من الأحق بالبقاء
 

أنا معلم مساعد بمدسة إعدادية و معي مدرسين أساسيين
وكان بالمدرسة ثلاث مدرسين أساسيين غيرهم أخذوا أجازة و تعاقدوا تعادقدات شخصية بالمملكة العربية السعودية
وعاد الثلاث مدرسين ..... السؤال :
من الأحق بالبقاء ؟ علماً بأن الجدول يسع ثلاث مدرسين فقط
إذاً هناك الأن ست مدرسين في المدرسة
أرجو الرد القانوني !!!!!!!!!!!!!!!!

الاحق بالبقاء الاقدم والاساسي ( واللي معاه واسطة اولا واخيرا )

على حد علمى الاساسى والاقدم هو الاحق بالبقاء

الاحق بالبقاء
القانونى يقولك
الاقدم فالاقدم
والاحدث معاه ربنا
أحنا عندنا فى الادارة التعليمية تقريبا كل سنة بيكون فى حاجة اسمها ازاحة
القديم بيقعد
والحديث الى خارج البلد

طبعا حتي ولو ليك حق يا أخي سيضحون بك أنت أتعرف لماذا
لأنك (متعاقد ) وهذا طبعا وصمة عار كبيرة جدا علي اعتبار أن المتعاقد بنصف عقل
نحن من نظلم أنفسنا ، فالمعلم الأساسي يظلم زميله المتعاقد في كل شيء من توزيع للجدول والمواد والفصول وكل شيء
وعندما يتكلم يقول له أسكت يا متعاقد أحسنلك .
وأحمد ربنا إن إحنا سايبينك تدخل المدرسة أصلا ،وده علي اعتبار إن المدرسة مدرستهم طبعا
وأخيرا لكم الله وأسف للجميع لأن معظمنا ومع بداية العام الدراسي يعاني من نفس مشكلة الأخ السائل ،ويضع يده علي قلبه خشية من أية مفاجأة ضارة

طالما ان الاقدم عاد الى المدرسة له الحق فى البقاء بعد العودة

ربنا معاك ويرفع الكرب عنك وعنا جميعا للاسف الموضوع ده بالاقدمية طبعا وربنا يرزقك بمدرسة تانية احسن من دى متقلقش يعنى رزق هنا رزق هناك مفيش اى مشكلة اهى كلها تربية وتعليم

هو قانونى الاقدم والواسطه لها دور كبير برضه فى الموضوع

عند سؤال التنسيق بالمديرية التعليمية
كانت الإجابة بأن الذي يخرج هو الأحدث إقامة بالعمل في المدرسة أي المدرسين العائدين من السفر

الكتاب الدوري الأخير يقول لانقل لمتعاقد اأرجع إليه

سويها مع الموجه بتاعك وبدون متأمره
حاول تلطف الامور معاه

الواسطه طبعاااااااااااااااااااااااااااااا
وطلاما انت عقد متقلقش اعتبر نفسك اتنقلت من انهارده
:)
انا زيك برضو عقد وفي بنت تانيه عقد جت المدرسه بعدي واصلا انا شغاله اقدم منها طلعوني انا وهي سايبنها
لانها صاحبه المديره وواسطه
حسبي الله ونعم الوكيل

حسبى الله ونعم الوكيل فى اللى اخترع التعاقد ده
ده معقدنا فى حياتنا
انا بتكسف لما اقول انى متعاقد

والله العقد ده من نصوصة ان الطرف الاول له احقية فسخ العقد دون ان يسأل عن الاسباب وبدون مسأله قانونية يعنى احنا الوقتى زى ما العقد بينص علية عقد مؤقت مش عقد مستمر سواء كان مميز ولا بنمر هو فى الاول وفى الاخر عقد لو ما فيش عجز فى المدارس فاحنا كلنا اكسو برا فى الشوارع

كلام سليم, لان طول ماهم زايدين التوجيه رجعهم ليه المدرسة فالمفروض يتوزعوا ع المدارس اللي فيها عجز

كن يا متعاقد معتز بنفسك
دافع عن حقك حتي النهاية
أنت متعاقد علي الباب الأول أجور و هذا معناه أنك سيتم تثبيتك ( هذا هو القانون )
لا يمكن لأحد أن يفسخ عقدك إلا لسبب يقنع الإدارة التعليمية .
أنت مٌعين بمسمي جديد " المتعاقد"
لا تخاف من أحد
قالها لي وكيل الإدارة "" لن تترك المدرسة و المدرسين العائدين هم من سيتركونها ""
و الله الموفق و لا تحدث أي مفاجأت غير سارة