|
ممنوع دخول البنات والأطفال والشباب النت ..!!
السلام عليكم ورحمة الله وبركاته ازيكم؟ يارب تكونوا بخير انا النهاردة عايزة اقولكم ع موضوع مهم جداا هو الرقابة علي النت مش من ناحية الدولة لا من ناحية الأهل يعني فيه أهالي كثيرة بتسيب أبنائها ع النت من غير ما تعرف العيال دول بيعملوا ايه!! العملية عندهم في البيت عادي فيه علي النت الأشياء الجميلة من ديني وثقافي وسياسي وعلمي والأشياء الوقحة من مواقع مش محترم لأفكار متخلفة يعني لو الإنسان داخل النت عشان الحاجات الكويسة موجودة لوداخل عشان أشياء غلط هيلاقي يعني النت بقي عالم مفتوح بيدخل فيه كل من هب ودب وفيه علي النت أطفال نيجي لأول ناس اللي بيسبوا أطفالهم وشبابهم وبناتهم النت عادي من غير أي تحكم أو رقابة ويدوهم الحرية المطلقة !! فكانت واحدة بتقول ان اخوها بيدخل علي مواقع مش محترمة خالص لانها كل لما تقرب منه وتقف جنبه يقفل الموقع بسرعة عشان مش تشوفه وشافت كلمات بالإنجليزي معناها وقح !! طبعا في بيتهم الأهل مكبرين ولا واخدين بالهم والولد يقعد ع النت وفي البيت مش عارفين هو بيعمل ايه!! فأكيد الولد دا يااما ينحرف يااما ينحرف لا يوجد خيار ثالث...!! فينشأ مجتمع فاسد ...وابناء فاسدين ...وأطفال أكثر فاسدااا لو الولد كان متربي كويس ومش هيدخل علي مواقع مش محترمة ففيه مواقع أخطر من المواقع اللي مش محترمة منها المواقع لبث الفكر الشيعي والفكر العلماني لناس هم أصلا مش عندهم خبرة في الحاجات دي فيسيروا مع التيار فتلاقي الولد بدل ما كان داخل الموقع عشان يهدي الناس دا ع اعتقاده انه هيعمل كدا يتحول هو للمذاهب دي ..!! ................. طيب فيه أبناء عندهم تشدد جامد ان الولد مش يدخل ع النت ولو دخل يرقبهم ويعرف الولد ان مراقبه ومش واثق فيه ولو بنته طلبت منه يعمل لها ايميل يزعق فيها وانها كدا بنت مش مرتبة ازاي تطلب كدا؟!! ولو طلبت دخول الشات نفس الكلام... مع العلم ان الاب عنده ايميل وبيدخل شات... شوفوا خلينا متفقين ان الممنوع مرغوب واذا كان رب البيت بالدف ضارب فما شيمة أهل البيت سوي ..(:022yb4:) فالبنت اللي تتمنع من دخول الشات بدون ذكر اسباب هتلاقيها بتدخل عشان تعرف فيه ايه !! من دافع الفضول وبعد كدا يحصل ما لا يحمد عقباه!! تتعرف ع فلان ويقولها اسطونات حمضانة ويديها رقم تليفونه وبعد كدا تقبله .....و......................:slap1qk6::slap1qk6::s lap1qk6: ................... احنا امة وسط يعني مينفعش خالص ان يكون في شدة اووووووووي وبردو مينفعش خالص ان يكون في تساهل زيادة عن اللازم ع الأقل نفهم الأبناء ايه هو النت ونعمل ايه عليه ومش كل الوقت نت ! فيه اوقات محددة واجلس معه لو هو بيعمل حاجة ويكون فيه صداقة بين الأبناء والآباء مش هيحسب الصداقة دي الا الآباء لو هم فعلا فيه صداقة اطمن ع ابنك او بنتك لان لو قبلتها اي شيء ع النت هتيجي وتقولك ع طول ..... لان فيه ثقة دا مش يمنع ان يكون فيه اطمئن من وقت للتاني لان فيه افكار بتنشر ع النت بتبقي فاسدة الله يحفظنا كلنا دمتم بخير |
ربنا يحفظك على الموضوع الجميل .وربنا يهدي شبابنا وشباب المسلمين .
