|
اية وجهة نظرك فى ضباط الشرطة ؟؟؟
السلام عليكم ورحمة الله وبركاتة اولا الموضوع دا مناقشة واحب اعرف اراء جميع المتواجدين بالمنتدى لو امكن طبعا حديث الشارع المصرى ضباط الشرطة ومعظم الشعب مش كلة طبعا بيكره ضباط الشرطة وبيحكم عليهم كلهم لو واحد غلط بيشملهم جميعا وانا النهاردة عايزة اعرف راى كل حد هنا فى ضباط الشرطة وراى انا المتواضع زى ما بيقولوا صوابعك مش زى بعضها وكل مكان فية الحلو والوحش زى ما الضباط فيهم وحش فيهم اولاد ناس وعلى خلق ودين طيب ما عندنا المدرسين فيهم ناس موتوا طلبة قبل كدة مقلبناش الدنيا لية؟ وكذلك الاطباء كتير بينعدم من عنده الضمير وبيكون السبب فى موت اناس ابرياء لية كل حاجة نمسك فى الشرطة وممكن اسال سؤال انطرح عليا من قبل لو فى يوم صحينا الصبح لقينا الضباط عاملين اضراب عن العمل هيكون شكل البلد اية؟؟؟ مين هيحمينا ؟؟؟ وكم مرة دمعت عيوننا من اجل ضابط استشهد فى سبيل هذا الوطن هل فى هذا الموقف نقول انهم جميعا شهداء وابطال؟؟؟؟؟؟؟ واخيرا اختلاف الراى لا يفسد للود قضية ارجو التفاعل |
بجد انتى فتحتى موضوع فعلا محتاج اننا نتناقش فيه
بس انا فى رايى ان فعلا زى ما فى حلو فى وحش بس مشكلتنا اننا بنمسك الحاجه الوحشه بس زى ما تقولى كده مبنصدق نلاقى حاجه وحشه ونمسك فيها الف شكر يا سمسم |
ميرسى جدا يا مونى على ردك
بجد الموضوع محتاج مناقشة علشان كدة قررت اعملة واتمنى تفاعل الكثير |
وعليكم السلام ورحمة الله وبركاته مالهم بئا ضباط الشرطة:o أحسن ناس يابنتي طبعا:stickjo4::stickjo4::stickjo4: لان ليه اقارب في الشرطة وفي الجيش :p:p:p مش بحرم حد من حاجة هههههههه شوفي أكيد طبعا زي ما فيه ناس وحشة وبيتعددوا ع المواطنين وبايستخدموا سلطتهم غلط فيه ناس تانية بتراعي ربنا في التعامل مع الناس وفي الاول والآخر اللي بيحرك ضباط الشرطة ضميره لانه له سلطة جامدة في البلد وهيبة أكيد بس دا طبعا مش يمنع ان فيه اوامر بتبقي من فوق اوووي ضابط الشرطة مش يقدر يخلافها ولازم يمشي عليها لو فعلا عمل ضباط الشرطة اضراب المجرومين هيطيحوا في البلد لان المجرم بيخاف من الضباط جدااا واكيد هم بيحمونا اوووي من اللصوص يابنتي اكيد الغلط اننا نعمم في التعامل زي ما عينا بدمع ع ضابط مات في سبيل الله عينا بتفرح علي واحد اتسجن لانه استغل سلطته غلط شكراا ع الموضوع سلالالالام |
اولا الموضوع جميل جزاك الله كل خير
انا بوافقك في الرأي ان في الحلو وفي السئ بس الا بينتشر اكتر السئ |
موضوع جميل جدا انا اصلا بحب كلية الشرطة واتمنى ادخلها وبارك الله فيكى
|
يسلام عارفين هما بيدرسوا ايه فى كلية الشرطة
الطابع الاو ل لازم يعمل ايه هل هما بيميزوا فى المعاملة بين الناس أغلب الى بيدخل كلية الشرطة بالوسطة يعنى مش معد ولا مهيئ للعمل للعلم كنت متواجد فى اختبارات شرطة وحربية وبعد الى شوفته مكملتش فى الاختبارات ومواضيع تانية بلاش ذكرها بتحصل مع الشعب كله واخرهم شهيد الطوارئ |
اقتباس:
|
اقتباس:
وشكرا على مرورك العطر مش اللى بينتشر السى لا الناس دائما بتشوف السى |
اقتباس:
ربنا يكرمك ويوفقك وتحققى اللى تتمنية بما انك بنوتة يبقى هتاخدى كلية الاول وبعدين تدخلى اكاديمية الشرطة |
اقتباس:
|
على فكرة يا جماعة مش زى ما الناس متصورة انهم بيعلموهم فى الكلية
حاجات غريبة كدة زى مثلا يتعالوا على الناس او يتعاملوا معاهم بشدة وكلامى دا عن علم وثقة |
اوكيه طيب مجموع الى بيدخل كلية شرطة من كام؟
ومرتبة وسلطتةاعلى من واحد فى كلية طب ليه؟ هههههههههههه طبعا فى الكويس و فى الوحش وموضوع جميل جزاكى الله كل الخير |
اقتباس:
على فكرة انا مش دائما فى صف الشرطة لما بتحصل حاجة غلط بقول انهم غلط بس انا حسيت ان مصر كلها بتكرهم فجاة وانا محبش كدة كلنا شعب واحد وزعلت اوى لما وجدت الناس كل حاجة تقول الضباط كلهم انا اخويا واحد منهم ومحبش حد يقول علية كلمة |
انا رايى ان الظباط مش وحشين اصلا وبعدين فى ناس بضطرهم يعملوا فيهم كده عشان مثلا يعترفوا او حاجه انما بقى شهيد الطوارئ لما نعرف الحقيقه نبقى نحكم كويس ايه الى خلاهم يعملوا فيه كده شكرا يا سوسو على موضوعك الاكثر من رائع ده
