بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)
-   أرشيف المنتدى (https://www.thanwya.com/vb/forumdisplay.php?f=513)
-   -   يا جماعة من فضلكم !! (تساؤلاتكم بخصوص التظلم ) (https://www.thanwya.com/vb/showthread.php?t=228470)

almaystrow 16-07-2010 08:46 PM

يا جماعة من فضلكم !! (تساؤلاتكم بخصوص التظلم )
 
انا دلوقتي في قطر و عايز اعمل تظلم في الفرنساوي و الكيمياء و مش عارف اعمل ايه ؟؟
انا في مدرسة الاورمان في الدقي يا تري فين الكنترول بتاع الدقي ولا اروح الادارة التعليمية علشان التظلم و ايه خطوات التظلم و كده ؟؟؟
و يا تري ينفع حد من قرايبي يعملي التظلم ولا لازم انزل مصر و اعمله بنفسي ؟؟ و ايه الاوراق المطلوبة ..
ارجوووووووووو الرد

tomcruise_tito 16-07-2010 08:49 PM

لازم تنزل عشان مفيش غيرك هيعرف دى ورقتك ولالا

almaystrow 16-07-2010 08:59 PM

طيب ايه الخطوات للتظلم و فين التظلم لادارة الدقي هل في الادارة التعليمية نفسها و لا فييييييين ؟؟ و بعدين لما اعوز اقدم التظلم لازم اكون انا موجود ولا مش شرط ؟؟؟

almaystrow 16-07-2010 09:13 PM

بجد يا جماااااااااااعة محتاج رد

الأستاذ نادي ربيع 16-07-2010 09:27 PM

لا يسمح بالاطلاع على الورقة الا للطالب وولي أمره فقط

LoveBarcelona 17-07-2010 07:21 AM

سؤال بالنسبه للتظلمات
 
السلام عليكم ورحمه الله .

عايزه اعرف يا جماعه هل في حد هنا عمل تظلم وادوله درجاته ؟؟

اصلي ناقصه 19 درجه في الرياضه وحاسه ان في حاجه غلط ..

فعايزه اعرف موضوع التظلمات ده في امل منه ولا بيدفعونا و خلاص ؟

انا مرحله اولى على فكره مش ثانيه ..
آسفه لو ده مش القسم المناسب بس ضروري الله يخليكم تردوا عليا ..

Hamsa_1 17-07-2010 10:50 AM

طلب ضروررررررى انا رحت شفت ورقى بجد ولقيييييت بلالالالالالاوى وهرفع قضيه ازاااااى ؟؟؟
 
انا رحت عملت تظلم فى العربى المهم انا شفت صوره من ورقتى لقيت فى سؤالين بدرجتين متعلموش وجمع فى الدرجات غلط واجابات صح جدااااا والله فى نموذج الاجابه كمان عاملى عليها غلط المهم انا ليا درجات كتييير فى العرببى ومش هسكت والله لو ماخدتوهمش هارفع قضيه قريب واخد درجاتى لان دا حقى

المهم بعد ما شفت الورقه انهرت واقعدت اعييييييط جامد وبعدين ادونى ورقه اكتب فيها ملاحظاتى وقالولى اتصلى بعد 15 يوم يعنى يوم 30

المهم دلوقتى انا مش فاهمه حاجه خااااااالص الورقه هتروح فين وايه الى هيحصل انا مجموعى وحياتى والله والله واقفه على الدرجات دى

انا عايزه ارفع قضيه عشان اصحح ورقه العربى تانى واخد حقى قولووووولى اعمل ايه اروح لمين عشان ارفع القضيه عشان اصححها تانى بدل التخلف الى شفته ؟؟؟؟؟؟


كمان التفوق الرياضى دا بيرفع كام درجه

يعنى انا كنت بلعب كاراتيه من 3 سنين ومعايا شهادات تثبت دا ممكن يزودونى كام درجه

ارجوكو ردو لان دا موضوع مههههههههم جداااااا لكل الناس المظلومه زيي

ممدوح مصطفى الانصارى 17-07-2010 11:23 AM

*التفوق الرياضى يلزمه الحصول على بطولة
* بالنسبة للقضية يقوم ولى الامر بتوكيل محامى
متخصص فى القضاء الادارى ويرفع قضية
يتظلم فيها ويذكر الحيثيات اللى حضرتك ذكرتها
والمحام عارف انها ستكون على سيادة/ وزير التربية والتعليم
بصفته ولا ينسى ان تكون الدعوى فيها شق مستعجل
وربنا يوفقك

