من غير غضب
 

من غير ما اى حد يغضب منى او يتهمنى بالتشائم انا اول انسان اتمنى اننا نثبت على درجه ماليه بس عندى استفسارين ياريت نحاول نجاوب عليهم

اولا : مامعنى استقاله او اقالة الدكتور /محمود عابدين مدير فرع الاكاديميه فى هذا التوقيت بالذات وقبل 7 ايام على صدور قرار التعيين وبعد 48 ساعه من تصريحاته فى الاهرام؟

ثانيا: بالله عليكم حد يقدر يفرق بين كلمات التشفير الثلاثه( التثبيت _التعيين_التسكين).؟

انا معاك فعلاً

ويمكن ده رد فعل طبيعي حصوصاً لما الدكتور محمود عابدين قال بالحرف (وأشار الي ان يتسني التوجيه للسيد الوزير والتركيز علي اجراء التعيينات قرب انتهاء المدة المسموح بها من عقد معلم مساعد لعدد كبير من هؤلاء عليه الحصول علي هذا العدد بدقة من قطاع التعليم العام الي جانب تطبيق القانون‏155‏ لسنة‏2007‏ والذي يلزم في مادته‏73‏ جهات الاختصاص بتعيين من استعرض شروط التعيين في وظيفة معلم وليس من المناسب بالمرة الانتظار حتي يحصل جميع الناجحين علي‏icdl‏ )

يظهر اننا مش المفروض نتكلم

ولا نقول المفروض ولا غيره

الكلمة الاولى والاخيرة لسيادة الوزير ربنا يديله الصخة والعافية ............... ويجعله عامر

لا اعتقد ان هناك ربط بين الاستقاله و التصريحات

هو عارف انه ماشى فقال كلمتين قبل ما يمشى
هوا كان فين من زمان بتاع الاكاديميه الى بياخد الوووووف والى عامل الامتحانات بتاع الكادر سبوبه هو ويسرى الجمل والى السبب فى عدم تعيينا الى الان وعدم تنفيذ القانون ومماطلتنا قبل امتحان الكادر وبعد الامتحان

استقالة مدير الاكاديمية المهنية للمعلمين

فى سلسلة الاستقالات التى تشهدها وزارة التربية والتعليم تقدم امس الدكتور محمود عابدين مدير الاكاديمية المهنية للمعلمين باستقالته من منصبه وارسل مذكرة بالاستقالة للدكتور /أحمد ذكى بدر وزير التربية والتعليم تمهيدا لرفعها الى الدكتور /أحمد نظيف رئيس الوزراء ويذكر أن مدة بقاء الدكتور/محمود عابدين فى المنصب تنتهى 11 اغسطس المقبل وقد بدأ ذكى بدر فى أجراء مقابلات مع بعض اساتذة الجامعات لتولى هذا المنصب ولم يقع الاختيار حتى الان على آى منهم


مصدر الخبر
جريدة الاهرام المسائى ص4

ولو انتو زى ما بتقولوا ان الوزير اقاله عشان تصريحاته طيب لية مش اقال الدكتور عادل شكري مساعد وزير التربية والتعليم بسبب تصريحاته فى التعيين وكمان هو اللى بدا بالتصريحات التعيين





