|
يوميات بيت مصرى جدا جدا [ ارجو التثبيت]
الحلقة الاولى استيقظت الأم سعاد في إرهاق واضح قبل الشروق بربع ساعة ....جاهدت لتحاول إيقاظ جسدها المجهد واللحاق بصلاة الفجر قبل الشروق http://forum.amrkhaled.net/images/smilies/marsa138.gif........مشيت على أطراف أصابعها كي لا توقظ زوجها الذي صلى قبلها ......توضأت وصلت الفجر وجلست لحظات ثم قامت الى المطبخ كى تحضر طعام الغداء كي يكون جاهزا عند عودتها من عملها ........ (حد فى الدنيا يصبح يقشر بصل ؟ ) تمتمت فى سرها ووجهها يزدادا احمرارا من تقشير البصل .... .سارعت لوضع اللحم ليسلق وهى تدعو الله الا يكون الجزار كالعادة ضحك على زوجها وأعطاه لحم عجوز لا ينضج الا بعد 6سنوات http://forum.amrkhaled.net/images/smilies/y--d.gif!!!سارعت بضرب الطماطم فى الخلاط ومدت يدها لاخراج كيس من البسلة المخلوطة بالجزر الى أعدتها بالأمس وهى تشاهد المسلسل العربى وتغالب النوم ........http://forum.amrkhaled.net/images/smilies/blue.gifhttp://forum.amrkhaled.net/images/sm...busted_red.gif) .نظرت الى الساعة وجدتها السادسة والربع حالا ستبدأ غارة ايقاظ الأولاد للذهاب الى المدرسة مرت على غرفة ابنها خالد وجدته مستلقى على فراشه بالعرض والغطاء مكوم على الأرض والغرفة فى حالة فوضى كأن قنبلة نووية مرت بها !!!!!!! http://forum.amrkhaled.net/images/smilies/marsa189.gif(اصحى يا خالد يالا ح تتأخر عن المدرسة مش كل يوم تعذبنى على ما تصحى ) وأخذت تلتقط الاكواب الملقاة حول جهاز الكومبيوتر والأطباق الملقاء فوق الكتب فى ******ية عجيبة وحاولت بصعوبة استخراج كتبه من بين الانقاض بلا جدوى !! (اصحى يابنى بلاش غلب على الصبح !!) http://forum.amrkhaled.net/images/smilies/ay--.gif فرد عليها بصوت نائم متذمر (ياماما حرام عليكى انا نايم الساعة 3 سيبينى انام شوية)http://forum.amrkhaled.net/images/smilies/frownn.gif ردت بصوت غاضب ( انت غبت امبارح من المدرسة يلا علشان تروح ولا عاوز ابوك يعملها لنا حكاية ؟ انت ناسى انك فى تانية ثانوى ؟ ثانوية عامة يابنى !!! 5 دقايق والاقيك لبست هدومك !!!! http://forum.amrkhaled.net/images/sm...busted_red.gif) وخرجت من غرفته حاملة كارثة متحركة من الاكواب والاطباق والاوراق وذهبت الى المطبخ ..... وخرجت لغرفة ابنتها الصغرى ملك ذات الثمانى سنوات وكالعادة صراخ وبكاء وادعاء انها مصابة بمغص رهيييييب وان فيل هندى مر على قدمها بالليل ولهذا لا تستطيع الذهاب الى المدرسة http://forum.amrkhaled.net/images/smilies/marsa97.gif!! خرجت الام من غرفة ملك وهى تجرى على المطبخ بعد ما شمت رائحة شياط البسلة ....وأخذت تهذى بكلمات ساخطة ( على الخلفة واللى بيخلفوها !!) وانقذت البسلة بأعجوبة ووجدت اللحم – كالعادة - مازال أمامه ساعتين كى ينضج بعد ما امتص كل المرق ومازال كالجلد http://forum.amrkhaled.net/images/smilies/marsa42.gif!! وهنا فاض كيلها وصرخت فى كل النائمين ( حرام عليكم انا ح ألاقيها من الطبيخ ولا من الشغل ولا من تنضيف البيت ولا من المدارس .....يالا كلكم تصحوا فى دقيقة واحدة !!!!http://forum.amrkhaled.net/images/smilies/hyhy.gif) وكأن هذه الصرخة هى علامة الخطر بالنسبة لخالد وملك فقاموا على الفور من غرفهم وكالعادة المعركة اليومية على دخول الحمام التى انتهت بتسرب ملك كالزئبق من فتحة الحمام وتركته يتوعد لها عندما تخرج !!!!!!!http://forum.amrkhaled.net/images/smilies/fi--.gif أعدت الأم الافطار ودخلت غرفتها كى ترتدى ملابسها على عجل كى تلحق بعملها فى موعدها فالأمر لا يحتمل شخطة من المدير ولا مقلب جديد من احدى الزميلات المخلصات !!!!! استيقظ زوجها محمود على حركتها وهى ترتدى ملابسها ودون أن يفتح عينيه كى لا يطير النوم منهم قال لها بصوت متذمر ( هو مفيش يوم الواحد يصحى من غير سارينة الانذار دى ؟ http://forum.amrkhaled.net/images/smilies/engry1.gif) كادت ترد عليه بعصبية ولكن لم تشأ ان تبدأ يومها بخناقة وجزت على أسنانها وهى تنظر للساعة فى استغاثة ( صباح الخير يا محمود الولاد ما بيصحوش الا بالطبل البلدى .......يالا أحسن ح تتأخر على شغلك انت كمان !!) دفن رأسه تحت المخدة وهو يقول( لسه ح انام شوية كمان !!http://forum.amrkhaled.net/images/smilies/blue.gif) تمتمت فى سرها ( هم العيال جايبينه من برة ؟) وضبطت له المنبه ليوقظه بعد ربع ساعة كى لا تقوم غارة عند عودتها انها هى من تركته نائم وانها السبب فى تأخيره http://forum.amrkhaled.net/images/smilies/wa--.gifhttp://forum.amrkhaled.net/images/sm...icon_frown.gif) وضبطت له اتمت ارتداء ملابسها وخرجت وجدت خالد وملك ارتدوا ملابس المدرسة ويتناولون الافطار ....... وامسكت شعر ملك لتمشيطه وهى تأكل فاعترضت وقالت ( ياماما كده الأكل ح ينزل فى شعرى !!!) فقالت لها فى تعجب ( ياستى اللماضة دى مش بأشوفها الا فى البيت وفى المدرسة بتسيبى البنات يضربوكى ليه ؟) فدافعت عن نفسها وقالت (لا ياماما محدش بيضربنى ده انا اللى بأموتهم من الضرب حتى اسألى خالد....... مش كده ياخالد ؟ ) (لا ياماما محدش بيضربنى ده انا اللى بأموتهم من الضرب حتى اسألى خالد....... مش كده ياخالد ؟ ) فأجاب على طريقة فؤاد المهندس (اه طبعا على يدىىىىىى !!)http://forum.amrkhaled.net/images/smilies/vb_troll.gifhttp://forum.amrkhaled.net/images/smilies/marsa89.gif فأنهت الأم الصراع المتوقع وقالت لخالد بطريقة آمرة ( خالد توصل أختك لحد باب المدرسة وما تسيبش ايديها مفهوم ؟http://forum.amrkhaled.net/images/sm...busted_red.gif ) وهمت بالخروج ثم عادت لتتأكد انها أغلقت البوتاجاز ولم تترك الحنفية مفتوحة ثم مرت على غرفة ابنتها الكبرى سلمى وفتحتها بهدوء ووجدتها نائمة فى هدوء تحتضن الوسادة وكأنها تحتضن صورة فارس الاحلام وبجوارها عدة كتب يبدو انها أمضت الليل فى قراءتهم وأيقظتها بهدوء فاستيقظت وهى تبتسم لأمها وتقول ( لها صباح الخير ياقمر http://forum.amrkhaled.net/images/sm...on_redface.gif) فأشرق وجه الأم لأول مرة منذ استيقاظها وقالت لابنتها فى حنان ( صباح النور ياحبيبتى .....بصى كملى سوا اللحمة واعملى الرز قبل ما اخواتك ييجوا وما تنسيش تنضفى البيت كويس .....يالا كملى نومك ياحبيبتى !!!) فردت بصوت نصف نائم ( حاضر ياماما !!) ثم احتضنت وسادتها وأكملت أحلامها ..... نظرت اليها الأم بحنان وهمست (ربنا يعدلك ياسلمى يابنتى يارب !!!!!!!) ونلتقى فى الحلقه القادمه |
