|
(وتعاونوا على البر والتقوى) ىموضوع متجدد عن التنسيق إعداد: وجدان حنفي و zika*star
نبتدي بملخص لاهم اللي ورد في الجرايد النهاردة ZIKA*STAR لكل الجامعيين (بإذن الله ) محدش يسمع اي خبر تاني ، هنا الخلاصة ، وهنا اخر اخبار ومفيش اي جديد هيتقال . ادت كل التوقعات والتكهنات والتصريحات الى هذه النتيجة : المؤشرات الأولية للحدود الدنيا للكليات تشير إلي ، انخفاض الحد الأدني للقبول بالكليات بالجامعات الحكومية من2 إلي3% عن العام الماضي, والحد الأدني للطب لا يقل عن95%, والصيدلة والأسنان من92% إلي93%, والهندسة من89% إلي88%, والإعلام من93% إلي94%, والألسن من92% إلي93%. من غير قلق ولا توتر ، نتيجة التنسيق يوم الثلاثاء أ، الأربعاء (بالكتير). وبعدها يفتح المكتب فترة التحويلات لمدة 48 ساعة . وبعدها خلص الفيلم . يبقى فاضلنا الدعاء لله سبحانه والتعالى الكريم (ان يتم كرمه علينا بالكلية اللي عايزنها) ، واننا نعمل حاجة اخيرة ، نروح موقعالتنسيق ونفتح رغباتنا نطل عليها ونتأكد ان كل شئ بخير ، ونحمد ربنا ونستنى النتيجة . واترككم في رعاية الله جريدة المساء الطب والهندسة والصيدلة بالجامعات الخاصة .. كاملة العددالبلك: قبول 26 ألفاً و152 طالباً وفقاً لإمكانيات كل كلية كتب شوقي الشرقاوي: بعد موافقة د. هاني هلال وزير التعليم العالي والدولة للبحث العلمي علي تحديد الحد الأدني لنسب القبول بكليات الجامعات الخاصة بتخفيض 5%ق عن العام الماضي .. زاد الإقبال وبصورة كبيرة علي الالتحاق بكليات القمة لدرجة ان بعضها أصبح كامل العدد خاصة الطب البشري وطب الأسنان والصيدلة والهندسة.صرح د. حام البلك أمين مجلس الجامعات الخاصة والأهلية .. بأن الأعداد المقررة بهذه الجامعات 26 ألفاً و152 طالباً وطالبة من الحاصلين علي الثانوية العامة أو ما يعادلها وان الإعداد المقررة بكل كلية سوف تختلف باختلاف إمكاناتها البشرية والمادية من أعضاء هيئة التدريس والمعامل المتخصصة والورش والمدرجات وقاعات المحاضرات بالإضافة إلي مدي توفر الملاعب والمساحات الخضراء وفقاً للضوابط المقررة. جدير بالذكر ان د. هاني هلال وافق علي رأي اللجنة التي قام بتشكيلها لتحديد الحد الأدني بتخفيض 5% عن العام الماضي. |
ليه التنفيض دة يا ناس 11 مشاهدة بدون اي رد
والله تلاتة حرااااااااام |
يا اخواننا حد يعبرني
والله خلاص تعبت يعني بعد 5 سنين ثانوية عامة اطلع من المولد بلا حمص والله كتييييير |
لا ابه الا انت سبحانك اني كنت من الظالمين 33 مشاهد بدون رد واحد يبل الريق او ينشفه حتى
يارب سامحني واغفرلي اللي كنت بعمله في الناس انا حاسس ان كل حاجة وحشة عملتها في حياتي هتطلع على عيني في التنسيق يعني اللي كلته بط بط هيطلع وز وز |
انا شايفه ان الموضوع غير منطقي
يعني عمرنا سمعنا عن دوله في العالم كده !!! لا حول و لا قوه الا بالله جزاك الله خيرا على الاخبار |
