|
انا دخلت كلية التجارة تعليم مفتوح الزقازيق
السلام عليكم
انا دخلت كلية التجارة تعليم مفتوح الزقازيق عايز اعرف فين مكانها بالظبط عشان اروح اقدم الورق تاني حاجة الاماكن اللى هاخد فيها محاضرات فين بليز اللي يعرف يقوولي بسرعه انا مستني اخر حاجة هيا كلية التجارة تعليم مفتوح حلوة؟؟ |
للرفع للاهمية
|
مبروك يا غريب وكلية التجاره تعليم مفتوح كويسه جدا على فكره وبالنسبه للاماكن اللى بتاخد فيها المحاضرات بتكون هى نفس الاماكن اللى بياخدوا فيها محاضراتهم الانتظام بس انت حتكون فى مواعيد مختلفه عنهم
وخد ده موقع جامعه الزقازيق مركز التعليم المفتوح ممكن يفيدك http://eng.zu.edu.eg/OpenEducation/Main.aspx |
في ناس بتقول ان مصاريف كلية التجارة تعليم مفتوح وصلت ل 5000
هل الكلام دا صح ؟؟ |
لا الكلام ده مش صح طبعا المصاريف بتاعة السنه كلها بتكون حوالى 2000 جنيه بس
|
تسلملي يا غالي
طيب هيا تفرق ايه عن كلية تجارة العادية ؟؟ واسف ع الازعاج |
الفرق الوحيد ان دى تعتبر خاصه بالفلوس يعنى زى الانتساب بالضبط ولما الانتساب اتلغى دلوقتى بقت التعليم المفتوح مكانه
|
تسلملي والله يا غالي
معليش اخر حاجة بالنسبه للمقررات بيقولي الحد الاقصي 6 والادني 3 مش فاهم بالظبط ممكن توضحلي؟ |
لا بالنسبه للمقررات هما 40 ماده للاربع سنين بتاخد اى عدد مواد تحبه بس اقصى عدد هو 10 فى السنه يعنى 5 فى الترم
|
بالنسبه لعدد المقرارات بتختلف من كل جامعه عن التانيه يعنى ممكن فى جامعه معينه يكون الحد الاقصى للمواد فى الترم الواحد 8 مواد وفيه جامعات 6 و لحسب انت بتسأل فى الجامعه اللى انت حتدخل فيها
|
شكرا ايما شكرا احمد
بجد منورين الموضوع اخر حاجة بقي عشان امشي هههههههه كلية تجارة تعليم مفتوح احسن ولا معهد كفايه انتاجية؟ |
العفو يا باشا وانا تحت امرك فى اى استفسارات بس بالنسبه لحكايه اى افضل فانت اللى تقرر ده انت طموحك يكون معاك بكالوريوس تجاره يعنى بتحب الرياضه والمحاسبات وكده ولا كفايه انتاجيه شوف انت بتميل لاى تخصص ويبقى هو ده اللى حتنجح فيه وان شاء الله بالتوفيق والنجاح للجميع وانا تحت امرك فى اى استفسارات بخصوص التعليم المفتوح
|
هيا بتبقي قليلة ولا بيبقي فيها ناس كتير ؟
هيا بتقل تركيزا عن الانتظام يعني بيهتمو بالانتظام اكتر ؟؟ |
لا طبعا فيها طلاب وطالبات كتير وبالنسبه للاهتمام الدكاتره بتدخل تعطى محاضرات وتشرح زى انتظام بالضبط والمفروض ان احنا بنطبق المحاضرات دى ونذاكرها كويس لان بيكون منها بعض اسئله فى الامتحانات
|
ازيكوا ياجماعة انا صحبكو الجديد مصطفي و جالى تجارة مفتوحة الزقازيق وعايز اعرف اية الورق المطلوب وهو في معاد محدد للتقديم
|
اهلا بيك يا درش والف مبروك على الكليه وبالنجاح ان شاء الله
طلب إلتحاق . - شهادة المؤهل الدراسى أو إستمارة النجاح . - شهادة الميلاد أو مستخرج رسمى منها . - عدد 6 صور شخصية . - صورة بطاقة الرقم القومى أو جواز السفر بالنسبة للوافدين . - استماره 2 جند علشان يتأجلك الجيش دى الاوراق بتاعة التقديم اما بالنسبه للميعاد فتقريبا فى شهر 8 ان شاء الله |
ايه رايكم احول من
كلية تجارة تعليم مفتوح زقازيق الي معهد كفاية انتاجية ؟؟ واية احسن بنظركم |
يا جماعة التعليم المفتوح
ياجل جيش للدبلومات ولا لا فى نا كتير قالولى لا ارجو الرد وشكرا |
قولى هما لغوا موضوع الخمس سنين ده السنة دى ولا لسة
و لما اتصلت بهم قالولك تعالى قدم امتى ؟؟ عشان انا اتصلت قالولى تعالى فى نصف شهر 8 |
محدش رد عليا بياجل ولا لالالالالالالالالالالالا
|
لا هو بيأجل الجيش للثانويه العامه فقط لكن الدبلومات لا وبردو من الافضل انك تسأل فى الجامعه اللى عاوز تقدم فيها
والتقديم فى نصف شهر 8 وتقريبا موضوع الخمس سنين مستمر عادى حتى اسألى بردو يا مريم فى الجامعه اللى عاوزه تدخلى فيها |
انا سامع ان اقبال تعليم مفتوح كبير جدا جدا
هل هذا سيؤثر سلبا او ايجابي؟ |
لا عادى لان لما بيكون عدد الدفعه كبير بيقسموا الطلبه مجاميع
|
| جميع الأوقات بتوقيت GMT +2. الساعة الآن 05:13 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.