Hamsa_1 17-07-2010 11:27 AM

معلش انا مش فاهمه حضرتك انا ارفع قضيه عشان اصحح ورقتى تانى اعمل ايه عشان اكسبها ؟؟ هل فى ناس بتكسبها انا تعبانه اوى والله لانى استحق درجات كتيررر

لو سمحتو ساعدونى عشان اخد حقى اعمل ايه دلوقتى انا مش عارفه حاجججججه ؟؟؟؟؟

الأستاذة أم شاهندة 17-07-2010 11:44 AM

يا همسة
اصبرى لما تعرفى نتيجة التظلم قد يرجعوا لك حقك ولا تضطرى للقضية
لو لا قدر الله لم تأخذى حقك
عليك بالتوجه لمحام يكون متاح له رفع قضايا فى القضاء الادارى
وهو سيشرح لك بالتفصيل ما هى خطوات القضية
وربنا معاكى

ممدوح مصطفى الانصارى 17-07-2010 11:44 AM

بعد رفع القضية
سيعاد تصحيح الورقة مرة اخرى
وسيتم تدارك اى اخطأ
بعد اعادة تصحيحها

Hamsa_1 17-07-2010 11:49 AM

شكرااااااااااااااا ربنا يطمنكو بجد ادعولى ادخل طب وان شاء الله اخد درجاتى لانهم اكتر من 1% ود يفرق جاامد

Hamsa_1 17-07-2010 11:53 AM

يعنى ورقتى لو رفعت قضيه هيصححوها من اول وجديد وكده ومن نموذج الاجابه الاصلى بتاع الوزاره ولا من دماغهم انا والله اتصدمت بجد ......

Hamsa_1 17-07-2010 12:17 PM

فييين الردوووور فهموووونى انا محتاجاكو بجد اعمل ايه واروح فييييين ؟؟

springtone 17-07-2010 12:47 PM

كل اللي عمل تظلمات ياريت يدخل هنا ويقولنا هل ف نتيجة لعملها السنة دي ولالا
 
ممكن اي حد راح وعمل تظلم يفيدني هوا عرف ياخد اي درجات السنة دي ولا زي كل سنة مبياخدوش حاجة

Retaa 17-07-2010 05:08 PM

بصي بقى انا مظلومة زيك بالضبط وانا هاكشف على ورقي لانني لما رجعت لنموذج الاجابة لقيت نفسي المفروض اجيب 92% بدلا من 87% و هصور الوصل بتاع فلوس الكشف كما قال المحامي لبابا وادعولي آخد درجاتي لانها هتفرق معايا جامد خاصة انا داخلة علمي رياضة السنة الجاية وعاوزة اكون ضامناها

وبعدين على فكرة المحامي دة شاطر جدا وجاب لاخي و لبنته 5درجات ودخل اخي حاسبات وهي دخلت هندسة وهو على فكرة دفعة 2009 ثانوية عامة يا عني ما باقلوش كتير

اما بالنسبة للكاراتيه فلازم تكون بطولة جمهورية بتاريخ السنة دي 2% وبطولة العالم بتاخدي 10%

Hamsa_1 17-07-2010 06:34 PM

يا ريتا بليييييز اكلمى معايا انتى قلتى ايه للمحامى وهو هيعمل ايه ممكن اعرف انتى منين والمحامى دا منين ؟؟؟؟؟؟ ارجوكى رددددى يارب تاخدى درجاتك بلييييز اسم المحامى دا ؟؟؟؟

Hamsa_1 17-07-2010 06:36 PM

يا ربببببببب استرها معايا والنبى يا ربببببب واخد حقققققى

Hamsa_1 17-07-2010 06:38 PM

يا ريتا ياقمر انا ممكن اعرف تفاصصييييل القضيه وكده ومدتها والنبى الله يخليكى احكيلى كل حاجه

