|
وتستمر المهزله (محو الامية)
أخوانى الاعزاء وصلت اليوم لدينا بمحافظة قنا اشارة بالذهاب الى مجلس المدينة من أجل فتح فصول محو الامية المسائية
وذلك تحقيقا للشراكة بين وزارة التربية والتعليم وهيئة محو الامية وتعليم الكبار وبناءا عليه تم الاتى : اتفقنا على التطنيش وعدم الذهاب وعدم المشاركة فى أى عمل اضافى غير مانص عليه العقد ولن نقوم بأى أعمال أخرى مستقبلية ويخبطو دماغهم فى الحيط. وفقنا الله واياكم :006et4::slap1qk6::006et4: |
محو الامية ظلم لينا والله
الغربية من اولى المحافظات اللى طلعت النظام دة |
هو ده الكلام أنا مطنش الموضوع ده من سنتين مع إن كل زمايلى إشتغلوا وفتحوا فصول |
حسبى الله ونعمة الوكيل فى دى شراكة
مالنا احنا ومال محو الامية |
سيبكو منهم دول عالم فاضيه مش بتبص اللى تحت رجليها ومش عارفه ظروف الناس اللى متبهدله وطالع عين اللى خلفوها دول قاعدين تحت التكيف وبنصوا قوانين علينا براحتهم سيبكو منهم
|
والله العظيم دول شوية فنانين فى تأليف التعقيدات للمعلمين المساعدين
بس اهنا خلاص كده ستوب مفيش حاجه تانى خالص |
والله دي احسن حاجة عملتوها علشان يعرفو اننا بدأنا نقولهم لأ ومش هنفذ إلا اللي موجود في عقدنا ولو ظلمونا يبقي بينا وبينهم المحاكم والعقد اللي احنا مضيناه واللي مفيهوش اي كلام من بعيد ولا قريب عن محو الامية
فعلا الحق في البلد دي مابيتخدش غير بالصوت العالي لكن اللي هيسكت يبقي يستاهل اللي يجراله |
ما هما اشترونا الصبح تعليم صغار وبالليل تعليم كبار وبعد كده رعاية مسنين ان شاء الله
الناس دي عايزة ايه نهج ونسيبلهم البلد ارحمنا بقي يارب يعني الواحد هيقطع نفسه صبح وليل |
بجد هو ده احسن اتفاق |
طبعا هنوقف في وشهم ونقول لا ومليون لا
|
كنا ناقصين كمان محو الامية
طيب ميجيبو ناس مخصوص لكده وبعقد برده ارحمنا يارب ارحمنا |
امتهان وسخرية لكل معلم مساعد
هل يستطيع الوزير إلزام الأساسيين بهذه المهزلة ! لو كنا رجاله بصحيح مكنتش السخافة دى استمرت ففى ادارتى مثلا 52 معلم مساعد عملوا محو الأمية وللأسف يا إخوانى هناك من المعلمين المساعدين وخاصة البنات يتسابقون بغباء لتنفيذ هذه المهزلة :039uw8: |
أحنا لازم نطنش الموضوع ده
|
ماكفاية علينا بنمحو امية عيالهم
ثم محو الامية دا ميعملوش اى حد يعنى مدرس ابتدائى يشتغل مع ناس كبيره كدا ازاااااى ؟؟؟ طنش تعش تنتعش |
الاختراع دا بيطبقوه على العقد بس وعلى على الاساسيين كمان
لو كان على العقد بس يبقى عشان احنا الحيطه المايله |
ده طبعا استغلال للمتعاقدين
ولكم ان تعلمون ان هيئة محو الامية وتعليم الكبار لديهم متعاقدين مثلنا معنى ده انهم بيستهبلو وبيلعبو بينا والله |
ولابند فى العقد ينص على محو الامية ولايذكرها من اساسه اذن فالعقد شريعة المتعاقدين وطبعا كبر دماغك
|
هوه ده اللى حيحصل باذن الله
|
ولو حد خان العهد يبقى وقعته سودة
فى ناس كتير بتخون العهود وبتجيب المشاكل للكل |
لا الكلام بجد
الناس خلاص ملت ده مفيش مرتب من يوم التعاقد الجديد انتفعنا بيه كلو رايح للحكومة تانى مرة دبلومة ومرة icdl ومرة محو أمية والله أعلم حيورد علينا ايه تانى كفاية بقى اهنا اتهرينا |
اقتباس:
دول مسئولين ولاد 60........ والأخوة الزملاء ال بيعملوها ديييا تكسفهم (عالم خايبة) هما ال جايبنا وراا دول يحرقوا الدم اكتر من المسئولين والله |
اقتباس:
أيوه أيوه يا أستاذ إسماعيل قول كماااااااااان إنت يا أخى جيت على الوجيعه اللى عندى البنات البنات فعلا أنا فى إدارتى ومدرستى بالتحديد بيتسابقوا بمنتهى الغباااااااااااااء للتقديم فى محو الأميه بمنتهى الغبااااااااااااااااااااااء انا من كتر غيظى منهم قربت خلاص أمسك مدفع رشاش وأنزل فيهم ضرب لغايه ما أخلص العالم من شر الأغبياء أمثالهم قريب أوى هتسمع عنى فى برنامج مصر اليوم أو 90 دقيقه بعد ما أخلص عليهم |
يا جماعة ......خلاااااااااااص كفيانا ضعف وأستكانه و قبول الأهانه لابد من وقفة 15/8 لانها هى الامل الوحيد لنا فى استعادة كرامتنا التى أهدرتها حكومة*(نظيف) فكل محافظ يريد عمل بنط جدعنه فى ان يمحو الأمية من محافظته طمعا فى البقاء على كرسيه او الحصول على فرصةافضل وكل ده على قفانا أحنا علشان مسكنا من ايدينا اللى بتوجعنا (التعيين) ولابد ان نقلب الطاوله فى وجههم و نعاملهم بنفس أسلوبهم الرخيص فى اتباع سياسة (لوى الدراع) الا وهو اما التعيين او الاعتصام و الأضراب عن العمل حتى نصل الى ما نصبو اليه.
|
خلاص حرام الواحد تعب ارجوكوا متفتحوش اى كلام فى اى حاجه مطلوبه لانه احنا الى بنديهم الخيط الى بيخنقنا وهما قاعدين على مكاتبهم
|
أنا بقى رأيى ان لو عايزينا نعمل محو أمية للكبار يثبتونا الاول على الدرجة الثالثة وناخد كافة حقوقنا
ثم نقوم بتنفيذ هذا الاختراع |
بالتوفيق ليكم
|
| جميع الأوقات بتوقيت GMT +2. الساعة الآن 12:05 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.