|
اعتزال المنتدى ..... شكرا على هذه المهزلة
بسم الله الرحمن الرحيم..... السلام عليكم ورحمة الله وبركاته ...... النهارده ، داخل المنتدي في امان الله ، لقيت التنبيهات 2 كالعادة من الناس حبايبي واصحابي واخواتي سواء ولاد او بنات ( ربنا يحفظهم كلهم) المهم الاقي رسالة هبلة مبعوتة ، ملهاش معنى ، مبعوتة من المشرف الجديد لقسم التصاميم والجرافيكس ذو الــ180 مشاركة (مشرف ).... المهم ، مش حكاية المشاركات ، انا مشاركاتي مش كتير للدرجة بس موضوعي كبير قوي ، وانت مكانش ليك اي نشاط في القسم في الوقت ده . كل اللي عملته انك رحت عامل بتاع 5 مواضيع فوتوشوب في وقت واحد الله اعلم ناقلهم منين ؟؟ مبقولش انك مش انت اللي عاملهم ، بس نقلتهم على طول يوم الاشراف ما اتفتح ، ولقيتك مقدم للاشراف ، قلت حلال عليك وربنا يعينك. المهم هذا الشخص المحترم بعتلي الرسالة مضمونها ده مش عارف المخالفة لن تنتهي ازاي؟؟ ، وايه الالفاظ البذيئة اللي انا قلتها ؟؟ ، وتحذف الموضوع بسبب التفاهة دي ؟؟ والله العظيم حرام انت داخل تدور على حاجة والسلام؟؟ موضوع التواقيع ، الحوار ان واحد طلب مني توقيع وراح محمد حلمي حطله صورة وقال له اتفضل . انا اتدايقت من محمد ازاي يدخل الموضوع من غير ما حتى يعبرني بكلمة. المهم انا ومحمد بعدها بقينا حبايب ومفيش اي حاجة ( بس ارجوا ميكونش هو اللي راح وعمل الحركة التافهة دي) فقولت لمحمد انا مرضتش اعمله توقيع عشان انا حاطط شرط ان العضو لازم يكون عنده 100 مشاركة على الاقل (ده يا جماعة الشرط الوحيد اللي حطيته في الموضوع ) ياريت حد يكلف نفسه ويشوف موضوع عمل التواقيع اللي في نفس القسم واللي متثبت .. شروط قد كده ، والحمد لله محدش خد توقيع وقاللي عنه حاجة وحشة... المهم المشرف نفسه طلب مني جوه الموضوع اني اعمله توقيع (مع انه عامل دورة فوتوشوب) مش عارف معندوش وقت ولا ايه فطلب مني اعمله واحد بس انا كنت بطلت اعمل تواقيع .... انا بقول لمحمد انا معملتش للراجل التوقيع مش رخامة مني ولا اي حاجة بس الراجل مشاركاته 78 مشاركة والشرط اللي انا حاطه مش متوافر فيه عشان الاقي مع كل احترامي لوصفه (مشرف مبتدئ) بيجرب في الاعضاء سلطته يقوللي 3 نقاط ولا مش عارف ايه ؟؟؟ ده انا جاتلي النقطة من التواقيع اللي عملتها دا انا كنت اللي بدور على الصورة وانا اللي في بعض الاحيان افكر في الكلام وانا اللي اظبط اللون والجو والشكل العام وارفع التوقيع وابعت رسالة خاصة لاصحاب التواقيع ، ومش عايز والله من كل ده غير كلمة شكرا ، واصحاب جداد احبهم ويحبوني واخدمهم بحيث نتعرف اكتر ونبقى احلى اصحاب واخوات ... شكرا على حذف موضوعي والعيب في الاخر مش على العضو العيب على الادارة لما يبقى منتدى عدد اعضائه نصف مليون عضو تقريبا ويعين مشرف مشاركاته 180 مشاركة .... شكرا لكل الناس اللي عرفتهم هنا ... وخليلك الــ3 نقط دول ينفعوك لما الميه تقطع .... والسلام عليكم |
نفسي افهم انا شتمته وقلتله رخامة؟؟؟
|
استنى يا أحمد انمت هتعمل ايه بس .... اتسنى وكل حاجة هاتبقى تمام
بس نشوف الموضوع و ماتستعجلش ... ثوانى |
ممكن تقول قولت الكلمة دى فى بداية الامر ...بس انا وانت خلاص بقينا أصحاب و حبايب و أكتر من أخوات ... وأنا مسامحك على أى حاجة قولتها يا عم ...