|
الموضوع جميل جزاك الله كل خير
|
فى حكمة جميلة كنت بسمعها ايام الستينات!! بتقول ان الظابط مش بس بكلمته االظابط برعايته لوطنه وبدلته كل يوم بنحكى وبنتحاكى بظباط الشرطة ومجهوداتهم لحفظ الامن داخل الشارع المصرى بس دا كان فى الستينات بردو !! انما دلوقتى فى حلقة وصل مفقودة مابين الشعب والشرطة بسبب القلة القليلة اللى بوظت المظهر الظاهرى للشرطة بس لو نرجع بالزمان ورا شوية .. كمان شوية ... بس وقف عندك بقا ايون قانون الطوارىء !! قانون الطوارق بيدى للظباط ولامناء الشرطة سلطة يمكن استغلالها لمصلحة شخصية وكله بالقانون !! بسبب القانون دا محدش عارف يكلم الشرطة وكل يوم تعذيب فى السجون ومرمطة فى الشوارع والمواصلات وكله كوم وأمن الدولة كوم تانى .. ربنا ما يوريكم يعنى انا حاولت اجيب كام فكرة فى كلامى ومحبتش اطول اكتر من كدا وزى ما فى الكويس فى ظباط ولاد تيييت عايزين الحرق واحب اهدى اغنية الست دى امى لاى حد !! :d دمتم فى رعاية الله |
اقتباس:
ولكن مرورك انتى الاكثر من رائع |
اقتباس:
|
[quote=..Just Stop;2414285]
فى حكمة جميلة كنت بسمعها ايام الستينات!! [/quote]بتقول ان الظابط مش بس بكلمته االظابط برعايته لوطنه وبدلته جميلة اوى الحكمة دى هبقى اقولها لاخويا كل يوم بنحكى وبنتحاكى بظباط الشرطة ومجهوداتهم لحفظ الامن داخل الشارع المصرى بس دا كان فى الستينات بردو !! انما دلوقتى فى حلقة وصل مفقودة مابين الشعب والشرطة بسبب القلة القليلة اللى بوظت المظهر الظاهرى للشرطة فعلا قلة قليلة بس بوظت كل حاجة بس لو نرجع بالزمان ورا شوية .. كمان شوية ... بس وقف عندك بقا ايون قانون الطوارىء !! قانون الطوارق بيدى للظباط ولامناء الشرطة سلطة يمكن استغلالها لمصلحة شخصية وكله بالقانون !! بسبب القانون دا محدش عارف يكلم الشرطة وكل يوم تعذيب فى السجون ومرمطة فى الشوارع والمواصلات وكله كوم وأمن الدولة كوم تانى .. ربنا ما يوريكم يعنى لا بلاش نبعد عن دول احسن:078111rg3: انا حاولت اجيب كام فكرة فى كلامى ومحبتش اطول اكتر من كدا لا حضرتك براحتك خالص وزى ما فى الكويس فى ظباط ولاد تيييت عايزين الحرق ودا اللى انا بقولة واحب اهدى اغنية الست دى امى لاى حد !! هههههههههههههههههههههههههه حاضر بس اهديها لمصر بقى :d دمتم فى رعاية الله شكرا جزيلا لمشاركة حضرتك فى الموضوع |
هيرمونى جرينجر
تسابيح النجوم اية الفتاة العنيدة mahmmoud_sakr THE SMART GIRL BlakBlak66 Just stop http://images.google.com/url?q=http:...rEdUsqmmlFv_s= |
ضابط الشرطة : خمس اصابع فى كل يد و كذلك فى لقدم و عينان و اذنان و فم و قلب و رئتان و الخ .. طبعاً هتقولو انى اهبل .. ل المغزى من اللى بقوله ان هما بنى ادمين زينا ! طب منا والدى ظابط هل هو مثلاً صاحب ست صابع فى يده ليمنى و لا 3 رجول بالعكس بيخلص شغله بيرجع البيت و بيهزر زى بقيت البشر ! ... الحياة بدون شرطة = الحياة بدون ماء ده الشعب بايظ خلقه تخيلو لو من غير شرطة كان زمنا ادمرنا بجد كل يوم خمسين ماتو ....
بخصوص ان الشرطة فيها وسطة .. اها فيها وسطة وبيخشها ابن لبانة و الكلام ده ... بس بيخشو جوه بيبقو رجلة شوف اول 45 يوم فى الكلية عملين ازاى بيتعاملو ازبل معاملة و من مين .! عساكر !! اللى بعد اربع سنين بيبقى تحت ايده ... الخلاصة .. ان ضابط الشرطة فيه حلو .. ووحش . فيه مرتشى .. و فيه امين ... بخصوص قانون الطوارئ نا هبقى اول المعارضين لو اتشال ... هل حد عن اعتراض ان اللى يكون معاه مخدرات يموت ؟! هل حد عنده اعتراض ان اللى يخون بلده يتقتل .. برا بيتعدمو فى ميدان عام !! هنا احنا بنراحمهم و نموتهم فى السجن بذمتكم مش احنا كده طيبين ؟! ده بدل ما نعترض احنا ننشادهم .. انهم يزودو قانون لطوارئ عشان يشمل ال****** و السرقة ... عشان البلد تنضف |
اقتباس:
|
| جميع الأوقات بتوقيت GMT +2. الساعة الآن 07:01 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.