|
مسألة صعبة جدا ياريت الحل من المدرسين
ياريت حد ييحل المسألة دي
سفينة تبحر بعيدا عن جبل علي شاطئ بسرعه 50 متر/ثانية وعندما كانت علي بعد 800 متر اطلقت صوتا عاليا احسب الزمن الذي يمضي حتي يسمع قبطان السفينة صدي الصوت علما بأن سرعه الصوت في الهواء 320 متر/ثانية |
اقتباس:
مش صعبه اوى والله دى عامله زى بتاعت الانخفاض والارتفاع بتاعت رياضه 1 لو فكراها بالظبط بصى يا ستى : هو دلوقتى عشان يوصل ل800 بعيد عن الجبل ده خد 16 ثانيه لانه بيمشى 50 متر كل ثانيه (ملهاش لزمه) فهو عشان يسمع صدا الصوت يعنى الصوت رايح جاى فى مسافه 800 متر يعنى هيمشى 1600 متر 800 رايح و800 جاى ولاأن سرعه الصوت فى الهواء 320 متر فى الثانيه يعنى بيقطع 320 متر كل ثانيه يعنى عشان يقطع 1600 متر هياخد 5 ثوانى 1600/320 مع ان المفروض حسب ما حلينا انهارده فى الدرس ان سرعه الصوت 340 m/s مش 320 http://img338.imageshack.us/img338/83/34295819.jpg دى صوره عملتها للتوضيح يعنى ... رمضان كريم واعتقد ان اجابتى صح وهتأكدلك من مدرسى بكره اوكى |
لاحظ ان السفينة متحركة مش ثابته
|
اقتباس:
اصلا انا حاللها على اساس انها متحركه على فكره وعشان اتأكد هسأل بكره لانك لو فرضت انها مش هتبقى مش فى موضعها عند اطلاق الصوت مش هنخلص:d وهتقعد تحلها فى يومين |
انا اعتقد برضه ان اجابة ArabianPDA صح
|
اقتباس:
والسفينة اصدرت الصوت وهي متحركة وانت حليتها عشان يقطع 1600 متر هياخد 5 ثواني بس هي متحركة يعني هيقطع اكتر من 1600 لان 800 متر دي المسافة بينها وبين الجبل لحظة اطلاق الصوت فياريت حد يحلها لانها جننتني |
اقتباس:
طيب شوف كده انا فكرت فى حل تانى وبرضه لسه مسألتش بس شوف كده: بما ان السفينه متحركه وعند لحظه اطلاق الصوت كانت متحركه بسرعه 50 م/ث اذا المطلوب ايجاد نقطه تلتقى فيها السفينه متحركه والصوت الناتج عن الصدى يعنى ،، دلوقتى لما الصوت يقطع 1600 م السفينه هتقطع 250 م فى 5 ثوانى ولان الصوت اسرع يبقى هيلحقه فى زمن قدره 0.78125ثانيه 250/320 عشان نجيب الزمن الى هيلحق السفينه فيه اذا الوقت كده هيبقى 5 ثوانى بتوع ال1600 م + ال0.78125 ثانيه بتوع ال250 م = 5.78125 ثانيه اعتقد كده حل منطقى اكتر من الى فات كمان واستاذى سافر انهارده معزوم لما يرجع هسأله واتاكد |
هو الاجابة الصحيحة للسؤال بالظبط 5.9 مش 5.7 حاول تاني
|
ياااااااااااااه مسألة تعقد انا مليش فى المسائل الصعبة دى
والنوع دا مش بييجى فى الأمتحان اعتقد المسائل بتيجى مباشرة الى حدا ما |
اقتباس:
بس في حاجة ممكن نعملها في حكاية صدي الصوت وهي موجودة في الشرح بتاعها يعني لما كنا بنقول يجب الا تقل المسافة عن 17 متر كنا بنحسبها من العلاقة x=v.t/2 ومن العلاقة دي ممكن نحسبها x=v.t/2 t/2=x/v=800/320=5/2 t/2=5/2 t=5 ويا ريت اكون افدتكم وعلي فكرة انت مخك كويس جدا ما شاء الله |
اقتباس:
طيب مادام انت عارف حلها بتطلبه مننا ليه؟ اكتب الحل عشان نستفيد |
