هنا اسئلة الطلبة
 

بجد فكره هايلة

وبتمنى التثبيت من قبل الادارة :) :)

جزاكم الله خيرا على هذه الفكرة الرائعة

السوال اهوت

انا عندى سوال هندسة صعب شوية هوا عن الدائرة معلش انا مش هعرف ارسم الدائرة بس انا هعملها و ياريت

تفهموا من خطى

السوال

م و ن دائرتان متماستان من الداخل فى ب

م ا قطعة مستقيمة مماس للدائرة ن فى ج . اذا كان طول نصفى قطريهما 9 سم . 4 سم

المطلوب

اوجد طول 1 ج قطعة مستقيمة

الرسمة اهيت

http://img821.imageshack.us/img821/9338/452z.png

السلام عليكم
الرسمة صح بأستثناء مكان النقطة ب
لو المطلوب هو طول أجـ
الفكرة هي ايجاد م جـ وطرحها من أم (9سم)
فنستخدم فيثاغورث في المثلث القائم م ن جـ للحصول علي م جـ والذي بقيت اضلاعه هي ج ن ، م ن
الحل
بما ان الدائرتان متماستان من الداخل ____ اذا م ن = نق1 - نق2 = 9 - 4 = 5سم
بما ان أم مماس للدائرة ن ، ن جـ =نق = 4سم اذا ن ج عمودي علي أ م اذا قياس الزاوية ج = 90 درجة

بما ان المثلث م ن جـ قائم الزاوية في ج ، ن جـ = 4سم ، م ن = 5سم
اذا بأستخدام فيثاغورث م ج =3سم
بما ان أم نصف قطر الدائرة الكبري = 9سم اذا أ ج = أم - م ج = 9- 3 = 6 سم وهو المطلوب اثباته

عذرا لأن الجهاز لسه منزل له نسخه وما لحقتش اسطب البرامج فكتبت مباشرتا في المنتدي

والله انا كنت هحل كدة بس الحمد لله صح انا و انت

شوف السوال دة

http://www.thanwya.com/vb/showthread.php?t=243875

فكرة رائعة مستر ايهاب
يا ريت تنفذها فى كل صفوف الاعدادية
خالص الدعوات لحضرتك
وللأهمية نثبت الموضوع

جزاكم له خيرا

انا بقى بطلب من حضراتك اسئلة صعبة جدا علشان نحاول نحلها
الرجا الاهتمام

1) ب جـ قطر ـــــــــــــــــ م منتصف ب جـ ولكن د منتصف ب أ ـــــــــــــــــــــــ م د // أ جـ
2) د منتصف ب أ ـــــــــــــــ م د عمودى على ب أ ولكن م د // أ جـ ــــــــــــــــــ ق( < أ ) = 90 ً بالتناظر

مظبوط حل عمر مية مية
بس للتوضيح عشان الي مش فاهم
في رقم (1) استخدم ان القطعة المستقيمة الواصلة بين منتصفي ضلعين توازي الضلع الثالث حيث م ,د منتصفات
اما (2) فأستخدم التوازي الذي اثبت في (1) حيث قياس أ = قياس د

بارك الله لكم

ان شاء الله يا هانم
هنضع انا والزملاء والطلاب مسائل صعبه بس اكيد بعد رمضان لما الناس تفضه شوية والدراسة تشد
بس ياريت تكون الصفحة دي لتساؤلات الطلاب بدل من انشاء مواضيع كامله لكل مسئلة

انا عندي شوية اسالة مالهاش علاقة بالمنهج

1_ ما الرقم الذي ياتي بعد ذلك ( 1 ، 5 ، 12 ، 22 ، 35 ، 51 ،؟؟ )

2_ ما الرقم الذي ياتي في التتابع (20 ، 19 ، 22 ، 21 ، 24 ، 23 ، 26 ، ؟؟ )

3_ ما الرقم الذي ياتي في التتابع ( 26 ، 34 ، 41 ، 46 ، 56 ، 67 ، 80 ، ؟؟ )

4_ ما الرقم الناقص ( 4 ، 5 ، 12 ، ؟؟ ، 160 ، 805 )

5_ ما الرقم التالي في التتابع ( 3841 ، 1583 ، 3861 ، 1783 ، ؟؟ )

اكمل

1_ 2+7= 59 ، 3+5= 28 ، 1 +9=810 ، 2+1= 13 ،4+5= ؟؟

2_ 5+16=29 ، 3+4 =10 ، 10\8=50 ، 9-64 =؟؟

3_ 3-2=5 ، 5×2=100 ، 4 ×3 =144 ، 6+5= ؟؟

دي كانت الاسئلة من فضلكم الاجابة
:p:p

السلام عليكم
انا مش هحل كله لأن الحل والموضوع للجميع ولازم الزملاء والطلبة يشاركوا هما 8 هحل 4 بالشرح 3من فوق و1 اكمل
1 و2و3 معتمدين علي الجمع واول واحده اكمل ايضا
الاولي) اول مرة جمع 4 ويزيد كل مره علي المجموع 3 اي ان الارقام المجموعه بالترتيب هي 4 ثم نجمع 7 علي الناتج وهكذا ،10 ، 13 ، 16 والمطلوب حله نزيد19 اي ان حل الاولي هو51+19= 70
بحل اخر الناتج = السابق + فرق العددين السابقين+3 = 51 + (51-35) + 3=70

