|
ايهما افضل دراسة اللغة الفرنسية ام الالمانية
السلام عليكم
انا كنت عايزة اعرف ايهما افضل دراسة اللغة الفرنسية ام الالمانية واى لغة استفيد منها اكثر وما هى مميزات دراسة اللغة الفرنسية وما هى الكليات التى تشترط ان تكون اللغة الثانية هى اللغة الفرنسية |
انا كمان عندى نفس المشكله ياريت فعلا حد يفيدنا خصوصا اننا معندناش فكره اوى عن الفرنساوى او الالمانى
|
ممكن حد يساعدنا عشان انا بردو عندى نفس المشكلة؟
|
انا كمدرس فرنساوي اعتقد ان الفرنساوي اسهل
واعتقد لن ده رأي كل الي هنا ممكن تعرفي من عدد الاشخاص في حجرة الالماني والفرنساوي بس كدة مفيش حيادية ممكن تسألي في حجرة الالماني |
مرسى اوى لمروركم
اقتباس:
|
لماذا كل هذه الحيرة؟
كل ماده لها جمالها انا تحدث عن الفرنسية لاني اعرفها فهي 1- اللغة العالمية الثانية بعد الانجليزية 2- يتدثها بلدان كثيرة في مختلف القارات مثل كندا وتونس والجزائر والمغرب وسوريا ولبنان وغيرهما الكثير 3- لغه مجالاتها واسعه بعد التخرج من حيث الكليات فهي موجود لها قسم في كليات التربية والاداب وكلية مثل الحقوق لا تحصل علي الشهادة اذا كنت الماني الا بعد الحصول علي معادله فرنسي 4- هي لغة الادب والذوق والجمال والموضة والاتيكيت و........ 5- في مجال العمل مطلوبة مع الانجليزية كل العمل يطلب اجادة الانجليزية والفرنسية ولم نجد مطلقا اجادة اي لغة اخري 6- في مجال النت نجد المواقع اما انجليزي او فرنسي المميزات كثيرة جدا ولكن الوقت لا يسعفني لذكرها مع تمنياتي للجميع بالتوفيق |
انا لااعرف الألمانية
لكن طلابنا كتير بيحصلوا على النهائية في الفرنسي غير كده كل المنتديات التعليمية نجد القسم النشط فيها هو الفرنسي كلغة ثانية وقليلا ما نجد معلمين او طلاب في المنتديات للغات اخرى ويمكن سؤال زملائك ممن درسوا اللغتين |
انا اخترت فرنساوى ولكن مش عرفة اكمل ولا ايه
|
الفرنساوى احسن لانه منتشر والمعظم بيجيب درجات كويسه
|
الفرنساوى احسن والله كدراسة وكلغة روعه بجد والله وكله شياكة وكلام زى الفل لكن انا شايف ان الالمانى ملوش لزمة لان محدش بيتكلم المانى اساسا
|
يا جماعة الفرنساوى اسهل بكتير
|
الفرنسية لغة جميلة
بس عيبها انك تنطق شئ و تكتب حاجة تانية خالص يعني عايزة مجهود في الكتابة و كده احنا ما عندنا اختيار اللغة التانية فرنسي |
انا مختار الالمانى وبصراحة لغاية دلوقت لغة جميلة جدا
ونطقة زى كتابتة بخلاف كلمات شواذ بس هو لغة حلوة وسهلة وخفيفة فى نطقها |
المهم درجة صعوبة الامتحان
|
انا اخترت فرنساوى برضة
|
ترجمة نص أو صفحة ويب
|
انا اخترت فرنساوي وشيفه انه اسهل من الالماني
|
انا رأيى ان الفرنساوى اسهل بكتير مع ان فعلا فى حروف تكتب و لا تنطق بس دى بحس انها لغة راقية و شيك
ده رأيى .... |
|
انا كمدرس فرنساوي بقول ان كل لغة ليها مزاياها و تحتاج إلى مجهود للتميز فيها . انا بتكلم على تعلم لغة و اتقانها . سواء الفرنساوي أو الألماني هتلاقي كلمات و قواعد جرامير و قواعد نطق أما إذا تحثنا عن درجة سهولة الامتحان و صعوبته فتتحكم فيه المنافسة المحلية بين اللغتين و لا يمكن الحكم على سهولة اللغ و صعوبتها بمجرد امتحان تتحكم فبه الأهواء الشخصية
|
كلام جميل مسيو محمد
|
لا المانى اسهل من الفرنساوى بكتير بس انا اخترت فرنساوى علشان معندناش مدرس المانى
|
مافيش أسهل ولا أجمل من الفرنساوي
قريب إلى حد ما من الإنجليزي بل وحتى قريب من اللغة العربية كلمات فرنسية كثيرة تستخدم في اللغة العربية بعكس الألماني أقول ذلك وأنا أجيد إلى حد ما الألمانية والأسبانية والإيطالية أيضاً ونشرت دروس تعليمية في هذه اللغات من قبل على هذا المنتدي ولذلك أستطيع أن أؤكد أن اللغة الفرنسية هي أهم لغة بعد الإنجليزية والله الموفق |
الايطالي ههههههههههههههههههههههههههههه
|
اقتباس:
فعلا الايطالى اسهل |
انا عندى طلب لية المدرسين بيخوفو الطلبة لية ما الى اختار فرنساوى خلاص ولو المانى خلاص كل مدرس فرنساوى يقول الفرنساوى اسهل وهو مدرس المانى وكل مدرس المانى يقول ان الالمانى اسهل وهو مدرس فرنساوى انا شايف ان الالمانى سهل بس انا مشفتش الفرنساوى والله اعلم
|
الموضوع ده من السنه اللى فاتت على فكرة المهم
اللغة اللى بنختارها بندرسها 3 سنين وخلاص مش هنحتاجها تانى بعد كدة ولو مثلا حد عايز يخش السن بيختار الانجليزى واللغة اللى هو درسها فى ثانوية |
merci monsieur Ahmed
pon sujet |
انا اخترت فرنساوى لانى بدرس الفرنساوى من اولىابتدائي مدرستى كانت فرنساوى
|
المصرى يحب الفرنساوى لانة زى اللغة العامة زى كلمة اتوبيس بالفرنساوى autobus حتى كلمة بونبونى bonbon وانا احب افسر لية عشان لما مصر احتلت من فرنسا وعشنا معاهم خدنا كلام كتير من اللى هم بيقولة واحنا كمصريين باللنسبة للفرنساوى احنا بنتكلمة واحنا مش عارفين ويارب اكون افدتك
|
اقتباس:
|
| جميع الأوقات بتوقيت GMT +2. الساعة الآن 08:59 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.