|
كنت فى الاكاديمية اليوم 27/7
ذهبت الى الاكاديمية بفرع القاهرة لاتاكد ان اوراقى كاملة على الكمبيوتر طبعا سالت موظفة ردت باسلوب وحش جدا وقالت ان ده شغلهم وهما ادرى بيه وان يعنى ايه اتاكد من ورقى وان هما شايفين شغلهم صح ومحدش يراجع وراهم طبعا حاولت افهمها انى عايزة اطلع على بياناتى للاطمئنان لكن اسلوبها كان رخم ولما انا رخمت معاها ورديت باسلوب انى ممكن اشتكى بدا كلامها يتغير وتقول ان كل الموظفين فى اجازات مصايف وان مفيش غير موظف واحد بس بيستلم الورق
تحيلوا اكاديمية القاهرة موظف واحد بس المهم سالتها ايه الى هيحصل بعد كده قالت انهم ولا يعرفوا حاجة خالص وان ممكن بعد العيد يبقى يبان اى حاجة لان دلوقتى وقت ملاحق الثانوية قربت والكل مشغول طبعا وسالتها مين بيمد فى ميعاد استلام icdl قالت مدير الاكاديمية وقالتلها ان ده اخر ميعاد قالت لا ممكن يتمد تانى وطبعا انا لسه راجعة ودمى محروق ومخنوقة لانى ما شفتش اوراقى كاملة والا لا والا حتى ايه هيحصل لينا على العموم ربنا معانا |
ومخنوق ليه ده الحكومة والمفروض نتعود على الوضع ده انا قولت من الاول مفيش تعيين محدش صدق
|
اقتباس:
|
قلقانة don't be
الله be with |
طيب ازاى ممكن نتاكد من اكتمال اوراقنا اذا كان الموظفين فى معظم فروع الاكاديمية بيتعاملوا معان بمنتهى قلة الذوق و لا بيردوا كويس ع التليفون و لا بيرضوا يشكفوا عن اسمائنا اذا رحنا لهم نعمل ايه و فترة تقديم ( اى سى دى ال ) خلاص قربت تنتهى
اذا كان حد تبع اكاديمية بنى سويف قدر يشوف اسمه يا ريت يرد علينا عشان بجد هما ف منتهى ............... |
بعد العيد طيب مد التقديم معروف انه هيستمر بس المهم هيعمل ايه فى الدفعه الاولى واللى اخرها المرحله الخامسه
لله الامر من قبل ومن بعد حسبى الله ونعم الوكيل |
الله يكون فى العون
|
هو فيه بعد العيد كعك
|
يا حلاوة ياحلاوة
|
لله الحمد من قبل ومن بعد
|
إن شاء الله بعد العيد ناكل البسكويت وحسبى الله ونعم الوكيل
|
حسبنا الله ونعم الوكيل
|
حصل معايا بالضبط من أسبوع في أكاديمية القاهرة
وهي مدام رخمة ومش بتعرف تتفاهم خالص |
لنا الله جميعا
|
الحاجه الاكيده اللى عايز كل الزملاء يتاكدوا منها تما م التاكيد ان احنا عايشين فى بلد ما حدش عارف فيها حاجه .. ماحدش عارف خطه لاى حاجه ... احنا رايحين مع الراحين وجايين مع الجايين ... وحسبنا الله ونعم الوكيل فى كل من كان بيده التسهيل على الناس ويصعبها عليهم
|
يا جماعة الكل لازم نتحد ونكون ايد واحدة علشان شكل الحكومة حتلعب بينا
|
عملتى زيى انا برضو رحت اتاكد من بياناتى بس الساعة كانت قربت على 2 الضهر مطلعتش الحاسب لان قالو لى قفل والموظف اللى استلم منى قبل كدة شفته على السلم قالى روحى عند الاداريين وسالتها قالت لى عملناهم وهتسمو اخبار جديدة او حلوة مش فاكرة للامانة فى اول 8 بس انا وديت الافادة قبل كدة 3 مرات مرتين افادة وواحدة ريبورت وشهادة تامة من النت وقلت للموظف كدة النهاردة قالى احنا ملناش مصلحة نضيع ورقكم واكيد عملناه
انا بقول ياجماة نبطل قلق واهى كلها 3 او 4 ايام وتبان ونشوف حصل ايه وان شاء الله اللى ليه نصيب فى حاجة هياخدها توكلو لى الله |
