|
استطلاع رأى : جامعة اكتوبر أم جامعة مصر للعلوم والتكنولوجيا
بسم الله الرحمن الرحيم يا جماعة نحنو نسمع الكثير والكثير عن جامعة 6 اكتوبر وعن جامعة مصر للعلوم والتكنولوجيا والكل يكون متحيز لجامعته طبعا فأرجو من الجميع ان يعطى استطلاع رأيه من غير تحيز ويبين وبكل سراحه مافيها من وحش وحلو ويرجح الجامعة الافضل من وجهة نظرة وأرجو من الجميع ان يتفاعل مع الموضوع لكى نحصل على اكبر استطلاع رأى. |
فين التفاعل يا جماعه ؟
|
ما أنت مقلتش عايز تعرف عن أنهي كلية بالظبت و مفيش جامعة فيها كل الكليات زي يعض
أنا مرحتش في 6 أكتوبر غير فنون تطبيقية و أسمع عن صيدلة و هندسة و مش عايز آخد الباقي بزنبهم بعدين must كل الناس بتشكر فيها و تيجي وزارة التعليم العالي تقول أن الصيدلة فيها مش مصرح بيها في الأحسن تاخد الجامعة كلية كلية |
ياجماعة والله انصحكم مفيش حد يخش جامعة مصر الى عاوز يخش يخش 6 اكتوبر او msa اقولك ليه وهنعل قارنه بسيطه بين جامعة 6 اكتوبر وجامعة مصر مع ان المفروض مفيش وجه مقارنه بين جاعة 6 اكتوبر العريقة وجامعة مصر
فى الاول لازم تتقتنع ان الاتنين جامعات خاصة واهم حاجة عندهم الفلوس انا خبرة فيها اولا هنقول ان جامعة مصر اتسحب منها الاعتماد من وزارة التعليم العالى مرتين عمره ما اتسحب من جامعة 6 اكتوبر ولا هيسحب عمره ثانيا الامن فى جامعة مصر زباله يعنى ممكن البنات تتعاكس قدام امن الجامعة عادى وممكن تتخانق فى الجامعة عادى ممكن البوكس يجى ياخدك عادى من جامعة مصر لكن جامعة 6 اكتوبر طبعا مفيش الكلام ده مفيش حاجة اسها تعاكس جوة الجامعة ولا خناقات جوة الجامعة الامن بيكون مفضيها ن قبل ما تحصل لا عمر اى ظابط مهما كان يكلمك جوة الجامعة او حتى قدام فندق الجامعة ثالثا المعامله فى جامعة 6 اكتوبر الدكاترة بتعالك باحترام يعنى فى تجاوزات قليله لكن جامعة مصر الدكتور ممكن يغلط فى اهلك والدكتور فوقك بتحس فى جامعة مصر انك فى جاعة حكوميه |
اقتباس:
سؤال واحد انت جبت الكلام ده منين يا خبرة ثانيا انت فى جامعة اكتوبر وبتفتى انا بقى ممكن اجيبلك اكتر من واحد من جامعتك يقول عكس الكلام ده ويقول البلاوى اللى فى جامعتكم ثالثا هجيبلك اللى حول من جامعتكم لجامعة مصر يقول الفرق بنفسه |
اقتباس:
العكس هو الصحيح |
اقتباس:
عالعموم انا بقالى سنة ومشوفتش الا خناقة واحدة وخلصت بسرعة عادى بتحصل فى اى مكان ومسمعتش ان البوكس دخل الجامعة |
اقتباس:
|
حاجة كمان يا عسل فى احد الجرايد المشهورة من فترة قريبة عنوان عريض عن فضائح جامعة 6 اكتوبر
|
انا حبيت ارد بس عشان محدش يتخدع بكلامك
|
اايه يااخ ميلانو بشويش شوية على راجل هو قال رايه فى الجامعه
وحضرتك نزلت هجوم عليه بشكل غير طبيعى |
اقتباس:
لو حضرتك عرفت مدى خطأ وكذب الكلام اللى قاله هتعذرنى لو كان انتقد باحترام و صدق كنت كلمته باسلوب مختلف |
اقتباس:
ياريت تقولى بصدق التجاوزات القليلة اللى بتحصل عندكم ولا اجيبلك ناس من جامعتك العريقة يقولو ؟؟ |
مستنى ردك ............