|
اقتباس:
ربنا يخليكي ويحفظنا كلنا دمت بخير |
مرسى على الموضوع الجميل دة
وربنا يحفظك ويجعل زخر للامة بس فى برامج رقابة ممكن نستعملها عشان نحمى اولدنا وخوتنا والاهم من دا كلة احنا نفسنا شكرا مرة تنية |
لابد من الرقابة
تسلمى موضوع جميل |
شكرا على موضوعك الجميل
|
بارك الله فيكى
|
شكراا و بارك الله فيكى
|
اقتباس:
عشان كدا ان يكون فيه صداقة بين الابناء والاباء كويس للصراحة والمراقبة الذاتية شكراا لك نورتي |
اقتباس:
نورتي ياقلبي اقتباس:
جزيت خيراا اقتباس:
جزاك الله خيراا اقتباس:
شكراا لك |
انا معاكى فى ان الرقابة ضرورية جدا للاولاد اثناء استخدامهم للنت وتكون دائمة لان من طبيعة النفس البشرية حب الاستطلاع وبالتالى ممكن ان يدخلو مواقع مش كويسة وبالتالى لابد من انهم يحسوا ان فيه متابعة كمان التربية الدينية السليمة وغرس مخافة الله فى الطفل من صغره لها دور كبير فى ده وربنا يحفظ اولادنا ويحفظنا |
جزاكى الله خيرا دوما من تميز لتميز
شكرا على الموضوع |
اقتباس:
فعلا التربية الدينية ضرورية جداا شكراا بجد ع ردك الجميل جزاك الله خيراا |
اقتباس:
جزانا الله واياك |
بدون رقابة هتكلم عن الرقابة
الموضوع دا مهم على فكرة لان الجيل اللى جاى دا جيل استغفر الله العظيم معدش فى اطفال تقريبا لما تيجى تكلمى طفل دلوقت تحسى انك بتكلمى جوز خالتك مثلا :d والعقول بتكبر بسرعة بعد تطور وسائل اللاتصالات والمعلومات لازم يبقا فى رقابة على النت خصوصا فى سن المراهقة لان الشيطان شاطر :d مفيش حد يقدر يمنع حد من دخول النت دلوقت لانه لو مدخلش نت ادامك هيدخل من وراك فلما يبقا تحت عنيك افضل فى حاجات كويسة بتتعمل دلوقت يعنى برامج حظر المواقع وتعرف المواقع اللى اولادك او اخواتك بيدخلو فيها وتحاول تقعد معاهم تشوف تفكيره ازاى بيميل لقراءة ايه انما علشان نمنع حد من دخوله .. صعبة عامة ربنا يهدينا ايه المواضيع النص كم دى :d بهزر دمتم فى رعاية الله |
اقتباس:
بجد فعلا مبقاش فيه أطفال تحس ان العيال مخها كبير اووي لدرجة انهم فاهمين كل شيء في الدنيا يعني حاجات يمكن منعرفهاش:bosyht9: ودا كله من الفضائيات والنت والشارع وخصوصا ان الأسرة مبقتش تربي لوحدها بئا عوامل كثيرة داخلة في التربية واكيد طبعا في سن المراهقة وغيرها ان الانسان فضوله بطبعة ولو الولد مش اتحكم من صغره ممكن يفسد بعد كدا الله يحفظنا كلنا وحمدلله ع السلامة ياباشمهندس نورت المنتدي من تاني:av4056bb7jp3::av4056bb7jp3: ايه الغيبة دي كلها:stickjo4: ان شاء الله يكون المانع خير جزاك الله خيراا سلالالالالالالام |
زى ماقولتى كدا
فى عدة عوامل اترتب عليها نتائج كونت فى النهاية طفل كبير مع انى مش فاهم حاجة بس ما علينا :d === الله يسلمك موجود فى الدنيا اهو انا قولت ادخل اغلس بس شوية وامشى تانى عادى يعنى :d |
لا بجد موضوع جميييييييييييييييييييييييييل
وفكرة رائعة مى مغسى |
السلام عليكم فعلا كلام حضرتك تمام جدا حضرتك طرحتي المشكلة وقلتي الحل أعتقد إن التربية هي اللي هتحدد كل حاجة يعني زي ما حضتك قلتي لا الشدة هتنفع ولا التسيب هينفع ولازم يكون في حزم مع حنان لكن ف ناس بطبق مولة اللي عاوز حاجة هيعملها رغم عن الجميع شكرا لحضرتك |