إلهي ربنا يجبر بخاطرك زي ما جبرتي بخاطري
|
ربنا معاكى ان شاء الله خير هى السنه دى مقلوبه ع الكل ربنا يعديها ع خير ومتزعليش اغلب الناس كدا تقرا ومتردش فى امان الله اختى وفقك الله لكل خير |
اللهم اميين يا رب
لكن الى الان لم يؤكد احد الخبر او ينفيه |
طيب باالنسبة للهندسة وحاسبات ايه نظامهم ؟؟
|
ياعم تهجيس في المهاجيس
يوم واحد (النهارده بالكتير ) وهيطلع الوزير يقوللك تصريح ان الجرائد ربتشتغل نفسها |
اقتباس:
اخي او اختي الكريمة ان ما اوردته في موضوعي كان منفولا عن جريدة الجمهورية ولم يرد ذكر كلية الهندسة او الحاسبات وسائر كليات القطاع الهندسي لا من قريب ولا من بعيد كما يمكنك مراجعة الرابط في الموضوع لمشاهدة الخبر غير اني تصفحت صباحا كل من جريدة الاهرام اليومية والاخبار والجمهورية وغيرها لكن دون جدوى فلم اجد اي اخبااار عن كليات القطاع الهندسي وحتى اشعار اخر الى اللقاء في خبر جديد |
اقتباس:
اتمنى ذلك من الله وليس ذلك على الله بعزيز بس المشكلة ان الصحفي صاحب المقالة قال نقلا عن هاني هلال(ربنا يسامحه) |
الصبر مفتاح الفرج
|
دى مصيبة يرفع تنسيق الجامعات ويخفض تنسيق الجامعات الخاصة دة كارثة
|
اقتباس:
آديني صابر على حالي بس انا صعبان عليا تعبي وشقايا 5 سنين من عمري يضيعو هدر بسبب كلمة خرجت من معالي الوزير يعني انا لسة بقوول الحمد لله خرجت من بين ايدين معالي الوزير أحمد زكي بدر لقيتني بدخل في مطحنة هاني هلال يا رب انت الوحيد اللي عالم بحالي . . ألطف بنا يا الله فيما جرت به المقادير |
اقتباس:
فهيطلعله في بتاع 300 قناة النهارده على الاقل يتكلم عن الاخطاء وكده وان شاء الله يطلع كل الكلام ده كله (اي بتنجان ) بما انك لسه ما فطرتش |
اقتباس:
خلينا احنا احسن يا اخت الهام ونظن بحكومتنا خييير يارب الخبر يطلع فشنك يارب |
قرأت الخبر بالكامل التنسيق الإلكتروني .. في انتظار 13 ألف طالب وشعرت وكأن الكاتب همه فقط السخرية من شخص الوزير وليس الخبر وخصوصاً فقرة " صدق أو لا تصدق " كما أن كاتب الخبر ذكر أن ذلك ما أسفرت عنه اجتماعات الوزير السرية ؟!! كيف تكون سرية وتتسرب كل هذه الأرقام والمعلومات ؟ كذلك فالكاتب يبدو أنه لم يعرف يحسب جيداً ولنأخذ مثالاً حيث ذكر أن عدد الذين سيقبلون في كليات طب الأسنان 120 طالباً وطالبة بمعدل 10.5 طالب وطالبة في كل كلية ، وإذا نظرنا إلى عدد كليات طب الأسنان سنجدها 7 كليات 7 × 10.5 = 73.5 .. وليس 120 وهكذا بالنسبة لبقية الخبر أضف إلى ذلك أن هذا الخبر على عكس ما نُشر في هذه الصحيفة نفسها منذ أيام عن التنسيق وعلى عكس ما نُشِرَ وما يُنْشَر في الصحف القومية الأخرى كالأهرام و أخبار اليوم وإذا افترضنا أنه سيطبق فسيكون طامة كبرى لأن الحد الأدنى لتلك الكليات سيكون أعلى حد أدنى بالنسبة لمجاميع طلاب هذا العام وعلى عكس كل عام ، كما أن الأعداد التي ستقبل تمثل ظلم كبير جداً |