جميييييييييييييييييييييييل
شكرا يامصريه على الموضوع الجميل هذا هو حالنا |
حلوة جدا .. وكلميها بقا انا بصراحة قريتها وانا مستمتع جدا ..شكرا جزيلا ^__^
|
حلوه اوى ياريت تكميليها احنا فى انتظار الجزء الجديد
|
رووعة جدا .. بلييييييز كمليها انا قريتها قبل كدة بس تاهت مني و مش كملتها .. و كانت عجباني اووي.. فياريت تكمليها و اتابعها معاك ..:022yb4: و مرسي يا قمر .. |
ان شاء الله بكملها ويارب تعجب كل الناس وياريت الموضوع يتثبت
|
لا والله جميلة جدا .. انا بقراها وبتخيل .. اندمجت جدا ... ياريت تكمليها
|
الحلقة الثانية دق المنبه بجوار سلمى معلنا العاشرة صباحا ومعلنا ايضا انتهاء الحلم الجميل الذى كانت تحلمه والذى تحلمه منذ سنوات!!! مدت يدها لتسكت صوت المنبه المزعج وهى لا تزال مغمضة العينين وكأنها لا تريد ان تترك الحلم ابداhttp://www.dvd4arab.com/images/smile2/sadwalk.gif.....ثم قامت الى الحمام لتزيل اثار النوم عنها كى تبدأ رحلة الشقاء اليومى فى تنظيف الدمار الشامل الذى يتركه اخوتها خلفهم....... دخلت المطبخ لتجد بقية الطعام لم يعد ومدفعية من الاطباق والحلل فى انتظارها اعدت كوبا من الشاى وقطع من البسكويت لافطارهاhttp://www.dvd4arab.com/smile1/whistle.gifواعادت فتح النار على اللحم كى تحدث المعجزة وينضج قبل وصول ثورة الجياع!!!!http://www.dvd4arab.com/images/smile2/essen.gif ياساتر يارب هى حركة طالبان كانت بايتة مع خالد فى اودته(الغرفه)؟!....بجد حرام كل يوم انظفها واخليها تبرق وهم ساعتين زمن ويخليها كأن قطر امبابة عدى من جواها!!!http://www.dvd4arab.com/smile1/31.gif انا ايه اللى خلانى اسيب الشغل بس؟ مش كان احسن من وجع القلب ده؟ بس احسن ازاى؟ده انا كنت باخد بالعافية 200 جنيه وباصرف اكتر منهم مواصلات ولبس وخلافه......ده غير عدد ساعات الشغل اللى ممكن توصل من9 صباحا لحد 6 مساءا وساعات اكتر لما يكون فيها جرد ولا حاجة...... لما بقيت زى لاجئى الصومال من الطاحونة اللى دايرة فيها ليل و نهار ده غير المضايقات اللى لازم تتعرض لها اى بنت وخصوصا لو كانت مش مرتبطة.......ياستى خلى البساط احمدى هو فيه حد سامعنا ما تقولى عانس!!!!!http://www.dvd4arab.com/images/smile2/sadwalk.gif خلاص ما بقيتش اخاف من الكلمة دى من كتر ما حسيتها فى عيون الناس يعنى انا داخلة على 29 سنة دلوقتى .......اصحاب كتير لى اتجوزوا و ولادهم داخلوا المدرسة كمان وبيقولوا لى طنط سلمى!!يعنى خلاص فاضل لك زلطة وتاخدى استمارة ستة يا جميل!!!! ونظرت الى المرآة انظر الى ملامحى قد لا اكون جميلة بالمعنى المفهوم ولكن ملامحى متناسقة وشعرى طويلhttp://www.dvd4arab.com/smile1/ange.gifيعنى متوسط الجمال زى آلاف البنات وكمان اهلى حالتهم متوسطة .... يبقى العريس هيجى على ايه يا سمسمة ؟ دلوقتى كل واحد بيحسبها بالورقة والقلم هى بنت مين وعندها كام وجميلة قد ايه؟الا من رحم ربى يييييييه انا تعبت من التفكيرفى الحدوتة دى ......يعنى اللى اتجوزوا خدوا ايه؟ يالا بلا جواز بلا وجع قلبhttp://www.dvd4arab.com/smile1/32.gif..... واخذت تنظف حجرة ملك الصغيرة وهى تضحك على تعليقاتها المكتوبة بين طيات كراسات المدرسة (يارب المدرسة تتهد يوم الاثنين اللى جاى !!) (مش فاهمة حاجة خالص فى الحساب ولا العربى !!) (الميس دى غلسة اوى!!)http://www.dvd4arab.com/smile1/sarcastic.gif وانهت تنظيف الحجرة وجلست تستريح قليلا وهى تلملم الوان ملك واوراقها ووجدت نفسها تلعب بالالوان وترسم وكأنها تنفس عن بخار مكتوم بصدرها لم يجد له طريقا الا على الورق....... رسمت بيت كبير على جدرانه قلوب واشجار بلا حواجز او جدران وبه رجل طويل القامة قوى البنيان حاد النظرات ولكن على شفتيه ابتسامة حنونة .....يمسك بيده ورود ونجوم ..... وخلفه باب صغير نصف مغلق يطل منه رأس طفل جميل كأنه يختبأ من العالم ويحمل فى عيونه جمال الضوء ورقة النسيم....http://www.dvd4arab.com/smile1/ange.gif وافاقت من احلامها على صوت جرس الباب وهو يعلن وصول اول القادمين وكان خالد...... (ايه اللى رجعك بدرى كده!!) (عادى يا بنتى هو لازم استنى الحصة الاخيرة والحوارات دى؟ هو نص جنيه للبواب والدنيا تبقى فل!!) فصرخت سلمى:(زوغت يافالح؟ والله لو بابا عرف ليقطم رقبتك)http://www.dvd4arab.com/smile1/32.gif فرد بملل (خلاص بقى خليكى حلوة وبلاش تقولى له وانا ح آكل وانام على طول علشان اسهر اذاكر للصبح يا جميل) (امرى لله بس استنى شوية على ما اجهز لك الاكل..... ربنا يرحمنى من الغلب ده يارب!!)http://www.dvd4arab.com/images/smile2/icon1366.gif فرد بتلقائية (ياستى ما احنا بقى لنا مية سنة بندعى...كبرى بقى يا سمسمة)http://www.dvd4arab.com/smile1/na.gif فتكهربت سلمى من رده الجارحhttp://www.dvd4arab.com/images/smile2/icon28.gif وان كانت سمعت مثله كثيرا فى مجتمع لا يرحم الانثى الا لو كان فى احدى يديها صك اعتمادها كمخلوق من الدرجة الاولى ..... ولكنها لم تبدى ألمهاhttp://www.dvd4arab.com/smile1/38.gif وردت ببساطة (خليهم مية وواحد ياسيدى!!!!) ونتقابل فى الحلقه الجايه |
روووووووووووووووووووووعه
تسلم الهنادر ههههه |
كمليها بقى ... هاتى الحلقة التالتة بسرعة ..... معلش
|
كمليها رووووعه بجد
|
اوكى يلا الحلقة التالتة
|
الحلقة الثالثة جلست سعاد تتابع المسلسل العربى وفى يدها جوارب خالد ترتقها وكأنها لا تريد ان تجلس بلا عمل.... كانت عيناها مثبتة على التليفزيون وقسمات وجهها تتغير مع تغير المشاهد من ابتسام الى حزن الى مصمصة الشفاة على حال الدنيا.... الى الدعاء على الازواج المفتريين.....فيرمقها زوجها بنظرة مداعبة من تحت الجريدة التى يقرأها فتسارع بالقول:اللى فى التمثيلية بس يا ابو خالدhttp://www.dvd4arab.com/smile1/whistle.gif!! ثم تبحث عن سلمى فلا تجدها بجوارها ثم تجدها فى البلكونة وحيدة تطالع المارة فتنادى عليها: تعالى ياسمسمة اتفرجى معانا دى الحلقة النهاردة حلوة اوى!! فترد سلمى بلا اهتمامhttp://www.moltaqamaghagha.com/vb/im...lies/frown.gifحلوة ايه بس يا ماما ده البطل بقاله5 حلقات بيطلع فى الروح ولسه ما ماتش.....هو انا ناقصة خنقة؟) فمصمصت شفتاها وقالت لها (انتى كده مالكيش فى الطيب نصيب ده البطل عامل عمايل وهو بيموت!!طيب تعالى اعملى لنا كوبايتين شاى انا وابوكى....) فذهبت سلمى الى المطبخ لعمل الشاى ففوجئت بملك تخرج من غرفتها كالصاروخ وتترك واجبها بالطبع لتقول لها (وانا كمان اعملى لى كوباية شاى يا ابلة سلمى أحسن دماغى اتقلبت خالص من الواجب وعمايلهhttp://www.dvd4arab.com/smile1/42.gif.....