|
هندسة او حاسبات ؟؟؟
حد يساعدنى و يقولى ادخل حاسبات او هندسة انا جايب 98.5% و بحب البرمجة جدا و شغل الكمبيوتر و اتمنى وكل ما اقول لحد انا ناوى حاسبات بيبصلى اكنى مجنون اتمنى اللى يرد يقول السبب و الدليل مش كلام عابر |
بص يابنى
انا فكرت نفس تفكيرك دة مع انى لسة داخل 3 ث خش هندسة اولا:خسارة المجموع دة ثانيا: هيقولولك يا باش مهندس ثالثا ودة الاهم:ان كلية الحاسبات مش هتعلمك يعنى اية كومبيوتر وتخليك تعتمد على برامج ميكروسوفت وبس الكومبيوتر اكتر من كدة بكتير رابعا: هتيجى تكتب فالامتحان"نضغط نقرة بزر الفأرة الايمن ثم نقرتين على مش عارف اية" بقى دة تعليم كمبيوتر بذمتك لو انت حلو فالكمبيوتر خش هندسة وهتستفيد منة كتير وخصوصا ان المهندس اللى بيستخدم الكمبيوتر دة كنز كبير تقدر تعمل شغل ساعات فى دقايق توكل على الله وادخل هندسة يا باشمهندس |
اقتباس:
دي دورة اي سي دي ال مش بياخدوا كده :d حاسبات بتاخد لغات كتير منها C++ java vasual basic كامثلة بتصمم برامج كاملة وبتاخد مواد طبعاً جنبها زي الفيزيا ومواد ادارية وحاجات كده بس لو عايز رأيي .... هندسة حاسبات احسن بياخدوا برمجة برده بس بيركزوا عالهاردوير اكتر ... وده بيتيحلك امكانية اكبر من حاسبات لإن اللغات سهلة تتعلمها بعد كده من دورات بره كما إنك مش حتحتاج اللغات كلها |
اقتباس:
شكرا ahmednady بنسبة لأولا: اعتقد ان مفيش حاجة اسمها خسارة المجموع الكبير علشان انا مش هعمل حاجة بالمجموع دى وسيلة بس اخش بيها اى كلية و الفرق اصلا بين الهندسة و حاسبات بيبقى 1 او 2 % وثانيا: و موضوع باش مهندس مش ببصله برضه دا السباك انهاردة اسمه باش مهندس ( مع الاحترام للسباكين) و ثالثا: و انا برضه عايز اركز على البرمجة بعيد عن حاجة تانية و عايز اشتغل فى الشركات الكبيرة فى القرية الذكية مثلا و رابعا: انا مش متأكد الصراحة من الكلام ده علشان الامتحانات بتبقى فى الفزياء و حاجات تانية بالاضافة للبرمجة اللى بتمتحن انك تكتب اكواد لبرامج او تقدم مشاريعك. اقتباس:
انا عايز سوفتوير علشان البرمجة و الهردوير شغله فى مصر مش موجود الا اماكن الصيانة (مش طموحى الصراحة) علشان كده عايز اعرف ايه بظبت اللى هدرسه فى هندسة و ايه فى حاسبات و انا سمعت ان فى هندسة حاسبات لازم تاخد كورسات برمجة اما فى حاسبات هتاخد كل الحاجات فى الكلية |
انا فى بكالوريوس هندسه قسم اتصالات شعبه حاسبات وبرمجه
انا متفق تماما مغ كلام البشمهندس احمد لما تحب تكون قوى ف حاجه وليك وزنك فى السوق بره لازم تكون ملم بحاجات كتير اهمها الهارد وير اما السوفت وير دى حاجه تافهه اما انتا عرفت الهارد وير بيشتغل ازاى وبينفذ الاوامر اازاى وكمان عرفت ان السوفت وير دا لغه متبادله بينك وبين الهارد وير عشان هو شويه كهربا يبقى عاوز تسيب الاساس وتمسك فى حفظ اوامر وتكتبها وخلاص كدا مش هتفهمها ابدااااااااااااا لان ورا كل امر هتلاقى الف سؤال ازاى اتعملت وازاى الداتا اللى بكتبها دى بتتنفذ منها هتقدر تتجنب العيوب فى السوفت وير وتعمله ناجح معلش طولت بس لازم توضح لنفسك المعلومات بس انت شكلك مقتنع بحاسبات ف على البركه |
