|
100 جنيه لكل من حصل على icdl
كل من حصل على شهادة ICDL
المجموعة الاولى والثانية فى سوهاج له مكافئة100 جنيه موجودة فى مركز المعلومات بمبنى المحافظة. http://www.alazhar.gov.eg/forum.aspx?g=posts&t=11115 |
سوهاج فقط ولا لكل المحافظات يا استاذ عوض
|
لو سمحت حضرتك المجموعه الاولى والتانيه بالنسبه لايه للمراحل اللى اعلنوا عنها فى الاكاديميه ؟ وهل ده ينطبق على جميع المحافظات ؟ ولو كان ينطبق فاين القر ار او صورته لو سمحت نرجو التوضيح
|
سؤال كمان معلش هل ده ينطبق على الازهر والا التربيه والتعليم فقط عشان ما نروحش نسال يقلولنا دى لمدرسى التربيه والتعليم المعينين فقط وليس المتعاقدين ؟
|
طيب وكفرالشيخ وباقى المحافظات ياستاذ عوض
هل لهم ايضا ولا لا نرجوا التوضيح ان امكن |
شكرا لمرور حضراتكم الكريم
والخبر لسوهاج فقط وأنا وضعت الرابط لمصدر الخبر ولا أعرف أكثر من ذلك وأثرت الموضوع لأهميته وحتى نسأل جميعا فى المنطقة الأزهرية وأتمنى أن يجيبنى أحد هل هذا الموضوع فى المنصورة أيضا ؟!! |
انا حاصل على الرخصة الدولية للحاسب من 5سنوات
هل استحق 100 جنية على الرغم من انى حاصل عليها من الاكاديمية من اسكندرية منذ 5سنوات واعمل فى منطقة البحيرة الازهرية ولا
|
انا اخزت ال 100 ج من سوهاج وكل من حصل على ال الشهادة النهائية سواء من الازهر او التربية والتعليم او اى منحة اخرى له الحق
والكشف به 500 اسم مستحقيين وانا حصلت عليها . |
اقتباس:
الموضوع ده ملوش دعوة بالمناطق الازهرية انما هى مكافئة من الحكومة لكل من حصل على icdl كمنحة |
جزاك الله خيرا
|
شكرا على الخبر
|
شكرا لمرور حضرتك الكريم
|
يا استاذ عوض حضرتك لك ايميل على مجلة الازهر ياريت توصل شكوتنا الخاصة بالمرتب تكتبه مووع او اى حلجه المهم ان الموضوع يبقى موجود هنالك علشان يوصل لشيخ الازهر ولك كل الشكر والتقدير
نص الشكوى كالاتى السلام عليكم ورحمة الله وبركاته نرفع إليك شكوانا نحن المدرسون المتعاقدون بالأزهر الشريف ونطلب من سيادتكم أن ترفعوا الظلم الواقععلينا وتعيدوا إلينا حقوقنا المهضومة فنحنمن تم اختيارنا للعمل كمدرسين في المعاهد الأزهرية عن طريق المسابقات الرسمية المنشورة في الصحف القومية وأثبتناكفاءة كبيرة في عملنا بشهادة الرؤساء والتقارير الفنية للموجهين . فقد تم خصم مبالغ مالية من رواتبنا تتراوح ما بين الـ (50) وال (70) جنيهاً من بداية السنة المالية 2009/2010م وعندماقمنا بالاستفسار عن ذلك أخبرونا بأننامتعاقدون وأنهم كانوا يحسبون العلاوة الاجتماعية في السنوات السابقة على أساسالأجر الشامل 148.80 جنيها كما كانوايحسبونها للمثبتين ولأننا متعاقدون فلا يمكن أن نتساوى بالمثبتين ولذلك سوف يخصم ما كنا نتقاضاه ونحاسبعلى مربوط الدرجة والذي هو48 جنيها وبالتالي حسبوا كل زيادات السنوات السابقة على أساس 48 جنيها وخصموا الفارق ماعدا زيادة30 %لأن لها حد أدنى بمعنى أن أي زيادة تأتي ليس لها حد أدنى سوفتحسب على أساس مربوط الدرجة 48 جنيه. وبالتحديد فإن الخصم وضح في مفردات مرتباتنا في بند علاوة غلاء المعيشة ( عغ م ( 4 ) ) تم الخصم من 20.88جنيهاإلى 7.20 جنيها وفي بند ( ع غ م ( 5 ) ) تم الخصم من 43.20 إلى 14.40جنيها أي خصم 42.48 جنيها شهريا منراتبنا نحن المتعاقدون .ثم تم حساب العلاوة الاجتماعية عن أعوام 2009 و 2010 بمبلغ 4.80 جنيها عن كل عام علما بأن هذا الإجراء خاطئ لانالعلاوة تحسب من اساسى آخر مرتب قبضه المتعاقد قبل نزول قرار العلاوةوهذا طبقا للمادة الثانية من القانون 128 لسنه 2009 والقوانين السابقة بشأن منحالعلاوة الخاصة للعاملين وكذلك المادة الثانية من قرارات وزير المالية التي تنصباحتساب العلاوة الخاصة المقررة من الأجر الأساسي والمكافآت الشاملة المستحقةللعامل فانه يتم حساب العلاوات الخاصة لهم على اساسى المرتب في آخر شهر قبل العلاوة وهذا يعنى أن العلاوةتحسب من الأساسي وليس من مربوط الدرجة وبما أن اساسى مرتب المتعاقدين في الأزهر فيسنه 2008 وسنه 2009 كان 148ج فمن المفروض أن تكون علاوة غلاء معيشة 4 لسنه 2008قدرها44.40ج وعلاوة غلاء معيشة 5 لسنه 2009 من المفترض أن تكون 14.8ج وعلاوة 2010من المفترض أن تكون 15.3 لان اساسى العام الماضي 153ج ولقد تم تدارك هذا الخطأ بالنسبة لمتعاقدي التربية والتعليم حيث تم تحرير فوارق هذه العلاوات وصرفها بأثر رجعى عن العامين السابقين بواقع 30 جنيها لكل شهر أما في الأزهر فلا حياة لمن تنادى !!!!!!!!!!!!!!! ألسنا نحن أيضا نواجه الغلاء وجشع التجار وارتفاعالأسعار كزملائنا المثبتين ؟!! ألسنا مسئولونعن أسرنا وأولادنا واحتياجاتهم المتزايدة يوما بعد يوم ؟ !! لذا نرفع هذه الشكوى إلى سيادتكم مطالبين برفع شكواناإلى من له الأمر بمساواتنا بزملائناالأساسيين في كافة الحقوق نطالب برفع الخصم الجـائر من المرتباتوبأثررجعى كما تم الخصم بأثر رجعىأسوة بزملائنا المتعاقدين بالتربية والتعليم والذين تخطى راتبهم الشهرى388جنيها في حين أصبح راتبنا بعد العلاوة الأخيرة 314جنيها . ولسيادتكم جزيل الشكر مقدمه لسيادتكم المتعاقدين بالازهر الشريف |
واسمع كمان يا استاذ عوض للزميله بتقول ايه؟
عاوزه اقول لحضرتك على حاجه اولا انا متعاقده فى منطقة كفر الشيخ الازهريه المحترمه اللى حصل ان جالهم منشور اسود زى الصندوق الاسود بيقول لوحظ ان المتعاقدين بياخدوا العلاوه على الاساسى وهو المفروض على مربوط الدرجه على اساس ان مالناش درجه اصلا وبم اننا متعاقدين يبقى نبقى على المربوط طب اللى محيرنى حاجتين اولا 1- لما هو على مربوط الدرجه ليه وزاره الماليه بتقول انه على الاساسى ده فى قانونها بتاع العلاوات الخاصه وده للمتعاقدين والدائمين والمكافاه الشامله من اساسى المرتب 2- ازاى يبقى الاساسى هو مربوط الدرجه بتاع المتعاقدين ان كان شيت المرتب مكتوب فيه اننا لنا اساسى اللى هو 183.60 يعنى حاجه من الاتنين اما الازهر بيناقض نفسه او انه معتبر روحه اعلى من القانون 3- انا ما سكتش انا رحت لموظف الماليه فى المنطقه 4- النتيجه اشتكوا فى الجهاز المركزى للمحاسبات والنيابه الاداريه والرقابه عشان دول سرقوكم 5- المنشور اللى جه لا هو موثق من المشيخه ولا هو عليه ختم ولا امضاء شيخ الازهر واللى طلعه مجرد شخص حرامى عايز يسرقنا 6- لك ان تتخيل اننا بقالنا سنه بنقبض 237.5 وبعد الزياده 245 وحسبى الله ونعم الوكيل فيك ياللى بعت القرار ده ينتقم منك ربنا |
تحت أمر حضرتك
تم وضع الشكوى فى موقع الأزهر التعليمى فى قسم استفسارات ومتطلبات كادر المعلم http://www.alazhar.gov.eg/forum.aspx?g=topics&f=70 |
اقتباس:
ممكن حضرتك تقولنا انت أخذتها من مين بالضبط علشان انا اتصلت النهارده بمركز معلومات المحافظه وردت عليه موظفه ولما سألتها بخصوص فلوس موجوده للى حصلوا على شهادة icdl قلتلى ما فيش حاجه تخص الموضوع ده |
شاكر لمجهود حضرتك
|
انا اخزت المبلغ من مركز المعلومات بالدور الثالث بمبنى المحافظة ( محافظة سوهاج ) وعلى العموم الكشف به 500 مستحق واعرف ناس كتير حصلت عليها .
|
جزاك الله خيرا
|
اقتباس:
شكرا وجزاك الله خيرا سأذهب بنفسى لانه من الواضح ان التليفونات لا تجدى فى هذا الأمر او يمكن الموظفة اللى ردت على التليفون ما عندهاش علم بالموضوع |
بالتوفيق إن شاء الله تعالى
|
الف مبروك ..
|
كل عام وانتم بخير
|
الى الاخ السوهاجى2 اناحصلت على دورةicdl من نقابة المهن التطبيقية بسوهاج منحة مجانية فهل لى مكافاة 100 جنيه ام لا ارجو منك الرد؟؟؟؟
|
الخبر ده قديم
والعضو ده هو ال جاب الخبر القديم صفوت حمادة عضو ممتاز الف مبروك .. |
لو المشرف موجود لو سمحت
ابعت ليه تحذير |
هو ايه الى حصل فى المنتدى ياجماعه مجموعه من الاخبار القديمه فين المشرفين على المنتدى ولا خلاص المنتدى اصبح فقط للاعتصامات والاخبار القديمه التى تثير الناس
|
ليست موجودة فى كل المحافظات
|
100مرة واحدة وخلاص ولا كل شهر 100 جنيه
|
ارجو من المشرفين حذف الموضوع لانه قديم ومر عليه عام كامل
|
ياريت بلاش ننزل اخبار قديمة من العام الماضي لان هذا يضايق ويزهق
|
| جميع الأوقات بتوقيت GMT +2. الساعة الآن 08:04 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.