صــــــــــــرخـــــــــــة مــــعــــــلــــــــم
 

مقدمة

كلنا يتصارع يوماً تلو الآخر للمطالبة فى حقه فى التثبيت أى تثبيت هذا يا أخوتى هذا ليس حقنا بل هو جزء بسيط جداً من حق كبير مسلوب مننا . على ماذا نتصارع على تثبيت هناخد كام فى الاخر 500جنيه هل هذا يعقل شاب عمره ( لا يقل بأى حال من الاحوال عن 24 سنة ) فى معترك الحياة وآخر يعول أسرة أهذا كافى ؟ . طبعاً بعض الاخوة يقولى ياعم نتثبت وبعد كدة نتكلم عن المرتبات لا يا أخى الحق يأخذ مرة واحدة ولا يتجزأ .
فرحة الحكومة :
محدش يقولى ان الحكومة زعلانة من الثورة اللى احنا فيها لا بالعكس ده احنا لو عاملنا حتى مظاهرات للمطالبة بالتثبيت يا جماعة الحكومة طايرة من الفرحة من اللى احنا فيه . حد يقولى ليه احنا كدة كدة هنحصل على وظيفة معلم سواء بالتثبيت أو بأى مسمى آخر وقتها لما يحصل الكلام ده هنكون طايرين من الفرحة قال ايه علشان التثبيت ونسينا المصيبة الكبيرة واللى هما عايزين يلهونا عنها ألا وهى الملاليم التى نحصل عليها واحنا طبعاً منقدرش نتكلم لان احنا كنا فين وبقينا فين .
لماذا لا نصبح مثل الآخرين :
* يا جماعة الواخد مننا مطحون يومياً فى المدرسة من الساعة الثامنة الى الساعة الثانية ظهراً من طابور الى حصص اساسية وأخرى احتياطية وأشراف ومشاكل الطلبة .......... كل ده ومش عاجب ولو الواحد استئذن فقط نصف ساعة المديى يحسبها عليك جميلة وكأن عاملك اللى لا يعمل ويا سلام لو جت لجنة من برة بقى بدون تفكير ترك عمل وشئون قانونية ( والنهاية ثلاث أيام جزاء ) . ونسى ان اليوم كله المدرس مطحون .
* يا جماعة انا ليا واحد صاحبى شغال مهندس فى شركة الكهرباء ( كله اللى بيشتغله لا يزيد فى أى حال من االحوال عن 5 ساعات يومياً ) ومرتبه 5000 جنيه , وآخر شغال فى النيابة بمرتب 2000 جنيه وغيره شغال فى البنك ب 3000 جنيه وغيره وغيره واللهى وكلها وظائف حكومية .
* أليس هذا المعلم المسئول عن تخريج كل هؤلاء اصحاب المرتبات العليا .
الموازنة العامة
انا كل اللى عايز أعرفه الموازنة العامة العجز اللى فيها بيكون على التربية والتعليم فقط يا جماعة حتى المكافأة اتقسمت على مرحلتين وتم خصم نسبة منها علشان الموازنة العامة .......... فين عجز الموازنة العامة فى ال 20 مليون بتاع مباريات كاس العالم وفين الموازنة العامة فى 7 مليون بتاعت خروج مصر امام الجزائر من تصفيات كأس العالم وفين الموازنة العامة بتاعت الوزارات الحكومية الاخرى . بالله عليكم حد سمع عن تأخير مرتبات ولا خصم فى أى وزارة حكومية تانية .
الزيادة والذل
حتى لما يحاولوا يزودوا المدرس ببعض البقشيش ( اللى اسمه الكادر ) تم ربط هذا باختبار الكادر ولما ناس نجحت قالوا احنا كدة هيتخرب بيتنا راحوا عملوا حجتهم بال icdl ولسة القادم أحسن .
أليس كل هذا كافى للمساواة بالاخرين
يا جماعة المعلم فى وقتنا هذا يعتبر أفضل الموجودين فى ساعة العمل فهو يملك ما لا يملكه أصحاب الالاف فهو حاليا يملك دبلوم تربوية ( للكليات الغير تربوية ) وشهادة icdl بالاضافة الى اختبار الكادر والذى يشمل ( لغة عربية + تربوى + تخصص+ انجليزى ) . أليس كل هذا بكافى للمساواة بأصحاب الالاف دى كلها كام دورة تانى وناخد جائزة نوبل .