اقتباس:
يعني الأطفال بقوا يعرفوا حاجات فوق عمرهم من التليفزيون ودا طبعا مش صحي:d ان شاء الله ترجع للمنتدي بالسلامة ونشوف نشاطك المعهود ياباشمهندس دمت بخير وسلام اقتباس:
لا مغسي ع واجب جزاك الله خيراا |
اقتباس:
احنا امة وسط يبقي كل حاجة عندنا تبقي وسط ربنا يهدي الجميع شكراا حبيبتي |
بارك الله فيكى
لازم التربيه الدينيه السليمه انا والله هو 2 موقع الللى بادخل عليهم الاعاب وطبعا بوابه الثانويه العامه وبابا عارف كده وبيشوفنى دايما |
صح يا تســابيح
أنا مــعاكي .. التسيب مينفعش .. ولا التشدد ينفع لكـــن الرقابة الحــادة مش تشدد .. يعني خصوصاً لو كان الوالد أو الوالدة بيراقبوا الأولاد من وراهم .. يعني مثلا يشوفوا إيه آخر المواقع اللي تم زيارتها .. ويشوفوا اذا كان من الصح أو من الغلط الدخول عليها .. .... وأكيد النت ليه وقت .. مش الــ 24 ساعة نت نت .. انا اعرف ناس والله العظيم ما بتقوم من على النت الا للنوم .. وحاولت أنصحهم .. لكن لا حياة لمن تنادي .. بجد حياتهم من وجهة نظري آخر لخبطة .. انطوائية تامة .. حالة نفسية وحشة .. غير بقى المشاكل اللي بتحصل بسبب كدا .. يعني من الآخر .. النت دا "Double edged weapon" يعني "سلاح ذو حدين" زي أي حاجة في الدنيا مع الاستعمال الصح والمفيد أكيد هتكون النتيجة 100% صح .. شكــراً يا جميل على موضوعاتك اللي بجد بنتظرها من وقت للتاني |
معاكي في كل كلمة قولتيها
الموضوع تماااااااااام لازم رقابة بس من بعيد لبعيد ولازم توعية الابناء من اى حاجة ممكن تقابلهم على النت . ومنسيبش الموضوع كده اي معلش فى التعبير (بتنجان) ^_^ لازم رقابة من بعيد وتوعية بكل حاجة حلوة يقدروا يكتشفوها والتوعية بكل شئ سئ ممكن يقابلوه |
اه والله فعلا عندكم حق والله العظيم مابقاش فى اطفال يعنى عندنا مثلا وانا ماشية بعدى من قدام مدارس الابتدائى بشوف البنات ماشاء الله مش بنات اطفال لا انسات كبار انا بستغرب جدا والله على اللى بيعملوه فى نفسهم واللى بيلبسوه واللى بيقولوه بقيت حاجه غريبة فعلا ربنا يحمينا يارب اجمعين وميرسى ليكى على الموضوع الرائع ده بجد حلو جدا
|
اقتباس:
أحسن حالة ان الاهل يكونوا عارفين عننا كل حاجة ربنا يحفظك دمتي بخير شكراا لك |
اقتباس:
ربنا يكرمك ياايمي كلام دا بيرفع من روحي المعدنية:d فعلا موضوع المراقبة من ورا الأبناء وهم مش يعرفوا اكيد مهم للخوف عليهم والتربية الإسلامية السليمة لها عالم قوي شكراا روحي ربنا يحفظنا كلنا من سلبيات النت دمتي بخير |
اقتباس:
فعلا فيه ناس بتسيب اولادها في الكوسة كمان مش البيتنجان بس:d حاسة اننا في السوق:o فعلا التوعية والتربية ربنا يحفظنا كلنا شكراا لك |
اقتباس:
يارب يحمينا كلنا شكراا لك دمت بخير |
موضوع مهم وجميل
جزاكى الله خيرا وكل مانملكه الأن هو الدعاء للواحد الاحد أن يصلح الحال |
اقتباس:
جزانا الله وحضرتك يارب يصلح أحوالنا كلنا ويحمينا من كل سوء دمت بخير أستاذنا |
| جميع الأوقات بتوقيت GMT +2. الساعة الآن 03:27 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.