|
طب ولا صيدلة
انا مجموعى جايب طب وصيدله ومحتااااااااااااار بينهم
فى نفس الوقت اللى عايز طب مش عايزه علشان دراسته طويله 7 سنين وسنه تكليف وماجستير يعنى 9 سنين تقريبا ده غير الجيش يعنى عمال ما اخلص يبقى عندى حاجه وثلاثين واكون لسه هبتدى حياتى ده اذا عديت السنين كلها بتقديرا ت من غير ما قاهمين فمحتار بين صيدله وطب ياريت تساعددونى |
ياااااااااا جمااااااااااعة محدش رد لييييييييييييييه
|
بص الاول حسب ميولك
بس انا بفضل صيدلة على طب كلية كويسة وموادها كويسة وخمس سنين ده رايي وربنا يوفقك |
اقتباس:
بس الحمد لله انا قررت انى ادخل طب نصيحتى صلى صلاة استخاره وان شاء الله ربنا هيوفقك وتختار الاصلح:av4056bb7jp3::av4056bb7jp3: تحياتى تقبل مرورى |
بسم الله الرحمن الرحيم
توكل على الله وادخل كلية الطب البشري |
انا من رايي طب افضل ليك كولد وحكاية السنين دى مش فارقه معاك عكس البنات يعنى
وربنا يوفقك |
اقتباس:
|
يااااااااااا جمااااعه انا محتااااااااااار جامد ياريت كل اللى يدخل يرد
ويقول اسباب اختيااااااااااااره |
اقتباس:
مع اني مش في صيدلية لو انت بتحب الكيميا والحاجات دي خليك في صيدلية.. وغير انها 5 سنين وسنة جيش يعني 6 ان شاء الله ربنا يوفقك سلالالالالالالام |
يااااااااااا جماااااااااااااعه فين الردود
|
دكتور ميسي ...انا قدك السنة دى ..وصليت استخارة استريحت لطب بشرى
اساسا ..صيدلة ملهاش مستقبل ...مع احترامى لكل الصيادلة...بس هى اخرتها هتوقف فى صيدلية وتبيع زيك زى اللى معاه اى شهادة ;)وفى النهاية الامر يرجعلك |
اقتباس:
وأخطــــــأ ،، أيوه ممكن في ناس صيادلة بيعملوا كده ومش بيقفوا اصلاً في الصيدلية بتاعتهم ،، لكن كلية الصيدلة أعم وأشمل من كده بكتيــــــــــــــــــر ،، والطبيب بدون الصيدلي لاشئ ،، ده ممكن طبيب يموت مريض لو الصيدلي مش شاطر !! وكمان بما أني وقفت في صيدلية ،، فالناس بتثق في الصيدلي أكثر من الطبيب كمان ،، وأي شئ يُسأل فيه الصيدلي قبل الطبيب ،، وبردو مش كل حاجة الصيدلي بيفتي فيها ،، في حاجات لازم يُوجه المريض للطبيب ،، وهكذا ! لكن إن الصيدلي آخرته إنه يبيع زيه زي اي حد ده اختصار لمجال الصيدلي بطريقة مُخلة كمان . |
اقتباس:
بس بصراحة دا راى والدى يعنى ...وهو اللى اقنعنى بكدا فقلت انى اطرح وجهة نظره ليس اكثر وانا اسفة ان كان وصلك الكلام على انى بقلل من قيمة الصيدلانى |
سؤال للاستاذة فرعونة مصر
ازاي رايك كدة في كلية صيدلة وانتى كتبتيها رغبة اولى ليكى في الموضوع التانى منتظر ردك ؟ |
اقتباس:
الموضوع التانى دا خاص بواحدة صحبتى بس انا اللى بسال بالنيابة عنها ................................... وانا اساساا مش ضد الصيدلة ولا حاجة بالعكس انا كنت عاوزة ادخلها لانها اريح الى حد ما من الطب.... بس .. فى ناس قالولى كدا ..وانا بنقل كلامهم ليس الا ..انما وجهة نظرة الشخصية لسة محدتهاش لانى مجربتش لا طب ولا صيدلة اتمنى تفهمونى صح يا جماعة لانى مش قصدى حاجة ..وربنا اعلم |
طب اسنان هو الحل
|
انا رأيى الشخصى انك تدخل طب اسنان وهى جميلة جداااااااااااا وكمان دكتور زى البشرى مش صيدلى وكمان 5 سنين وبتتخرج متخصص مش محتاج تخصص ولا حاجة واجمل كلية فى الدنيا وحلمى انى ادخلها ان شاء الرحمن
|
الطب يعنى علم و الصيدله يعنى فلوس
الطب يعنى احترام اكثر من الناس و دخل اقل الصيدلى يعنى احترام اقل من الناس و دخل اكبر الطب يعنى تعب متواصل ............. الصيدله تعب خفيف الطبيب غير المشهور يساوى صفر الصيدلى طريقه سالك الطبيب ليه برستيج ووضع اجتماعى افضل من الصيدلى بس غالباً جيبه فاضى هم قله من يجمعوا النجاح مع العلم مع الشهرة مع المال و انا لست منهم |