اقتباس:
انت ليك مزاج تهزر دانا مش هتغدى ولا هاكل اصلا الا لما امسك بطاقة الترشيح في ايدي |
اقتباس:
تعرف يا دكتور سنايبر انا حاسس انك بابا ايوة بابا والله انت بجد نفسيتك حدييييد ماشاء الله انت تخطيت حدود كونك زميل لطلبة المنتدى بل اصبحت الاب اللي بيهدي ولاده جزاك ربي خيرا |
ان شاء الله خير وتدخل الكلية اللى نفسك فيها
كمان ده مش اكيد يعنى هم كل يوم بخبر وتصريح جديد انما الاكيد لما نتيجة التنسيق تظهر يعنى ماتزعلش نفسك وسيبها على ربنا وان شاء الله هيعوضك خير عن الخمس سنين ربنا يعدى التنسيق على خير |
اقتباس:
اما بالنسبة للتنسيق ...اظن كل الكلام ده يعلمك انك تسيبها على اللـــــــــــــه :078111rg3: |
اقتباس:
اللهم امين ويارب تعدي على خييير |
انا عمرى ماكان عندى ثقة فى الحكومة ولا الفيها هى لعبة مع الجامعات الخاصة اكيد لازم اسهمهم تعلى لو حصل كدة هعمل اضراب بالرغم انا عندى يقين ان مفيش حد بياخد حقة فى البلد دى
|
اقتباس:
ما اللي ايدو في النار مش زي اللي ايدو في . . والله ما فاكر باقي المثل من الهم اللي انا فيه بعدين كله على الله امال يعني يعني هسيبها على ميين؟ |
اقتباس:
سايق عليكي النبي ياست الهام ما تتكلمي في السياسة ايوة ياختي انا مش عاوز الموضوع يتقفل مين قينا مش معاارض؟؟ بس كل حاجة في مكانها بعدين احنا صباعنا تحت ضرسهم وان ليك حاجة عند الحكومة تقولها يا اييييه؟؟ |
اقتباس:
والله راسى وكلامك حكم ايه الجمال والمعلومات الحاضرة دى ....جزاك الله خير يا دكتور |
عايزة اعرف هى نتيجة التنسيق هتظهر امتى بالظبط بكره ولا بعده ؟؟؟؟؟
|
يا وجدان انا قصدى اهديك واخفف عنا جميعا ..منا من سنة الفراغ برده
|
ايه يا ميدو انت اول مرة تشوف مشاركاات دكتور سنايبر
الله اكبر عليه انا بجد بحسدك على هدوووووءك الشديييييييييد وبرود اعصابك بالرغم انك روحك من روحنا يا راسي يا كبييير انت ربنا يوفقنا كلنا |
اقتباس:
حسب الخبر النهاردة في جريدة الجمهورية النتيجة يوم الاتنين بكرا يعني |
اقتباس:
ويا رب اجعل كلامنا خفيف عليهم وسامحنا معاليك اذا كان الواحد غلط في كلمة كدة ولا كدة ماهو الامر مايسلمش وربنا يعفو عنك (الدعوة من ورا قلبي) |
الناس لسة نايمة ولا ايه؟؟ :bosyht9::bosyht9::bosyht9: |
انا بقول اقوم انام انا لحد ما اشوف الدنيا فيها ايه
والله تلاتة ما نمت وحسبي الله ونعم الوكيل |
فين النااااااااااااااس
اين انتي يا أستاذة ام شاهندة
والله رأي حضرتك ليه وزن وبيدي جدية للموضوع وكمان بيطمن اين الأعضاء الكرام معقوووووووووووووووول معقول 230 مشاهدة+30رد بس ليه بشحت والله لو بشحت كانت الناس حنت عليا اكتر من كدا :confused::confused::confused::confused::confused: :confused::confused::confused::confused: |