|
صلى على النبى بس كده وأهدأ
|
مش فاهم انا الموضوع يتحذف ازاي؟؟؟
ده مجهود اسبوع ولا اكتر والله مبنامش عشان الشغل وهو نفسه طلب توقيع ياعم حلمي والله انا عارف بس يعني انا قلت يمكن .... بس ماقولتش كده من وراك قولتهالك على طول ، واهوه اديك برآءة و عادي انا بس بسألك مش اكتر. وانت حبيب هارتي وللمشرف المحترم انا نفسي ابية اوي والمفروض اني كاتب ومؤلف ان شاء الله ، ومرضاش حد يهددني اوي يهينني من غير حق حتى لو كان محمد حسني مبارك |
ايه الموضوع بالظبط انت عملتله ايه؟
|
المهم انه حاططلي رابط الموضوع في الرسالة ، والرابط محذوف (الرابط الذي حددته خطأ)
والله العظيم كنا مشرفين في كذا منتدى وعمرنا ما شوفنا المهزلة دي |
اقتباس:
مش على كده ..... انت بس صلى على النبى و أهدأ علشان نعرف نتكلم ... ماتكتبش حاجة وانت متعصب علشان متبقاش ضدك |
اقتباس:
ما عملتلوش توقيع راح حاذفلي الموضوع واداني 3 نقط :d |
والله يا زيكا مش عارف أقولك ايه ... كلم اللورد أو حد من الادارة
|
انا عملته عشان محدش يتكلم عليا بعد ما امشي
وعشان اعرف البيه اني مش غلطان في حاجة وانت يا محمد اكتر واحد عارف اننا ما شتمناش بعض ولا انا غلطت فيك انا قلتلك (نعم)؟؟؟؟ هههههههه فاكر؟؟؟ وبعد كده جه ردي ده ، لكن لا شتمتك ولا حاجة ، حتى لو كنت رخمت عليك شوية لكن من غير قلة ادب والحمد لله مغلطتش في حد خالص والسلام عليكم |
استنى يا صحبى .... بالله عليك ما تمشى .... أنا محتاجك معايا فى رمضان بجد
|
على فكرة موضوع التوقيع ده جميل جدا ولا يستحق الحذف
|
|
خلاص يا زيكا المسامح كريم
بس انت راسل الادارة لانه فعلا موضوع مهم وجهد وتعب المفروض ما يتحذفشي وبعدين ان شاء الله تلاقي زي الاول |
ايه يا جماعة هو اي حد يزعل من عضو يقول ها اسيب المنتدى
لا لا مينفعشي كده فعلا انت كنت اتفهمت معاه والمفروض مكنتيش تستلم |
لالا لا لا لا لا لا لا لا لا لا لا
هواحنا عندنا كام فنان وقلبه جامد كدا علشان يدخل حسنى مبارك فى كلامنا اهدى كدا وروق وصلى على النبى المختار كده كان بدل الزعل ده كله كنت دخلت على طول على أى زميل من الإداره حتى لوكان الاستاذ ممدوح لأنه مش مشتركين فى خاصية مغلق - ولا خارج التغطيه - ولا أترك رسالتك وفوت علينا بكره ياسيد مع إن بعض المشرفين مشتركين فى جميعها وأكتر وهتلاقى الكل معاك لحد ماتتحل المشكله بدون زعل ومانخسرش فنان شكرا ياعمنا وتسلم لنا |
على فكرة والله أكتر من مرة حصل معايا مواقف زي دي ..
بس بعديها .. عشان لو خدت على كلام كل واحد كدا الحكاية مش هتعدي الا لما أزهق نفسي وع الفاضي هو الموضوع آي نعم مهم جداً وبجد لك ألف تقدير عليه .. بس احتسب أجره عند ربنا وع العموم ممكن تكلم أي حد من الادارة علشان يشوفلك الموضوع ده ويعرف يتصرف فيه يعني .. |
انت فنان و كفاية ان توقيعاتك مع الناس كلها يا فنان
|
ايه يا عم انا اى نعم معرفكش اوووى بس انت والهى شاب زى العسل
وعلى اللى يمشى يبقى اى حد غيرك يا كبييير وانت مش غلطان فى اى حاجه ومحدش يقدر يهينك ولا يعمل حاجه روق انت بس وفكك من الشغل ده وبعدين تعالى هنا عاوز تسيب المنتدى عشان فرد واحد اى كان مين وكمان مش عاجبك الناس اللى بتحبك دى كلها ... ولا تزعل نفسك |
خليك انت يا زيكا واللى مش عاجبه .....