(الثانية) بيطرح 1 ثم يجمع 3 وهكذا -1 ، +3 وبنفس التتابع فيكون الحل 26-1=25
( الثالثة ) بيجمع كل مره عدد والعدد ده هو ناتج جمع ارقام العدد السابق بمعني العدد الجديد = السابق + مجموع ارقام السابق مثل 26 بعدها 34 لأن 26 +6+2=34 فبالتالي الحل( 80+0+8=88)

اخيرا اول سؤال اكمل 2+7= المجموع والفرق بينهما =(7+2)(7-2)=59 وهكذا فالحل هو 4+5= (5+4)(5-4)=19

واتمني ان يكون الشرح وافي واتمني من الزملاء والطلبة المشاركة في الحلول

حل رقم 5 فى السؤال الاول
العدد الثانى الحصول عليه باعادة ترتيب ارقام العدد الاول من اليسار لليمين وزيادة خانة العشرات بواحد
بالمثل حصلنا على الثالث من اعادة ترتيب الثانى ولكن تم زيادة واحد على خانة المئات وهكذا.....
بالتالى العدد المطلوب هو 3881 والله المستعان

سوال عاوز احله ضرورى
 

السوال فى النسبه والتناسب وانا بصراحه مش عارف احله وعاوز من المدرسين الرياضه ان يحلوه فى اسرع وقت
اذا كان أ/5 = ب/7 = ج/2 اثبت ان أ+2ب-ج/17 =2ب-أ/9

نفرض ان أ / 5 = ب / 7 = ج / 2 = م

أ = 5 م

ب = 7 م

ج = 2م

بالتعويض فى المسألة

الطرف الايمن = 5 م + 2*7 م – 2 م / 17

5 م + 14 م -2 م / 17

17 م / 17 = 1

الطرف الايسر

2 * 7 م – 5 م / 9

14 م – 5 م / 9

9 م / 9 = 1

الطرف الايمن = الطرف الايسر

شكرا جزيلا على حل المساله

السلام عليكم

انا عندي كمان شوية اسئلة حد عندة استعداد لحلهم :p:p

شكرا على الاهتمام يا مستر

السلام عليكم

شكرا علي مجهودكم الرائع

بس ممكن اجابة بقية الاسئلة :confused::confused:

المساله رقم 4 فى السوال الاول الاجابه هى 39
لاحظ العدد 4 ضرب فى 1 وجمع عليه 1 فصار الناتج 5
العدد 5 ضرب فى 2 وجمع عليه 2 فصار الناتج 12
العدد 12 يضرب فى 3 ويجمع على الناتج 3 فيكون الناتج 39
وهكذا 000000000000

المساله رقم 4 فى السوال الاول الاجابه هى 39
لاحظ العدد 4 ضرب فى 1 وجمع عليه 1 فصار الناتج 5
العدد 5 ضرب فى 2 وجمع عليه 2 فصار الناتج 12
العدد 12 يضرب فى 3 ويجمع على الناتج 3 فيكون الناتج 39
وهكذا 000000000000

جزاكم اللة خيرا يا جماعة :078111rg3::078111rg3:

بس فين بقية الاجابات

ان شاء الله يا الهام كده لسه رقم 4 فى السؤال الاول وباقى السؤال التانى
المهم ايضا انك تحاولى خصوصا انها مش مرتبطة بمنهج معين والله المستعان
اخوكم (ابو وعد ) مدرس رياضيات اعدادى
ودى تانى مشاركة ليه
لسه مسجل فى المنتدى من 4 ايام
وبشكر كل المشتركين والقائمين على انجاحه وجزاكم الله كل خير

انا اسف يا مستر سعيد حضرتك حليت رقم 4 فى السؤال الاول
جزاكم الله خيرا انا كتبت ردى السابق قبل ما اشوف اجابتك

حل اسهل لرقم 5 فى السؤال الاول
الثانى والرابع بينهم تتابع بيزود 200

العد الاول والثالث والخامس بينهم تتابع بيزود 20 بالتالى العدد المطلوب 3881

حل اخر اسهل
الثانى والرابع بينهم تتابع بيزود 200
الاول والثالث والخامس بيزود20
العدد المطلوب 3881

_ 3-2=5 ، 5×2=100 ، 4 ×3 =144 ، 6+5= ؟؟

6+5=31
لاحظ تربيع الاعداد قبل اجاء العمليات عليها
ففى 3-2=مربع 3 _ مربع 2 =9-4=5
5×2=مربع 5× مربع 2 = 25×4=100
4×3=مربع 4 ×مربع 3 =16×9 = 144
فيكون حل 5+6= مربع 5+مربع 6=25+36=61

