ع فكره الموضوع منقول حبقي اشوف رأيكم وبعدين ابقي اقول رأيي

شكرا ع المرور يا مها

وبالنسبه لموضوع احفاد الفراعنه والعك دا فصاحب الموضوع الاصلي عنده حق فيه
لان فعلا دا تخلف وتواكل ان احنا طول عمرنا عمالين نفوله احنا جدادنا اللي بنوا الاهرامات

يالا زي ما قولتي لا يغير الله ما بقوم حتى يغيروا ما بأنفسهم

شكرا ع المرور مره تانية

شكراااااااا ع المرور يا ايمن
تقبل تحياتي وبجد عندك حق
وكفايه كلمه بسام بجد طلعه منك زي العثل

مع اني مقتنع بكلامك
بس يعني هو سيادتك مش من الشعب ده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ومش اتربيت علي كده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ومش ساعات بتلاقي نفسك بتمارس التخلف ده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

<div align="center">ياباشا كل ده صح بس اى دولة متقدمة فى العالم بتوفر لابنائها سبل الراحة وبعدين معلش احنا دولة بتسرق من زمان وبردو لسه عايشين فى خيرها ولاايه ؟ ؟ ؟ ؟ ؟ ؟ ؟ ؟ ؟ </div>

<div align="center">ايه يا حج كل حاجه على الشعب

طب ما تسأل نفسك سؤال واحد

يا حج بسام


هو ليه الشعب بيعمل كده ولما تسأل نفسك ابقى أقولى جوبت على نفسك وقلت ايه

؟


ايه ياعم اصحى وشوف انت بتكتب ايه فكر ايه اللى خلانا نبقى كده
</div>

عندك حق شعب دماغه ضاربة اصلا

لازم الواد يدخل ثانوية عامة عشان الوجاهة الاجتماعية الفارغة وفى الاخر هيدخل تجارة ويتخرج ويقعد ع القهوة

الشعب الوحيد -بالاضافة للشعوب العربية - اللى لما يتعب يروح يسأل الصيدلى او شيخ الجامع بدل ما يروح للدكتور ويتنصب عليه باسم الطب النبوى

سلوكيات كتير اوى عجيبة فى الشعب ده

<div align="center"><span style="font-family:Comic Sans MS">يا جماعه مهو لو كل واحد يتقى ربنا ف لقمة عيشه مش هيمد ايده ويسرق الدولة ومال الشعب

مكنش الحال بقا الحال

ومكنش فى طبقات شعب

كان كله بقا زى بعضه

وطبعا ده يستحيل يحصل لان عمر الدنيا ما هتبقا كلها خير ولا كلها شر


شكرا مرة تانية على الموضوع الجامد يا بسام من غير دكتور :D </span></div>

شكرا ع المرور

ع فكره الموضوع منقول

بس انا مبحبش العصبيه ف الكلام
يالا اللي عايز يتناقش يحاول يهدي شويه

الموضوع واقعى

بس مفيش حاجة هتتغير ومحدش يقدر يغير مجتمع زى مجتمعنا ده

وبما اننا من الشعب ده

فيطلق على كل واحد مننا ايضا لقب [/color) .] [color="#FF0000"]( متخلف )

عايز اقولك حاجة كمان موضوع واقعي جدا فعلا بس ليا تعليق

شعب برده مش عارف يميز الموضوع اللي كاتبه انه هيقراه بنت وولد و مينفعش اختك تشوف الشتيمه اللي في الاول دي ولا ايه

بس بجد شعبنا يستاهل اكتر من كدا و الله عندك حق

اخوكم احمد

شكرا ع المررو يا بوحميد
ع فكره انا قلت الموضوع منقول مغيرتش فيه حرف
ثانيا اي بنت بتسمع اسوأ من كدا لو مشت ف الشارع ربع ساعه