فى النهاية
يا جماعة يجب عدم الصمت على هذا الظلم البين الواحد فينا مرتبه 350 جنيه وأقصى مرتب هيصله 1400 جنيه وده طبعاً فى الاربعينات من العمر ....... هل هذا يعقل ومن فى عمرنا بيقبض أضعاف أضعافنا وبيشتغل كمان نص وقتنا .

والله كلامك صح يا اخى الفاضل
ولكن لا نملك الا ان نقول حسبى الله ونعم الوكيل فى كل من ظلمنا

والله كلامك صح يا اخى الفاضل
ولكن لا نملك الا ان نقول حسبى الله ونعم الوكيل فى كل من ظلمنا

كلامك صحيح
وحسبنا الله ونعم الوكيل
لازم يكون فى تكافؤ بين الوظائف

كلام سليم 100%
بس انا عايز اقولك حاجة واحدة بس الدولة دي مش بتعاتنا
تقولي ازاي اقولك لو لحضرتك واسطة مكنش زمانك عضو معانا في المنتدي كان زمنك احد هؤلاء الذين يعملون بالالاف في الشهر ، اما وان الله قد اختار لك هذه المهنة فعليك بالرضي بما قسمه الله لك
ليس معني كلامي الا نطالب بحقوققنا ولكن لن تجد اجابة في هذه الدولة التي ملائها الغش والتدليس والرشوة والفاسد في شتي القطاعات
ولهذا فليس امامنا سوي الدعاء ان يغير الله الحال
وحتي ذلك اليوم عليك بالصبر

بسم الله الرحمن الرحيم
نشكر السيد الزميل على مقولته الرائعة ------ ولكن ماذا نفعل ؟
أنقف مكتوفي الايدي ----- كلا ورب الكعبة ولا نقبل الاستسلام
فنداء مني وبصفتي معلم مساعد لغة انجليزية بالازهر الشريف الى جميع الاخوة من المعلمين المساعدين بالازهر الشريف
بإرسال الفاكسات الى مشيخة الازهر الشريف والى كل المسئولين عن الازهر بالمطالبة بحقوقنا الضائعة من خصم مرتباتنا التي لا تكاد تزيد عن عدة ملاليم
هيا بنا نحن معلمي الازهر الشريف من المعلمين المساعدين بمراسلة مشيخة الازهر وارسال الفاكسات الى مقرهم مطالبين بحقوقنا نحن وخصوصا الخصم من مرتباتنا

أدعوكم الى عدم الكسل وهيا بنا كما فعلت منطقة الغربية الازهرية بارسال فاكسات جماعية مطالبين بعودة مرتباتنا كماهي من قبل

مستر / فايز فراج
مدرس مساعد لغة انجليزية
الازهر الشريف

وشكراااااااااااااااااا

حسبى الله و نعم الوكيل

والله كلامك صح يا اخى الفاضل
ولكن لا نملك الا ان نقول حسبى الله ونعم الوكيل فى كل من ظلمنا

يجب عدم الصمت ولكننا...
لا نملك شئ وهذا حال الدولة

حسبي الله ونعمة الوكيل

بجد كلام يمس قلوب كل معلم مساعد ................ حسبنا الله ونعم الوكيل

والله كل كلمه قولتها معاك حق فيها
وحسبي الله ونعم الوكيل

ياجماعة والله مفيش حل مع الحكومه غير وقفه صارمة واضراب عن العمل علشان يحسوا بقيمتنا فى ادينا حاجات كتير زى اى واحد فى اى مجال بيقدم خدمة وبياخد عليها مقابل ممكن يسحبها فى اى وقت

