![]() |
ألهذه الدرجة تخنث الرجال..!!!
السلام عليكم ورحمة الله وبركاته كيف الحال ان شاء الله بخير حبيبت اتكلم معاكم ع ظاهرة غريب اوووي عند الشباب مثلا تلاقي ولد لابس سلسلة ولما تبصلوا كدا تحس انه مفتقد معني الرجولة اي رجولة دي اللي في لبس السلاسل بكره يلبس حلق:d واللي تلاقي الموضة المنيلة ع دماغهم عاملة البناطيل المسقوطة ما يجيب حزام بدل الاحراج دا:bosyht9: وقلة القيمة دي كمان والا اللي عامل شعره سبيكي ومكهربه وليلة بيضا والا اللي مش عنده في بيتهم مفيش امشاط فنكاش شعره وشعره استغفر الله العظيم واللي مقطع البنطلون ويقول موضة واللي جايب هدوم مرقعه ويقول موضة ..!! واللي جايب تي شرت مرسوم عليها بنت شبه عارية ويقول موضة..! ايه حكاية الموضة دي..!! ايه المسخرة اللي ماشية في البلد دا لا حول ولا قوة الا بالله طبعا الموضوع عن بعض الرجال اللي قريب هيكونوا الاغلبية .. ولا عزاء للرجال الحقيقيين والفيديو بيتكلم عن الرقص الشرقي عن الرجال http://waelelebrashy.com/forum/t14480.html وشكراا لتائبة إلي ربها ع الفيديو ربنا يستر الموضوع ميتهز ع واحدة ونص:p شكلهم اصلا مش رجالة هو دا رجال اللي يرقص وا اسفاه ... وحتي وهو بيتكلم كانه واحد دا البنات بيتكلموا ارجل منه ... لا حول ولا قوة الا بالله |
يكفى ان اقولك الكى
ان من يسقطون البناطيل فهم رمز للشواذ كما فى دول العالم فهل يرضى شبابنا ان يكونوا من الشواذ؟! |
ربنا يصلح حال شبابنا
البركة في الشباب |
للاسف يعتقدون انها دليل تقدم ،، وانه شاب مودرن ،، والحقيقة انهم يسيئون للامة ،، هداهم الله ،، |
والله لو جينا نتكلم عن الموضة فالاولى نبدأ بالبنات :d
وبالنسبة لموضوع الشعر سبايكي ولا اتش دبور ولا اقرع حتى دي حرية شخصية ومش دي اللى حتذهب مبدأ الرجولة لكن الباقي من لبس السلسلة وما يسمى بالحظاظات او جالبات الحظ واللى حاططلي ايه .... اكيد دول ضيعوا معنى الرجولة تماماً .... او كما يطلق عليهم .... سيس :d وربنا يرحمنا برحمته |
وربنا وربنا وربنا لا عمري لبست ولا عمري هلبس اي هبل من اللي قلتيه دة ،، عارفة انا اصلا فيومي ،، وفي يوم تقديم المدينة اتخضيت من مناظر العيال اللي شفتها وبقيت ماشي اقول يخرب بيتك يا منيل على عينك انت وهو ،، ايه الوكسة دي ؟؟ في رجالة كدة ؟؟ لا اله الا الله ،، يا رب احفظني يا رب ،، انا خايف اخيب واعمل زي العيال بتاعت القاهرة دي |
جزاكم الله خير الجزاء علي التذكرة
|
جزاك الله خيراً
اللهم أصلح شبابنا |
أنا عجبنى تعليق اوى معبر جايب من الاخر اقتباس:
بلا وكسه مش عارفه اضيف حاجه علشان فعلا مفيش حاجه تتقال موضوع جميل كالعاده ياتسابيح |
اقتباس:
شكراا لك أخي نورتني |
اقتباس:
شكراا لك أخي |
فعلا اشكالهم تــــقرف ربنا يهديهم..........ومرسي ع التوبيك المهم دة يا تسابيح
|
ربنا يهدي الشباب
فعلا بقيت حاجة تكسف وتقرف في نفس الوقت فين المبادىء الاسلامية اللي عند شباب المسلمين ربنا يهدي |
اقتباس:
اقتباس:
اقتباس:
شكراا لكم |
دى بقت حاجه فظيعه والله فعلا ضاعت الرجوله