تعيين‏40‏ ألف معلم خلال أيام
مصدر مسئول‏:‏ قرار التعيين مجمد منذ أبريل الماضي دون إبداء الأسبابكتب ـ سيد مصطفي‏:‏ http://massai.ahram.org.eg/MediaFile...2010_22_51.jpg
أكد الدكتور عادل شكري مساعد وزير التربية والتعليم أنه لم يجمد الوزير قرار ترقية‏72‏ ألف معلم مساعد إلي معلم‏,‏ وهو القرار الذي كان من المفترض صدوره منذ أبريل الماضي‏,‏ وأشار إلي أن المشكلة كانت في وجود بعض الأوراق الناقصة الجاري استكمالها‏,‏ حسب رغبة الدكتور أحمد زكي بدر لتحقيق العدالة بين جميع المتقدمين‏.‏
وصرح شكري بأنه سيتم تعيين الدفعة الأولي من هؤلاء المعلمين المساعدين وتضم‏40‏ ألفا في أغسطس المقبل‏,‏ حيث تم إنهاء جميع الإجراءات مع وزارة المالية والجهاز المركزي للتنظيم والإدارة لتوفير الدرجات المالية لكل من تنطبق عليهم الشروط‏,‏ موضحا أن الفرصة متاحة لجميع المعلمين المساعدين البالغ عددهم‏72‏ ألفا للتعيين بشرط توافر الشروط واجتياز كل الدورات المطلوبة قبل الموعد المحدد‏.‏
وكان أكثر من‏70‏ ألف معلم مساعد قد انتهت المدة القانونية للتعاقد معهم لمدة عامين في ديسمبر‏2009,‏ وقام الدكتور يسري الجمل وزير التربية والتعليم السابق بالمد لهم لمدة عام ينتهي في ديسمبر‏2010‏ حتي يتسني لهم الانتهاء من اجراءات الترقية إلي معلم عامل والحصول علي الدورات المطلوبة في الكمبيوتر واللغات حسب شرط القانون رقم‏155‏ لسنة‏2007‏ الخاص بكادر المعلمين‏.‏
وصرح مصدر مسئول بالوزارة بأن‏40‏ ألفا فقط من الـ‏70‏ ألف معلم مساعد حصلوا علي شهادات‏(‏ آي سي دي إل‏)‏ ودورات اللغة الإنجليزية وأنهوا جميع اجراءات الترقية‏,‏ ورغم وجود قرار ترقيتهم في مكتب الوزير منذ أبريل الماضي‏,‏ فإنه لم يوقع عليه دون إبداء للأسباب‏,‏ مؤكدا أن القانون‏155‏ لم ينص علي حصول المعلم المساعد علي الرخصة الدولية لقيادة الكمبيوتر أو اللغة الإنجليزية‏,‏ ولكن ذلك شمله القرار الوزاري واللائحة التنفيذية للقانون لضمان المستوي العلمي والمهني للمعلم لإيجاد جيل جديد يتعامل مع التكنولوجيا الحديثة‏.‏

عليه العوض ومنه ومنة العوض .... مش ملحظيين ياجماعة د. يسري الجمل قبل مايظهر النتيجة طلع في اول تعديل وزاري قبلها بايام والان والحمد الله تم استقالة مدير الاكاديمية قبل التثبيت بايام اكيد قالوله((( اية اللي انتة عملتة دة طيب مع السلامة))

لن يضيعنا الله

يارب يا ستار استرها

هوا الراجل لقى نفسه طالع او مقال فى 11/8

وعرف ان مفيش امل يفضل واو يتجدد ليه بدليل ان الوزير قاعد يقابل دكاترة عشان يختار واحد منهم للمنصب ده

ام عمك عابدين قال اطلع بكرامتى احسن واستقيل هوا ده كل الموضوع

ياريت مش كل حاجة نفسرها على هوانا ونرلابطها بالتثبيت والكلام ده

يا جماعة سيبنا من الكلام ده
دا حتي الأخ عابدين علي ما سمعت في لقاء الفيديو كونفرانس كان محبكها جامد و بركة إنه مشي
ولا يفرق معانا و اللي عايزه ربنا هو اللي هيكون
شالوا ألدو جابو شاهين
قصدي شالوا الجمل وراه عابدين
نسأل الله التعيين