صحيح دي عاده مش كويسه بس بجد انتشرت جدا وهي تبادل الشتائم ف الشوارع والخناقات

يالا شكرا ع المرور

اولا ربنا يخليك يا باشا علي ردك و تقديرك لردي و معلش علي ردي بس مادام البنت بتسمعه في الشارع و بتسمع اكتر من كدا لا خلينا هنا بقه احنا احسن ولا البنت هتلاقي الفاظ هنا و الفاظ هنا مش معقول و الف شكر ليك مرة تانيه

ههههههههههههه
بصراحه عندك حق بس انا مش متعود اغير ف موضوع نقلته لانه مش ملكي عشان اغير فيه

يالا شكرا مره تانية ع المرور الجميل

<div class='quotetop'>إقتباس(Daredevil @ Jul 22 2007, 05:49 PM) [snapback]341893[/snapback]</div>العفو يا باشا و شكلنا بإذن الله هنبقي صحاب

و بعدين ايه مش ملكك دي اما هوا مش ملكك بتاخد حاجة مش بتاعتك يا وحش هههههههههههههه

السلام عليكم ورحمة الله وبركاته
عندي سؤال يا بسام معلش
اللي كتب الموضوع دة من أنهي شعب؟!
مين سمحله يتحول لناقد على تصرفات الشعب..واللي هو كاتبة دة لوحدة جريمة
شوف في حديث عن الرسول صلى الله عليه وسلم بيقول فيما معناه
( إذا قال الرجل هلك القوم فهو اهلكهم )
يعني هو اكثرهم هلاكا ( اهلكهم اسم تفضيل ) أو هو السبب في هلاكهم ( أهلكهم فعل)
استفاد اية صاحبنا من دة ..مش هيغير حاجة..دة بينتقل من سئ لأسوأ
بسم الله الرحمن الرحيم
ذَلِكَ بِأَنَّ اللَّهَ لَمْ يَكُ مُغَيِّرًا نِعْمَةً أَنْعَمَهَا عَلَى قَوْمٍ حَتَّى يُغَيِّرُوا مَا بِأَنْفُسِهِمْ وَأَنَّ اللَّهَ سَمِيعٌ عَلِيمٌ

<div align="center">المصري هيفضل مصري البوليس وراه والبلهاريسيا جواه وعمره ما يقول أه </span></div>

اجدادكوا ايه بلا نيله ههههههههههههههههههههههههه حاجه تضحك اوي مصر عليها ديون بمليارات يعني يكفوا يبيعوا

مصر لا وايه لكل دول العالم حتي اوزباكستان هههههها كتبه الاسكندريه من الاستسمار الانمساوي مهنسين وفلوس مصريه يعني مش من مصر اللي عملتها تصميمها روعه دول تقريبا تلات ادوار تحت الارض وحاجه جميله جدا نيجي للمترو

بدردوا مصر مش هي اللي عملا معروف طبعا كل حاجه في البلد دي مش بتاعتها حتي النيل اللي النيل هبه مصر

الناس ولو ماخذه بيرموا فيه زباله والحيوانات بيفضوا فضلاتهم فيه يعني فضايح والشحاتيين اكتر من شعر الراس يعني انت والله يابسام متعرفش ايه الي بيحصل هنا انتوا عندكم اخف بكتييير ونيجي للزحمه يااااااااااااه حاجه تقرف وقال ايه

مصر ام الدنيا قال ههههههههههههههههههههههههها مصر دي من ازبل البلاد اللي عشت واللي هعيش فيها تعرفوا
والله العظيم لولا اني بحبكم وفي ناس موجوده في مصر بحبهم وخلاص اتربط بيهم لكنت ذهبت للعيش في تركيا

قرايبنا كلهم هناك لا وامشي هنا في الشارع الناس بتتفرج عليا ليه مش عارف وسعات يشتموني مع اني معملتش حاجه كل دا علشان شعري وطريقه لبسي بيفتكروني قال مش عارف عربي ولا ايه مش عارف ايه الهبل دا

لا والتعليم حاجه زبلاه حسبي الله ونعم الوكيل انا اتمنيت اني اتولد من غير قلب علشان محبكوش ولا احب اصحابي مكنتش هبقي هنا في البلد الزباله دي

