رد علي الاستاذ ابو عمار .... التأكد من التثبيت
 

السلام عليكم ورحمة الله وبركاتة
استاذي واخي ابو عمار .......... انا كما قلت لك سوف ارد عليك في موضوع التثبيث او التأكد من ان الاسماء وصلت اكاديمية سوهاج اما لا انا اجريت اتصال مع مدير الاكاديمية بسوهاج وكان الحوار الاتي :



سألت مدير الاكاديمية هل الاسماء وصلت اكاديمية سوهاج اما لا ؟

كان الرد هو اسماء اية !


قلت اسماء المعينيين ؟


قال لا والله لسة ما فيش حاجة وصلت بس انا نفسي اقلك حاجة


قلت ليه اتفضل


قال ان الاسماء جاية ان شاء الله بس ان عاوزكم تتضمنو ان الاسماء لو جات النهاردة او بكرة او بعد شهر سوف يكون قرار التثبيت من1\7\2010يعني ما تقلقوش وتابعني لو فية جديد انا هقلك


سألته امتي ان شاء الله يكون الجيد ده ؟


قال ان شاء الله قريت ولم يعطيني اي موعد محدد.

وهذا الاتصال كان من ساعة بالضبط


ارجو قيول تحيتي

محدش عارف حاجة

الله يكرمك

فعلا يا استاذ مينا لم يعطيني اي ميعاد حتي بعيد المدى مع اني الحيت عليه

ماهو هو ده كلامهم قربت تابعونا جارى التثبيت انما مفيش مواعيد حاجة تزهق بجد
بس عموما ممكن نعرف الميعاد بعد الوقفة 15/8 لان وقتها هيضطرو انهم يظهرو فى الاعلام ويردو علينا ونشوف نهايتها بقى فيه تثبيت وامتى ايه الملل ده مماطلة ومفيش حاجة محددة

سيبكم من كلام الوزير والمدير لا ثبيت الا بقرار جمهورى
بس لا بدمن عمل الوقفة فى ميعادها

ياريت نبعد عن قال واطمنوا كله كلام وننتظر الخبر الاكيد وكفايانا كلام المنتدى بقى شكله وحش اوى بجد

وسؤال هنستفاد ايه يعنى من الى مدير الاكاديميه قاله؟ ان شاء الله هتتثبتوا ومتقلقوش ايه الجديد هنا؟

يعنى اسف موضوع وضجه ولا فائده
ياريت كل واحد قبل ما يعم لنا موضوع يراجع نفسه ويشوف الكلام الى هيكيته دا مفيد من الناحيه العمليه ولا بيقول كلام كلنا عارفينه ومفيش فيه جديد ولا خبر اكيد موثق

بس برضو ياريت مننساش الوقفه
علشان يهتمو بينا ويستعجلوا موضوع التثبيت

الله معاك ومعاك قلوبنا
 

ياريت لا ننسى وقفة 15/8

شكرا جزيلا
 

جزاك الله خيرا اخى

ولكن كنت اريدك تذهب هناك وتسأل عن الفاكس الواصل هناك

على العموم اتصلت به اليوم

هو وعدنى سيكون غدا فى اكاديمية سوهاج لانه يعمل بها مدربا

ويستفسر لنا

عن هذا الفاكس وامته يتنفز

على العموم اتصلت به اليوم

بالاستاذ حامد شحاته وهو يعمل مدربا فى اكاديمية سوهاج

شكرا على الخبر

اللى مش عاجبة اى خبر يا ريت ما يردش علية ويريحنا ويرحمنا من تقل دمه يا ريت

بإذن الله خير يا شباب

اصبت يا استاذ قعقاع

الله يكرمك يا أخي ، ده بس من ذوقك ، وربنا يغفر لنا ويسترنا جميعاً اللهُّمَّ آميييين ، عن ماذا تتكلم ، أدلة إيه ؟ ومستندات إيه ؟
أنا لاحظت إن إدارة المُنتدى حذفت مُشاركتي دون سبب ، مع العلم أنا لا أقول أي كلام دون دليل أو سند أو حتى كلام ليس لهُ معنى ، فأنا بأوف الكلام وأراجعه أكثر من مرة قبل ما أكتبه وأشارك به في المُنتدى ، فلماذا يا أساتذة المنتدى المُحترم حذف المُشاركة دون سبب ، طيّب حتى عرّفني السبب على الأقل !!!

اه والله في كل فروع الاكاديمة في كل المحافظات


نفس الردودددددددددددددددددددددددددددددددددددد

ازاي موقوف وازاي بيشارك

يارب يا مسهل

كلنا بنسمع كلام لكن فين التنفيذ .... حرام تعبنا من كتر الكلام اتعرف عننا فى جميع البلاد اننا بتوع كلام وبس لكن التنفيذ بيكون فى الاحلام . كان زمان المصرى بيتعرف من كلمته انه بينفذها الان العكس .. وكل سنة وانتم طيبين .

يا اخواني السلام عليكم ورحمة الله وبركاتة

انا نفسي اوضح حاجة لساده الاعضاء المنتدي الكريم .................هذا الموضوع كان ردا علي موضوع السيد الاستاذ ابو عمار في موضوعه بالامس وهو ان الاسماء وصلت سوهاج وكان يطلب من الموجدين بالمنتدي الكريم اللي من سوهاج التأكد من وصول الاسماء .....وكان ردي عليه بالامس اني سوف اتصل بمدير الاكاديميه في الغد وبالفعل حصل الاتصال كما قرأتو الموضوع


اما الهجوم من الاعضاء علي ليس له مبرر مع العلم ان اكثر من عضو طلب هذا الرد واستجابتا مني كتبت هذا الرد

ارجو من الله ان يكون النقد في جميع الموضوعات بالمنتدي الكريم يكون فقد بناء قائم علي روح التعاون وليس الاهمل في النواحي اللفظية والعبارت التي تحطم اي عضو في طرح اي موضوع ..............

مع ذالك سوف افكر اكثر من مره في طرح اي موضوع بعد ذالك حتي لا احظى بالكم الوفير من هذه الانتقدات التي كلما كتب اي عضو كان له هذا الكم من الانتقادات ولا داع لهذا مع العلم حل هذا الموضوع بسيط وهو عدم مشاركت اي عضو في موضوع يكون هو مش راضي عنه ويتركه بدون تعليق او تعقيب


في النهاية اشكر اي عضو شارك في الموضوع بتعليق او تعقيب او رفض تام للموضوع
استودعكم الله

والسلام عليكم

لابدمن الوقفه

الحل الوحيد ان نعتصم امام مبنى الوزارة

يارب وفقنا

السلام عليكم ورحمة الله وبركاتة
هذه مطالبنا يا أكابر الحكومة ... ألا تخجلون ؟!!!!!!!!!!!!!!!!!
http://www8.0zz0.com/2010/08/09/08/279262587.jpg

ايه الاخبار يا استاذ احمد الكومى

الظاهر ياجماعة اننا بقينا مش مستحملين بعض خالص فيه تطاول وتبادل اتهامات وتهكمات وكلها اساليب غير حضارية بالمرة للتعليق
ياريت نقطة نظام وكلنا فى نفس الكرب ومحدش فعلا مستحمل كلمة تضايق من حد عشان كدة ناخد بالنا من تعليقاتنا وكلامنا عشان محدش يزعل من حد ياجماعة احنا فى حاجة اننا نتح مش نختلف ونتفرق وكل واحد ياخد جنب ويعمل نفسه زعلان كلنا فى نفس المركب
يارب اهدينا اجمعين واغفر لنا وارحمنا وفرج كروبنا واقضى حوائجنا اللهم امين