LoveBarcelona 17-07-2010 09:39 PM

مش بتردوا عليا ليه يا جماعه حد رفع تظلم و اخد درجاااته ؟؟

rasha_212 17-07-2010 10:41 PM

انا عاملة تظلم بس سامعة ان مفيش حد بياخد درجات لو جبت درجات هاقولك بس ادعيلى اصل انا مظلومة جامد فى الرياضة تاقصة فيها 12 درجة

LoveBarcelona 17-07-2010 10:46 PM

اقتباس:

المشاركة الأصلية كتبت بواسطة rasha_212 (المشاركة 2419051)
انا عاملة تظلم بس سامعة ان مفيش حد بياخد درجات لو جبت درجات هاقولك بس ادعيلى اصل انا مظلومة جامد فى الرياضة تاقصة فيها 12 درجة

ربنا يوفقك يا رشا وتاخدي حقك .. انا بقى ناقصه 19 درجه و جايلي حاله ذهول ..

عايزه اعمل تظلم بس في نفس الوقت مش عايزه ادفع لناس ظلمه عشان في الاخر ميدونيش حاجه ..

ان شاء الله تيجي تقوليلي انك اخدتي حقك وربنا يصبرنا يا بنتي ..

محمد حسين محمد حسين 18-07-2010 01:37 AM

السلام عليكم عندي استفساااااارررررررر ضروري لو حد موجود بالوقت ياريت يرد بسسرعة

محمد حسين محمد حسين 18-07-2010 01:48 AM

اولا السلام عليكم وارجو الرد بسرعة
انا ليه 3 درجات رياضة و2 فيزياء اعمل تظلم ولا مش اخد حقي
لو انا عملت تظلم واخدت حقي ومجموعي اترفع اقدر بالمجموع الجديد احول كلية عايزها تتناسب مع المجموع
هو التحويل بين الكليات المناظرة والغير مناظرة بعد نتيجة التظلمات ولا قبلها وفي حدود كم يوم تظهر نتيجة التظلم
آسف لاني طولت بس انا محتاج الاجابة بسرعة

casper.eg 18-07-2010 02:14 AM

انا عملت تظلم السنه اللي فاتت
جبت 44 فيزياء وكنت عارف اني مجموعي اكتر من كده
ونسقت عادي وظهرت نتيجة التنسيق ومقبلتنيش هندسه بفرق درجه
وقبلني معهد طاقه اسوان وكنت محتار بينه وبين حاسبات
في نفس الاسبوع اللي كنت رايح اقدم فيه علي طاقه
اتصلت باللجنه ولقيت ان تيجتي ظهرت وليا درجه
رحت اسيوط اخدت اثبات بالدرجه الزياده ومنها علي مكتب التنسيق في القاهره
ودلوقتي في هندسه الحمد لله
ونصيحتي انكم تعملوا وان شاء الله تاخدو حقكم

محمد حسين محمد حسين 18-07-2010 02:42 AM

شكرررررررررررااااااااااا على الرد
ممكن اتعرف لو انت موجود حاليا

casper.eg 18-07-2010 02:53 AM

اقتباس:

المشاركة الأصلية كتبت بواسطة محمد حسين محمد حسين (المشاركة 2419775)
شكرررررررررررااااااااااا على الرد
ممكن اتعرف لو انت موجود حاليا

اوك
ابعتلي ايميلك في رساله

casper.eg 18-07-2010 02:58 AM

اقتباس:

المشاركة الأصلية كتبت بواسطة محمد حسين محمد حسين (المشاركة 2419714)
اولا السلام عليكم وارجو الرد بسرعة
انا ليه 3 درجات رياضة و2 فيزياء اعمل تظلم ولا مش اخد حقي
لو انا عملت تظلم واخدت حقي ومجموعي اترفع اقدر بالمجموع الجديد احول كلية عايزها تتناسب مع المجموع
هو التحويل بين الكليات المناظرة والغير مناظرة بعد نتيجة التظلمات ولا قبلها وفي حدود كم يوم تظهر نتيجة التظلم
آسف لاني طولت بس انا محتاج الاجابة بسرعة

ان شاء الله يكون ليك درجات
والتحويل بعد زيادة الدرجه ملهوش علاقه بتحويلات تقليل الاغتراب
ونتيجة التظلم مش فاكر والله ظهرت بعد كام يوم
في اللجنه بيدوك ايصال فيه رقمك المسلسل
ورقم تليفون اللجنه وتايخ ظهور النتيجه(اللي بتظهر بعد التاريخ المكتوب طبعا)
بالتوفيق

mms246 18-07-2010 03:13 AM

للاسف السنة دي الفلوس علي الفاضي التظلمات مش مقبولة لان الوزير مش عاوز يغير درجات
نقول ايه بقي