بص يا اخ محمد
انت عارف ان كل اللى فى المنتدى من مصر
وهما هيقروا ردك
فلو انت كنت بتعزهم بجد مكنتش هتقول كده على مصر
احنا اه مش راضيين عن اللى بيحصل سواء من الشعب اللى انا منه او من الحكومه لكن كان لازم تحترم شعور كل واحد هيقرا الموضوع
وعلى العموم لما تبقى تعيش فى تركيا ابقى اشتم فيها براحتك ههههههههههههه
ومتزعلش منى اذا كان مش عاجبنى ردك
ولو هتزعل فانا اسفه

هنفضل نشتم كده فى بعضينا لغايه مانموووووووووت

بصو بقي الموضوع كبير وانا كذا مره نقول النواحي الاليجابيه بردوا انتوا المصريين علي النواحي السلبيه حبيت ازكرها


وانا مقلفتش دي الحقيقه وانت كل يوم بتشوفيها صح

وانا مستعد اعدل مشاركتي او احذفها خالص منا عارف ذكر النواحي السلبيه وانك تواجهي حد بمشكلته بيزعل علي طول

شكرا ع مروركم كلكم
ومش معنا ان احنا بنقول العيوب اللي ف مصر ان مصر دوله مش كويسه ولا حاجه
المهم ان احنا نكتشف سلبياتنا ونحاول نعالجها
وبعدين مش مصر بس اللي فيها عيوب
فيه دول تانية مليانه عيوب مثلا تركيا
لان مصر فيه حريه راي وابداع وحريه اعتقاد ودا تقريبا مش موجود ف تركيا غير حاجات تانية كتير
تقبلوا تحياتي

اه فيه حاجه
بلاش مثلا نكوت زي النعام نخبي راسنا ف التراب
ونقول مصر ام الدنيا مصر احسن بلد ف العالم
لان اللي بيقول كدا ىبيخدع نفسه
ومش معني الكلام ان مصر كلها سلبيات او عيوب
فيه ميزات مش موجوده ف شعوب تانية زي الحب مثلا ومراعاه حقوق الجيره احيانا والتعاون والمحبه اللي بين الجيران والكرامه والشرف
بس برضه فيه سلبيات ياما مش مفروض اننا نبعد عنها ونتجاهلها المفروض ان احنا نحاول نقومها

والموضوع فيه بعض السلبيات
وياريت بجد لو كل واحد ابتدي بنفسه شاف عيوبه بجد حيكون اجمل
سلام

والله عندك حق

وفي حاجات تانيه كتير انت نسيت تقولها

مين قال ان في تركيا مفيش حريه ولا ابداء الراي المهم مصر بلدي وانا فخور انها بلدي وتركيا بلدي وبردا انا كمان فخور اكتر واكتر انها بلدي


بس مصر محتاجه حجات كتير اوي علشان تكون زي تركيا علي الاقل نظام واخلاقيات الناس الناس حتي نسيت انهم اتخلقوا علشان يعبدوا ربنا

<div class='quotetop'>إقتباس(mohamed amar @ Jul 24 2007, 03:12 PM) [snapback]342691[/snapback]</div>

لا تعليق اينعم انا اقدر اشتم في بلدي بس مقبلش ان حد يشتم فيها و بعدين اديك بتقول انا اعرف ان معظم الشعوب المتحضرة معندهاش حاجة اسمها حب و قلب و الكلام ده يا استاذنا يعني من الافضل ان حضرتك تروح تركيا هتفيدك احسن و علي فكرة انا شوفت برده الردود في الاخر وان حضرتك بتتكلم علي السلبيات بس لو حضرتك مش عايز تشوف حاجة وحشه و تتعب اعضابك و اقاريبك هناك تبقي تركيا اولي بيك

سلام

شكرا ع مروركم وشكرا ع تعليقاتكم

والله ما انتوا فاهمين حاجه وادي الموضوع خلص ومستفدناش بحاجه هو دا الشعب المصري الجميل

هههههههههههه
الموضوع مخلص يا محمد لو عايز تتكلم انا معاك اهو
شوف انتا عايز تتكلم ف ايه وانا حتكلم معاك
الموضوع لسه طويل
واي شعب ف العالم ليه سلبياته وليه ايجابياته
يالا مستنيك عشان نكمل