اقتباس:
لكن ككهربا ومكونات الجهاز فدي عندهم حاجات ثانوية جداً وزي ما فصلك برده he2010she لكن مادام محتاج سوفت وير بحت فخلاص خش حاسبات |
بص يابنى كلمة من شخص عابر على البطريق :d
لو ليك واسطة وواثق انك هتشتغل فى شركة كبيرة زى ميكروسوفت او حجات كده تقدر تخش حاسبات انما غير كده مالهاش لزمة و... الشخص عدى البطريق خلاص ومش هيقدر يكمل السطر :d |
اقتباس:
انا اقصد المتفوقين ضامنين الشغل بس عايز حد يقول مثال اشتغل ايه بالهردوير فى مصر ؟؟؟ |
اقتباس:
مين الراجل ده يا جدعان انت متاكد ان انت اخدت ثانوية عامة؟؟؟ على كدا حاسبات مفروض تكون من 60% حاسبات تعتبر من اصعب الكليات احنا مش بناخد تفاهات من اللى انت بتقولها دى بناخد برمجة وبى اتش بى وداتابيز ومحاكاه وشغل على تقيل مش زى ما انت فاهم |
اقتباس:
اولا السوفت وير مش تافه ولا حاجة انا ليا اصحاب كتير فى هندسة قسم حاسب وعارف هما بياخدوا ايه اولا البرمجة اللى انتوا اخدتوها دى تعتبر حاجة خفيفة جدا من اللى بناخدها وطبعا لو عاوزين تتعمقوا فيها بتعتمدوا اعتماد كلى ع الكورسات ثانية احنا ممكن نشتغل اوراكل ودول بيطلبوا بالاسم ثالثا الهارد وير من الاخر مش هتشتغل الا لما تكون عبقرى بمعنى الكلمة وطبعا مش هتشتغل ف مصر ولا الدول العربية لان مصر والدول العربية اعترفت انها مش شغاله هارد وير يعنى هتشتغل فى امريكا والمانيا والحجات دى ودى لما تكون عبقرى مش معقول كل اللى هيتخرجوا هيبقوا عباقرة رابعا انا لحد دلوقت معرفش واحد اتخرج من حاسبات ومشتغلش فيه الف مليوم شغلانه والقسم الواحد بيشتغل منه اكتر من وظيفة وانتوا معظم شغلكوا ف الهارد وير ولما بتشتغلوا معظم شغلكوا سوفت وير فالبتالى حاسبات بتكون احسن طب انا اعرف ناس كتيير متخرجين من هندسة قسم حاسب ومش شغالين فى مجالهم يعنى فاتحين سايبر وسنترال وكدا ف حاسبات لو مانجزتش ف الكلية هتشتغل ان شاء الله بردو وحكاية مهندس ولا مش مهندس دى طبعا النقابة اولا لسه متعملتش واحنا مش تبع نقابة التجاريين ولا الفنيين عشان يتقال علينا اى كلام وهيا ف البرلمان مستنيين العدد بس يبقى اكبر لان الكلية جيدة .................................................. .................................................. ....................... انا مش عاوزك تزعل منى انا بقول رايى المعتمد على الادلة وربنا يوفقك |
اقتباس:
فى حاسبات الدراسة ممتعة جدا هتدرس كل حاجة خاصة بالسوفت وير وكمان هتعرف حجات ف الهارد وير بس السوفت وير اكتر طبعا حكاية الشغل متقلقش منها خالص ده مش كلامى دا كلام الدكاتره والمعيدين والناس اللى شوفتهم واحد جارنا لسه مخلص السنة دى وجايله شغل فى المصرية للاتصالات ليه تاخد رسم هندسى وميكانيا وورش وكلام من ده وانت مش هتحتاجه خالص السنة بتفرق كتيير من عمرك الفرق بينا وبين اللى بياخدوا كورسات ان لما يعملوا مثلا كود لو الكود باظ مش بيعرفوا يتصرفوا انما بتوع الحاسبات بيشمروا كدا ويدخلوا جوا الكود ويحلوا المشاكل اللى فيه دا غير ان انت بتكون فاهم كل حاجة اهم حاجة تصلى صلاه استخارة وربنا يوفقك ولو عاوز اى حاجة انا فى الخدمة |
