|
حكاية خريطة ..!!
السلام عليكم ورحمة الله وبركاته إمبارح لقيت كتاب اسمه الإسعافات الأولية قلت أتفرج شوية علي الصور:p فلقيت مكتوب خريطة مصر ... قلت الواحد ينمي من معلوماته في الخرايط لقيت في الخريطة نصيبة لا كارثة بجد حاجة خلتني هفقد أعصابي خلاص بجد لقيت مكتوب بدل فلسطين المحتلة (إسرائيل):( والله اتصدمت صدمة جامدة بجد وللعلم الكتاب دا مصري يعني اللي عمله معترف بالصهاينة المشكلة مش في كدا وبس المشكلة ان ممكن أطفالنا يتربوا علي ان اسرائيل دولة ...ومش يعرفوا ان الكيان الصهيونة هي اللي اغتصب اعراضهم وعرضهم لأن الأرض زي العرض بس مش عارفة انا مذهلة ازاي اصلا يكتبوا ع الخرايط اسرائيل ايه البجاحة دي؟ يعني واحد اخذ بيتي يبقي كدا بيته !:040vk0: انا بصراحة بجد مش عارفة هتجنن فعلا ..هيحصل لي حاجة.. دولة لما طفل يتربي ان فيه حاجة اسمها اسرائيل وحاجة تانية اسمها فلسطين اكيد هينطبع في دماغه ان فيه حروب بين بينهم لكن كل واحد في أرضه ومش هعرف ان الكيان الصهيوني أخذ أرضنا وقتلنا أطفال ونسائنا وشيوخنا !!! لنا الله بجد إليكم الخط قبل ما يحصل لي حاجة |
دة فعلا من اشد العوامل اللي بترسخ كون اسرائيل دولة في عقول اطفالنا
بجد مش عارف اقول ايه عالكاتب اللي زي كدة اقولك . . .ربنا يهديه |
والله يا بنتى الموضوع بقى مستفز جداا بقت كل حاجة سلطة مبقاش فيه ضمير بجد حاجة تنرفز فعلا بقولك ايه مش شايفة ان الموضوع مكانه القضية العربية ؟ |
و عاوزين فلسطين تتحرر !! منين ؟! للاسف انه نلقى ده و في بلد عربي مسلم ومش اي بلد كمان ،، ديه مصر !! اصلا هو الهدف من الحركة ديه زي مانتي قولتي الاطفال و الجيل الطالع ده مش يعرف ان فيه حاجة اسمها فلسطين و ان اسرائيل ديه دولة زي بقيت الدول عادي خالص ، و بالتالي لما شباب الامة ال هما املها مش عارفين عن حاجة عن قضية الامة ، يبقى خلاص انتهى الموضوع ، و مبروك فلسطين على اسرائيل ! و ربنا يلطف بينا من ال بيحصل ده ،، |
هو الموضوع ده بقا عادي جدا بالنسبة لينا كلنا ... احنا الي خلينا شوية زبالة ومرتزقة و بشر على هامش المجتمعات مكروهين من كل العالم يبقوا دولة ..... واحنا السبب .... سكوتنا ده هيودينا في داهية والله ... كل شوية نسمع ونشوف في التلفزيون عن انتهاك صهيوني واحنا ساكتين و نقلب على محطة فيها فيلم ولا مسرحية عشان نضحك .. ياعم احنا مالنا .....