بس سكر كتير الله يكرمكhttp://www.dvd4arab.com/smile1/he.gif!!) وقبل ان ترد سلمى سمعت هدير صوت امها وهى تكاد تآكل ملك بأسنانها (شاى ايه اللى عاوزة تشربيه يا مقصوفة الرقبة؟ ادخلى يا هانم كملى واجب الحساب قبل ما أقوم لك http://www.dvd4arab.com/smile1/32.gif!!!) فجريت ملك على غرفتها وهى تبرطم بكلمات غير مفهومة عن السكن على كوكب المريخ!!!http://www.dvd4arab.com/smile1/31.gif فابتسم الاب من خلف نظارته الطبية وقال لزوجته : يا شيخة حرام عليكى كنتى سيبيها تتفرج على التمثيلية شوية!! فردت بامتعاض: تمثيلية ايه بس؟ والله انك طيب.... دى طول النهار من ساعة ما رجعت من المدرسة وهى بتلعب على الكومبيوتر بتاع اخوها ولازقة فى التلفزيون ورامية الواجب لحد قبل ما تنام بساعة ..... ويقعد الهم لى انا!! فصمت الاب كعلامة على استسلامه ثم نظر الى ساعته فوجدها تقارب التاسعة فسألها بقلق:هو الواد خالد اتأخر كده ليه؟ده ما رجعش من الساعة 3 من بعد ما اتغدى على طول؟!! فمصمصت شفاها وردت باشفاق :عينى عليه يا حبيبى مموت نفسه فى الدروس الخصوصية والمذاكرة ...... ادعى له يا ابو خالد الله يكرمك http://www.dvd4arab.com/images/smile2/icon1366.gif!! فرد بسخط: والله انتى اللى مدلعة الواد ده علشان الوحيد....مش فاهم يعنى ايه دروس فى كل المواد ليه يعنى ؟ ح يسقوا له العلم فى كوبايةhttp://www.dvd4arab.com/images/smile2/icon28.gif؟ فردت بدهشة: هو احنا بس اللى كده؟ ما كل الدنيا على ده الحال ....كل الناس بتاخد دروس فى كل المواد فى الثانوية العامة.....ده فيه كمان اهالى بيدوا فى المادة الواحدة درسين استاذ يشرح كويس والثانى بيحل مسائل ويراجع كويسhttp://www.dvd4arab.com/smile1/38.gif!! فأجاب بحنق بالغhttp://www.dvd4arab.com/smile1/31.gif: والله العظيم الدلع ده هو اللى ح يضيع الولد ده .....يعنى نبيع اللى ورانا وندخل بمرتبنا كله جمعيات علشان البيه ما يتعبش نفسه فى مادة ولا مادتين ويذاكرهم لوحده؟ وعاوزاه يطلع بعد كده راجل؟ اذا كان مش حاسس اصلا قد ايه احنا بنموت نفسنا ونحرم روحنا من كل حاجة علشان فلوس الدروس الخصوصية بتاعة الباشا.... وياريته حاسس بكده لا ده طول الليل عامل نفسه بيذاكر وهو قاعد على الكومبيوتر ما اعرفش بيعمل ايه.... والله حرام النار اللى مكويين بيها دىhttp://www.dvd4arab.com/images/smile2/icon28.gif!! باستسلام وهى تقول: عندك حق والله انا مش عارفة فلوس الجمعيات دى ح تخلص امتى- ده حتى فلوس الجهاز اللى كنت بأشيلها لسلمى كل شهر - مش عارفة اشيل لها حاجة من فترة .....بس معلش ان شاء الله ييجى بفايدة ويجيب مجموع حلو يفرحنا ان شاء الله...... فأجاب بصدق:هو انا يا سعاد ح استخسر فى ابنى ؟ انا نفسى اشوفه احسن واحد فى الدنيا كلها ....بس اللى مزعلنى اننا زمان كنا بنشيل هم اهالينا ح يدفعوا مصاريفنا ازاى لكن دلوقتى الانانية بقت هى الاساس.....الابن مالوش دعوة اهله يجيبوا له الفلوس منين ؟ المهم انه ياخد دروس فى كل المواد حتى لو مش محتاج لها والمهم انه يجيب لبس عجيب زى اللى اصحابه لابسينه ويجيب احدث السيديهات والشرائط ويخرج ياكل فى المطعم الفلانى ويدخل السينما الفلانية مع الشلة والا ح يبقى ابوه دقة قديمة ومش عاوزه يبقى زى اصحابهhttp://www.dvd4arab.com/images/smile2/sadwalk.gif..... فردت باستسلام : ح نعمل ايه يا ابو خالد هو زمانهم كده.... ثم ضحكت لتلطيف الجو وقالت: انت اللى الظاهرعجزت علشان كده زعلان من الشباب.....ح ناخد زماننا وزمن غيرنا؟ فلانت ملامحه وابتسم: ماشى يا ستى انا عجزت بس انتى ما شاء الله عليكى كل سنة بتبقى احلى من اللى قبلها!! فاحمر وجههاhttp://www.dvd4arab.com/smile1/0.gifوارضاها اطراء زوجها لها وقالت بخجلhttp://www.moltaqamaghagha.com/vb/im...lies/frown.gifبس بقى يا ابو خالد سلمى تسمعناhttp://www.dvd4arab.com/smile1/oops.gif!) ففوجئت بسلمى ممسكة صينية الشاى وهى تضحك وتقولhttp://www.moltaqamaghagha.com/vb/im...lies/frown.gifانا هنا من الصبح يا جميل.... ولو عاوزانى اروح اجيب مشبك من دمياط وارجع بكرة انا تحت امركhttp://www.dvd4arab.com/smile1/yes.gif!!) ونتقابل فى الحلقه القادمه |
ونلتقى ان شاء الله غدا مع الحلقة الرابعة
ويارب تنال اعجابكم |
ههههههههههههههههه.. جميلة جدا بس هى كام حلقة ؟؟؟
|
خليها تبقى مفاجئاة
|
تسلم الايادى
|
هههههههههههههههههه
حلوه اوى كملى بس بسرعه |
ما شاء الله .. مرسي يا قمر .. متابعة بشغف بانتظارك .. |
جميله اوى يا مصريه بجد امتعتينا
ويا رب تكملى بسرعه |
انا بجد متشكرة لكل اللى دخلو ا الموضوع وان شاء الله بكمل بكرة
|
الله جميلة جدا
ياريت تكمليها بسرعة وياريت تتثبت |
مرسى يا هند لمرورك الجميل
ان شاء الله اكملها بكرة |
السلام عليكم ورحمة الله وبركاته الحلقة الرابعة رجع خالد مع اصحابه من السينما وهم يدخنون السجائر ويضحكون بصوت عالى ويعلقون على الفيلم الذى شاهدوهhttp://yesmeenah.com/smiles/smiles/4...596940bcfb.gif احمد:بصراحة فيلم جامد موت..... ولا العربية اللى البطل كان راكبها دى ييجى لها بنص مليون جنيهhttp://yesmeenah.com/smiles/smiles/39/076.gif خالد:ياعم هى العربية بس؟ شفت الفيلا ولا الشاليه اللى كانوا بيصيفوا فيه؟ انا مش عارف العالم دى بتجيب الفلوس منين؟http://yesmeenah.com/smiles/smiles/1...05d9e0658c.gif احمد: مش الواحد كان طلع لقى عنده اب متريش كده بدل الفقر اللى احنا فيه؟http://yesmeenah.com/smiles/smiles/1...b3f94b3699.gif فرد خالد بضيق: انا عارف ايه البخت ده ياعم ده الواحد كل ما يشوف تمثيلية ولا فيلم يلاقى الحوارات بتاعة الفيلل والقصور كأن دى بلد تانية مأجرينها!! احمد : لا ويقولك ذاكروا وموتوا نفسكم فى الثانوية العامة.....علشان تدخل الجامعة وتقعد تذاكر كمان4 او 5 سنين وبعدين تقعد جنب والدتك تقشر بصل طيب ما تقشره من دلوقتى احسن.....!!!!!! فقال خالد بانفعال: والله العظيم كل ما اقول ح اذاكر وابطل تكبير الدماغ ده اقول واخرتها ايه يعنى ؟ وايه الفايدة ؟ بلا وجع قلب يا عم!!!! احمد: لا وكمان مطلوب منك لما تتخرج انك تتجوز وتفتح بيت ده على اساس انك اصلا ح تكون اشتغلت و اشتغلت بالفين جنيه كمان!!! يعنى ممنوع ولا واحد يتجرأ ويفكر يتجوز....... ويقول لك يا عم حوار الجواز العرفى ده انتشر ليه؟ العالم دى مش حاسة بحاجة ولا بيهرجوا؟ فرد خالد باحباط شديد: خلاص ياعم احمد نكدت علينا يالا انا مروح احسن ابويا زمانه بلغ البوليس!!! سلاااااام استقبله والده بقلق عاصف وغضب عارم: كنت فين يا باشا؟ كان مفروض ترجع من 3 ساعات وزيادة!!!!http://yesmeenah.com/smiles/smiles/1...a3be21d068.gif فاستعد خالد لتاليف كذبة جديدة وقال ببراعة: معلش يا بابا اصل مدرس الكيمياء اتاخر وبعدين بعد ما جه قسمنا مجموعتين وانا كنت فى التانية وبعدين..... فانقذته امه من براثن ابيه وقالت: خلاص يا حبيبى ربنا يعينك اكلك جوة فى المطبخ كل وادخل نام وح اصحيك الفجر تذاكر شوية...... فلم يضيع الفرصة واطلق الريح لساقيه وترك امه تواجه البركان لوحدهاhttp://yesmeenah.com/smiles/smiles/3...943c1d3e92.gif والله العظيم يا سعاد الواد ده لو باظ يبقى دلعك فيه هو السبب!!!!http://yesmeenah.com/smiles/smiles/1...6ccb51c099.gif فردت باستكانة : هو احنا عندنا غيره يا ابوا خالد؟ ربنا يخليهولك ده راجلنا وسندنا من بعد عمر طويل لك يا اخويا وبعدين ما هو مموت نفسه فى الدروس والسهر اهه...... حيعمل ايه تانى؟ ............وتركها ودخل غرفة نومه......http://yesmeenah.com/smiles/smiles/1...98057d853d.gif فدخلت وراءه وابتسمت لتلطيف الجو استعدادا لالقاء قنبلة جديدة : ربنا يخليك لينا وتشيل ولاده وولاد سلمى وملك كمان!!!!!!!! فرد بحزن وشرود: سلمى.......http://yesmeenah.com/smiles/smiles/1...a3c4c3ec43.gif فوجدتها الفرصة المناسبة لتطلب طلبها: مالك سهمت كده ليه بكرة ان شاء الله تتجوز وييجى لها عدلها وتفرح بولاد ولادها...بس هى لو تخرج وتشوف الدنيا يمكن العريس ييجى......انت مش بتشوف البنات عاملين ايه فى نفسهم علشان يتجوزوا......عارف سعاد اللى فى العمارة اللى جنبنا حنتها بكرة ومامتها عازمانا انا وسلمى وملك اصل القاعدة كلها ستات وبنات بس .....عارف.... فقاطعها بغضبhttp://yesmeenah.com/smiles/smiles/1...27c157e953.gif: كفاية يا سعاد انتى عارفة انى مش بحب ادلل على بنتى علشان تتجوز ده رزق ربنا كاتبه باليوم والساعة مش محتاج اننا نلف على الافراح علشان نجيبه!! فردت عليه بتوسل : يا سيدى ادينا بنسعى للرزق ده!!وبعدين اهى فرصة البنت تخرج شوية بدل الحبسة اللى هى فيها دى على طول ..علشان خاطرى يا محمود ما ترفض لو صحيح انا غالية عندك!! فرد باستسلام وهو يستعد للنوم : خلاص انتو احرار اعملوا اللى تعملوه تصبحى على خير فطارت فرحا بموافقته التى انتزعتها منه وذهبت الى غرفة سلمى التى وجدتها تقرأ وقالت لها : سمسمة بابا وافق اننا نروح حنة سعاد بكرة!! فدق قلبها لعرض امها لانها تعلم توابعه وردت بقلقhttp://yesmeenah.com/smiles/smiles/1...3fc8832553.gif: معلش يا ماما انتى عارفة انى مش باحب اروح افراح ..روحى انتى وملك!! فهبط قلب الام فى قدميها لرفض ابنتها بعد كل ما فعلته : ليه بس يا حبيبتى اهو نغير جو البيت شوية وبعدين القعدة كلها بنات مفيش رجالة مش عاوزة تروحى ليه؟ فعضت سلمى على شفتيها ولم تستطع ان تخبر امها كم تجرح كرامتها و نفسيتها فى مثل هذه القعدات الحريمى وردت باستكانة : اصلى يا ماما معرفش العروسة اوى وبعدين......... فتوسلت امها اليها وهى تعلم سبب رفضها وقالت: علشان خاطرى يا سلمى والدة العروسة اتحايلت على يرضيكى اكسفها ؟ لو لى خاطر عندك روحى معايا وبعدين انتى عارفة المفعوصة ملك بتتعبنى قد ايه فى الخروج علشان خاطر ماما يا سمسمة!! فردت سلمى باستسلام بعد كل هذا الحصار : خلاص يا ماما هروح معاكى بكرة ان شاء الله!!!!!!!!!!!! ونتقابل فى الحلقه الجايه |
ههههههههههههه جميله كملي بس مش عارفه ليه وانت بتوصفي سمسمه حسيت انك بتوصفي اموره بابا رشا هههههه ما عدا شئ واحد انها مازالت تعمل في عياده الدكتور .!
ده جزء من فيلم! بس اضافاتك ممتازه علي فكره وخيالك رائع |
اقتباس:
هو ده الحال اللى فى مصر نورتى التوبيك |
الظاهر كدة الحلقة معجبتش حد وانى مش هاكمل الموضوع
شكرا ليكو |
كملى البااااااقى
|
ليه بس كده بالعكس..كملى بقى ..
كده بجد هزعل منك .. |
جمييييييييييييييييييييييييييييييييييييييييل ااااااااااااااوي اااااااوي
|
السلام عليكم ورحمة الله وبركاته
الحلقة الخامسة استيقظنا يوم الجمعة وتناولنا الافطار كالمعتاد ونزل ابى وخالد لصلاة الجمعة وظهرت على امى علامات التحضير لحرب البسوس تتحرك بسرعة فى كل مكان فى البيت وتلقى على الاوامر وترتب اشياء عجيبة ولا تكف عن النظر الى الساعة وكأننا على موعد مع الرئيس الامريكى !!!!!http://yesmeenah.com/smiles/smiles/1...%20%284%29.gif جلست أراقبها وانا ابتسم من داخلى على طيبة هذه المرأة الرائعة ولا اريد ان اخالفها فى شىء فهى تظن ان مجرد ذهابى الى حنة جارتنا سيحل عقدة زواجى ويأتى لى بسيد العرسان !!http://yesmeenah.com/smiles/smiles/1...0%28147%29.gif دفعت الى امى بطبق به زبادى وبيض وأشياء أخرى تشبه السبانخ !!وأمرتنى ان اضعها على وجهى – علشان اكون زى القمر !!http://yesmeenah.com/smiles/smiles/1...20%2872%29.gif- مش فاهمة ازاى ؟http://yesmeenah.com/smiles/smiles/1...0%28181%29.gif حسيت انى لو حطيت الحاجات دى على وشى ح اطفش العرسان والمعازيم كمان .....لكنى لم أغضبها واستعنت بالله وحطيت اليخنى على وشى واستنيته لما يستوى !!! وأخذت تخرج ملابسى من الدولاب لتختار منها طقم للخروج وأخذت تحدث نفسها وهى فى حيرة كبيرة ( ياربى تلبس ايه ؟ تلبس الفستان الاسود ؟ ليه هو احنا رايحين عزاء ؟ طيب الاخضر لا ده بيخليها زى ما تكون خارجة من القصر العينى !! التايير الابيض بس ده قديم وناس كتير شافوه احسن يقولوا اننا ما بنشتريش لها فساتين جديدة !! خلاص الطقم الكحلى ؟ لا بس طرحته بتخليها سمراء !! ايه الغلب ده ياربى ؟ امال تروح بالبيجاما ؟! يالا اهى موضة !!) واستمرت ماما فى الكلام مع نفسها حتى رجع بابا وخالد من الصلاة ويبدو عليهم انهم متخانقين كالمعتاد وما ان رأى بابا سوق عكاظ المنشور فى الصالة حتى صرخ : ايه اللى بتعمليه ده ياسعاد ح تبيعى هدومنا لبتاع الروبابيكيا ولا ايه ؟ ولم ترد امى انما ردت المقروضة ملك وقالت له : (لا يابابا دى ماما بتختار لأبلة سلمى ح تلبس ايه فى حنة العروسة علشان تبقى حلوة و تجيب العريس من هناك !!)http://yesmeenah.com/smiles/smiles/7...0%28102%29.gif وتكهرب الجو من كلمة ملك ولكزتها ماما فى صدرها كى تخرس وغضب بابا وصرخ فى ماما ( ماشاء الله حتى البنت الصغيرة كمان ياست سعاد ؟ http://yesmeenah.com/smiles/smiles/1...0%28175%29.gif) ودخل الى غرفته وغلق الباب وراءه بعنف !! وجريت ماما وراء ملك لتضربها فاحتمت فى صدرى وهى تصرخ (الحقينى يا ابلة سلمى ماما ح تموتنى !!)http://yesmeenah.com/smiles/smiles/1...1a24e4b069.gif وزفرت ماما فى انفعال وهى تتوعد لها ( والله العظيم لو اتكلمتى فى كلام الكبار تانى لأكون قاطمة رقبتكhttp://yesmeenah.com/smiles/smiles/1...0%28176%29.gif وانتى ياست سلمى قومى روحى الكوافير علشان تلحقى ترجعى وما نتأخرش ) ففوجئت بالعرض العجيب وقلت لها : كوافير ليه ياماما هو انا ح افك شعرى ؟ انتى نسيتى انى محجبة ؟ فتنهدت فى ضيق : لا ياستى ما نسيتش بس القعدة كلها ستات وبنات يعنى ممكن تفكى شعرك هناك والبنات بتروح عاملة تسريحات عجب اللى عاملاه كانيش والله عاملة برج الجزيرة فوق راسهاhttp://yesmeenah.com/smiles/smiles/1...0%28134%29.gif!! فنفذ صبرى وتمسكت بالرفض : انا بقى مش ح اقلع الحجاب هناك ياستى حتى لو كانوا عازمين عيال مش بنات هو انا بضاعة ح يتفرجوا عليها ؟ بصى ياماما انا اصلا مش عاوزة اروح المشوار ده خلاص اتفقنا ؟! فصرخت فى غضب : خلاص انشالله مارحتى .......انا الحق عليكى ولا على اخواتك http://yesmeenah.com/smiles/smiles/1...0%28175%29.gif فانحشرت ملك كالمعتاد : طيب اروح انا للكوافير ياماما؟http://yesmeenah.com/smiles/smiles/1...20%2841%29.gif فصرخت ماما : آدى خلفة البنات آآآآآه !!!!!!!!!!!!!http://yesmeenah.com/smiles/smiles/1...1fc3ea43e3.gif - - - وأخييييرا ذهبنا الى فرح جارتى ووجدتهم معلقين انوار كثيرة تملأ العمارة والشارع وأسفل البيت يوجد دى جى كبير يملأ الجو بأغاني الأفراح والشباب يرقصون حوله ولم ألمح العريس لأنه يبدو انه فى منزلهم فى فرح آخر كى لا يرى العروس قبل الزفاف كما تقتضى الاعراف الدولية !!http://yesmeenah.com/smiles/smiles/1...0%28181%29.gif وصعدنا فى الدور الرابع متخطين نشارة الخشب الملونة التى تغطى السلالم والانوار الملونة والأطفال يتقافزوا على السلالم تاركين مولد الفرح لأصحابه!!!! ودخلنا الشقة الواسعة لنجدها تحولت لما يشبه السيرك من الزحام الشديد وكأن كل بنات مصر جايين يباركوا ويهنوا !!http://yesmeenah.com/smiles/smiles/7...20%2892%29.gif وفجأة تحولت أمى الى بطلة مصارعة وأخذتنى من يدى واخترقت الصفوف لتجلس بجوار العروس وما يتضمن ذلك من لكزة كوع أو كتف قانونى أو هبوط اضرارى على الارض للضحايا !!!http://yesmeenah.com/smiles/smiles/1...5228c03596.gif ثم وصلنا أخيرا الى هدفنا المنشود وأزاحت امى فتاتين من جوار العروس لنجلس بجوارها بنجاح ساحق وكأن اللى ح يقعد قدام ح يتجوز الاول !!!!!http://yesmeenah.com/smiles/smiles/1...0%28181%29.gif ولأول مرة أنظر للعروس وهى فى كامل زينتها وجمالها و احساسها بالانتصار فى معركة الفوز بالعريس المنشود أضاف لها ثقة بالنفس وجمالا فوق جمالها ..... كانت تنظر الى الجميع بسعادة بالغة وهى تنقش نقوش الحناء الجميلة فوق يديها وقدميها وكأنها ملكة فرعونية تنتظر تتويجها بعد ساعاتhttp://yesmeenah.com/smiles/smiles/1...0%28226%29.gif ..... لا أنكر انى تمنيت ان أكون مكانها وخاصة انها تصغرنى بعدة سنوات .......دفنت امنيتى القديمة فى الزواج والاستقرار كى لا تظهر على وجهى اى تعبيرات يمكن ان تفسرعلى انها غيرة أو ما شابه ....... وأفقت من أحلامى على لكزة فى جنبى من احدى جارتنا المشهورة بدس أنفها فى كل شىء وكانت تسألنى بابتسامة صفراء : -(عقبالك ياسلمى .....ايه مفيش مشاريع خطوبة فى السكة ؟ ) -آه ياربى السؤال اللى بأهرب منه من ساعة ما خرجت من بيتنا ولكنى رديت بغلاسة (لأ فيه بس انا مخبية !!)http://yesmeenah.com/smiles/smiles/1...1fc3ea43e3.gif فأحرجت من ردى البايخ ولاذت بالصمت وجلست أراقب معركة الرقص الدائرة بين البنات وكأنها أصبحت من مؤهلات الزواج الجديدة وكأن من ترقص أفضل ستأخذ تأشيرة خروج من دنيا العنوسة !! وبحثت عن ماما لأجدها تتنقل بين المعزومات لتستقر فى النهاية بجوار امرأة لم أرها من قبل ومنخرطين فى حديث طويل لم أسمع منه شىء ....... وشعرت بالملل والصداع وأشرت الى ماما لننصرف فجاءت الى وهى تكاد ترقص من الفرحة وتقول لى ونحن فى طريقنا الى البيت (مبروك ياسمسمة جالك عريس !!)http://yesmeenah.com/smiles/smiles/7...20%2872%29.gif __________________ ونتقابل فى الحلقه الجايه |
تسلم ايدك على الموضوع
وانا مستنية |
شكرا عالرواية معلش مش مكانه جارى النقل فى امان الله |
جميلة اوي بس ياريت تكميلها بسرعة بعد اذنك
|
انتى فين يا مصرية
|
اولا احب اقولكم انى انا مصرية وبحب بلدى
السلام عليكم ورحمة الله وبركاته متأسفه على التأخير الحلقة السادسة ما نمتش لحظة واحدة طوال الليل من شدة القلق .....عريس ؟! على طول كده ؟ ده احنا ما قعدناش فى الفرح ساعتين ؟ والبنات كانوا عاملين عمايل فى نفسهم رهيبة .....ليه أنا ؟ مش عارفة ليه مش مطمئنة للحدوتة دى !!!!http://www.moltaqamaghagha.com/vb/images/smilies/26.gif وخصوصا ان ذكرياتى مع العرسان كلها نكد .....اى واحد طهقان من عيشته او عاوز ينكد على بنات الناس كان بيجى لى http://www.moltaqamaghagha.com/vb/im...ies/tongue.gif!! وخصوصا ان طلباتى متواضعة جدا وكمان أهلى مش ماديين ويهمهم انهم يفرحوا بى مع عريس طيب ويتقى الله فى بنتهم ......... لكن ما شاء الله كل اللى اتقدموا لى فيهم عيوب قاتلة اللى ماعمره ما صلى الا فى المناسبات والاعياد الرسمية http://www.moltaqamaghagha.com/vb/im...les%20(50).gif!! واللى عاوز يتجوز على مراته بدون اى أسباب !! واللى شخصيته بشعة وغاية فى التسلط عاوزنى اقطع علاقتى بكل الكون بما فيهم أهلى لو أمكن ........ http://www.moltaqamaghagha.com/vb/im...les%20(38).gif وممنوع الزيارات والاجتماعيات بكل انواعها يعنى جواز مع الشغل والنفاذ !! يعنى بصراحة حاجة تخلى اى واحدة فى الدنيا تكره كلمة عريس وما يتبعها من الفرجة والزيارات المحبطة التى تنتهى دائما بكسرة قلب .......هو قلبى طبعا !!!!!!http://www.moltaqamaghagha.com/vb/im...ilies/g102.gif - يالا بقى يا سلمى قومى من السرير احنا ورانا حاجات كتير ح نعملها ياعروسة !!http://www.moltaqamaghagha.com/vb/im...ea70fcf985.gif - رددت على ماما باحباط : عروسة ؟ بذمتك ما زهقتيش من الحدوتة دى ياماما ؟ خلاص بقى كبرى دماغك !! -فدقت على صدرها : اكبر دماغى ؟ ليه هو انتى وحشة ولا انا نشرت لك اعلان اريد زوجا ؟ ماهى ام العريس هى اللى شافتك فى الحنة وطلبت انها تيجى هى وابنها علشان يقابلونا .......انا مالى بقى ؟ نقول للنصيب لأ؟ فجاوبتها بمكر : بذمتك يا جميل انتى ما حطيتى شوية البهارات بتوع الامهات زى – دى بنتى دى زى النسمة تتحط على الجرح يورم !!.....دى ست بيت لهلوبة تنضف ولا الفليتhttp://www.moltaqamaghagha.com/vb/im...d0141980e7.gif!...ده كان كلينتون شخصيا طالب ايدها واحنا اللى ما وافقناش صح ولا لأ ؟ فاحمر وجه ماما وارتبكت كالأطفال ولم تجد مخرج الا من استخدام سلطاتها كأم بالشخط فى : ياسلام عليكى يارايقة يالا عاوزين ننضف البيت قبل الناس ما ييجوا ولا الفلبينية بتاعتنا هى اللى ح تنضف البيت ؟http://www.moltaqamaghagha.com/vb/im...4f55f94d11.gif - - مش عارفة ليه كل واحدة بييجى لها عريس بيحصل تار بينهم وبين فرش البيت؟ هاتك ياخبط ورزع وتنفيض ومسح وتتحول العروس المنتظرة الى زوبة الشغالةhttp://www.moltaqamaghagha.com/vb/im...997cc5b66b.gif !! كأن العريس ح يبص تحت السجاد يشوف الارض ممسوحة ولا لأ ؟ ما كفاية التنظيف اليومى العادى وخلاص ؟ حيلى اتهد خلاص انا وماما فى مسح وتنظيف الشقة وبعد أن أخييييرا انتهينا وظهرت على بوادر الكساح المبكر http://www.moltaqamaghagha.com/vb/images/smilies/51.gif........ بدأت ماما فى القاء الاوامر يمين وشمال الى كل من فى البيت : -خالد روح هات الجاتوة والحاجة الساقعة بسرعة ........خلينا نستفيد منك مرة واحدة لله !! -ملك هانم روحى لطنط ليلى اللى فوقينا وقولى لها ماما بتسلم عليكى وتقول لك عاوزين طقم الكاسات المدهب واوعى تكسريه لأرميكى من البلكونة .....!!http://www.moltaqamaghagha.com/vb/images/smilies/20.gif -وانت ياابو خالد روح هات لنا فاكهة من عند الفكهانى اللى على الناصية أحسن ابنك بيقف زى البيهhttp://www.moltaqamaghagha.com/vb/im...8b7f7b960c.gif ويجيب كل الفاكهة ضاربة مش عاوزين نتكسف قدام الناس ......... -وانتى ياسلمى قاعدة كده ليه ؟ قومى شوفى حتلبسى ايه ؟ وبلاش طقم الميتين البنى اللى انتى بتحبيه ........اصل ام العريس أروبة اوى !! واندفع كل واحد من أفراد الكتيبة لأداء المهمة الموكلة اليه من الجنرال مانجر الست ماما .......الا انا كان جسمى مهدود من علقة التنظيف وكنت متأكدة انى اول ما ح ادخل اودتى (غرفتى) ماما ح تندهنى لأى سبب من الأسباب !! وفعلا !!!!!!! -ما تنسيش ياسلمى تطلعى مفرش السفرة اللبنى اللى فى الرف اللى فوق فى الدولاب وتفرشيه واغسلى الورد احسن يقولوا جايبينه من القرافة !! وطلعى طقم الشاى الصينى بتاع الضيوف واغسليه و ....... -الا صحيح ياماما هم العرسان ما بيشربوش الشاى فى الكوبايات ليه زى بقية مخاليق ربنا http://www.moltaqamaghagha.com/vb/im...6caadf7b51.gif؟ لازم فى الفناجين ؟ ده انا بيتهيألى انهم بيعملوا الفناجين مخصوص فى الاطقم الصينى علشان العرسان .........!!!! -فردت بضيق : انا مش باخد منكم كلكم الا وجع القلبhttp://www.moltaqamaghagha.com/vb/im...lies/frown.gif.. يالا يابنتى ورانا مية حاجة قبل ما الناس ييجوا !! علشان خاطرى يا سلمى لو لقينا العريس كويس نتكل على الله على طول !!!!! -فرددت بقلق وتعب : ياماما ما تقلقيش انا كمان تعبت من حدوتة العرسان الخايبة دى .......كل واحد ييجى يتفرج على شوية ويسيبنى وياريت فى حد فيهم كويس كنت اتجوزت وخلصت لكن على يدك كلهم بسم الله ما شاء الله ينفعوا يروحوا الاصلاحية !!!!!! والناس بتتهمنى انى انا اللى بارفض العرسان لحد ما كبرت طيب لو كان واحد فيهم بس فيه 10 فى المية من احلامى كنت اتجوزته علشان اخلص من كلام الناس والسنتهم اللى عاوزة قطعها ....... ده انا حتى بطلت احلم ولا احط مواصفات للانسان اللى ح اتجوزه ..... خلاص ما باقاش من حقى وانا داخلة على التلاتين ... دى البنات زى الرز وأصغر وأجمل منى ....... انا بقى اللى حا قعد واتشرط ؟ على ايه يعنى لا انا ملكة جمال ولا ابويا وزير ولا عندنا عزبة ولا عمارة ....... ما تقلقيش ياماما اللى زيي مش من حقها تدلع ولا تتشرط .....حتى الحق ده ضاع منى خلاص ........ واحتضنتنى امى عندما اجهشت بالبكاء وبكت هى الاخرىhttp://www.moltaqamaghagha.com/vb/im...milies/eek.gif وعوضنى حضنها الدافىء عن قسوة الناس : اوعى اسمعك تقولى كده تانى ..ده انتى ست البنات .... وبعدين لسه نصيبك ماجاش ....... ده مكتوب اسمه عند ربنا من قبل ما تتولدى ... بكرة اشوفك احلى عروسة فى الدنياhttp://www.moltaqamaghagha.com/vb/im...les%20(72).gif ....... وبعدين ياستى ما تقلقيش اوى ما فاتكيش كتير انتى مش شايفة ابوكى واللى عاملة فينا ؟ اهى الرجالة كلها واحد !! نصيحة من امك غمضى عينيكى واتجوزى كلهم زى بعض وقولى يارب !! فابتسمت وهى تمسح دموعى وانا لا اريد ان افارق حضنها وكأنى جنين سأموت لو تركته ....... .وجاء بابا وهو يحمل الجاتوة والحاجة الساقعة فتعجبت ماما وسألته : ليه انت اللى جايبها ؟ امال خالد فين ؟ - قابلته خرج من الحلوانى أخدت منه الحاجات وبعته يشترى هو الفاكهة علشان رجلى تعبانى اوى !!!! - فصرخت ماما : انا مش قلت لك اشترى انت ؟ البيه ده حيجيب لنا مربى فاكهة مش فاكهة وحتنفضح قدام الناس ..... فتمتم بابا بكلمات ساخطة ودخل غرفته وترك ماما تغلى1-6 وتقول : ايه الغلب ده ؟ لا يمكن انتفع بحد منهم أبدا ...آه يا قلبى ياانا ....... وقبل ان تفيق من الصدمة جاءت ملك تحمل الكاسات المدهب وعدتهم ماما فوجدتهم خمسة فقط فسألتها : هى طنط ليلى ادتك الطقم ناقص ولا ايه ؟ فردت ملك بثقة : لا ياماما هى الاطقم الجديدة 5 بس !!! http://www.moltaqamaghagha.com/vb/im...milies/mad.gifفعرفت ماما انها كسرت كأس منهم وهمت أن تجرى وراء ملك التى فرت1-3 كالزئبق الى الشارع وهى تصرخ : هو كل عريس بعلقة يا ربى ؟http://www.moltaqamaghagha.com/vb/im...milies/115.gifhttp://www.moltaqamaghagha.com/vb/images/smilies/50.gif وأخذت أهدىء من ماما قبل ان تأتيها بوادر شلل مبكر من السيرك المسمى بأسرتنا المصونة .......ونظرت الى الساعة فوجدت لم يتبقى الا ساعة ونصف ويأتى العريس وأمه ..فدق قلبى بعنف وأخذت أنظر الى عقارب الساعة وهى تتحرك وكأنها تحمل معها مصيرى ..........http://www.moltaqamaghagha.com/vb/im...s/confused.gif __________________ |
شكرا ليكى والقصة رائعة جدا
وفى انتظار باقى الحلقات |
شكراااااااااااااا القصه راااااااااااائعه
بليز كمليها بسرعه |
