صيدله شويه هو ممكن بشد الحيل تدخلها بس اللى عاوز اقوله ام صيدله ديه اصلا مش مفيده بعد كده يهمى صدقونى هو اسمها بس لكن هى محتاجه واحد غنى اصلا علشان يفتح لنسفه صديليه ام لو اشتغلتى معيده فا ده مياكلش عيش حاف مفيش الا مندوب مبيعات وانا سمعت ان فلوسها كتير بس حلال ولا حرام مش عارف وغير كده بتتهان ده رايى بس اهم حاجه خشوا اللى بتحبوه وشدوا حيلكوا وربنا يسهلكوا الطريق باذنه سبحانه وتعالى ده رايى الخاص اللى انا متبعه ولو فى حاجه انا موجود تحت امركوا |
يا جماعه اسمعوا ردي وعلقوا عليه
احنا ممكن نقسم ثالثه بحيث اننا ناخد السنه دي عربي وفيزيا وانجلش ونسيب مادة التخصص اللي هي احياء او رياضة مع علم النفس السنه اللي وراها بحيث نشوف مجموعنا لوجبنا 98 او97 في المواد اللي امتحناها نكمل احياء انما لو جبنا 96 او95 او اقل نحول رياضه وبكده مش هيبقي فيه حيره انك هضربي عصفورين بحجر يبقي ف ايدي طب او صيدله مكنش يبقي هندسه |
يجماعة اللى جايب لحد 94% يكمل علمى علوم انا عملت احصائية عن المجاميع
للمرحلة الاولى السنادى المجاميع فوق بس مش بالنسبة اللى تخوف اللى تخلى التنسيق يبئه فوق يعنى عندك مثلا اللى جايبين فوق 97% عددهم 10 الف طالب فقط و اللى جايبين فوق 95% عددهم 24 الف طالب فقط فقط . اللى جايبين فوق ال 90% 69 الف طالب . يعنى الحكاية مش صعبة انا لو كان ربنا وفقنى و جبت فوق ال90 كنت هكمل علوم يعنى اللى اقصده محدش يخاف و التنسيق هينزل السنة الجاية و اتحدى اى حد و طب هتاخد 96% و صيدلة 95% و الاسنان و العلاج الطبيعى و البيطرى 94% و ده احساسى و على فكرة الاحصائيات ديه مظبوطة ميه ف الميه . و متنسوش ان الايام هتثبتلكوا ان التنسيق هينزل |
يعنى اللى اقصده محدش يخاف و التنسيق هينزل السنة الجاية و اتحدى اى حد و طب هتاخد 96% و صيدلة 95% و الاسنان و العلاج الطبيعى و البيطرى 94% و ده احساسى و على فكرة الاحصائيات ديه مظبوطة ميه ف الميه . و متنسوش ان الايام هتثبتلكوا ان التنسيق هينزل [/QUOTE] يـــــــــــــــــــا رب انا جبت 90% مع اني ذاكرت والله وكان متوقع اني اجيب اعلى من 95 بس الحمدلله بس الرياضة بقى ربنا يسامح اللي كان السبب نقصت فيها عشر درجات بس ان شاء الله هكمل علمي علوم نفس ادخل طب قوي ان شاء الله ادعو لي يا جماعة moonface2002 نصيحتي شوف بتحب ايه لو مخك حلو و بتحب الرياضة خد بالك رياضة 2 مش سهلة زي رياضة 1 ولو بتحب العلوم و الأحياء وكده يبقى علمي علوم وربنا يوفقنا كلنا ان شاء الله |
الحمد الله انا جايب 95% وعارف اللي انا ميولي رياضة يبقي خلاص حكمل علمي رياضة
فشوف لو انت ميولك رياضة و بتحبي الرياضة خليكي علمي راضة اما غير كدة يبقي علمي علوم احسن ليكي وممكن كتير تلحقي طب اسنان و صيدلة ان شاء الله |
اناجايب94% هعمل ايه
|
انا بلال وجايب 96% ومن الاول وانا داخل رياضه وحبيت اوضح حاجه يا جماعه اولا انت المفروض تدخل حاجه انت بتحبها مش مجموعك اللى يفرض عليك يعنى انت بتحب العلوم والمواد العلميه ممكن تدخل طب او علوم او كليات كتير مش لازم يعنى تحول "عسى ان تكرهوا شيئا وهو خير لكم"
|
اقتباس:
|
انا جايبه زيك بالظبط وهكمل علمى محدش عارف ايه الى هيحصل
انا مش هاحب رياضه اتنين ولسه فيه امل كبير ممكن بالمستوى تجيب 97 او 98 بس فى الاخر كل واحد ودماغه لو بتحب الرياضه كمل رياضه بس انا عن نفسى هكمل علوووووووووووووم |
هاي يا جماعة انا جبت 90.4 وبحب الاحياء اكتر ونفسي ادخل طب اسنان انا مبحبش الرياضيات اوي وحاسة انها ممكن تكون كتيرة وصعبة في تالتة ايه رايكم ياريت تفيدوني
|
يا جماعة انا جبت 90.4 في رايكم اعمل ايه وانا بحب الاحياء اكتر؟
|
كملى علوم وحتى لو لاقدر الله ما لحقتيش المجموعه الطبيه تدخلى كليه علوم
وهى كليه جميله ومجالاتها واسعه . وربنا يوفقك ويوقفنا |
اقتباس:
انا جبت 90% مع اني ذاكرت والله وكان متوقع اني اجيب اعلى من 95 بس الحمدلله بس الرياضة بقى ربنا يسامح اللي كان السبب نقصت فيها عشر درجات بس ان شاء الله هكمل علمي علوم نفس ادخل طب قوي ان شاء الله ادعو لي يا جماعة moonface2002 نصيحتي شوف بتحب ايه لو مخك حلو و بتحب الرياضة خد بالك رياضة 2 مش سهلة زي رياضة 1 ولو بتحب العلوم و الأحياء وكده يبقى علمي علوم وربنا يوفقنا كلنا ان شاء الله[/quote] انا بشجعك علي حماسك ده انت بجد شجعتني وياااااااارب تبقي اكبر دكتور في مصر |
بسم الله الرحمن الرحيم
السلام عليكم و رحمة الله اقتباس:
|
عن طريق موقع الاستاذ هات مثلا طالب يكون جايب 90 و شوف عدد الطلبة اللى فوق
تسعين عددهم اد ايه و هكذا |
انا رايي ان التنسيق هينزل السنه الجايه ان شاء الله
|
انا لا اؤيد رأيك يا حفصة احنا كده هنضيع سنة من عمرنا احنا المفروض نحدد احنا عايزين ايه شايفين نفشنا في ايه انا جايبة 96%وكل اللي حوليه قالولي اكمل احياء لكن انا بلاقي نفسي في الرياضة عشان كده قررت اكمل رياضة باذن الله وربنا معايا ومع الجميع ان شاء الله
|
انا جايبة 94.8% ومش عارفة اكمل علوم ولا رياضة يااا ريت حد يرد على
|
احمد ربنا
المجاميع نازلة انا جبت 88% وعلمى رياضة وترتيبى على المحافظة 12 الف تفتكرو هلحق هندسة؟؟؟ دى نسب النجاح http://www.thanwya.com/vb/showthread.php?t=239721 |
انا بقى جايبة 95و6 وسالت المدرسين وقالو لي كملي علمي علوم واني لو شديت حيلي السنة الجاية وجبت 96 مع المحاولة على الحصول على ال1في المية يعني ان شاء الله هبقى97 وكدة يكون اضمن ان شاء الله وبرده انا عملت صلاة استخارة وربنا هداني لهذا الراي :confused:
|
انا جايب 95% وحكمل رياضه محدش ضامن الظروف يا رجاله
|
ya gama3aaaaa 7d y2oli w yns7ni a3ml ehhhhhhh ana gayb 95.5 w 7yran ryada wala 3lom wel madeten ana msh b7bhom wala b7b el 7efz wala b7b el ryada 3momn w nefsi ad5ol hndsa w 5ayf awi el ryada tw2a3ni
|
طيب واللى جايب 80و 97% و اخخذ رياضة 2 يبقى ده تفكير صح ولا ايه
|
حد فكر في موضوع قسمة السنة علي سنتين كنوع من الضمان ؟
ارجو الرد |
ياجماعه انا جايب 87 % ونفسى ادخل علوم والقسم اللى انا عايز ادخله من علمى علوم وانا محتار اكمل علوم ولا لا
|
انتو بتتكلموا ف اية ياجماعة محدش هيعرف مستقبلك وميولك كتر منك ولا حد هيرسم حياتك وطرقك الا انت وفعلا انا متفقة معاكوا فان كل واحد يمشي حسب ميولة هو فعلا مبئتشي فارقة سواء بتحب المادة او لاء بس بردة لازم انت اللي ترسم حياتك انا كنت اكتر مادة بحبها الرياضة والمادة اللي ضيعتني بردة هي الرياضة وربنا ع الظالم والحمدلله جبت 88 وحولت ادبي بس بردة عمري مهنسي اني اتظلمت وغيري اللي كانوا اقل هما اللي طلعوا ويمكن دة يكون حافز لية وربنا يهدينا جميعا للي فية الخير
|
سمسمه انتي بجد رائعه ربنا يثبتك ويزيدك قناعه
|
اقتباس:
وفى حاجه كمان انهم كل سنه بيقللوا عدد طلبة القطاع الطبى بنسبة 15%عن السنه السابقة لها يعنى طلبة الطب البشرى عددهم لن يتجاوز 5 الاف وطبعا عدد طلبة الاسنان والصيدله اقل من ذلك يعنى انا رايى ان اللى جايب حتى 96 اضمنله يحول رياضه عشان يدخل هندسة مستريح واللى شايف انه هيجتهد يكمل علوم وطبعا فى الاول ولاخر التوفيق منة عند ربنا بس دى احصائيات واعتبارات بنبنى عليها اراء |
انا رايى ان الهندسة اقوى كلية واحسن من الطب والصيدلة
الطب 7 سنين دراسة وبعد كده معاك زيهم تانى عشان تتمكن من مجالك وبعد كده تفكر تعمل ايه فى حياتك والصيدلة اخرك هتوقف فى صيدلية وهتبيع للناس اما الهندسة بتاخد 4 سنين وبعد كده بتشتغل على طول من غير كلام سواء فى مصر او بره مصر والله انا من السنة اللى فاتت قلت لو هجيب 200% مش داخل علوم والحمدلله جبت 94% ودخلت رياضة وبإذن الله ادخل الهندسة |
| جميع الأوقات بتوقيت GMT +2. الساعة الآن 07:47 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.