محمد الاكشه 18-07-2010 02:53 PM

ارجوكوا ساعدونى
 
والله انا اتظلمت جدا فى الكيمياء والرياضيات ومجموعى ضعيف شويه وقدمت تظلم وروحت انهارده عشان اطلع على ورقى لقيت بجد بهدله وغلط فى جمع الدرجات و اسئله مش متصححه و اسئله صح معموله غلط وبجد بهدله وليا بتاع اربعين درجه وبيقولولى مش هتخدى حاجه ارجوكوا قولولى اعمل ايه .

محمد الاكشه 18-07-2010 04:41 PM

والله انا اتظلمت جدا فى الكيمياء والرياضيات ومجموعى ضعيف شويه وقدمت تظلم وروحت انهارده عشان اطلع على ورقى لقيت بجد بهدله وغلط فى جمع الدرجات و اسئله مش متصححه و اسئله صح معموله غلط وبجد بهدله وليا بتاع اربعين درجه وبيقولولى مش هتخدى حاجه ارجوكوا قولولى اعمل ايه

Hamsa_1 18-07-2010 04:57 PM

فيييين الردوووووود

Mr.Mohamed Mahmoud 18-07-2010 05:10 PM

اقتباس:

المشاركة الأصلية كتبت بواسطة محمد الاكشه (المشاركة 2421580)
والله انا اتظلمت جدا فى الكيمياء والرياضيات ومجموعى ضعيف شويه وقدمت تظلم وروحت انهارده عشان اطلع على ورقى لقيت بجد بهدله وغلط فى جمع الدرجات و اسئله مش متصححه و اسئله صح معموله غلط وبجد بهدله وليا بتاع اربعين درجه وبيقولولى مش هتخدى حاجه ارجوكوا قولولى اعمل ايه

انتظري نتيجة التظلم وان كنت فعلا مظلوم وليك حق ممكن في الحالة دي تلجأ الي القضاء

prof.noha 18-07-2010 05:15 PM

ازيك يامستر محمد
معلش مش نافع ارد ع حضرتك علشان معنديش مشاركات كافيه
يعنى حضرتك كده صعب انى الحقها انا اصلا عارفه وكمان فى ناس بتقولى ان رياضه 2 صعبه
طب هو كده حاسبات بالنسبه ليا هتبقى بردو صعبه ولادى عادى شويه
ارجو الرد واسفه ع الازعاج

محمد الاكشه 18-07-2010 05:19 PM

انا فعلا اتظلمت بس حكاية القضاء دى هطول وهتعمل مشاكل

CaStLeS In ThE AiR 18-07-2010 05:21 PM

اقتباس:

المشاركة الأصلية كتبت بواسطة محمد الاكشه (المشاركة 2421274)
والله انا اتظلمت جدا فى الكيمياء والرياضيات ومجموعى ضعيف شويه وقدمت تظلم وروحت انهارده عشان اطلع على ورقى لقيت بجد بهدله وغلط فى جمع الدرجات و اسئله مش متصححه و اسئله صح معموله غلط وبجد بهدله وليا بتاع اربعين درجه وبيقولولى مش هتخدى حاجه ارجوكوا قولولى اعمل ايه .

بالنسبه للغلط في جمع الدرجات و الأسئلة اللي مش متصححه ان شاء الله تاخدي درجاتهم أما الأسئلة الصح اللي معموله غلط دي محتاجه رفع قضيه لإعاده تصحيح الورقه:078111rg3:

محمد الاكشه 18-07-2010 05:28 PM

بس حكاية القضيه دى هتعمل مشاكل كتير ومش هناخد منها حاجه

ArabianPDA 18-07-2010 07:22 PM

هتاخد ونص يا حببى
عندى قرايب خدوا بالقضايا بتاع 7 درجات


جميع الأوقات بتوقيت GMT +2. الساعة الآن 07:44 PM.

Powered by vBulletin® Version 3.8.11
Copyright ©2000 - 2025, Jelsoft Enterprises Ltd.