بجد يوميات حلوة اوي
شكرا يا قمراية علي الموضوع و في انتظار المزيد من موضوعاتك المميزة |
بجد يوميات حلوة اوي
|
بجد حلو اوى وانا فى انتظار باقى حكاية العريس اللى مجانن المهات ويبداون احلة البحث عنه منذ الخامسة عشرةتشتغل العمات والخالات والصحاب فى ابحث مع الشرطة وبعدين ادخل على العشرين وانتى طالعة عريس لله وجزاهم عنا كل خير
|
انتى فين ياقمر
|
بليز كمليها
|
فى انتظارك
|
السلام عليكم ورحمة الله وبركاته الحلقة السابعة جلست فى غرفتى بعد ان غيرت ملابسى وارتديت الطقم الجديد –اللى ماما دافعة فيه الشىء الفلانى !!- واحترت هل أضع ماكياج أم لا ؟ فى العادة انا لا أضع الا قليلا ولكن فعلا انا نفسى الجوازة دى تكمل بأى شكل ....يعنى هى ح تكمل بالماكياج يا سلمى ؟ ما تعقلى كده !! قررت أن أضع ماكياج خفيف جدا فقط يخفى الهالات السوداء تحت عينى من قلة نومى بالأمس ..... ياسلام لو دى تكون آخر مرة أتعرض فيها للمسرحية دى ويكون فعلا هو ده العريس المنشود اللى المواصلات أخرته شوية !! ربنا يجعله آخر العرسان !! هو كل اللى سمعته عنه كويس محاسب اسمه مجدى وعنده 36 سنة وعنده شقة فى بيت أهله .... .يعنى مالكيش حجة ياست سلمى وسيبك بقى من حواديت البنات الفارغة ....أصله قصير اوى ....اصلع فلة ! ....فتحات مناخيره مش مريحانى !.......طوييييييييييل أوى والجزء التانى منه نازل فى الاسواق قريب .........!! المهم الشخصية والتدين والاخلاق وحتى لو كان غتت شوية على رأى ماما غمضى واتجوزى كلهم زى بعض فى الآخر !! اتأخروا نصف ساعة وأخذت أنتظرهم من وراء شباك اودتى أحسن يكونوا غيروا رأيهم وفلسعوا يا رجالة !! وأخيييييرا لمحت الست والدته وهى تنزل من عربية ميكروباص أمام منزلنا (ايه ده مش يركبوا تاكسى؟) ومعها انسان طويل وعريض ولابس بدلة كحلى أكيد هو المغفور لشبابه العريس ! شكله من بعيد كده كويس طول بعرض بارتفاع على رأى عادل امام عريض المنكبين شلولخ !!!!!!! آدى اول حاجة تفتح النفس ربنا يستر !! وجاءت رويتر البيت ملك هانم وهى تزف البشرى والدم يتقافز من وجنتيها وقالت وهى تلهث ( العريس جه ياابلة سلمى .......ده كبير اوى على فكرة عاوز له سلم علشان أسلم عليه !! ماما بتقول لك هاتى صينية الحاجة الساقعة والجاتوة وتعالى بسرعة!) ذهبت الى المطبخ وانا اتمتم فى تعجب اشمعنى العرسان اللى اول ما بيقعدوا بنلزق لهم الحاجة الساقعة فى وشهم على طول ؟ ما اى ضيف بيقعد شوية وبعدين يشرب حاجة ! الظاهر ان دى طريقة تكتيكية من الامهات علشان العرسان ما تطفش بسرعة !!! حملت الصينية الميمونة ودخلت ودقات قلبى مثل مزيكة حسب الله ودخلت الصالون لأجد ماما وبابا والعريس وأمه..... والحمد لله ماما لحقتنى وأخدت منى الصينية قبل ما أوقعها على أم العريس وتبقى مصيبة من أولها !! (اهلا اهلا بعروستنا الحلوة .....ايه الجمال ده كله ؟ ) قالتها أم العريس وكأنه أكلشيه محفوظ بتقوله كل الحموات فى الحالات دى ! وأخيرا جلست وانا أكاد أذوب من الخجل وأنا أشعر أن كل العيون تتفحصنى وتعاين كل مللى فى جسدى وبالعافية اختلست نظرة الى العريس لأجده أضخم مما رأيته فى الشباك حتى تقاطيع وجهه من الحجم العائلى ! حاجة كده من الرجالة بتوع زمان الجامدين يعنى لو شخط فى شخطة ح يبعتنى السنبلاوين !! وقعد بابا يستجوبه كالعادة ولاحظت انه يرد بكلمة او كلمتين على الاكثر ويحمر وجهه وتلحقه الست والدته وتجاوب بداله ولما لاحظت تعجب بابا ردت بسرعة : ( أصل مجدى مش بيعرف يتكلم مع الناس كويس أصله بيتكسف !! ) ومصمصت ماما على شفتيها من انسان الغابة اللى بيتكسف ده وسألتها ( هو وحيد ولا ايه يا أم مجدى ؟ ) فردت باشفاق ( أيوة ياختى ده وحيد على أربع بنات ومن كتر خوفى عليه من الحسد ربيته زى ما ربيت أخواته البنات تمام ....ما يعرفش يروح ولا ييجى لوحده أبدا ولازم ياخد رأيي فى كل حاجة حتى فى أكله ولبسه انا اللى باختار له كل حاجة بنفسى .......لما انا نفسى ومنى عينى اجوزه علشان أرتاح من مسئوليته شوية !!) واصطبغ وجه عريس الغفلة بالحمرة وانقلب الوضع انا اللى باتفرج عليه وهو يمسح عرقه .......وبعدين قلت فى بالى اوعى تفركشى الجوازة ياسمسم اهو أحسن ما يكون شرس ويورينى العين الحمرا والبرتقالى كمان .....اهو اربيه على ايدى أحسن ! وكأن اجابة حماتى المصونة وقفت فى زور بابا فسأل العريس ( وحضرتك ما اتجوزتش ليه لحد دلوقتى يا أستاذ مجدى ؟) فرد بخجل وتلعثم : ( أصل ماما ما وافقتش على العرايس اللى قبل كده !! ولا اقول لك اسألها حضرتك هى تقولك أحسن !!) فتمتمت أمى باستغراب : عرااايس ؟!!! فأجابت امه بكل ثقة : ( والله ما اكدبش عليكى انا خطبت له قبل كده 6 مرات .....مش عارفة البنات حصل لها ايه ؟ مابقاش ينفع معاهم الراجل الطيب السكرة زعلانين انه يعتمد على فى كل حاجة هو انا مش امه برضه ولا ايه ؟.....طيب ده ابنى دودو ده بالدنيا كلها لو أطول انى أخبيه جوا عينيا من الهوا الطاير كنت عملت والله !!!!) جلست أراقب انفعالات سوسن ... أقصد دودو.... يوووة عريس الغفلة !!وهو يراقب أمه بانبهار مثل الطفل الذى يراقب امه وهى تطبخ وكأنها تسوى الاعاجيب !! اه يانى يا خيبتك يا سلمى .. يعنى اتجوزه وأخلى أمه تختار لنا ح ناكل ايه النهاردة ولا تختار ليه ماهى اكيد بتأكله بايديها وكمان شقته فوقها فى نفس العمارة يعنى ح يرفع صباعه يستأذنها لو حب يقعد معايا فى البلكونة بعد الشر ولا حاجة .....!! تبادلت ماما نظرات خيبة الامل مع بابا الذى احمرت أذناه وارتفعت صفارات الانذار واستعد لهجوم أرض أرض على دودو ووالدته العزيزة .....وانقذت ماما الموقف قبل أن يطلب لهم شرطة المسطحات ...!!!! .وقالت على عجل لأم العريس وهى تنهى اللقاء الكارثة : والله شرفتونا اوى يا أم دودو !! بس ادينا فرصة نفكر ونرد عليكم .......وحاسبى على دودو وانتم ماشيين احسن يتكعبل ولا حاجة بعد الشر عليه !!! __________________ |
السلام عليكم ورحمة الله وبركاته