انا مش فاهمه يعنى هى دى الرجوله ف نظرهم والله الحاجات اللى بيعملوها دى شكلها بتعبهم الله يكون فى عونهم يا جماعه ههههه ربنا يرحمنا برحمته |
اقتباس:
ما انا اتكلمت عليهم قبل الاولاد عشان عارفة اني هيتقالي كدا قلبي كان حاسس:d ما انا عارفة انها حرية بس كنت بتكلم عن الموضة زي الحاجات المقززة للنفس دي الشعر المنكوش وهكذا وكلها تقليد اعمي للغرب وخلاص وجزء تاني عن شيء يفقد الرجولة من لبس السلاسل وما شبه وحضرتك اضفت الحظاظات وجالبات الحظ (اول مرة اسم عن بتاعة الحظ دي)\ ربنا يهدي الجميع شكراا ياباشمهندس نورتني |
اقتباس:
بس هو المركز مصر فبيلم من كل فيلم اغنية:d ربنا يهديهم ويحفظك من الفتن يارب ويحفظ جميع الشباب جزيت خيراا |
طبعا المشكلة تخص الولد وكمان البنت فى اللبس وخلافه
وربنا يهدى الجميع |
طيب شوفى بقى الرابط ده وصوتى
http://waelelebrashy.com/forum/t14480.html |
اقتباس:
الرد دا حسسني بالجو المصري الاصيل هههههه ربنا يخليكي ياموني ويكرمك يكفي مرورك ياقلبي شكراا ياقلبي |
اقتباس:
شكراا رؤي اقتباس:
بعد عن الدين ربنا معاهم شكراا روحي اقتباس:
فعلا ربنا يكون ف عونهم شكراا لك اقتباس:
دلوقتي عن الاولاد لان فعلا لبس لا يقبله لا عقل ولادين شكراا لحضرتك |
اقتباس:
صوتي معايا ياختي:o دا الراجل اسم ميرو مش عايزة يبقي رقاص طيب بطلي بئا عشان حاسة المنتدي بيهتز ع واحدة ونص هههههههههه ربنا يهدي هم دول رجالة اصلا شكراا لك |
اصوت انا معاكم
ايه القرف ده ربنا يلعنوه ولا اقول يهدي يمكن ربنا ينزل الهدايا على قلبه بجد حاجة مقززة اوي |
اقتباس:
المخنثيين وربنا طبعا بيلعن المخنثييين بجد فعلا حاجة مقززة للنفس ال ايه بيقولك 70 في الميه من المصريين موافقين عليه اكيد هو ميعرفش لو المصريين عرفوا كدا هيدفنوه مكانه .. دا تخلف بجد ... ربنا يهديه شكراا ياروحي |
اقتباس:
هههههههه فعلا معبرة جدااا يمكن مش عندهم فلوس يشتروا نعزرهم بئا فبيلدل مع مراته هههههه:d انا كمان عايشة في منطقة شبة ريفية مع ذلك مرة لقيت واحد ماشي ف الشارع ولابس سلسلة مش عارفة ليه مفيش تار في المواضيع دا:d جزانا الله وإياك أستاذنا ........ تصدق بالله ياأستاذنا أنا سعيدة جداا برد حضرتك لان مكنتش مصدقة ان حضرتك هتسيب المنتدي والحمدلله ان حضرتك مش سبته وحضرتك منور بردوك دايما مع اني كنت منتظرة حضرتك اول رد طماعة اوووي :d ...... شكراا لحضرتك نورتني |
خناقة
هههههههههههههههههههههههههههههه وانتصرت ولا اتهزمت يا مستر |
ربنا يصلح حالنا و حال شبابنا
اللهم لا تؤاخذنا بما فعل السفهاء منا بارك الله فيكِ |
اقتباس:
ولا يهم حضرتك وبعدين اي خناقة احنا موجودين بنحب نقوم بالواجب:022yb4: وان شاء الله ميبقاش فيه خناقة ولا حاجة كلنا اخوة في الإسلام ومهما حصل هنفضل كداا والحمدلله ان كل حاجة كويس يارب دايما |
اقتباس:
جزيت خيراا ربنا يهدي عباده |
وهما الشباب اللي بتعمل كده رجاله أصلاً؟؟؟؟ الرجل ليست كلمة تطلق علي كل ذكر . الرجالة في مصر عدد محدود جدا جدا جدا .