اقتباس:
انا رايى انك تدخل طب اسنان والراى ليك فى الاخر:) |
طب اسنان مستبعده شويه لانى بكره الاسنان ومش بحب المجال ده وبعدين هافضل طول اعنرى اخلع و اركب واحشى
مش بحب المجال ده وطالما مش بحبه مش هنجح فيه هى الخيره بين طب بشرى و اسنان |
السلام عليكم احب ارد على موضوعك وهو انك تقوم تصلى ركعتين شكر اولا لربنا وبعدين استخير ربنا هل طب لو صيدله وشوف ميولك انت هل شايف نفسك دكتور ام صيدلى وسيب كله بعد اخيارك على ربنا ومتحسبهاش بالسنين لانك لو مش عاوز طب علشان اسبابه ممكن الواحد يتعطل برده لاسباب اخرى فتوكل على الله وانت الوحيد اللى تقدر على الاختيار لنفسك وليس الاخرين مع احترامى الشديد لكل كم اعطى مشورة او نصيحة تحياتى
|
اقتباس:
وكمان الدكتور ليه مكانه وبرستيج حاجه حلوة يعنى وكما ن الصيدلة ممكن مش تلاقى شركة ادويه تشتغل فيها فتلجا الى انك توقف فى صيدليه هى مش وحشة بس انت عارف الواحد ما يعدشى ده كله يتعلم عشان يرجع يوقف فى صيدليه مع احترامى لكل الصيادلة وبعدين انا بالنسبة لى فى شويه كيميا فى صيدلة تعقد ودراسه الطب اسهل من الصيدلة دة راى وكمان فى حاجة عشان ما تشوفش واحد صاحبك كان جايب نفس مجموعك وهو فى طب وانت فى صيدلة وتحس انك اقل منه وتندم على مجموعك انا طولت عليك كفايه كدة وربنا ان شاء الله يهديك الى ما يحبة ويرضاه وان شاء الله يكون فى خير ليك:022yb4::022yb4: |
على الطالب نفسه أن يحدد إلى أين تذهب رغباته وميوله وإمكانياته وهو أدرى بذلك
وما هي أهدافه من دخوله هذه الكلية دون غيرها ؟ أعتقد إذا كان له هدف واضح فلن يفكر في عدد السنوات أو مستوى الدراسة أو العمل أيضاً لا يوجد ما يسمى كلية صعبة أو كلية سهلة على الإطلاق كما أنه لن ينظر إلى الآخرين و يدخل كلية ما تقليداً لهم والكلية تختلف عن الثانوية تماماً فكثير من الطلاب حصلوا على أعلى معدلات في الثانوية وتجدهم في الكلية يحصدون أقل التقديرات إن لم يكن راسبين في مواد .. نقطة أخرى أستغرب من النظرة المستشرية حالياً إلى الكليات أو المهن الأخرى وخصوصاً بين الطيبب والصيدلي لأننا بصدده الآن في الموضوع كلاهما مكملان لبعضهما ، ولابد أن يعرف كلاهما قيمة غيره والأرزاق بيد الله لا بيد البشر لكن إذا كنا سنستمر في التفكير بهذه الطريقة فعلى الدنيا السلام ولا أريد أن أطيل لأن لدي كلاماً كثيراً في هذا الأمر |
انا معاكي يا الدمعة الحزينة2 ودا الراي الصواب
وطبعا كل مدخلت الكليه الافضل كل مكان احسن |
القرار الاول والأخير اكيد عندك انت استعين بالله وصلى استخاره وعمرك والله مهتندم على القرار بلاش تسلم بوجهة نظر شخص معين كمان وانت بتختار الكليه حط فى اعتباراتك ان الكليه مش هيا اللى بتعملك.... انت اللى بتعمل نفسك زى مافى صيدلى فاشل فى صيدلى ناجح وزى مافى طبيب فاشل فى طبيب ناجح مش عيب ابدا انك تقضى سنين من عمرك حتى لو عشر سنين فى انك تدرس طب .. بالعكس دى حاجه تشرفك وبردو مش عيب ابدا انك تختار الطريق الاقصر ... اذ كنت بتتعامل مع طول وقصر الطريق بسنوات الدراسه الجامعيه نصيحتى ليك لو هتتعامل مع صيدله كشهاده تسمحلك بإنك تفتح صيدليه وفلوس بلاااش منهااا ... هتتحاسب على كده انا مش عارفاك ولا عارفه ميولك ايه بس عندى احساس انك ميال اكتر لطب و عندك رهبه منه مش اكترر توكل على الله وفكر كويس مفيش وقت |
| جميع الأوقات بتوقيت GMT +2. الساعة الآن 04:16 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.