اجابة رقم 3 فى السؤال الثانى
_ 3-2=5 ، 5×2=100 ، 4 ×3 =144 ، 6+5= ؟؟

6+5=31
لاحظ تربيع الاعداد قبل اجراء العمليات عليها
ففى 3-2=مربع 3 _ مربع 2 =9-4=5
5×2=مربع 5× مربع 2 = 25×4=100
4×3=مربع 4 ×مربع 3 =16×9 = 144
فيكون حل 5+6= مربع 5+مربع 6=25+36=61

شكرا للأساتذه الكرام استاذ وعد واستاذ سعيد علي مجهودهم لأني كنت متعمد ما احلش كله لازم الكل يشارك
اختم بحل اخر مسئلة وللعلم والامانه تم حلها بالتعاون مع بعض الزملاء حيث تناقشنا فيها وكثرهم مشاركة كان مهندس وائل يعني مش مدرس لأنها غير مرتبطة بمنهج
المسئلة
2_ 5+16=29 ، 3+4 =10 ، 10\8=50 ، 9-64 =؟؟

الفكرة تربيع الاول ،، وقسمة الثاني علي 4 ثم اجراء العملية
مثل 5+16 = بالتربيع والقسمة = 25+4=29
اي الحل تربيع9 - (64 ÷4) = 81 - 16 =67

وخدوا كمان مسئلة علي نفس الفكرة
1+2=3 ،، 2+3=10 ،، 5+4=45 ،، 7+6= 91 ،، 9+7 = ؟؟؟

جزاك الله خيرا يا استاذ ايهاب الساله دى حيرتنى

هي فعلا مسائل محيرة يا استاذ سعيد واحنا في رمضان فالواحد ما بيقعدش كتير عشان الشغل واخر مسئلتين هما الي حيروني لضيق الوقت وظروف رمضان ولعدم اتبعهم لمنهج فعرضتهم علي زملاء وحتي الي مش مدرسين شاركوا واكتر واحد قرب كان مهندس والمسئلة الي وضعتها الان من احد الزملاء فمنتظرين الحل بس ياريت المدرسين يستنوا يومين عشان الطلاب يحولوا ما دام المسئلة مش سؤال من طالب دي من مدرس
المسئلة تاني
1+2=3 ،، 2+3=10 ،، 5+4=45 ،، 7+6= 91 ،، 9+7 = ؟؟؟

اشكرك يا استاذ ايهاب على هذا المجهود وهذه المصداقية
اسمح لى ان اقوم بحل التمرين التى عرضته
بدلا من الانتظار يومين كما طلبت وارجو الايتم التقيد باى مدة زمنية
فمن يعرف الاجابة يعرض الحل فورا من اجل عرض المزيد والمزيد من قبل السادة المدرسين والاخوة الطلبة

الناتج يأتى من تربيع العدد الاول ثم اضافة الناتج لحاصل ضرب العددين

بالتالى الناتج المطلوب = تربيع 9 + (9*7)= 81 + 63 =144 وجزاكم الله خيرا

حل مظبوط ميه ميه
حل اخر بالجمع ثم ضرب الناتج في العدد الاول
اي( 9+7) × 9 = 16×9=144
بس كان قصدي ترك السؤال للطلاب لكي يحولو هما يحلوا وعمتا ما فيش مشكلة ياأستاذه وعد
موضوع مفيد قرئته

ارحو اجابه هذا السؤال من منهج3ع 2010

اذاكان 5^س=4 فان 5^س-1=...............................

السلام عليكم ورحمة الله
رجع 5^س -ا لاصلها تجدها =5^س / 5 لان فى القسمة تطرح الاسس و 5 اسها 1
ولان 5^س=4
بالتعويض تكون5^س-1 =4/5
اتمنى ان يكون الحل واضح ومفهوم

مطلوب المساعدة بحل المسألة
 

ارجو المساعدة بحل السؤال التالي:

أ- اوجد قيمة س في المعادلة التالية
5 ^(س2-4) = 7^(4-س2)

يا ترى المكتوب 5 أس (س تربيع ناقص 4) = 7 أس ( 4 ناقص س تربيع )
ان كانت
يبقى الأس دا يساوى صفر
يعنى س تربيع ناقص 4 = صفر ثم (س - 2 ) ( س + 2 ) = صفر

+2 , -2 هى دى قيمة س

الحل مناسب ومظبوط
وجزاكم الله خيرا

انا بشكر كل اللي شاركوا في حل الاسالة

وفعلا هي طريقة مفيدة بحيث كل المشتركين بيشاركوا سواء كان

طالب او مدرس وخاصة انها مالهاش علاقة بالمنهج

تمرين يحتاج حل
 

جذر 7 جذر3 جذر7 جذر3 =0000000000000
لاحظ انني مش عارف اكتب جذر ازاى

فهو جذر كبير تحت منه 7 في جذر كبير اخر تحت منه 3 في جذر كبير ثالث تحت منه 7 في جذر رابع تحت منه 3 يساوي كام

الناتج هيبقى 21

الناتج يبقي 21 ازاي؟

[7خح / × [3خح / × [7خح / ×[3خح /
= {[7خح / × [7خح / }×{[3خح / × [3خح /}
= 7× 3 =21