حسبى الله ونعم الوكيل فى كل من ظلمنا

كل اللي عاوز يتعين يدخل هنا
 

اولا ارجو من الاستاذ محمد طعيمة ميحذفش الموضوع
ثانيا محدش هيجنا حقنا غير الوقفة بعد بكره 25/7/2010 يجب كلنا نوقف ونالب بحقنا الوزير مش مواطن مثلنا ليه يتحكم فينا نحن المعلمون لنا دور كبير لو اتحدنا وبقينا يد واحدة والكل هيعملنا حساب لاننا نتعامل مع اجيال ممكن تغير البلاد لذلك لما بيكون فيه اضطراب في البلد ومظاهرات بيدو المدراس اجازه بسبب تاثيرها الكبير
فيجب علينا جميعا نحن المعلمون المساعدون ان نقف يوم 25/7 وكل واحد يحشد اكبر قدر من زملائه واصدقائه حتي اقاربه وان شاء الله كلنا هنتعين مع بعض ولا يقولنا اللي اخد icdl واللي ما اخذش

فلنقف وقفة رجل واحد

فلنقف وقفة رجل واحد

فلنقف وقفة رجل واحد

ايه الاخبار السيئه دى كلها الكلام بجد ولا بتهظروا ومن هو مصدر هذا الكلام اللى عنده اخبار اكيده يبلغنا

ربنا معانا إن شاء الله

اتفق معك لا علاقه بين تصريحاته و الاستقاله
المهم تنفيذ التصريحات لقطع الشك باليقين
وربنا يوفقنا جميعا

الراجل شعر أنهم لن يجددوا له
فترك بعض الماء في وجهه
خاص وهو استاذ كبير

ياجماعة بجد بينا وبينهم القانون اللى هما الزمو نفسهم به يعنى مش احنا قلنا لهم اعملو وقيدو نفسكم قدامنا وقدام نفسكم وبعدين بالعقل كدة اخر ناس اتعينت بقالهم حوالى 8 او 7 سنين يعنى كدة او كدة الدرجة الثالثة هتفضى هيسيبوها فاضية والااحنا هناخدها مش مهم بقى امتى المهم انهم ينفذو كلامهم وناخد الرخصة وساعتها رغما عنهم هنتثبت والقضاء الادارى المنصف موجود وبعدين ايه يعنى استقال دى اكاديمية خاضعة لقوانين مش عزبة وزير التربية والتعليم ياريت نركز شوية بهدوء وبلاش عصبية ونفكر بعمق قبل مانعصب نفسنا وان شاء الله التثبيت قادم وقريب

بهــــــــــــــــدوء .... الحقيقة كاملة إن شاء الله
 

الأخوة الزملاء..
بداية أود أن أوضح أن قرار رئيس الوزراء رقم 2128 الصادر في 12/8/2008 بندب الأستاذ الدكتور/ عابدين كمدير للأكاديمية يجدد سنوياً وأن هذا هو العام الثاني له وكان من الممكن تجديده لعام ثالث لكن هناك الكثير من المشكلات وغيره داخل أروقة الأكاديمية التي تستدعي التغيير وللعلم تثبيت حضراتكم ليس مرتبطاً بوجود الدكتور/ عابدين أو غيره.
كما أرجو التوقف عن النزعة الثورية التي لا معنى لها فليس الدكتور/ عابدين هو المنقذ للمعلم المساعد وليس هناك أعداء لكم في الوزارة كفانا عنترية ودعوة لوقفات وخلافه فشغل المظاهرات والوقفات لن يجدي حيث أن هناك قانون ونظم جاري تطبيقها.
وللعلم تثبيت المعلم المساعد أصبح مجرد إنهاء إجراءات وعن قريب سيتم التثبيت ونقول مبروك للجميع.
أرجوكم ليس هناك حاجة أن نصنع أبطال وشهداء لم يحاربوا من أجلنا بل حاربوا من أجل أنفسهم فقط.
ومن لديه شك في كلامي يرجع إلى الوصلة التالية:

http://www.rosaonline.net/Daily/News.asp?id=50772

يارب استرها معانا بحق الشهر الكريم

قل لن يصيبنا الا ما كتب الله لنا هو مولانا وعلى الله فليتوكل المؤمنون