|
إنما الرجولة في ثلاث: عمل الرجل على أن يكون في موضعه من الواجبات كلها قبل أن يكون في هواه وقبوله ذلك الموضع بقبول العامل الواثق من أجره العظيم والثالثة قدرته على العمل والقبول إلى النهاية |
اقتباس:
بس ف المستقبل ممكن يكونوا محدودين ربنا يهديهم يارب |
راجل بيرقص !! يا حلاوة ... و زعلانين .. طب تعالو اقلكم على مثال لرجال و بنات العرب .. المسلمين :
انا ملون كلمتى العرب و المسلمين لان الغرب يستحى ان يفعل ذلك !! ... 1- فى الكويت : قاعد مع عمتى التى تعمل مديرة لاحد المدارس هناك ... لقيت 2 شباب جايين الشعر سبايك و السوالف لحد نص الوش و عندهم عضلة البنج كبيرة انا قلت دول عالم قوية و بتوع جيم .. بس للاسف بنطلوناتهم ساقطة المهم والدتهم بتتكلم مع عمتى .. بتقول : انا اريد ان ادخل هادولا البنات الى مدرشتك .. عمتى ..: فين البنات !!! الوالدة : اهم ...بتشاور على الولدين .. بعد بحث و تدقيق !!! طلعو بنتين !!! لابنتين عملين سابيك و عملين السوالف و عندهم عضلات يالى بلعب جيم بقلى 3 سنين مش عندى !! و لا عزاء للبنات ... لانهم بكل بساطة (( شووواااذ ... 70% من الكويتين )) و دى حقيقة مؤسفة محدش بيحب يقولها ... الموقف لتانى ...: ماشى فى الحالى فى سيتى ستارز و ربنا مكلمت حد ... لقيت شب جمبى رقع ضحكة و اقسم بالله اجدعها بنت ما تعرف تعملها .. طبعاً انا حسيت انى جسمى ارتعش من الخضة ... فرحتله بقوله انت بتعلم ايه ... لقيته حاطط Powder على وشه لا و ايه الكارثة Eye Liner و لقيته بيقولى انت بتكلمنى انا طب و الله و الله و الله لقول لماما ... طب ده اقوله ايه ؟! ردو عليا انتم ده غير كمية السلاسل و البنطلون البرمودا ..!! فى لندن بقى و عن تجربة : البدلة هى الزى الرسمى و للاطفال البنطلون و الكرافت و القميص .... و اللى بيبلبس شورت ده يبقى فجر و بيسموه زنديق .. يبقى من الظلم ان نشوه صورة الغرب .. و نشببه بالعرب ... وعجباه و الفارق نقطة فى الكلمة و لكن الفارق فى الثقافة كبييييييييير |
ههههههههههههههههههههههههههههههههههههههههه يا نهار اسود ده مسخرة خالص والله بيرقص احسن اجدعها رقاصة يانهار اسود اصل الرجالة ماتت فى الحرب حسبى الله ونعم الوكيل انا لله وانا اليه راجعون مرسيه عالموضوع |
اقتباس:
وعندك حق والله |
فعلا البلد اتملت بالبلاوى دى الايام دى بيقلدوا الغرب فى كل جادة
|
اقتباس:
ربنا يهدي شباب الأمة شكراا لك ياياسمين |
والله الموضوع فعلا يحزن لان الواحد مابقاش فاهم اللى بيحصل
وليه بيتجهوا للطريق ده الحمد لله شكرا على الموضوع الرائع ده |
اقتباس:
ايه ياامجد دا دا انت بهدلت العرب:d طبعا حكاية ان الكويتيين شواذ مش مصدقاه..!!! اكيد في كل مكان الحلو والوحش والحاجات المقززة للنفس دي انتشرت في كل مكان حتي مصر ذات نفسها فيها ناس مش طبيعة زي اللي انت شفته في المول دا اكيد مش طبيعي ع فكرة بئا لندن اللي بتتكلم عليها دي فيها بلاوي بس باين انت مشفتش البلاوي دا بس الاجانب اصلا عمرهم ما هيكونوا افضل من المسلمين ... في الاول والاخر احنا مجتمعات مسلمة محافظة يمكن بعض شبابنا بيقلد تقليد أعمي بس مصيره يفوق ان شاء الله ام عندهم فالمثلية عادي وتسقيط البنطلون عادي وكل حاجة عادية حياتهم مش حلوة زي ما احنا متخيليين يعني ...! ربنا يهدي شبابنا وجزيت خيراا اخي سلالالالالالالام |