ندعيله بالهداية |
بص يا زيكا زى ما انت عارف .........ان الانسان الناجح ديما بيلاقي حقاد كتير ........... ...............انا اتعصبت جدا بس مش عايزة اقول كلام يزعل حد كدة ... انا مش عارفة اقول اية والله...وانت كـــــــــبر جمجمتك كدة ههههههههه......... وخليك فى المنتدى .............كل الناس هنا بتحبك ومتمسكين بيك .........يا فنان المنتدى اوووووووووك .............طنش تعش تنتعش ..........عجبانى اوى 180 مشاركة ههههههههههههههه اختك سؤئة الطيوبة..........بتعيط .........ههههههههه |
معلش اولاً حعتب عليك كلمة قلتها
وهي بخصوص عدد المشاركات حتى ولو كان عدد مشاركاته قليل فدي وجهة نظر (عدد) من افراد الادارة ولازم تحترمها وكمان محدش قال دول مشرفين دائمين الكفاءة فيهم حيفضل واللى مش كفاءة بيتشال ثانياً بعتب على المشرف تعامله مع الشخص بالصلاحيات المشرف الناجح اللى ميحسسش العضو اللى قدامه بإنه مشرف لكن إنه يبدأ بالتعامل بالانذارات من اول يوم تعيين .... مش حلوة بخصوص التحري حول الاتهام وصحة الاخبار فدي حتكون من تخصص الادارة اللى حتفصل في الامر فبقترح يتنقل الموضوع ده لصوت الأعضاء وتكمل المناقشة بين الادارة هناك وياريت تنبه حد من افراد الادارة العليا ليهتم بالموضوع |
انت عارف اللى هقوله ارجع بقى احسن
|
يا راجل رمضـــــــــــــــــــــــــــــــــــــــــــــــ ـــــــــــــــان خلاااااااااااااااااااااااص
سامح وكل سنه وانت طيب |
اقتباس:
انا من راي بانزر مفروض الموضوع يتحط في قسم الشكاوي وبعدين مش تأخذ الموضوع بحساسية زيادة ولو الموضوع ف مكانه وطلبت من الادارة اكيد هترجعه ان شاء الله خير بس التجريح ممكن يخلي حقك يضيع سلالالالام |
انا كتبت لصوت الاعضاء ومحدش عبرني
بس يا تسابيح الموضوع ده اترمى بعيد خالص ^^ شكرا على اهتمامك طبعا ، والف شكر |
زيكا بجد انا مش اعرفك كويس عن طريق المنتدى
لكن بجد بجد انا عارف انكشخص كويس جدا وده مش من مشاركاتك بس ولا كلامك لأ كمان من كلام حلمى عنك بجد انت شخصيه ممتازه جدا ولايمكن تمشى من هنا ده حتى حلمى محتاجك ف رمضان خليك معاه وماتكسفوش عشان خاطرى وما تخليش اى حاجه تأثر عليك وبعدين يا عم طب ما انا على طول بقول كلمة (رخامه) حتى لو كنت قولتها ولا ماقولتهاش وانا عارف انك ماقولتهاش بس بصراحه انا مش شايف فيها اى تجاوز طب انا رخم يا سيدى هههههههههههههههههههههههه نقص منى حته ولا حاجه بجد يا زيكا احنا كلنا محتاجينك لا ترحل |
اعتقد فية موضوع فى قسم صوت الاعضاء وقبل ما تقول محدش عبرك اسأل عنة الاول يا فندم لان دا اتهام مش كويس ومش مقبول من اى شخص لو كنت سألت هيقولو لحضرتك ان الموضوع موجود فى قسم المشرفين بيتم مناقشتة الموضوع دا مغلق وسيتم وضع قرار الادارة فى صوت الاعضاء فى رعاية الله |
اة نسيت اقول لحضرتك
توقيعك وصورتك الرمزية مخالفين وطالما حضرتك بتكلم وتقول كام مشاركة وجاى يكلمنى ياريت قبلها تكون ملتزم بالقوانين فى رعاية الله |
| جميع الأوقات بتوقيت GMT +2. الساعة الآن 09:35 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.