اقتباس:
انا حاسس انك راجل بتفهم بس مش عارف ليه برضه كل واحد بيدافع عن كليته ؟؟؟ لو هندسة حاسبات عبارة عن كورسات بلاش منها اخده من دكاترة محترمين احسن فى حاسبات و كمان عايز اعرف بالهردوير فى احسن الحالات هشتغل ايه فى مصر لان السفر مش مضمون و ده مستقبل الواحد برضه |
اقتباس:
انا هسيب اكلام عن هندسة دلوقت فى حاسبات الشغل فى مصر كتييير والحمد لله قسم is ممكن تشتغل فى الداتابيز ودى خاصة بحاسبات بس الداتابيز دى يعنى برامج بتعملها عشان تخدم شركة مثلا او محل او عميل عاملة زى الاكسس بس على تقيل يعنى مثلا فيه ارباح كتير جات للشركوة وعاوزين يقسموها على كل اللى بيشتغلوا ف الشركة كل ما عليهم انهم يدخلوا نسبة الارباح والبرنامج بيعمل كل حاجة وطبعا فيه حاجة اسمها اوراكل وده من اهم البرامج المبرمجة للداتابيز الشغل فى الداتابيز بيبتدى من 2500او3000 فى مصر وبره من مبالغ خرافيه وطبعا الشغل برا مصر بالعبيط والاوراكل بالذات بيطلبوا لانه مهم جدا فيه قسم it مثلا بتشوف ف المطاعم الفاخمة لما حد بيحط ايده تحت الحنفية بتفتح لوحدها ولما يشيل ايده بتقفل لوحدها مثلا لما الجو بيكون حر التكييف بيتظبط على درجة حرارة معينة بحيث يعطى اجمل جو وحجات من دى كتير يعنى تقدرتقول it هو ربط البرمجة بالصناعة فيه قسم cs وده خاص بالبرمجة وبيدرسوا البرمجة على تقيييييييل ولازم تكون بتموت ف البرمجة عشان تدخلوا والاقسام على فكرة مرتبطة ببعضها وفيه مواد مشتركة بينهم تانى حاجة انا مش بقول كدا عشان كليتى كنت بس برد على البشمهندس اللى كان بيقول حجات غلط ع الكلية بس باختصار الفرق فى الكليتين ان كلية الحاسبات والمعلومات 30% هاردوير 70%سوفت وير من المواد كلها كلية الهندسة قسم حاسبات 70% هاردوير 30% سوفت وير من المواد كلها ده زائد انك بتاخد فى اعداى هنسة حجات ملهاش دعوة خالص بالحاسب لو ميال اكتر للالكترونيات ادخل هندسة ولو ميال للسوفت وير ادخل حاسبات اهم حاجة لازم محدش ياثر عليك انت عرفت هندسة وحاسبات وادخل اللى يعجبك عشان متندمش ف الاخر وربنا يوفقك |
خلاص يابنى ادخل حاسبات
بس خلى بالك ميكروسوفت لما تتضرب بالجزمة انت كمان ممكن تترمى فالشارع احتكار ميكروسوفت مش هيدوم لو اللينكس انتشر يا معلم يبقى علية العوض ومنة العوض ولا تقوللى برمجة ولا بدنجان وزى ماقولتو ان الهرد وير دة هامشى جدا كل لغات البرمجة اللى هتتعلمها هتبقى من غير قيمة لو ميكروسوفت اتضربت لا للاحتكار ونعم للمصدر المفتوح |
اقتباس:
الجافا على فكرة بتشتغل على كل الانظمة واحنا ملناش دعوة بميكروسوفت اتضربت ولا لاه احنا اساسا بناخد نظم تشغيل مادة كاملة وبندرس ايه التغيرات اللى بتحصل يعنى ولا يهمنا ميكروسوفت ولا لينكس ولا يونكس ولا اى حد اللى فاهم يا معلم بيقدر يعمل اى حاجة ويقدر ياقلم نفسه على اى نظام دا بالعكس شركة لينكس جابتلنا وكلاء وادت لكل طالب اسطوانة نسخة ايبونطو10.4 يعنى مش زى مانت فاهم وياريت متكتبش حاجة تانى انت مش متاكد منها لان لحد دلوقت كلامك كله تخبيط على الفاضى ومفيش دليل واحد عارف تثبته |
ايه الناس االمستفزه دي
ع فكره مدام مدخلتش حاسبات متبقاش تتكلم لو سمحت ماشي ولو هي ملهاش لزمه وال بيتخرجو منها ملهاش لزمه اتعملت ليه والناس بتسيب هندسه وبتدخلها ليه والدكاتره والمعيدين ال بيشتغلو فيها دول دارسين ايه ومتخرجين من ايه مهو من حاسبات فبلاش تتكلم عن حاجه متعرفهاش وبعدين حاسبات دي بعد هندسه ع طول يا حضرت يال بتتكلم ونازل تريقه وع فكره ف ناس كتير او كان ليهم انهم يدخلو هندسه وفضلوو حاسبات وع فكره كمان شغلهم كتير جدا وبيطلبو انهم يسافرو بره بشغل كويس جدا وف اماكن كويسه اوي وشركات كبيره جدا فبلاش تتكلم احسن وحضرتك egt اتكل ع ربنا وادخل ال انت حابه ومقتنع بيه ومتخليش حد يلخبطك وصلي استخاره وال ربنا كتبهولك هيكون |
طب يا باشا
عرفت تشتغل عالاوبنتو؟؟ انا عندى نسخة وفعلا شغال عليها تقدر فعلا تعمل برامج عالويندوز بس برامج اللينكس اسهل بكتير فعلا::كل واحد بيدافع عن كليتة |
اقتباس:
|
اقتباس:
|
بصو يا شباب
علوم الحاسب حاجة وهندسه حاسب حاجة علوم حاسب في كليه علوم او كليه حاسبات ومعلومات دة بيدرس سوفت وير اما هندسه حاسب بيدرس هار وير فشوف انت بتحب ايه وادخله |
يابنى انا رايح 3ث وجايب 97.3
انا عايز افهم هو جايب 98.5 وهندسة البترول واخدة من 96.5 لا تعليق::::::::::::::: او ممكن احط تعليق مهندس بترول ياخد قد المهندس العادى حوالى 25 مرة تقريبا ولو طلع فاشل اوى اوى يبقى مهندس فلزات وياخد 7 او 8 تلاف جنية انتو بتتكلموا فى اية يا جدعان؟؟؟؟؟؟ |
اقتباس:
كل الزيطة دى اللى انت عاملهلنا وانت لسه مدخلتش كلية بجد no comment انا كل اللى هقولهولك ربنا يوفقك |
انا والله باتكلم بجد
هندسة بترول واخدة من 96.5 السنة دى ويقوللى حاسبات او هندسة!!!!!!!!!! فعلا سؤال وجية |
اقتباس:
عشان هيعرف يحقق فيها كل اللى هو عاوزه وفعلا حققها والتانى على الجمهورية السنة اللى فاتت ساب بترول وهندسة وحاسبات ودخل علوم ليه؟؟عشان عارف ان ده حلمه ودى الكلية المناسبة ليه وجزاك الله خير |
يا جماعة أنا تقريبًا عندي نفس المشكلة أنا رايح 3 ثانوي وجايب 93.5
وبعشق البرمجة و تصميم المواقع و المنتديات و هكر و الذي منه وكل أقاربي وأصحابي و كل الناس اللي عارفاني كل ما بيحصلهم مشكلة في الجهاز بيندهولي علطوووول وعارفين إن أنا مدمن كمبيوتر وكمان الحمدلله عارف فيه كتييير جدًا بس مش بحب الهاردوير أنا عايز اكون مهندس بيصمم برامج وكده ! ادخل إيه ؟؟؟ بس ياريت الكلام يكون واضح إنتم كده لخبطتوني جاااااااامد يا ريت تتفقوا على رأي |
السلام عليكم.