حاجة عجيبة .... و ده بقا شجع الرؤساء على سكوتهم و خضوعهم ...... احنا كعرب راحت النخوة منا ... احنا نسينا فلسطين ونسينا او تناسينا حاجة بتقول ان الصهاينة اعداءنا .. احنا ازاي ننام و جنبنا عدو كل ثانية بيزداد قوة وسلاح .......... hopeless case حالة ميئوس منها ............ بس لسة نرجع ونقول فيه أمل ... الأمل في ربنا كبير ... مش عارف اقول ايه .... الكلام خلص ..... انا حاسس اننا عمرنا ما هنعمل حاجة صح تجاه فلسطين ....... |
اقتباس:
دا مشكلة كبيرة ربنا يهدي عباده جزيت خيراا أخي وتقبل الله منا ومنك صالح الأعمال |
اقتباس:
فعلا مستفز لما الاطفال يتربوا ع ان الكيان الصهيوني دولة تبقي نصيب مش عارفة بجد اللي انت شايفة صح انا معاكي فيه;);) بس فينك ياجميل من زمان بقلنا قرون مش شفناكي شرف لي انك رديتي ف الموضوع:d |
اقتباس:
ربنا ينتقم من الظالم والله مهما يحصل ان شاء الله هنربي اطفالنا ان فلسطين دي ارضنا وعرضنا ولازم ندافع عنها جزيت خيرااا نورتي ياروحي |
اقتباس:
لاننا عرب وبس مفروض نكون كلنا مسلمين متحدين لان فلسطين قضية كل مسلم ربنا ينتقم منهم اليهود ويريحنا منهم ان شاء الله احنا اللي هنغير المجتمع وأطفالنا اللي هيحررورا الأقصي أطفالنا المسلمين الاقوياء جزيت خيررااا أخي مصطفي وتقبل الله منا ومنك صالح الأعمال |
كنت مستني أشوف معلومة جديدة :d
اسرائيل موجودة رسمياً في الخرايط من اكتر من سنتين او اكتر بكتير ولو لاحظتو في خطاب اوباما كان بيرسخ مستوطات الكيان الصهيوني وبيقول لازم نحل الازمة ونخلي لدول نص ولدول نص :d فتلاقي في الخريطة ... جزء اسرائيل ... وشريط في النص اسمه قطا غزة gaza واعتقد ده قرب يبقى واقع (ده لو مكنش بقى فعلاً) واسرائيل موجودة شئنا ام ابينا لما نبقى نشيلها من مكانها .... نبقى نشيلها من الخريطة |
مش الخريطة هي المسئولة انها تعرف الطفل ان دي دولة فلسطين او اسرائيل
امال راح فين دور الاباء والامهات ؟؟ لا بد ان يكون هناك ايمان راسخ في نفوس هؤلاء الاطفال ان هذه الارض هي فلسطين وستظل فلسطين .. وليس مجرد كلام علي خريطة , لان احنا اللي بنغير الخريطة , مش الخريطة هي اللي بتغير فكرنا وعقولنا مثال بسيط جدا : احنا كلنا دلوقتي عارفين انها فلسطين علي الخريطة , بس عملنا ليها ايه ؟؟ كل اللي نعرفه ان فلسطين تقع في قاره اسيا , وخطوط الطول وخطوط العرض دا احنا عرفنا كدا عشان ننجح في الامتحان بس !! المهم الايمان , والعمل .. جزاك الله خيرا علي الموضوع . |
اقتباس:
أوباما دا تبع اسرائيل طبيعي انه يقول كداا بس كنا مخدوعين فيه ف الاول اهم كلمة قلتها فعلا مفروض نشلها ان شاء الله اكبر مبيد حشري هيكون من نصيبها ... بس ع الاقل منكنش دولة مسلمة وبتعترف بعدونا !! شكراا لك يابشمهندس |
اقتباس:
انا متفقة معاك ان الاهل لهم دور لكن فيه اهل اصلا مش في دماغهم الموضوع وبعدين مش كل المعلومات بنأخذها من اهلنا بتاثر فينا فيه حاجات تانية زي المدرسة والتليفزيون والنت يعني الثقافة متغيرة ... فعلا احنا بنذاكر فلسطين عشان الامتحان الا من رحم ربي لكن باذن الله هيكون هناك الابطال الذين يدافعون عن شرفنا المسلوب شكراا لك أأخي |
والله ا بنتى يا تسابيح إنى مشوفتش و الغريبة إنى مسمعتش
حاجة تضحك |
حسبنا الله ونعم الوكيل
|
اقتباس:
وبكدا يبقي حققنا حاجة وهو ان حضرتك قرأتها شكراا لحضرتك |
اقتباس:
شكراا لحضرتك |
اقتباس:
اسرائيل الصهيونية العصابة الاسرائيلية الخريطة انا من زمان اوى وانا بشوف اسم اسرائيل على الخريطة حتى لو موجود انا مبعترفش انا لااعترف بوجود الدولة الاسرائيلية وعلى فكرة كانت اكبر مشكلة ليا فى الثانوية هى اسرائيل انا كنت ادبى فى الثانوية العامة وكنت بكره اقول كلمة اسرائيل فى اى سؤال (فى التاريخ) او اكتبها فى اى اجابة :stickjo4: لدرجة ان المدرس اتصل بوالدى واشتكى له منى وقاله ان لازم يكتبها فى الاجابة علشان مينقصش فى الدرجات وطبيعى انى كنت لازم اكتبها انتى طبعا ياتسابيح تعرفى ان اللى مشغلين المؤسسات الامريكية صهاينة يعنى هما اللى دايرن الاقتصاد الامرريكى ومتحكمين فيه بس برده محدش يقدر ينكر ان هما اجبن مخلوقات خلقت:slap1qk6: وطبعا فيه الدول اللى بتوالى علشان تنول الرضا بس انا عاوز اقول حاجة احنا بنتولد جوانا غريزة الكره لاسرائيل وبعدين احنا فى انتظار التحالف العربى للتخلص من هذه المهزلة ولا أظن أن العدو الصهيوني قادر على ادارة الحرب رغم قدرته على اشعالها بالمناسبة الموضوع عربى اصيل :078111rg3: |
اقتباس:
طيب لازم نكون متفقين ع شيء أن احنا مش لازم ننتظر التحالف العربي لان العرب اعلنوا (اتفقنا نحن العرب علي ألا نتفق) لكن مفروض تحالفنا يكون إسلامي من الدرجة الأولي لان فلسطين مش من حق العرب المسلمين بس دي من حق كل واحد مسلم في اي مكان وغير لما يكون التحالف إسلامي هيكون الاتحاد أقوي .... جزيت خيراا أخي الفاضل ودمت بخير |
اقتباس:
كون إنك عاملة الموضوع ده عشانها تبقي معترفة بوجودها لو مكنتش موجودة .... مكنش حد عبر الموضوع او خطر على باله اصلاً لكنه اصبح واقع الآن اسرائيل مبقتش مجرد دولة صغيرة جنبيها وجوه غزة اسرائيل زي ما قال شريف بتدير امريكا تقريباً وامريكا من غيرها ولا حاجة وامريكا دي اللى تقدري تعتبريها من اكبر الدول حجماً وقوة واقتصاداً يعني اسرائيل واقع وجود قوة صهيونية متمركزة في الوطن العربي اصبح حقيقة مش لسه حنقرر نعترف بيه ولا لأ وبعدين احنا بنصدر الغاز لمين ..... لعصابة يهودية يعني اكيد بنصدره لبلد شكيك :d |
ملحوظة صغيرة عشان افرق بين كلمتين
الاعتراف بوجودهم لا اقصد به الاعتراف باحقية وجودهم في هذه الارض لكن سياسياً .... في دولة اسمها اسرائيل بالفعل |
اقتباس:
ومحدش يقدر ينكر الكلام ده ده كفاية ان بابا مبارك قال ان هما بيوفوا بوعودهم ( ياحلولى) |
حسبى الله ونعم الوكيل
|
اقتباس:
أنا معترفة ان فلسطين محتلة من الكيان الصهيوني ودا حاجة مفروغ منها لكن اللي مش معترفة بي ان أرضي وبيتي لما واحد يحط ايدهم عليه بوضع اليد يبقي خلاص بقي بيته وبدل بيت تسابيح يبقي بيت حد تاني!! أكيد لا هو بيتي بس محتل مع فرق التشبيه:d وتصدير الغاز يعتبر أكبر خيانة للأشقاء ... اقتباس:
لا مفيش حاجة اسمها اسرائيل اصلا دا وهم اخترعه الصهاينة اللي محتليين أرضنا فيه حاجة اسمها فلسطين المحتلة ... اللي فيها الصهاينة غير كدا مفيش نورتني يابشهمندس |
اقتباس:
شكراا دانة |
هذه هى خريطة " التطبيع"
|
شكرا يا تسابيح على الملحوظة دى
وكان فى اعدادى فى الجغرافيا الاستاذ قال نفس كلامك ازاى احنا عارفين انهم مجرمين وسرقوا بلادنا وبنعترف بهم ع الخريطة ربنا يسامح الشعب اللى قصر فى حق بلاده وكل اللى بينكر وطن اجداده وباذن الله هترجع اجلا ام عاجلا |
اقتباس:
ربنا يسامحهم شكراا لحضرتك |
اقتباس:
|
| جميع الأوقات بتوقيت GMT +2. الساعة الآن 03:27 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.