كل تعاقد وانتوا طيبيين وعقبال عقد 3010 ان شاء الله
أنا شاب لكن عمري ألف عام وحيد لكن بين ضلوعي زحام خايف و لكن خوفي مني أنا أخرس و لكن قلبي مليان كلام عجبي !!!! |
اقتباس:
|
بجد يا جماعة لو هما مدوا ميعاد icdl يبقى فعلاً هما عاوزيين وقفة بجد بس مش 1000 ولكن الاربعين ألف كلهم ومش حنسكت بعد أول يوم فى شهر أغسطس
|
وايه الجديد في كده
طول عمرنا بنتعامل وحش من اقل موظف |
والله الوحد مش عارف يعمل ايه مع موظفين الحكومة
وربنا يسهل إن شاء الله |
كل موظف من موظفين الحكومه عايز يمشى وراه موظف من الرقابه الاداريه عشان يتلم ويعامل الناس باحترام
|
ما زال النيل يجري
ولا حياة لمن تنادي |
ده الطبيعى انتى زعلانه ليه
احنا فى عصر الديمقراطية |
عارفه الست الاموجوده في القاهرة انسانة لاتطاق قبلتها انهارده برده ومفهمتش منها اي حاجة منها لله
|
احنا اللى عملنا فى نفسنا كدة
لازم نعمل وقفة إحتجاجية أمام المقر الرئيسى للوزارة لأن البلد دى متجيش الا كدة |
ربنا يستر هو لسه فيها عيد
|
الموضوع محتاج وقفة بعد شهر اغسطس
ونشوف العام الجديد هيبدأ ازاى من غير مدرسين يمكن يستوردوا مدرسين من الصين |
يجب على الاكاديمية ان تظهر الاوراق الخاصة بنا على النت يعنى الاوراق الكاملة تعلم صح والغير موجودة لا فيتأكد كل متعاقد من اوراقه بعيدا عن الموظفين لان احيانا عندهم حق لما كل شوية واحد يجي يقول ورينا كدا دا مش مبرر لان هما اللي خلقوا عدم الثقة دى وحسبى الله ونعم الوكيل فى البهدلة
|
بعد فترة مبارك حيكون التعيين ان شاء الله
|
طب المطلوب دلوقتي نكذب الوزير و مساعده ونصدق الأستاذة الموظفة اللي مش فاهمة أي حاجة .
|
لو كنت مكان المسئولين - اصدر تعليماتى فورا ببدا اجراءات التثبيت حرصاعلى الصحه النفسيه للمعلمين التى ستنعكس سلبا على اداؤهم فى الفصل العام القادم............ و لامنع مشاكل كثيره تلوح فى الافق
نصيحه للمسئولين |
لا تعليــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــق
|
ولا تزعلى نفسك
على فكره الموظفه دى مش فاهمه حاجه وقالتك بعد العيدعلى اساس ايه |
على فكرة فى كده وفيه كدة
|
نفس اللى حصل دة حصل معانا فى اكاديمية الشرقية موظفين تحسوا انهم فعلا مختارينهم للمكان دة رخامة وقلة ذوق ما شفتهاش فى اى مكان انت رايك اية يا محمد جيرال معايا انت فى الموضوع دة؟احنا من الى حصل معانا انا مقدرش اكتب عن اللى حصل عشان تعبنا من الاسلوب اللى الموظفين اتكلموا بية
|
اقتباس:
من غير ما حضرتك تحددى كلنا اتبهدلنا كده فى اكاديمية الشرقيه الموقره والبركه فى القائد الاعلى الجنرال /نبيل جادو والله تحس ان الناس دول مكنش ليهم لزمه اصلا وفجاه لقوا نفسهم قاعدين على مكاتب وفى تكيف وناس بتروح تتحايل عليهم وتسالهم فعاشوا فى الدور والله البلد اتقلب حالها والله المستعان وعلى فكره ما يعملش كده غير اللى عنده نقص وبيحاول يعوضه وبيجى على مين على الغلابه اللهم اننا مغلوبون فانتصر |
هما هيقعدوا يذلوا فينا كده لحد ما نزهق
|
| جميع الأوقات بتوقيت GMT +2. الساعة الآن 01:12 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.