نتيجة تنسيق رياض الاطفال بالسكندرية
 

لوفيه حد يعرف حاجة عن الموضوع السري ده يقول النتيجة حتطلع امتي واسم الموقع ايييه:giljotiiniug3:

المفروض طبعاً إنها تظهر على موقع المحافظة

وكان صدر فى الصحف أنها ستعتمد يوم الاتنين أى اليوم
ولكن حتى الآن لا أخبار عنها
وكأنها سر حربى
نحن نتابع الموقع وربنا يسهل إن شاء الله

كل عام وانتم بخير
ياريت الموقع اللي هتظهر عليه النتيجة

على فكرة عدد المتقدمين 37 ألف والمتاح فقط 10 الاف والسن اللي هيتوقف عليه التنسيق 5 سنوات و 4 شهور ودي كارثة كبيرة عشان كده هما متأخرين علشان يشوفوا حل للمشكلة دي إزاي يلاقو أماكن للأعداد دي أو على الأقل لغاية سن 5 سنوات
والموقع اللي المفروض هتظهر عليه النتيجة هو
http://www.alexandria.gov.eg/Home.aspx

ياريت نفضل متابعين وانا اخر خبر انها 24/8

متابعين والله
بس متأخرة أوى لو إتأجلت ليوم 24

بالله عليكم كيف يكون الطفل عنده 5سنين الا شهر وما يجدش مكان فى كى جى ون
يعينى لوحصل يدخل سنة اولى 8سنين

الاعداد فعلا كبيرة جدا والمطلوب اقل السن لن ينزل عن 5 سنوات وشهرين علي الاقل نصيحة مدارس القوميات والمدارس الخاصة افضل واحسن وخصوصا المدارس اللغات الفرنسي فيها خدمة ممتازة وبنفس تقارب المصاريف لان اغلب المدارس تحولت لتجريبي مميز

الوزارة دى مش بتفكر لو كل الناس دى دفعت1100 يدخل للوزارة كام
37000*1000

37000*1100
ده بس فى محافظة واحدة

النهاردة 24/12 ولسه النتيجة مظهرتش دي ولا الثانوية العامة

29/12و لسه

النتيجة طلعت على الرابط دة
http://www.alexandria.gov.eg/service...G/default.aspx

بنتي استنفذت الرغبات هل هناك مرحلة ثانية للتنسيق

عليه العوض ومنه العوض
حسبنا الله ونعم الوكيل
التنسيق السنة دى سئ للغاية وده نتيجة عدم التخطيط الجيد ازاى اطفال تعدوا سن ال5 سنين واشهر لا يقبلون
عايزين تخلوهم للسنة الجاية ويبقى اللى قدهم فى سنة اولى وولدنا متأخرين حسبنا الله ونعم الوكيل

فعلاً النتيجة كانت سيئة جداً
خمسة سنوات وزيادة ولا مكان لهم
يعنى يقبلوا فى الحضانة ستة وشوية يصلوا أولى ابتدلئى تمانية وشوية
هل هذا كلام معقول ؟

ويقال أنه بعد يوم 15/9 قد تكون هناك مرحلة تانية



بالتوفيق للجميع

عليه العوض ومنه العوض

لا توجدمرحلةتانية
الحقيقة ان الادارة لايصة ومش عارفة تعمل ايه واخر افتكسات الادارة ان الناس تكتب طلب عليه رغبة المدرسة اللى عايزها ويقدمها فى مركز التقديم السابق وهم حيفحصوا الامر هههههههههههههههههههههههههه0
كذابين اكيد حيفرضوا علينا مدارس وقيع
والادهى من ذلك ان المدارس الخاصة معوجة هى كمان وكل ما نروح مدرسة يقولوا رمضان كريم كل سنة وانتم طيبين احنا استكفنا من زمان
ولم يتبقى الا المدارس الخاصة الوقيع
حسبنا الله ونعم الوكيل
37000متقدم*25جنيه اكللوهم على الناس ويقلولك دول تمن الكتاب فى حين ان اسماء المدارس كلها ممكن تتكتب فى ورقتين وكان الله بالسر عليم لكن احنا بنحب نتفشخر واحنا حتى مش قادرين نوفر لاولادنا اما كن فى المدارس
ملحوظة السنة اللى جاية حيحصل فيها كده برده

بلد ليس فيها أى تخطيط نتيجة تنسيق الروضة ولا الثانوية العامة أصبح ولى الأمر يحمل هم ابنه أو بنته منذ الكى جى لماذا لايتم بناء مدارس جديدة تستوعب الأعداد وتنزل بالسن طالما أن التجريبى أصبح مصدر مهم جدا للمال للوزارة ولا هو منطق الجباية لا أملك ‘لا ان أقول حسبنا الله ونعم الوكيل فى بلد لا تستحق منا كل ما نفعله بها بسبب أناس تاجروا بمعاناة الغلابة

حسبنا الله ونعم الوكيل

بجد لن نقول سوى حسبنا الله ونعم الوكيل كرهتونا فى بلدنا وفى التعليم وف كل أمل كأن البلد لناس معينة وبس ابنى خمس سنوات وثلاثة أشهر وعشرة أيام ولم يُقبل!

نتيجة المرحلة الثانية هتظهر امتى ونعرفها ازاي

عليكم التوجه إخوانى الكرام
وكل من لم يلتحق ابنه بمدرسة
التقدم لمركز خدمة التنسيق الذى سبق وقدمتم الأوراق به للاستعلام
لأنه تم النزول بالسن إمرة أخرى
وبناءً عليه عليكم متابعة الموضوع

بالتوفيق للجميع