اقتباس:
والله برضه انا شايف ان الحل هيبقى 5 بس برضه حطيتله حل تانى انها نتتحرك وطلع 5.8 و بيقولك 5.9 معرفش صراحه ياريت صاحب الموضوع يقول هيا 5 ولا 5.8 ولا 5.9 ليييييييييييييه؟ |
اقتباس:
وامتحان 2008 :giljotiiniug3::giljotiiniug3::giljotiiniug3::gilj otiiniug3::giljotiiniug3::giljotiiniug3::giljotiin iug3: دليل على كلامك يابنى |
اقتباس:
المسألة دي لسة موصلتش لحلها بس المدرس طالب مننا نحلها واعطلنا الجواب 5.9 وقولتله 5.7 قالي لا الجواب الصحيح هيبقي 5.9 غير كدا يبقي فيه حاجة غلط |
اقتباس:
هو بطريقتى التانيه طلع 5.8 مش 5.7 |
صراحة حلك الاول انا كنت ماشية زيه لكن كده ما استفدتش من سرعة الصوت فى الهوا بصراحة مسألة محيرة بس حسه ان فيها غلط انا هسأل استاذى واشوف هيرد يقول ايه
|
انا فكرت فى حل تانى بما ان السفينه بتبحر وبتصدر الصوت منها هنعتبر وقت انطلاق الصوت منها عند نقطة ثابته والمسافة بين السفينة والجبل 800متر وسرعة الصوت فى الهوا 320 متر على الثانية هنحسب من قانون السرعة = مسافة على زمن
ومنها الزمن هيساوى مسافة على سرعة 800/320=2.5 ثانية وكده هيكون بس زمن وصول الصوت للجبل السفينة متحركة يعنى هتسير فى البحر وهتبعد ولانها بتسير بسرعة 50 متر على الثانية ففى الوقت اللى بيوصل فيه الصوت للجبل تكون بعدت مسافة 125 متر ومنها نكون شكل لمثلث وبفيثاغورث هنحلها علشان نطلع المسافة بين الجبل والسفينة بعد تحركها =809.706737ومنها عندنا سرعة الصوت فى الهوا 320 يعنى هنجيب زمن وصول الصوت من الجبل للسفينة او القبطان = 809.706737/320=2.530333553 وبكده يكون عندنا زمن الذهاب وزمن العودة وبالجمع يكون الزمن النهائى 5.030333553 ودى نهاية المسألة معى مش قادرة اكتر من كده |
اقتباس:
ياااااااااااااااااه دا كدا اتعقدت اكتر الحل الوحيد ان مدرس في المنتدي يدخل يفيدنا ف الموضوع دا ياريت مدرس يدخل رجاااااااااااااااااااء انا هتجن |
يا شباب
عندما يتحرك جسمان بسرعتان V1 و V2 في إتجاهين متضادين فإن السرعة النسبية لأي منهما بالنسبة للأخر v = V2 - v1 و عليه تكون سرعة الصوت بالنسبة لقائد السفينة 320 - 50 = 270 m/s و بالتعويض في القانون x = v.t /2 1600 = 270 t x t = 1600/ 270 t = 5.925 sec |
اقتباس:
تمااااااااااااااااااااااااااااااااااام :022yb4: الله ينور عليك |
انا عملتها بحل تانى اصل فكره سرعتين فى اتجاهين متضادين دى منعرفهاش حلى التانى بيقو ل
ان الصوت اتحرك 1600 متر فى 5 ثوانى ويبقى كده السفينه قطعت خلال 5 ثوانى 250 متر ويكون المسافه الكليه 1050 متر بعد كدا هيقطع الصوت مسافة 250 متر فى 0.78125 ثانيه يبقى الصوت قطع 1850 متر فى 5.78125 ثانيه تكون السفينه قطعت مسافه قدرها خلال 0.78125 39.0625 متر نضيفهم على 1850 يدينا مسافه قدرها 1889.0625 متر وبعد كدا نقسم المسافه دى على 320 يديناالناج النهائى 5.90332 ثانيه بيتهيالى دا صح وحل اخر هو طويل بس الطريقه الاولى دى منعرفهاش وشكرا |