على فكرة انا ماقبلش ابدا ان حد يقول كدة ايه متخلف متخلف اياك حد ينطق بنص كلمة على الشعب المصري عشان مانخسرش بعض هه

"شعب بيرمى زبالته فى المكان ألى بيعيش فيه"
ماهو اما عملو صناديق الاونيكس في الشارع حطوها جوة العمارات فالناس ملقتش حته ترمي فيها زبالتها

"شعب لسه ميعرفش الفرق بين الأشاره حمرا و الأشاره خاضره"
اظن لو سائقين مش هايبقي يعني حد معاة حق العربية اللي مشتريها مش هايكون عارف الاشارة ولا سواق التاكسي الغلبان اللي خايف على رخصته ولا المشاة اللي اكيد خايفين على حياتهم وانا من المشاة ولما الطريق بيقفل اوى الناس بيشورولي اعدي عادي خالص يعني في تعاون كبير واكيد ناس كتير لمست الموضوع دة ( الكلام دة لو اشارات المرور متوفرة ف كل حته ولا الشعب برضه اللي بيحطها )

"شعب بيتحرش ببناته فى الأتوبيس و السينما و الشارع"
ده بيحصل نادرا وخصوصا لو بناته دول على حل شعرهم وبعدين فين الناس دول اللي ف الاماكن العامة دي اللي هيرضو بكدة ولو البنات دول خايفين فعلا ايه اللي يوديهم اماكن فاضية مافيهاش ناس بالليل ولوحدهم

"شعب عايش لسه فى و هم مصر أم الدنيا و هو حتى مش عارف يحافظ على تاريخ بلده"
مصر فعلا ام الدنيا وده مش وهم وكفايه اذكر احمد زويل ومصطفى مشرفة وغيرهم كتير اديني اهو مش بقول فراعنة ولا غيره
وطلبة ثانوية عامة من الجيل الجديد فاهمة المادة اكتر من المدرس اللي بيشرحها وبيتفوقو واحنا عارفين مدى صعوبة المناهج فمصر مقارنة بليبيا والسودان وغيرهم والناس ذوي العقليات الفذة بتروح تشوف مستقبلها عند "حكومات" تقدرهم

واسفة مش قادرة ارد ع الباقي عشان دمي اتحرق بس لو عايزني ارد مستعدة ارد حالا

والله ع اساس اني عايش ف الصين
صناديق زباله مين بس اللي اتعملت ماهي دايما موجوده ودايما الناس بترمي ف الشارع
واللي بيقول مصر ام الدنيا دا عايش ف وهم بجد
يعني ايه ام الدنيا نفسي افهمها بقي
انا مقلتش انها وحشه بس برضه مقلتش انها اجمل بلد ف العالم
ومخدعتش نفسي
وبنالت مين اللي مبيترشوش بيهم بصي التحرش طايل كله
فيه دراسه بتقول ان سن التحرش بالسيدات لل60 سنه
وشمل التحرش بالمحجبات والمنقبات كمان
يعني مش ماشين ع حل شعرهم ولا حاجه
شكرا ع المرور ولو عايزه تكملي اوك
بس قولي كلام معقول بلاش كلام الشعارات :D

بص بقا يا عم الحج اولا انا مش بقول شعارات لان انا لا حزب وطني ولا مسئول كبير فمش محتاجة اني اقول شعارات
وف حكاية التحرش مش كل حاجة نسمعها نصدقها الكلام سهل قوي يعني ولا جابو اي فيديو يثبت دة كانت كلها حكايات وروايات والاحصائية بتاعت التحرش دي على مستوي العالم ولا ف مصر بس ؟؟؟ وايه مصدر معلوماتك عن الاحصائية دي يا ريت تحط اي لينك يثبت كلامك مش مجرد موضوع عجبك وخلاص

