|
ازمة نفسية
السلام عليكم اخواني الكرام
المتعاقدين وبحذف الالف المتعقدين خمس سنين بنشتغل ونجري هنا وهناك نخلص ورق ونسمع وعود ونمضي عقود ونصرف اللي ورانا واللي قدامنا واللي بنقبضه باليمين بيروح بالشمال في التربوي وال icdl خمس سنين بنسمع وعود بالتثبيت ومفيش شئ خمس سنين والكل بينظر لينا نظرة متدنية (انت حايلا متعاقدواسمك بالقلم الرصاص) الجملة اللي بنسمعها من النظار والموجهين ومن زمايلنا المثبتين الجملة دي بجد عملتلنا ازمة نفسية مش مرتاحين وحاسين بظلم وقهر ومنقدرش نتكلم ناخد احتياطي ونسكت تشيل نصاب زيادة وتسكت نتبهدل في السكك ومدارس بعيدة ونسكت نقبض متأخر ونسكت مرتب قليل ونسكت ويوم ما نتكلم تسمع الجملة دي انت حايلا متعاقد احمدوا ربنا بس نوعدكم احنا المتعاقدين باقوي رد لينا هيكون في وقفتنا الاعتصامية ولا ايه |
احنا بجد خيرة شباب مصر
ولازم ناخد حقنا في التثبيت وبشكل حضاري |
والله يا جماعه محدش معبرنا بقرار ولا نشره صريحه
يبقى لازم وقفه تعرف الناس دى اننا مش سلبيين والوقفه دى مش حتضر حد هى حتجيب لنا حقوقنا |
فعلا يامس كلامك صح وبجد ده اللى فى قلب كل متعاقد وفعلا هيكون انشاء الله اقوى رد بمقدار الذل اللى شفناه فى السنين الماضية وفعلا لو كل المتعاقدين زى حضرتك فى الاصرار على اخذ حقه كان زمانا اخدنا حقنا من زماااااااااااان
|
إن شاء الله يا أختاه
وربنا يكرمنا ونبقى إيد واحدة ونعمل الوقفة زى ما قلنا |
هى ازمة نفسية بس دى ازمة اجتماعية كمان السؤال المشهور من ام العريس لما يجى حد يتقدم لى يااختى وانتى بقى متثبتة ولابعقد؟؟ ارد بحسن نية لاء بعقد ياطنط مانا لسة صغنونة عالتثبيت ههههههه بس ان شاء الله انا امتحنت الكادر وهتثبت كمان فترة
ام العريس تفتح بقها وبنظرة ذات معنى اااااااه ان شاء الله مش عارفة هو بقى مطلوب من العروسة دلوقتى انها تتثبت والعريس لاء ولاايه عموما بجد حاجة تزهق جدا والموضوع طول ورخم اوى لازم نعمل حاجة بجد ان شاء الله نقف كلنا ونطالب بحقوقنا فى التثبيت عايزة اتجوز بقى شكلى بقى بايخ جدا يااما تشوفو لى عريس معندوش ام ههههههههههه اللهم يامفرج الكروب وقاضى الحاجات فرج كروبنا واقضى حوائجنا اللهم ان كان رزقى فى السماء فانزله لى فى الارض وان كان رزقى فى الارض فيسره لى وقدره لى وبارك لى فيه وقدر لى الخير حيث كان اللهم امـــــــــــ]، |
اقتباس:
مشكلتنا فعلا اللي مريحة الحكومة اننا مش ايد واحده احنا فعلا لو متوحدين هنعمل للحكومة صداع وهناخد حقنا |
اللهم يامفرج الكروب وقاضى الحاجات فرج كروبنا واقضى حوائجنا اللهم ان كان رزقى فى السماء فانزله لى فى الارض وان كان رزقى فى الارض فيسره لى وقدره لى وبارك لى فيه وقدر لى الخير حيث كان اللهم امـــــــــــين
|
اقتباس:
انا بتكسف اوي لما حد يسالني انتي تثبيت ولا تعاقد وارد واقول تعاقد والتثبيت قريب ياااه ببقي نفسي الارض تنشق وتبلعني مش بقولكم بقت ازمة نفسية |
اقتباس:
انا بضم صوتي لصوت استاذ امجد في موضوعه الوقفة 15/8 مستنين ايه لما الازمة النفسية تبقي ازمات |
اقتباس:
انشاء الله العريس جاااااااااى فى السريع ياجارة الوادى وهتنقى وتختارى وتتشرطى براحتك بقى ماهو حضرتك هتبقى متثبتة بقى |
اقتباس:
|
ياريت يا جماعة حد يوضح موقفى لانى تعبت واصابنى اكتئاب بصراحة كل سنة يقولوا نفس الكلام بدون تنفيذ انا خريج خدمة اجتماعية ومعايا دورات شغال من 2003 مدرس حاسب آلى بالحصة بمحافظة الشرقية ولسه مش اخدت تربوى لانى بصراحة مش لاقى حافز .........