اقتباس:
|
انا حلتها بحل رياضى وصح بس على فكرة المسألة دى موجودة فى الفصل التانى
انا اسفة هكتبهالكم بعد الفطار رمضان كريم |
اقتباس:
فعلا بالنسبية هتتحل بسهوله كلامك تمام |
هو فين نسبيه اينشتاين ؟؟!! لسه مخدتش حاجه منها وياريت حد يفهمنى ليه اتحلت 5.9؟؟ ازاى بس رجاء عشان مش داخل دماغى الحل |
هو ماشى انا فهمت الحل كحل بس سؤااااااااالى امتى نعمل باقى المسائل كده؟؟ |
يا جماعة ده حل رياضى وفى نفس الوقت فيزياء
احنا هنقسمها زمن وصول الصوت من السفينة للجبل وده احنا متفقين عليه هيكون 2.5 ثانية وسهلة طبعا من قانون السوعة = مسافة على زمن يعنى ن1= 800/320=2.5 ثانية المشكلة هنا فى ن2 وهو الزمن اللى هيوصل فيه للسفينة المتحركة زمن الالتقاء بعد ن ثانية المسافة التى قطعها الصوت فى ن ثانية = المسافة التى بين السفينة والجبل 320 ×ن =800+125+50ن 270ن=925 ن=925/270=3.425925926 اذن الزمن الكلى = ن +ن1=2.5 +3.425925926=5.925925962 يعنى من الاخر 5.9 على فكرة 125 دى المسافة التى بعدتها السفينة فى خلال 2.5 ثانية اللى وصل فيها الصوت من السفينة للجبل 50ن دى المسافة المجهولة التى تبعدها السفينة لانها متحركة ارجو تكون وصلت الفكرة اللى عايزه اوصلها |
على فكرة لسه فى حل تانى بس مش على الفصل الاول
على الفصل التانى يا ريت يا جماعة نبقى نحدد المسألة من اى فصل |
يا أعزائي الحل باستخدام السرعة النسبية و ليس النظرية النسبية
و ده حل المسألة الصحيح و طلبة علمي رياضة هيدرسوا السرعة النسبية أما بالنسبة للطالب اللي بيقول النظرية النسبية ده موضوع تاني ليست المسألة خاضعة له |
لن تصلح كلها سرعة نسبية لان الصوت سيغير اتجاهة بسبب انعكاسه من الجبل
اما الحل الأسهل كما اراه 1- زمن الصوت من الأنطلاق حتى الرجوع لنفس نقطة الأنطلاق هو 5 ثوانى (متفق عليه) 2- نحل باقى المسئلة سرعة نسبية (كأن السفينة واقفة على بعد يساوى 5*50 والصوت هو الذى يتحرك بسرعة 270 حتى لا تتعقد رياضيا وبالتالى فالزمن اللازم هو 250 على 270 ويساو ى 0.9259259 وبالتالى الزمن الكلى مجموعهم 5.9259259 |
اقتباس:
حل مبسط اوى بارك الله فيكم وجزاكم كل خير |
اقتباس:
نسبية اينشتين مش على طلاب احياء السنة اللى فاتت تقريبا لسه اللى هياخذوا رياضة السنة دى هياخذوها الحل بالطريقة دى رياضى |
اقتباس:
انا احياء السنادى على فكره والرد ده كُتِب قبل ما احلها بنفسى بالورقه والقلم والحمد لله حليتها عموما الاستاذ بتاعى ادانى انهارده امتحان زى بتاع 2008 هصوره وارفعه فيه شويه مسائل فظيييييييييييييييييييييعه مريييييييييييييييييعه بهزر هو بس كان رزل شويه بس وفيه مسائل جديده وهصوره وانا عندى فكره ان كل عضو مننا يرفع امتحانات الدروس هنا ونمل database عشان نشوف مستوى امتحانات المدرسين على مستوى الجمهوريه شهرياً |
اقتباس:
موافقة على الفكرة بس يا ريت زى ما قلت تكون المسائل على الفصول اللى اخدناها ونحدد الفصل اللى عليه المسائل هى مسائل 2008 على الفصل الاول ولا ابعد وانا فتحت موضوع الاسئلة الجديدة فى الفيزياء يا ريت الاعضاء يكملوا فيه الاسئلة الجميلة دى علشان المدرسين يتابعوا معانا وعلشان يكون موضوع واحد بدل كثرة المواضيع |
اقتباس:
لا هو مش جايب مسائل 2008 مسائل بنفس الدرجه يعنى وانا شايف انها مش تهويليه اوى برضه والمسائل الى فيها افكار هنزلها هناك |
سؤااااااااااااااااااال جديد :stickjo4: سفينة تبحر بعيده عن جبل علي شاطئ وعندما كانت علي بعد 600 متر أطلقت صوتا عاليا وبعد مرور 4 ثواني سمع القبطان صدي الصوت احسب سرعة السفينة علما بان سرعه الصوت 320 متتر / الثانية :049gc0: |
اقتباس:
الحل كام الاول انا حليتها 21.3 م / ث بس ثوانى اقعد احلها |
اقتباس:
الحل 10متر /الثانية حاول تاني كدا:078111rg3: |
اقتباس:
من كتاب ايه المسأله دى هى طلعت معايا 20 فى اول مره مش 21 بس عملتلها كوبى غلط من ع الاله الحاسبه ع الاوبنتوا لكن هحاول تانى و س هى من كتاب ايه؟ |
انا مش جايبها من كتب هو المدرس بيعطلنا مسائل للتفكير كل حصة كدا
|
الناتج اللى بتقول عليه مش صح بأىحال من الأحوال والمفروض تكون سرعتها 60 م/ث علشان الناتجيطلع عدد صحيح
الحل : المسافة التى تحركتها السفينة من اطلاقها الصوت وحتى سماع الصدى ( x ) = = 60 × t الزمن الذى يستغرقه الصوت للذهاب والعودة للسفينة = 1600 + x ( المسافةالتى تحركتها ) / 320 ثم تعوض عن x وتطلع الزمن تجده يساوى 10 ثوانى معذرة ليست بالتفصيل لأن الكتابة صعبة شوية وعلشان تتأكد من الحل عوض بالزمن 10 ثوانى واحسب سرعة السفينة ستجدها 60 م/ث ولو عوضت عن السرعة بـ 50 تطلعكسر أقل من العشر ة وشكرا |
المسألةالأخيرة السرعة تطلع 20 م/ث
|
اقتباس:
نفس رأيي بالظبط اخى |
اقتباس:
انا حلتها ب3 طرق مختلفة ونفس اجابتك 20 متر / ث |
اقتباس:
مستنين اجابه اخونا صاحب السؤال انا والله حليتها فتاكه و خطوات طلعت 20 برضه |
و انا برضه حليتها و طلعت عشرين
و ده الحل المسافة التي قطعها الصوت في 4 ثواني = 4*320 = 1280 منهم 600في الذهاب للجبل يبقي المسافة من الجبل للسفينة = 1280-600 =680 نحذف منهم 600 يبقي المسافة التي قطعتها السفينة في 4 ثواني = 680 - 600 = 80 يبقي سرعة السفينة = 80 \ 4 = 20 و احنا خدنا مسألو زيها بالضبط بس ارقام تانية و ده حلها |
اقتباس:
يبقى فيه احتمال من اتنين يا اما كلنا غلط ومدرسه صح يا اما مدرسه غلط:ph34r: |
أنا هكتبلك فكرة الحل وحل انت
زمن تحرك السفينة = الزمن الذى يقطع فيه الصوت الذهاب إلى الجبل و العودة إلى الموقع الجديد للسفينة x/50 = 1600+x / 320 x=293.2 m t= 1600+293.29 / 320 = 5.92 s |
الحل طلع معايا 20
|
المسافة التى قطعتها السفينة بعد اصدار الصوت 80
|
| جميع الأوقات بتوقيت GMT +2. الساعة الآن 12:03 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.