|
معلش يا جدعان انا قررت اكتب الموضوع ده اصلي والنعمة فاض بياا
قال بيقولولك ان البنات مظلومة بقي وحقهم متاكل في الدنيا و بتاع ... طب انا هقولوكم اد ايه هما فعلا مظلومين .. ومش هنروح بعيد ... انا هنا في كليتي .. قاعد في اللجنة .. والامتحان جاي صعب و توتر و كده .. ابص علي اللي جمبي ( بشوف رايه ايه في الامتحان عشان لو عايز حاجة ) الاقيلك اللجنة كلها الطلبة بالمعيدين بالدكاترة قاعدينلي في الورقة و طبعا بعد كده مش بسال حد عشان بكون محاصر من كل اتجاه (ادي اخرة فعل الخير )... في نفس اللجنة .. البت تيجي تبص .. كله يعمل عبيط .. وياسلام لو حلوة .. يااااااااااااه يبص و يضحك .... يا حبيبتي مش تغشي ( و الحنية مغرقاه طبعا ) و بيبقي ناقص يعيط من فرط الحنية... خلصنا امتحان و طبعا الولاد حالين وحش و البنات العادية حالين و الحلوين مقفلين الورقة ده لو مكنش فيه زيادات ..... امتحان الشفوي بقي ده مهزلة بالمعني الصريح للكلمة ... بندخل 4 كده للدكتور في المكتب .. لو ولاد تلاقي وش جبس متركب .. يسال السؤال قبل مانرد يطردنا ... لو 4 بنات بقي .. اوعي .. تلاقي سنانه هتتخلع من كتر الابتسامة .. ومش عارف بقي بينسي المنهج ولا بيحس انهم ولاده ولا ايه ... انتي مخطوبة يا حبيبتي ؟؟ اصلي عندي ابن زي العسل زيك كده ... بيحب العينين دي!!ده روج اللي انتي حاطاه ده ؟؟ لا انتي ازاي مش تخطبي كل ده ؟؟ انا هاجي لبابا ان شاء الله اخطبك لابني اللي قلتلك عليه قبل كده !! لو معندوش ابن بقي في سن الرشد .. مذاكرة ايه يا بنتي ؟؟ وللا اقولك اسالي نفسك سؤال .. وللا اقولك حطي الدرجه لنفسك وامشي .. ولا اقولك .. الخ الخ ...... مع العلم انه نفس الدكتور اللي طردنا .. سبحان الله !!! وطبعا تظهر النتيجة و المتوقع يحصل .. البنات في الاول والولاد في الاخر .. طب ماطبيعي ده ... يعني الواحد يحل نظري بس وللا نظري و عملي و شفوي و زيادات .... كفاية كده عشان انا عارف اني هتضرب بعد البؤين دول ... ------------------------------- لو كانت الحياه هيا السعاده فليكتبو على قبرى مات قبل ان يلد |
معلش يا جدعان انا قررت اكتب الموضوع ده اصلي والنعمة فاض بياا
قال بيقولولك ان البنات مظلومة بقي وحقهم متاكل في الدنيا و بتاع ... طب انا هقولوكم اد ايه هما فعلا مظلومين .. ومش هنروح بعيد ... انا هنا في كليتي .. قاعد في اللجنة .. والامتحان جاي صعب و توتر و كده .. ابص علي اللي جمبي ( بشوف رايه ايه في الامتحان عشان لو عايز حاجة ) الاقيلك اللجنة كلها الطلبة بالمعيدين بالدكاترة قاعدينلي في الورقة و طبعا بعد كده مش بسال حد عشان بكون محاصر من كل اتجاه (ادي اخرة فعل الخير )... في نفس اللجنة .. البت تيجي تبص .. كله يعمل عبيط .. وياسلام لو حلوة .. يااااااااااااه يبص و يضحك .... يا حبيبتي مش تغشي ( و الحنية مغرقاه طبعا ) و بيبقي ناقص يعيط من فرط الحنية... خلصنا امتحان و طبعا الولاد حالين وحش و البنات العادية حالين و الحلوين مقفلين الورقة ده لو مكنش فيه زيادات ..... امتحان الشفوي بقي ده مهزلة بالمعني الصريح للكلمة ... بندخل 4 كده للدكتور في المكتب .. لو ولاد تلاقي وش جبس متركب .. يسال السؤال قبل مانرد يطردنا ... لو 4 بنات بقي .. اوعي .. تلاقي سنانه هتتخلع من كتر الابتسامة .. ومش عارف بقي بينسي المنهج ولا بيحس انهم ولاده ولا ايه ... انتي مخطوبة يا حبيبتي ؟؟ اصلي عندي ابن زي العسل زيك كده ... بيحب العينين دي!!ده روج اللي انتي حاطاه ده ؟؟ لا انتي ازاي مش تخطبي كل ده ؟؟ انا هاجي لبابا ان شاء الله اخطبك لابني اللي قلتلك عليه قبل كده !! لو معندوش ابن بقي في سن الرشد .. مذاكرة ايه يا بنتي ؟؟ وللا اقولك اسالي نفسك سؤال .. وللا اقولك حطي الدرجه لنفسك وامشي .. ولا اقولك .. الخ الخ ...... مع العلم انه نفس الدكتور اللي طردنا .. سبحان الله !!! وطبعا تظهر النتيجة و المتوقع يحصل .. البنات في الاول والولاد في الاخر .. طب ماطبيعي ده ... يعني الواحد يحل نظري بس وللا نظري و عملي و شفوي و زيادات .... كفاية كده عشان انا عارف اني هتضرب بعد البؤين دول ... ------------------------------- لو كانت الحياه هيا السعاده فليكتبو على قبرى مات قبل ان يلد |
عندكحق فى بعض الحاجات
بس مش كل الدكاتره كده ومش كل البنات كده"ده مش دفاع والله ,دى وجهة نظر" ومش علشان عندكوا كده فى الكليه يبئا كله كده |
وهنروح بعيد ليه أنا فى ثانوية العامة ومنازل ففى معايا بنات فى اللجنة الأساتذة البنت تعيط يروح الأستاذ جايب لها الأجابات من العيال ويمليها وإحنا لو واحد بص جنبه يخده منه الورقة منهم لله والله أحسنلى أخش وأنا لابس قميص نوم وبروكة وأنا أجيب 103% يا رب إنت إلى عالم بينا إرحمنا إحنا نذاكر وهمه من دمعة يجيبوا النهاية
أحمد الطاروطى 0104253046 |
ههههههههههههههه
فى الكلية عندنا بحصل اكتر من كدة بكتير |
انا شايفة ان مفيش حاجة اسمها كدة انتوا اللى بتعلقوا فشلكوا بس على كلاام فارغ من دة
وحتى لو فى كدة مش بيفلحوا بعدين مفيش حد بيغش وبيفلح ولا اييييه؟ :huh: على العموم مش عاوزة اطول شكرا على الموضوع يانور وبالتحديد عنوااان الموضوع اصله حقيقة وفعلا البنات بقوا هما اللى بيطلعوا الاوائل والولاد قلوا يعنى فى المجال دة :P |
البنات بتطلع الاول عشان اسباب كتيره
1-ان مخهم كبير 2- انهم منظمين اما عن اسلوب التعامل مع المدرس فدى عشان هما لبيقين فى الكلام وبيعرفو يتعملو معه صح وشكرا على الموضوع |
نفرض يا ريهام أن اللي قالوا نور وأحمد غلط 000 واللي انتي قولتيه صح بس السؤال دلوقتي ازاي مفيش ولد بتبقى دراجاته أكتر من درجات البنات ؟ ؟ ؟ ؟ ؟ الا كل فين وفين
بس في الأخر بقول أن الكلام اللي قالو نور و أحمد صح ح ح ح ح ح ح ح 000 وده بيحصل فعلا يا حدوته قصدك بيعرفوا يتحكوا على المدرس 00 مش لبيقين 000 ما هو احنا برده بنعرف نتعامل مع معظم المدرسين وبنهزر معاهم جامد 00000 يا حدوته مش هى دي المشكلة |
بصراحة ماجربتش ومش هجرب لاننا بنات بس
يعنى لو ده صح مش هنستفيد شكرا على الموضوع وماتزعلوش يا رجالة |
على فكرة عاوز اعرفكوا حاجة
ان كل جنس بيميل لعكسة يعنى لو فية مدرسات اكتر من المدرسين كان هيحصل غير كدة |
سورى انا مش معاك مش لانى بنت والله بس البنت عمتا قدراتها اكبر من الولد وزكيه عنه البنت بتخزن وتفهم اكتر وعندها طموح انها تدرس بتفوق مش يادوب تطلع من السنه وشكررررررررررررررررررررا |
<div class='quotetop'>إقتباس(فيحاء @ Jun 16 2007, 08:19 AM) [snapback]329851[/snapback]</div>
اقتباس:
مين قال ان البنت اذكى من الولد مكنش حد غلب |
لالالالالالالالالالالالا