ياريت حد يقول ايه موقفى !!!!!!!!!!!!!!!!!!!!!!!! . |
اقتباس:
وفعلا دي مشكلة للراجل وللبنت عند الجواز والد العروسة لما بيعرف ان اللي متقدم لبنته متعاقد واهل العريس لما يعرفو ان ابنهم هيخطب واحدة متعاقدة خلاص بقت ازمة نفسية في الجواز كمان ولنا الله |
اقتباس:
لان اكيد دورك جاي |
ياريت كل واحد يقولنا ازاي التعاقد سبب له ازمة نفسية مش عارف يتخلص منها
|
انا اكتر ازمة نفسية سببها ليا التعاقد لما اقابل حد ويسالني انتي تثبيت ولا تعاقد
لاني بحس اني قليله اوي لدرجة كمان بقيت اخاف اقول لحد اني مدرسة عشان مقولش تعاقد |
اقتباس:
واضح انها فعلا بقت ازمة نفسية |
اقتباس:
|
انا معايا في المدرسة الاخصائية الاجتماعية متعاقدة برده زينا
ازمتها النفسية اللي مش عارفة تتخلص منها بتكون لما بناتها بيسألو انتي ليه متعاقدة ياماما وليه دايما مرتبك بيتأخر مش زي بابا اللي بيقبض بدري |
انا بقا مكتوب كتابى ومش عارفه احدد ميعاد فرحى لانى مش عارفه انقل لمحافظه جوزى لانى مش متثبته
وطبعا ده مسبب ازمة نفسية غير طبيعيه بس ربنا يستر ويفرجها يارب |
اقتباس:
|
اقتباس:
ودي مشكله بنات كتير والله والله ياجماعة فعلا العقد والتعاقد عملولنا ازمات مش ازمة واحده |
اقتباس:
وباذن الله انا لمنتصرون |
الوقفة ياريت تكزن قبل رمضان نتفق على يوم مثلا 8/8 ونعمله علشن الناس تبقى كتير والله المستعان
|
اقتباس:
الحكومة والمسؤلين بيقولولنا احمدوا ربنا غيركم مش لاقي شغل ميعرفوش اللي احنا فيه بسببهم بجد التعاقد ده بدا يسبب وقف حال وتعقيد وتعجيز لنا كلنا |
وتتوالي الازمات النفسية
يلا ياجماعة نخرجها مع بعض والله العظيم احنا لما بنحكي ونشكي لبعض بنستريح |
اقتباس:
يارب يامفرج الكروبوقاضى الحاجات فرج كربها واقضى حوائجها وذلل لها السب واجمعها على خير مع زوجها اللهم اكفنا بحلالك عنحرامك وبفضلك عن من سواك اللهم امــــــــــــــــــين |
والله انا اعرف بنات متعاقدين متجوزين والتعاقد ده قرب يخرب بيتهم
لان ازواجهم مش عاجبهم الحال |
اكبر ازمة نفسية اننا حاسين اننا عالهامش احنا فين .... ايه موقعنا من الاعراب دايماااااااا مفعول به وبعدين تلاقينا نزعل لما نسأل طالب نقسك تطلع ايه يقولك اشتغل اى حاجة فى الدنيا الا انى اكون مدرس ماهو لازم يعمل كدا وهو شايف المدرس بيتهان قدامه كل يوم من كل حد واى حد علشان كدا ياجماعه لما يحصل ده نقول ايه ؟؟؟؟ يبقا انت اكيد اكيد فى مصر
|
وشباب كتير مش قادر يفتح بيت ومش عارف يعيش
وكلمة تعاقد بالنسبة له ازمة |
اقتباس:
مع ان قيمتنا كبيرة اوي ومحدش حاسس بيها خيرة شباب مصر متعلمين ومثقفين وتربويين ومربين اجيال لكن للاسف احنا بنبني والحكومة بتهد احنا نبني قواعد واساس حضارة البلد والحكومة تهد فينا الامل ..الحياة.. الحاجة الحلوة.. الطموح .. العزيمة والكفاح |
نفسى اتثبت عشان اقدر اخد اجازة بدون مرتب واسعى للهجرة (هجرة وليس سفر) وان نفع يبقى خلاص على كده باى باى ياوظيفة بس خايف موضوع الهجره مينفعش ابقى لا حصلت بره ولا جوه غير ان كلمة متعاقد بتضايقنى فعلا
|
يبقي لابد من وقفة ونقطة نظام
|
بجد موضووووع
جااااااااااااااااااااااااامد |
اقتباس:
خلاص هنهج ونسيب البلد عشان المسؤلين يرتاحوا ازمة ازمات |
اقتباس:
بجد وحشتيني اوي اوي يلا احكيلنا عن المشكلة اللي سببتها ليك كلمة متعاقد |
بس مكنتش اعرف ان جارة الوادى دمها خفيف اوى كده
بعد قراتى لتعليقاتها فى المنتدى كنت واخدها عنها فكرة تانيه |
ولما بنقبض في استمارة لواحدنا بمعزل عن باقي المدرسن في المدرسة ولما ينشف ريقنا لما الموظف يتكرم ويحن عينا
لما يروح يجيب المرتب والله في ناس بياخدو اجرة التوصيلة ( التوكتوك او التاكسي )عشان يروحو يجيبوه مع انه شغلهم |
اقتباس:
تسلمولي انتو الاتنين |
والله حضرتك يا مس كلامك طبعا كله صح . بس فعلا لو لم نتكاتف لبقت مصيبة سودة والمتعاقدين جميعاااااااااا بجد
نفسيتهم زفت زفت . وحسبي الله ونعم الوكيل رمضان علي الابواب واري جميع زملائي احوالهم النفسية كل مالها في النازل ولاحباط اصاب الجميع الناس قربت تكلم نفسها |
لله الأمر من قبل ومن بعد والله اليوم حدث أمر عجيب من حوار دار بين مدرس أساسى ومدرسة تعاقد مثلنا قال لها البند الخامس من عقدك بيقول يحق للطرف الثانى "المدير" فسخ التعاقد مع الطرف " الأول" المتعاقد" دون إدلاء أى اسباب
فقال لها بعد هذا البند انتو بتنططوا وانتم كده انا هاخلى العامل يرميك بره ومايفتحش ليك الباب اسف على هذا الاسلوب لكن هذا ماحدث اليوم والله شهيد اما بالنسبة للازمة النفسية فهى عند الجميع من كبر سن الزواج من اسلوب المثبتين معنا بس على العموم أنا موافق على تعاقدمثلى علشا ن فيه مثل بيقول "جحا أولى ب........sorry |
اقتباس:
ياريت تفضل علي عهدك مع الاصرار والسعي وراء حق التثبيت وانا واثقة انك هتلغي فكرة الهجرة عندما ناخذ حقنا المسكوت عنه |
اقتباس:
ومن ناحية النفسية فهي وحشة جدا والحمد لله |
اقتباس:
بس بعد ما كانت نفسية واحدة اللي تعبانة بقوا نفسيتين وفي بيت واحد والله شر البليه (التعاقد) ما يضحك |
الفراش والعامل اللي في المدرسة شامين نفسهم وحسين بقيمتهم ووجودهم عني
|
اولا اشكر مدرسه الانجلش على فتح هذا الموضوع وهذا ليس بالغريب عليك فإنك دائما متجدده فى مواضيعك
ثانيا احب ان اقول وهو فى ايه يعنى فى الحياه مش بيجيب ازمه نفسيه سواء الحياه العامه من عيشه واكل وشرب ومشاكل مجتمع من تسيب ورشوة عينى عينك كدا وظلم وغلاء اسعااار ....وتعاقد كمان يعنى اقدامك ليست على ارض ثابته........وكل دا طبعا ينعكس داخل كل اسرة وكل بيت وربنا يلطف بينا كلنا.. ويحل ازمتنا كلنا ويفرج كربنا |
اقتباس:
وياريت دولتنا الكريمة تعرف وتحس بكده عالعموم اشكرك يامس ريم اوي اوي |
وياسلام بقي لما ولي الامر يعرف انك متعاقد ويبصلك بصة من فوق لتحت ويهز راسه كانه مش مقتنع بيك
ولا معترف بيك اساسا مع انك مربي فاضل لا وايه يستنالك غلطة مثلا كحيت في وش ابنه او مسحت السبورة قبل الواد مايكتب او نسيت تكتب للواد ممتاز في كراسة الواجب |
والله انا بستغرب اننا لسه عايشين
وبستغرب ازاي لحد الوقتي معملناش وقفة ده احنا جوانا شعور بالذل والظلم يخلونا نعمل زلزال مش وقفة لازم لازم نتحد بقي ونتحرك والله كلام طالع بحرقة |
| جميع الأوقات بتوقيت GMT +2. الساعة الآن 03:27 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.