الحلقة الثامنة تغير وجه بابا الى جميع الوان الطيف http://www.moltaqamaghagha.com/vb/im...milies/mad.gifوهو يتحول الى قنبلة موقوتة تنتظر الانفجار فى وجه ماما بعد ما نزل عريس الغفلة وأمه المصونة وانتهت الزيارة التى كانت كارثة بالالوان الطبيعية وسكوب كمان !! حاولت ماما الهروب الى غرفتها قبل ان يبلغ بابا عنها المعتقل وقالت بمنتهى البراءة وهى تتحاشى النظر الى بابا : انا ح أنام بقى يا سلمى علشان عندى شغل بدرى تصبحى على خير !!!) http://www.moltaqamaghagha.com/vb/im...ea70fcf985.gif فانفجرت كل قنابل المولوتوف المخزونة فى لسان بابا وأكيد سمعه الجيران فى الشارع السابع وهو يصرخhttp://www.moltaqamaghagha.com/vb/im...milies/115.gif: تصبحى على خير ؟ رايحة فين يا سعاد http://www.moltaqamaghagha.com/vb/images/smilies/20.gif؟ دى عملة تعمليها فينا ايه الأشكال اللى انتى جايباها دول http://www.moltaqamaghagha.com/vb/images/smilies/26.gif؟ حرام عليكى انتى مش قلتى انك سألتى الجيران عنهم وشكروا فيهم اوى ؟ هو انتى عاوزانا نرميها ؟http://www.moltaqamaghagha.com/vb/im...s/confused.gif فتلعثمت ماما ولم تستطع الرد وقالت بصوت متقطع http://www.moltaqamaghagha.com/vb/im...lies/smile.gif** ما انت عارف الناس يا ابو خالد مش بيقولوا الحقيقة فى الحالات اللى زى دى وبعدين ح يقولوا عليه ايه ؟ هو الراجل حرامى ولا نصاب دول ناس طيببين وعيلة محترمة .....هو بس واضح انه بيحب امه اوى .....يعنى كمان ح يحب مراته اوى .....!!http://www.moltaqamaghagha.com/vb/im...ilies/g102.gif فانطلق الشرار النووى من عيون بابا وهو يجز على أسنانه : مراته مين ان شاء الله ؟؟؟؟؟؟؟؟http://www.moltaqamaghagha.com/vb/images/smilies/26.gifhttp://www.moltaqamaghagha.com/vb/images/smilies/57.gif فلم تحتمل ماما ضغط وصراخ اكثر من ذلك وانفجرت باكيةhttp://www.moltaqamaghagha.com/vb/im...milies/113.gif :( انت بتعاملنى كأنى عملت جريمة ليه ؟ حرام عليك انا نفسى أفرح بيها وما جبتش لها واحد مدمن ولا متجوز قبل كده ولا قتال قتلة[http://www.moltaqamaghagha.com/vb/images/smilies/20.gif كنت ح اعرف شخصيته منين هو انا عايشة معاهم ؟ وبعدين هو انت شفتنا جبنا المأذون ؟ لو مش عاجبكم بلاش اعتذروا للناس وخلاص .......بكرة اموت وترتاحوا منى خالص !!) فتحركت رقة بابا لبكاء ماما وهدىء صوته وداعبها : (اللى يمشى ورا الحريم يروح فى .......يعنى انتى ترضى ان جوز بنتك يبقى اسمه دودو ؟!http://yesmeenah.com/smiles/smiles/5/002.gif) فضحكت ومسحت دموعها ( اهو أحسن مايبقى اسمه شمشمون ويقعد يزعق ويفرج علينا الدنيا زى ما انت عامل فينا !!http://www.moltaqamaghagha.com/vb/im...milies/115.gif فابتسم لها والتفت الى بابا وهو يسألنى : اتى رأيك ايه يا بنتى ؟ لا أعرف لماذا جرحنى سؤاله ؟ اى بنت طبيعية لابد ان ترفض هذا العريس http://www.moltaqamaghagha.com/vb/im...8b7f7b960c.gifابو ببرونةhttp://yesmeenah.com/smiles/smiles/5/002.gif !! ولكن يبدو انهم رغم رفضهم له هو وماما .......تاركين لى مساحة للقبول على اعتبار انى على مشارف الثلاثين ولافرصة لى أفضل من هذا ...... .ويبدو ان ام العريس ذكية انها اختارتنى من وسط كل البنات الموجودين فى الحنة لأنها تعلم انى لن أرفض ابنها عملا بنظرية (ضل راجل ولا ضل حيطة !http://www.moltaqamaghagha.com/vb/im...milies/112.gif$ لكن هل هذا رجل ؟ لا يستطيع الكلام جملتيين متكاملتين ؟ لا يكون له رأى عن أى شىء ؟ يرفع اصبعه قبل ان يفكرhttp://www.moltaqamaghagha.com/vb/im...s/confused.gifhttp://www.moltaqamaghagha.com/vb/images/smilies/31.gif ؟ أى احترام سأكنه له ؟ أى حماية سيوفرها لى ؟ أى رجولة سأستشعرها معه ؟ باختصار سأتزوج أمه تتحكم فى وفى ابنها لأتخلص من لقب عانس ونظرات الناس التى لا ترحم ........ اختيار قاسى جدا .....جزء منى يميل الى القبول للخلاص من دائرة الوحدة والعنوسة وسأستطيع ان أتحكم فيه كما أشاء ولن أعانى من تحكم الرجال وأنانيتهم المفرطة والتى تشكو منها كل الزوجات ........... ولكن لا لن أخالف شروط الله التى أقرها لنجاح الزواج وهى المودة والرحمة بين الازواج .........كيف اكن له اى مودة وأنا لن أحترمه اصلا بل سيكون بالنسبة لى مثل الغطاء الذى أحتمى به من عيون الناس ونظراتهم وأخرس ألسنتهم التى لا تهدأ......... ولكنى وحدى سأعلم عندما ينصرف الناس ان هذا الغطاء لن يدفينى فى برد الحياة ولن أستطيع ان الجأ اليه كحصنى الوحيد .......سأجده غطاء مهلهل ملىء بالثقوب سيعرينى أمام الناس وأمام نفسى وأتجمد وحدى ............ رفعت رأسى وأجبت فى هدوء :(انا مش موافقة ياباباhttp://www.moltaqamaghagha.com/vb/im...les%20(38).gif .......تصبحوا على خير !) ودخلت غرفتى كى اهرب من نظرات الاشفاق التى لاحقتنى من بابا وماما وغيرت ملابسى وتوضئت وصليت ركعتينhttp://www.moltaqamaghagha.com/vb/im...les%20(50).gif شعرت بعدهما براحة كبيرة أراحت ذهنى المشوش وجسدى المرهق..... واستلقيت على سريرى وأنا أفكر فى كل حياتى .....لماذا دائما أشعر انى فى حالة انتظار دائمةhttp://www.moltaqamaghagha.com/vb/images/smilies/21.gif ؟ لماذا أعلق حياتى كلها على الزواج فقط ؟ وهل ان لم يكن مقدرا لى أن أتزوج على الاطلاق هل سأظل طيلة حياتى فى نفس حالة الترقب والتوتر والانتظار ؟ الانسان يكون فى أسوأ حالاته وهو منتظر اى شىء ويتأخر عليه حتى لو كان ينتظر تاكسى او اتوبيس !! تشتعل الحرائق فى الاعصاب ويبدأ التوتر والمشاحناتhttp://www.moltaqamaghagha.com/vb/im...ilies/d050.gif .......فكيف أعيش وكأنى دائما وأبدا فى انتظار مالا يجىء ؟ وهل النجاح فى الزواج وحده ؟ ان كان هذا فلماذا تحدث الطلاق والخيانات والمشاكل والانفصال ؟ لابد أن يكون لى هدف آخر غير انتظار الزوج المرتقب ويأتى او لا يأتى فكله قدر عند الله ولابد أن أرضى به ........انا لم أكن راضية قبل هذا كنت أقارن نفسى بقريباتى وصديقاتى وتظل دائرة المقارنات تتسع وتتسع حتى أتوه فيها وانسى من أنا ؟ من هى سلمى الحقيقية ؟ هل هى انسانة ناجحة ؟ هل انا انسانة مميزة ؟ ام انها تنتظر فقط صك الاعتراف بها كانسان متكامل امام المجتمع بدبلة ذهبية تضعها فى يدها اليسرى ووقتها لا يهم ان كنت ناجحة ام لا يكفى ان تكون زوجة فلان حتى وان كانت فى غاية التعاسة والاحباط مع فلان هذا http://www.moltaqamaghagha.com/vb/im...s/confused.gif!!!!!!!! أغمضت عينى وانا أشعر بتصالح مع نفسى لم أشعر به من زمن طويل وكأنى أخيرا وجدت سلمى التى أبحث عنها طوال عمرى !!!!!!!http://www.moltaqamaghagha.com/vb/im...ilies/d075.gifhttp://www.moltaqamaghagha.com/vb/im...ilies/b025.gif __________________ |
بجد يوميات حلوة اوي
|
ان شاء الله اكملها
مرسى لمرورك |
قصه روعه
مستنيه باقي الحلقات:049gc0: |
ايه بقى فينككككككككككككككككككككككككككككككك
|
| جميع الأوقات بتوقيت GMT +2. الساعة الآن 01:36 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.