|
ياجمااااااااااااعة عاايز رأأيكم ف جامعة 6 أكتووووووبر
|
بص يا شريف معلش متقولش كلام فتي و خلاص علي جامعة انتا متعرفش عنها حاجة و بتسمع كلام و خلاص او انك مجبتش مجموعها انا مش عارف
اولا : كلية طب جامعة مصر السنة اللي فاتت واخدة 95.5 او 96 و 6 اكتوبر 85 !!!!!! تانيا : لو انا كداب و بفتي بطلب منك تسأل اي دكتور ف القصر العيني و قولو طلبة جامعة مصر مستواهم ايه ثالثا: لو ماكنش ليها اعتماد مكنش سمحت وزاره التعليم ف كل البلاد للطلبة بتوعها انو ييجو الجامعة عندنا اللي فيها كل الجنسيات اردن و فلسطين و عراق و سعودية و كويت و نيجيريا و ماليزيا لو مكنتش معتمدة ماكانوش جم رابعا : امن ايه دا روحت حفل الجاليات(و حفل خالد سليم) السنة اللي فاتت البنات كانوا بيتمرمطو خامسا:انا اعرف اربعة فيها واحد ف طب و اتنين ف اسنان و واحد ف بيزنس كلهم عاوزين يحولو و بيقولو جامعة زبالة و مستعد اديك اسماءهم عشام متقولش عليا كداب سادسا : تعليم ايه دا كتاب الفيسيولوجي بتاعكم كان 150 و احنا 420 و الاناتومي شايلين نص المعلومات و سايبنلكو اسبوع ادام كل مادة و احنا بنمتحن كلو ف اسبوع ... ف بعدين نصيحتك امانة المفروض متقولش اي كلام و خلاص اخويا اللي سأل لو عاوز تخش طب او صيدلة خش must او gus saydala عاوز اسنان خش miu دي نصيحة بجد من واحد سأل علي كل الجامعات الخاصة |
بعدين انا هتكلم عن طب لو دخلت جامعة 6 اكتوبر هتندم اشد الندم والله والله مفيش تعليم نهائي و متصدقش اي كلام يتقالك
|
اقتباس:
كويس برضه عشان الناس يعرفو الصح من الغلط وهو من ساعة مرديت عليه مش قادر يدخل يرد ولا هيحصل لانه عارف انه كداب وانا برضه قولتله هجيبله طلبة من جامعته يحكو عنها صح |
لا توجد جامعة بلا عيوب ويجب ان نرتقى بأسلوب النقاش فيما بيننا واكيد الكل متحيز لجامعته مهما ما كان فيها من عيوب (فلا داعى للعصبيه فى الرد والنقاش ) |
بالنسبة للجامعات الخاصه
كلية الصيدلة مستواها حلو فى مصر الدولية كلية الهندسة فى الجامعة الالمانية اما بالنسبة للطب البشرى فمش حلوة فى اى جامعة خاصه انصحك تبعد عن جامعة مصر و6 اكتوبر وحاول تدخل جامعة تاخذ منها معادلة دولية لشهادتك دا يساعد كثير ومش ننسى يا جماعه الاكاديمية العربية طبعا مستواها ممتاز جدا جدا وانصح اى طالب انه يدخلها وخاصة فرع الاسكندرية لانه طبعا الاساس وربنا يوفق الجميع |
الصراحه معرفش حاجه عن الاتنين لانى فى مدينة الثقافهة والعلوم بس بيقولوا ان جامعه 6 اكتوبر مفيهاش تعليم
بس انا مليش دعوه هما اللى بيقولوا ههههه انا مقلتش حاجه |
| جميع الأوقات بتوقيت GMT +2. الساعة الآن 08:55 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.