اقتباس:
معظم الرجالة ماتت في حرب 73 مازال باقي رجال في مجتمعتنا هههه ربنا يهديهم يارب شكراا لك |
اقتباس:
وربنا يستر عليما اقتباس:
وياريتهم بيقلدوا في حاجة كويسة دا مسخرة وقلة قيمة شكراا لك |
اقتباس:
بيحبوا يقلدوا الغرب لان عندهم عقدة الخواجة ربنا يشفيهم شكراا لك |
اقتباس:
|
اقتباس:
أكيد شيء مؤكد انك مسلم ومش بشكك في اسلامك أكيد اللي حعل في مجتمعاتنا كان من الاحتلال بالدول الغربية والتقليد الاعمي لهم بدون فهم او تفكير فأصبح عبارة عن عرايس اللي بيحركها الاجانب لان دلوقتي الحرب مش بقت بالسلاح بس فيه حرب ثقافية وهم عايزين يبعدونا عن ديننا لكن ان شاء الله خير وان شاء الله احنا اللي هنحمي ديننا شكراا لك أخي نورتني أكيد |
هو انتى لسة متعرفيش؟
الرجالة انقرضوا من زمان والى فضلين يتعدوا على الاصابع |
والله معاكم حق
اللى يثير عجبى ان واحد بيقولى انت مش بتحط جل ليه انت مش راجل ولا ايه ؟ ولا اللى يقولى اللى مش بيشرب سجاير يبقى مش راجل واللى يضحك اما يعرف انى مش بحب الاغانى لا حول ولا قوة الا بالله على فكرة دة جيل تحرير المسجد الاقصى ....................... يا خساااااااااااااااااااااااااارة |
اللهم اصلح حال شبابنا
|
(( إسترجل ))
شعار احدي شركات المشروبات في مصر مع صوره لكأس يشبه كثيرا كؤوس الخمر وقفت أتأمل في الصورة والإعلان!! لا حول ولا قوة الا بالله هل تضاؤل معني الرجولة إلي هذا الحد ؟! ثم سألت نفسي كيف يفهم صانعي الإعلان معني الرجولة ؟ هذا المعني العميق الذي قضي الملايين نحبهم سعيا للفوز به والكثيرين عاشوا وماتوا بدون أن يعرفوه هل تضاؤل لتصبح الرجولة هي كأس بيريل !! معني الرجولة أخذت أفكر طويلا في معني الرجولة وجدت أنه من الصعوبة أن أحتوي هذه الصفه بكلمات وجدت أن أفكاري وحدي تعجز عن إحصاء معانيها هذه الصفة هي الأغلي والأعظم من الصفات التي يتمني المرء الإتصاف بها وهي أكثر صفه تزيد المرء تيها وفخرا أخذت أفكر هل الطريق الي الرجولة بهذه السهولة وجدت أن الرجولة طريقها صعب شديد ولن ينال المرء هذا الفخر بكل سهولة لن تنالها ابدا بكأس بيريل هناك فرق شاسع طبعا بين الرجولة والذكورة بالبلدي أي قط ماشي في الشارع لو حب يطلع بطاقة حيتكتبله فيها ذكر لكن الرجولة تختلف الرجولة = كلمة حق الرجولة = شهامة الرجولة = جدعنه الرجولة = صدق الرجولة = مسئولية الرجولة = عدل الرجولة = رحمة وبر الخ ... هل أنت رجل ؟؟ طبعا أنت راجل وسيد الرجالة هذه هي اجابة السيدة والدتك إذا سُألت هذا السؤال أمامها وبغض النظر عن وجهه نظر السيدة والدتك فيك. فالرجولة تصنع ولكنها إذا كسر أحد أضلاعها فللأسف لاتوجد لها قطع غيار ! |
ربنا يهدى الجميع
تسلمى يا قمراية دومتى متميزة حبيبتى |
الموضه بتاعه البناطيل الساقطه خلاص بدات تنتهى لكن الموضه الجديده ما حدش عارفها
واكيد ممكن هتبقى برموضه ساقط ايضا شكرا انا حبيت اضحك بس مش اكتر |
جميع الأوقات بتوقيت GMT +2. الساعة الآن 12:29 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.