مين اللي قال كدا الصراحه هما صحيح حفيظه ودحيحه بس كمستوي عقلي لا لا انا اعرف بنات جايبين اعلي مني ومستواهم الفكري او حتي فهمهم اقل مني بمراحل وغالبا ما بيكون الاول ع الجمهوريه ولد والتاني والتاالنت والرابع الي العرشر بنات يعني برضه الاول بيكون ولد اللي انا اعرفه واللي ثابتته ابحاث كتيره ان معدل ذكاء الرجل اكبر من معدل ذكاء المرأه بصفه عامه بس دا بيختلف من حاله لحاله حسب الجينات و الصفات المتوارثه بس لو جبت توأم ولد وبنت ووفرنا ليهم نفس الامكانيات طبعا الولد اذكي |
كلامي نفس كلام بسام الولد اذكى من البنت :)
اما من ناحية الانحيازية فانا فعلا فوجئت بالانحيازية للبنات من تاني اسبوع في الكلية !!!! اكون جي قبل المحاضرة بساعة ونص عشان اقعد في اول بنش تلاقي الموظفين الي على الباب يجو يدخلو البنات وتلاقي البنت ماشية من آخر الصف وتحشر نفسها لحد اول الصف ويدخلوها ويمنعو الولاد يجو بقة الولاد يخشو يلاقو اول 5 بنشات اتاخدو والخمسة الي وراهم بنات حاجزينهم اصل لسه في بنات هيجي كمان شوية والله اخرت ما زهقت اتخانقت مع الموظف ودخلت مه مش كوسة هيا انا اتلطع ساعة ونص والبنت تكون لسه جاية ويدخلوها وفي الاخر شكرا ال دماغهم كبيرة ال <_< |
مين قال ان الولد اذكى من البنت او العكس الحكاية كلها مرتبطة بالجينات والصفات الموروثة ولكن فعلا البنات بتجيب اكتر من الاولاد لان البنات قاعدين فى البيت غلابة مش بيعملوا حاجة غير انهم يذاكروا لكن الولد اذا كان عليه نفسه يبات فى الشارع وميدخلش البيت خالص فطبعا نتيجة انه بينزل كتير مش بيركز اوى فى المذاكرة فطبعا مش بيجيب زى ما البنت بتجيب واما بقى حكاية التحيز للبنات فى الكليات معرفش اذا كان صح ولا غلط لما ادخل الكلية السنة الجاية هبقى اقولك :)
|
امممممممممم
عين العقل يا ابني فعلا مفيش حاجة اسمها الولد أذكى من البنت او العكس لأن دي قدرات مالناش دخل فيها وربنا خلقنا كده بس اهم حاجة الواحد ازاي يستغل القدرات دي وممكن يبقى احسن ويجيب مجموع على من الأذكى منه بس مستهتر يلا سلاااااااااااام |
انا معاك فى كلمة قولتها
وفعلا الكلام دة بيتحقق وعلى فكرة البنت بتذاك عن الولد وعلى انا الولد اذكى من البنت والكلام دة مش كلامى انا دة كلام علماء ولكن الولد لعبى وبيحب اللعب اما البنت من المدرسة للبيت او من الدرس للبيت وياريت محدش يزعل دية وجهة نظر |
ده لاننا بنذاكر بس
|
اقتباس:
ثانيا:احنا يا أمورة بنستوعب اسرع و احسن و البنات بيحفظوا (ولو انتي فاكرة ان التعليم ف مصر مينفعشي الا للبنات اكيد اصلحه تعليم بالدح مش تشغيل المخ) ثالثا : احنا بنخرج كتير بنضيع وقت بنلعب كتير بس اتفرجي لما نقعد ونذاكر اللي انتي بتلميه ف اسبوع نلمه احنا 4 ساعات علي الاقل أخيرا كليه = تحيز للبنات |
oh!! lol:p it's just because u jealous guys are losers..lol:p just kidding:D but anyways, i think it's just disorder and lack of organization in the whole Egyptian education system:( it's so sad seeing the Egyptian system in this situation..alhamdulilah i'm not there to experience all this hecticness..kidding..lol ..I love Egypt, no matter what:)1
|
اقتباس:
Girls Rule!!!!:poooooooh yeah |
اقتباس:
|
اقتباس:
|
حكاية ان البنات بتطلع الاوائل