مش مهم المجموع عندك الاول على الجمهورية السنة اللى فاتت (408.5من غير مستوى)رايح تانية حاسبات. |
اقتباس:
هندسة ......بتهتم بالهاردوير والتميم المنطقى والدوائر الكهربية والذى منه وبردو بتاخد سوفت وير بس مش بتعمق |
السلام عليكم ورحمة الله وبركاته
لاحظت فيه ناس كتير متحيرين ومش عارفين الفرق فى الدراسة بين الكليتين انا بفضل لله قدرت اجمعلكوا الفرق بين:هندسة حاسب-علوم حاسب-نظم معلومات-هندسة برمجيات-هندسة شبكات-تقنية المعلومات عشان كل واحد يعرف عاوز يتخصص فيه ايه وربنا يوفقكوا للاختيار السليم http://www.thanwya.com/vb/showthread.php?t=233247 |
اقتباس:
|
يا شباب كله مكمل بعضه
شباب الحاسبات و الملعومات بيهتموا بمجال البرمجة و السوفت وير و شباب هندسة الحاسبات بيهتموا بالحاسب الآلى ( هارد وير و سوفت وير ) و فى هندسة تحكم يا ريت محدش يقلل من شأن حد |
يعني ينفع أدخل هندسة و في نفس الوقت اشتغل في البرمجة ؟؟
ولا فرص الشغل هتبقى وحشة |
اقتباس:
|
اقتباس:
|
اقتباس:
ممكن تشتغل على مستوى عادى ممكن object oriented ودى بتبقى مستوى اصعب على فكرة البرمجة لاتقتصر على كتابة كود معين وهى دى التعمق ف حاسبات فيه حاجة اسمها compiler ودى بتحول الكود لحاجة مفيدة ودى فى حاسبات ف هندسة بيدرسوا مقدمة بس عن الداتابيز بيعرفوا بس هيا ايه انما مش بيتعمقوا فيها ارجو انى اكون افاتدتكم وربنا يوفقكم |
اقتباس:
انا فعلا ناوى على كدة هاقلب من المحاضرات فى كلية الهندسة واروح احضر فى حاسبات |
على فكرة يا eng.ahmed55
انا من الزقازيق ابقى احجزلى مكان جنبك بقى فى الدكة قصدى البتاع اللى بتقعدو عليها دى فالكلية |
معلش اللى فهمته كده اللى هيدخل هندسة حاسبات و هياخد السوفتوير من بره علشان يشتغل يبقى دخل كلية الهندسة بس علشان اللقب
|
message
اقتباس:
ممكن بقى تاخد برمجة داتابيز حاجة زى كدا انما فيه مواد كتييييييير متقدرش تاخدها من بره وبالتالى مش هتبقى فاهم شغلك كويس وده الفرق بين خريجين اللية واللى واخدين كورسات |
بجد (ايه سيفن ايه)
|
من الخر كده ومحدش يتريق عليا انا بصراحة مش فاهمة حاجة من اللي قولتوه بس انا عايزة اعرف كل حاجة عن الكمبيوتر كل حاجة ادخل ايه لو حد ممكن يفهمني بتبسيط اكتر يا ريت
|
من الخر كده ومحدش يتريق عليا انا بصراحة مش فاهمة حاجة من اللي قولتوه بس انا عايزة اعرف كل حاجة عن الكمبيوتر كل حاجة ادخل ايه لو حد ممكن يفهمني بتبسيط اكتر يا ريت انا رايحة تالتة ثانوي وعلمي رياضة
|
يا جماعة احنا كنا عملين زيكم كدا بس اما دخلنا كلية الهندسة عرفنا الله فيها فى كلية هندسة قسم حاسبات ونظم المعلومات دا عشان الكمبيوتر والبرمجة وفي كمان قسم الاتصالات والالكترونيات ودا عشان الجهزة الدقيقة اما بتدخا هندسة وتيجى وقت تنسيق الاقسام بترجع تقول حاسبات ايه دا فى اقسام احسن بس اللى عايز شغل الكمبيوتر فعلى حاسبات بارادته وكمان هندسة حاسبات اللى اعرفه اللى لها نقابة اما كلية حاسبات ملهاش معلش طولت عليكم
|
كلية الحاسبات والمعلومات
بجد بجد احسن كلية من وجهة نظرى انا امادخلت الكلية دى بجد عرفت قيمة حاسبات ومعلومات انا كان لى زميلة فى كلية هندسة قسم اتصالات وراحت تقدم لشغل فلاقت انهم بياخذوا كلية حاسبات ومعلومات الاول وبعد كدا يدوروا على هندسة ايه السبب :
لان كلية حاسبات ومعلومات دى بتاخد البرمجة ومواد التخصص بالكمبيوتر من اول يوم تدخل الكلية فيه والدراسة فيها مش لعب عيال زى ما البشمهندس الفاضل قال عنها كلام وهو اساسا مش عارف ايه هى كلية حاسبات ومعلومات البرمجة دى متعة وعند البشمهندس لما بيقول انها شوية اوامر تتحفظ ويطبقها فهو ما اعتقدش انه يعرف ايه هى البرمجة البرمجة دى متعة وعاوزة تفكير واهم حاجة انك تعرف ايه هى المشكلة وتحاول تحلهاوتفكر جيدا وتشوف ايه اللازم لكى تعمل كود يحل هذه المشكلة ولكن اللى فاهم ان البرمجة دى حفظ اوامر فده اعتقد انه لايعرف اى حاجة عن كلية حاسبات ومعلومات واخيرا انا بجد فخورة انى فى حاسبات ومعلومات :d:d:d:d:d:d:d:d |
| جميع الأوقات بتوقيت GMT +2. الساعة الآن 01:41 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.