هى خربانه شكلها كدا
وانا كمان ولا هالحق اى كليه يالا اما نشوف اخرتها اتعقدت قبل ما ادخل 2 ثانوى ربنا معاااانا كلنا ييارب |
ياعم والله ما تخاف
هو واحد جت على باله خواطر خلاص (النهارده ) اخر يوم تنسيق يعني لو عايز يعمل اي حاجة ، خلاص الرغبات اتحطت وبعدين الجامعات الحكومية ليها مصالح زي الخاصة ، متفتكرش انها شغالة سبيل وربنا يستر في الاول والاخر |
هدي نفسك يا اية
اقتباس:
دة مجرد هبل اول مرة يحصل السنادي عشان سنة الصاقطين قصدي الفرااغ انما كل سنة بيبقى كل شيء متوقع بفوارق بسيطة شدي حيلك يا دكتور |
هو اي واحد قاعد في الحمام يجيله فكره
يطلع يجري ويكتب الخبر واشرب يا مؤمن |
اقتباس:
بجد كلامك جامد ويطمن بس خايف اصدق وأعيش الوهم وفالاخر . . . . . أطلع من المولد بلا حمص |
أخويا وجدان .. أنا زيك و نفس مجموعك ولكن نحن في انتظار نتيجة النتسيق وغدا لناظره قريب .............. وإن شاء الله هندخل الي ربنا كاتبه حتى لو كانوا هياخدوا (ربع ) طالب في كل كلية ... ان شاء الله خير ^__^
|
اقتباس:
ياما نفسي اطمن زيك كدة بس ازاي ؟؟:confused::confused: انت مش شايف الناس دي بتعمل فينا ايه؟؟ هو كل واحد تطق في راسه فكرة يجربها فينا؟؟ رينا معانا وحسبي الله ونعم الوكيل (ولا تحسبن الله غافلا عما يعمل الظالمون، إنما يؤخرهم ليوم تشخص فيه الأبصار) |
يا أبنائى لا تصدقوا كلام الجرائد بالله عليكم
كم نقلت من أخبار خلال الأيام الماضية منها ما يخص النتيجة ومنها ما يخص التنسيق واتضح كذب الكثير منها اهدوا واصبروا وإن شاء الله لن يضيع الله حقوقكم وموفقين بإذن الله |
يادي النور يادي النور
والله الموضوع نور بمشاركتك اللي دايما بتطمن اللي زيي (اصلي من النوع اللي مش بيطمن الا لما الحاجة بتحصل) وجزاك الله خير الجزاء عني وعن أبناء بوابة الثانوية |
اقسملك بالله ان كل ده كلام ، وعلى فكرة كل سنه بيعملوا كده ويعدوا يشتغلوا الناس
بس السنادي عشان فراغ ، فالفراغ قاتلهم ، وموراهمش حاجة غير قلب الدماغ انا جايب 90 % وبقول يارب هندسة وبرضه كل شوية تصريح وبتنجان هندخل ومش هندخل خلاص انا عملت اللي عليا وكتبت الرغبة ولو اتنطط مش هعمل حاجة غير اني استنى نتيجة التنسيق وان شاء الله غصب عن اي حد (هندسة) قول انت يا رب |
اقتباس:
حلوة دي والله :d:d بس مين مؤمن دة؟؟ |
اقتباس:
يا عم يا رب ليا وليك ولكل واحد عاوز حاجة تجيلو |
اقتباس:
كلنا مؤمنين :d :d :friendsxs3: |
اقتباس:
أـمنى كدة يا مستر زيكا بس ماعتقشد لان المؤمن مش يعمل كدة في اخوه المؤمن وياريت كلامي يكون مفهووم:blush: |
ايه ياعم انت قصدك عليا ولا ايه؟؟
انا زعلتك في ايه؟؟ ^_^ ربنا على المفتري والظااااالم ، وربنا لا يرضى الظلم لعباده |
| جميع الأوقات بتوقيت GMT +2. الساعة الآن 04:04 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.