وبعدين اسالك سؤال انت مش معترف باحمد زويل ولا غيره ؟؟
مش معترف ان الثانوية المصرية صعبة نسبيا وبنلاقي ما شاء الله اللي بيجيبوا ال 410 كل سنة ياعم دة اقل حد ف اوائل الجمهورية علمي علوم جايبين 409
مش معترف انك انت نفسك من الشعب دة ؟
وبعدين ام مين يا بني اللي بتدعي بجد على ولادها اصلا عاطفة الامومة دي متاصلة ف اي واحدة ومبتختفيش الا ف حالة لو عندها مرض او عقدة نفسية
وزي ما بيقولو ف المثل " ادعى على ابني واكره اللي يقول امين "

اصلا انت جنسيتك ايه ؟ وايه جنسية الكاتب الاصلي للموضوع وف اي منتدى ؟؟؟

السلام عليكم ورحمة الله وبركاته
كلام الطالبة المحتاسة دة معقول بس ما عدا موضوع الثانوية العامة دة ...لان الحصول على درجات عالية فيها مش دليل نبوغ و قدرات عالية و مهارات مكتسبة قد ما هو دليل على القدرة على الحفظ و الاستظهار و امكانية التعامل مع ورقة الاجابة لان مش منطقي ان شغل سنة كاملة يقاس في امتحان 3 ساعات كحد اقصى...والعالم زويل مثلا كان مجموعه في الثانوية ميدخلوش طب فدخل علوم وبقى زويل و امثله غيره كتير موجودة
بسام ..موضوع مصر ام الدنيا مش كلام شعارات ولا حاجة لان اللي ملوش ماضي ملوش حاضر و ملهوش مستقبل ...مصر فعلا محل فخر بتاريخها و اصالتها و ان كانت في مرحلة تدهور فدة تلوم عليه نفسك كمصري و تتحرك و المرحلة دي بتمر بيها كل حضارات الدنيا مش معقول حضارة تعيش 7 آلاف سنة تسود العالم و لما تيجي في 10 أو 20 أو 50 أو 100 سنة تضمحل نقول خلاص و اسأل المانيا و اليابان و غيرهم...وكل المظاهر اللي مش عجبانا دلوقتي من الشعب المصريين اللي هم انا وانت يعني لابد نتبع منطق امرأة العزيز (وما ابرئ نفسي )

ابتدينا بقي
اوك الاسلوب لازم يكون ارقي من كدا
الكلام اللي بقوله بتاع الاحصائية كان موجود ف المصري اليوم والدستور
وثانيا دي مشاهدات يومية وع ما اظن انا موجود ف الشارع تقريبا من الساعه 9 للساعه خمسه الفجر وبشوف حاجات كتير
ثانيا احمد زويل كان حيعمل حاجه لو بقي ف مصر مظنش مصر مقصله الموهوبين
واكبر دليل ع دا التعسف والروتين اللي بيلاقيه اي مخترع او مبتكر جوا مصر
ثالثا ممكن اعرف حضرتك تقصدي ايه بمصر ام الدنيا مش فاهم
ولا هو لفظ وخلاص :D
يالا شكل الموضوع حيطول

مصر ام الدنيا مين يا محمد
اللي يقولك احنا احفاد الفراعنه احنا اجدادنا بنوا الاهرامات احنا اجدادنا وقعوا اول معاهده سلام ف العالم احنا اجدادنا اصحاب اقدم امبراطوريه ف التاريخ في عهد تحتمس الثالث
طب ماشي اوك
بس احنا عملنا ايه
ممكن اعرف
اقولكم احنا عملنا ايه للاسف معملناش شئ يذكر مجرد تفاهات
واي شعب ف العالم لازم يكون فيه اذكيا واي شعب ف العالم بيحاول يستغلهم او ينمي مقدرتهم ماعدا مصر
الا مصر بتعمل ايه للنابغين ولا حاجه
بتقتلهم بالروتين والبيروقراطية
شكرا ع المرور يا ميدو