لا عشان هما بيذاكروا ولا عشان لولاد قاعدين فى الشارع دى حجة خايبة طب ما كل البنات قاعدة فى البيت ..... مبيطلعواش بقى ليه اوائل....؟؟؟ هو غالب توفيق مش اكتر يعنى لا هو اثبات ذكاء للهوانم ولا اثبات غباء للبهوات.... ثم ان لنظام فشل زى ما معرفش مين قال وفاشل على الفاشلين....فاشل برضو....مش قضية اقتباس:
نقدر نفهم ن لولد اقل فى فهمه... وطموحه..... كمان سعة التخزين مش اللى هى....((ن هجيب هارد 80 ان شاء الله) بس مش ملاحظة انك قاسية عالبنت اوى انك منهم...ملكيش حق!!!!:d |
ثم ان لنظام (beep) زى ما معرفش مين قال
that was me, Sarah:cool: lol:p i had to put that "beep" there cuz i don't like using that word u wrote;)o |
ههههههههههههه
موضوع يموت من الضحك اولا مفيش حد ازكي من حد لان يابهوات لو حد بيقئرا علم نفس حيعرف ان اجمع العلماء الامركان ان الزكاء ده هبه من عند الله و ملهاش علاقه بالجنس وكمان الذكاء مبيقسش كده بالبركه طب اتحدي حد فيكم يؤلي ايه هيا معاير الزكاء و سلام |
طب افرض مثلا البنت اللى طلعت الاولى دى منقبه حد هيتكلم ؟:p
انها لضغيــــــــنه .. اولا كده المتفق عليه ان الولد اذكى من البنت فعلا ومش هقول ان الولد بطبعه مستهتر لان فى شباب كتير كويس ومش كل البنات دحيحه برده يا جماعه الا من رحم ربه وبعدين اساسا يعنى هى بتغش تبقى فاشله فالراجل المراقب بقى مش عايزك فاشل زيها وللا ايه؟ايوه هو كده :d يعنى لا تحيز ولا بتاع بقى المهم كل سنه وانتو طيبين ومش فى امتحانات فى رمضان |
من جد وجد ومن زرع حصد
حتى في بلد زي مصر استحالة أصدق إن الي بيطلع الأول بيطلعها بالغش حالة نفسية يدخل كلية قمة آه لكن غش ما افتكرش وإلا كانوا كلهم ولاد وزرا هم أي نعم خاص بس بيخدوا معانا الثانوية بتاعتنا او ما يعادلها لألألألأ غش = أول صعبة غش تجيب مجموع مش تطلع الأول أما ليه البنات بيطلعوا أوائل فغلط أصلاً إنك تحطها كموقف وتعمل عليها نظرية لو عاوز تهذر فأنا مش فاضي :p |
[quote=Dare Angel;293873]طب افرض مثلا البنت اللى طلعت الاولى دى منقبه حد هيتكلم ؟:p
آه طبعا ليه لأ؟؟؟ مالو النقاب؟؟ :) :cool::) |
انا شايف ان الحكاية مش ذكاء مين اكتر من مين ....
الموضوع ان البنات بيبقى ليهم قدرة اكبر ع المذاكرة و الدح لا مؤاخذة ..... يعني ممكن تنكب ع الكتاب كده متقومش من عليه الا لما تحفظ كل كلمة ف السطر الكام من الصفحة كام اللى فوقيها كلمة ايه و هكذا ......... اما الشباب بيعتمد انه يفهم الموضوع ماشي ازاي من المدرس دي ثم انه يذاكر ده ملهاش اولوية زي البنات ............ يعني مثلا شوفوا السنة دي ف أوائل الثانوية العامة ... هتلاقوا الأقسام اللى محتاجة دح اكتر أو مذاكرة و حفظ اكتر (علوم و ادبي ) نسبة البنات اعلى م الولاد ( ادبي فيها 10 بنات لولدين ) اما قسم رياضة اللى ميحتاجش دح و حفظ اد م يحتاج ان الواحد يفهم الموضوع ماشي ازاي .. هتلاقوا ان ده القسم الوحيد اللى نسبة الولاد فيه اعلى من البنات يمكن ده يأيد وجهة نظري لكن موضوع الغش ده ......ملوش اي علاقة شكرااااا |
السبب بسيط جدا وهو ان الشباب مذاكرش
ومحدش يضحك علي نفسه وتخترع سبب ابعد من كدا لانه من الاخر تضييع وقت وخلالالالالالالاص |
| جميع الأوقات بتوقيت GMT +2. الساعة الآن 11:32 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.