والله كلامك جميل جدا ً وده سببه شعار ( من أجل افضل مهانة للمعلم )

وما نيل المطالب بالتمنى ****** انما تأخذ الدنيا غلابا

لابد لنا لكى نحصل على حقوقنا من التكاتف والترابط مع بعضنا لمطالبة الدوله بجميع حقوقنا جملة واحدة كما سلب من قبل جملة واحدة ولا نجلس كربات البيوت ننتظر شجيع السيما اللى ها يحررنا من هذا الظلم البين الواضح اللذى تفعله الدولة حاليابأبنائها الابرار الذين يناضلون من أجل تربية قبل تعليم جيل جيد أفضل منا فمعلمينا لم يكونوا على نصف مستوى ما نحن الان عليه من كثرة الشهادات وغيره وفى الاخر أقول (((( حسبنا الله ونعم الوكيل فى كل من سلب حقا من حقوقنا أو ساعد على ذلك )))))........
أخوكم

كلامك ايقظ بركان من الغل والمراره جوه قلبى من زمان
والله انا على نفسى لو الاقى فرصه هجره ههاجر من غير تفكير وبقول هجره مش سفر عادى لأن البلد دى اصبحت بلد غريبة

حسبنا الله ونعم الوكيل

اين انتي يا نقابه المعلمين -----؟
حينما وقع ضرر علي احد المحامين في الغربيه وقفت النقابه ورائه لان اي ضرر يقع علي احد المحامين يمس من كرامه
المحامين اجمعين -----
ولكن النقبه بتاعتنا وليست النقابه همها تجمع فلوس مننا وخلاص --
والله انا ما اعرف هوا مين نقيب المعلمين --- حد يعرف هوا مين

كم عدد المصريين
 

ما يقرب من 7 مليون مصري بالخارج
من عمال أصحاء بالخليج
عمال مهره وفنيين بالخليج
مدرسين + أطباء + مهندسين + مبرمجين بالخليج

أطباء + مهندسين + مبرمجين + اساتذه جامعيين بأوربا وأمريكا وكندا مهاجرين


كل هذا تطردهم البلد ولا مكان لهم
المكان لوكيل النيابة ، الشرطة ، المستشار ، الوزير ، الجيش ، الحرامية ، وكلاء الوزارة ، الوزراء ، النصابين والبلطحية


من الذي يحيى حياة كريمة في مصر
لاعب كرة ، راقصة ، مغني ، ممثل ، رجل أعمال ، وزير ، النيابة والشرطة والجيش
هل رأيتم شخص آخر يعيش حياة كريمة وخصوصا المدرس

أنتظر الرد الفوري والعاجل من الأعضاء
حرام عليكم

ولسه
 

أنتم سوف ترون أيام أسود من شعر رؤوسكم

الأسود آتي لا محالة

الخراب آتن لا محالة

الضياع والمجاعة والتشرد والرأسمالية السوداء

هل منحنى البلد بيصعد لأعلى أم بينزل لأسفل بصفة عامة
في الصحة والتعليم والنقل والثقافة والدين والخدمات والإقتصاد والزراعة والصناعة

فاشلين في كل المجالات

سيدي الفاضل والله كلامك هذا حقيقي ومؤثر ولكن ماذا نفعل؟
غير قولنا حسبي الله ونعم الوكيل فيمن ظلمنا ..........................

شاطرين
 

وشاطرين بس لما تأتي مبارة

نجري ونهلل ونظيط ونقول الجزائر
وما زلنا شعب أبله وأحمق تلهينا الحكومة بالتفاهات والكره

لكي لا نفكر في حقوقنا واسباب حياتنا

ولكي تداري الحكومة على تقصيرها وفسادها في كل المجالات


طيب الإنتخابات آتية

هتشوف الشعب هيعمل إيه

كل واحد هيأخذ 20 جنية وينزل ينتخب الحزب

هو ده شعب مصر
الذي ينشغل بالتفاهات عن صلب الموضوع

أين المشاركة