ما يطول انت اما تشتم ف اهلي مش هاسكتلك
واسلوب الحوار يكون ارقى انت تقصدني انا صح اوك ايه اللي مش راقي ف كلامي "ياعم الحج" ربنا يكتبهالنا انت عارف الحج بكام دلوقتي و "يا بني" لو انت اكبر مني ماشي ياعم انا اسفة هاقولك يا جدي عشان يبقى الكلام راقي حلو كدة .
انت بقا مش شايف ان كلمة متخلف دي صعبة وخصوصا لما تطلقها على شعب باكمله صح

وانت من الساعة 9 لـ 5 الفجر بتشوف حاجات كتير هه لأ لأ وسعت منك دي
واحمد زويل ماكانش هايعمل حاجة فعلا لو كان ف مصر دة يعتبر اكبر دليل على ان الفرد كويس وتمام بس الامكانيات (اللي اعتقد انها دور الحكومة) هي المشكلة ومردتش عليا انت مصري والكاتب الاصلي للموضوع جنسيته ايه ؟؟؟

هههههههههههههه
no comment
وبلاش اقولك السبب عشان مبحبش ازعل حد

يا عم انا عايزة ازعل وبعدين انت مش بترد ليه يا ريت تحط اللينك بتاع الموضوع الاصلي

بصي يا اخت
انا مبحبش اتناقش مع حد عصبي
لان استحاله نوصل لحل نهائي او رأي يتفق عليه الاتنين
وغالبا بتنتهي اني بشتمه ودا مش عايزه يحصل لاني مبشتمش بنات
سلام

يلا عشان اخلص الموضوع دا عشان مليت من ناس بجد اقل ما يقول عنهم العناد او الغباء
المهم
http://www.link0777.com/Articles/POLITICS/.../20/***ual.aspx

http://www.alarabiya.net/articles/2006/10/30/28668.html

http://www.akhbarsarra.com/news.php?Id=1790

مين قالك اني عصبية ؟
وتشتم مين اصلا ؟ انت مالكش الا انك تقول لو غلطت ف حاجة تقول ايه هي وبس ؟

تم حف الرد يالا كدا احسن :D

هي وصلت لحد كدة ؟؟ اوك مش هارد باي حاجة بس يا ريت تخليك فاكر انك مذكرتش انا غلطت ف ايه وبدون حق بادرت بالسوء

ههههههههههه
بادرت بالسوء
بادرت بمعني اسرعت
السوء بمعني الغلط
اوك بس عشان الترجمه

المهم لو انا غلطت iam sorry


شكرا ع المرور وياريت متحرمناش من طلتك :rolleyes:

اه قبل ماانسي

انا اسف جدا ع اسلوبي اللي كان مش كويس اوي
يالا منوره المنتدي ومنوره الموضوع
سلام

<div class='quotetop'>إقتباس(mohamed amar @ Aug 4 2007, 07:15 AM) [snapback]343389[/snapback]</div>
ميرسي كتير حبيبي علي الاسلوب الجميل جدا اللي بيدل علي مواطن تركي يحترم حريه ابداء الرأي حتي لو كان غلط و احلي كلمه عجبتني ا احنا مش فاهمين حاجة و بتحلف بالله كمان ميرسي كتير

و شكرا يا ديفيل انت عندك حق فعلا في سلبيات كتير و قولتلها بطريقه كويسه و انا قابلها منك بس مش قابلها من حد تاني بصراحه ولا الحد التاني ده بيدل انه يعرف مفهوم التحضر اساسا و بعدين يا سيدي علي رأي اسلام هيا بقت كوسه اللي عايز يتكلم بيتكلم و كل واحد بيتكلم علي وجهه نظره بس

ميرسي علي التوبيك

اوك يا باشا شكرا ع المرور
بس ارجو انك متكنش زعلت
الموضوع لسه مفتوح للنقاش
وثانيا كنت عايز اقول حاجه عشان ناس كتير بتزل احنا بناقش السلبيات عشان نحاول نشوفلها حل ودا مش معناه ان الشعب الصمري كله عيوب والله فعلا الشعب المصري بيتميز بحاجات من الصعب انك تلاقيها ف اي شعب تاني بس فيه برضه عيوب
يالا الموضوع لسه مستمر :D