|
"بدر" لأولياء الأمور: الكتاب المدرسى أكثر جودة من "الخارجى"
http://www.youm7.com/images/NewsPics...1026191942.jpg الدكتور أحمد زكى بدر وزير التربية والتعليم اعتبر الدكتور أحمد زكى بدر، وزير التربية والتعليم، أن جودة الكتاب المدرسى الحكومى تفوق نظيره الخارجى، مشيراً إلى أن الأخير يُصنَع من "ورق جرائد" ويركز فقط على إعداد الطلاب للامتحان عن طريق الحفظ. وأكد "بدر"، فى تصريحات صحفية مساء أمس على هامش مشاركته بلقاء فى اتحاد الكتاب، أن "التعليم" بدأت فى إصلاح الكتب المدرسية لجعلها أكثر جذباً للطلاب، وقال "الناس بتوع الكتاب الخارجى بيستنوا أول ما الكتاب المدرسى ينزل عشان ياخدوا مضمونه ويحطوا عليه شوية صور وألوان وبعدين يبيعوه بـ 50 و60 جنيه عشان كده فرضنا حق انتفاع على كتبنا"، مشدداً على تمسك الوزارة بموقفها فيما يتعلق بفرض مقابل مادى كشرط لمح تراخيص إصدار الكتب الخارجية. وأضاف وزير التعليم قائلاً "مش هنتنازل عن موقفنا..وإحنا ممكن نطلع نقول إن الكتب الخارجية مش هييجى منها ولا سؤال السنة دى فى الامتحانات..أو نوزعها ببلاش على المدارس"، منتقداَ الهجوم الذى تتعرض له الوزارة فى أزمة "الملكية الفكرية" لكتبها. وشدد "بدر" على عدم رضاه عن اعتبار الطلاب الكتب الخارجية بديلاً موازياً للمدرسية، متعهداً بإيجاد مصادر تمويل إضافية لتطوير الكتاب الحكومى، وداعياً أولياء الأمور إلى إبلاغ الوزارة عبر خط هاتفى ساخن، بأماكن بيع الكتب "غير المرخصة" أو بوقائع لجوء ناشرين إلى رفع أسعار الكتاب الخارجى مستغلين احتمالية تأخر صدورها هذا العام. المصدر http://www.youm7.com/News.asp?NewsID=272475&SecID=65&IssueID=0 |
على اساس ايه كتب المدرسة غير منظمة والتدريبات على الدروس قليلة
|
بس الكتب الخارجية كلها نزلت وبكميات كبيرة في الصعيد وبخاصة سوهاج
|
يا عم بدر اهي ارزاق
|
الراجل ده تفكيره سليم 100 %
|
اقتباس:
|
زكي ده زكي جدا والله بيستغل اي فرصه لجلب الاموال للدوله
|
كتب المدرسه نزلت المدارس؟
|
والله حرام عليه بقى
كفاية كده هوا فعلا زكى ممكن يمسكوه وزير مالية هيجيب للدولة فلوس بالهبل بس بعيد عننا بقى |
انا متفقه معاه ان كتب المدرسه بالنسبه لي اهم مليون مره من الكتب الخارجيه
بس كنا بنحتاج الكتب الخارجيه عشان الاسئله الكتير اللي فيها |
بس ع فكره يا جماعه كتب المدرسه مهمه جدا جدا جدا في 3 مواد بس الفيزيا والكميا والاحياء (ومزكرات المدرسين بينقلوها هيا هيا بس بينظموها ليس الا ويرتبوا الموضوعات اللي فيها)
احنا امتحان الاحياء ما شاء الله السنادي جالنا مش من الكتاب اغلبه عاوز تفكير والله من برا انا ما كنت مزاكر وجبت 48.5 وده لان الامتحان مش معتمد ع الحفظ شكرا وتقبلوا مروري |
كتاب خارجي يثري المدرس ويرفع مستوي المعلم لانه ياتي بافكار جديدة
كتاب المدرسي فاشل لا فية تنظيم ولاشرح ولا اسئلة ولا افكار المهم عند الوزراة تقليل عدد الصفحات علي حساب المادة العلمية |
والله العظيم كنت بخاف امسك كتاب العربي بتاع ثانوي ... عشان محسش باكتئاب
الكيميا كنت احب جدا اذاكره من الكتاب الفيزيا مش وحش طبعا الانجليزي والالماني شور محدش حيعتمد عالكتاب نفسه باقي الكتب ربنا يعيينا |
مش كل الكتب صالحة للمذاكرة فيها ، مافيش غير الكيمياء و الاحياء ،، دول ال كنت بذاكرهم من كتاب المدرسة ، لكن الباقي مااعتقدش ينفعوا ، |
والله الكتب الخارجية بتنفع اوقات كتير
بس ربنا معانا يارب ويرحمنا من القرارات دى ولسة ياما هنشوف |
هوا ايه الي بيقوله دا جوده ايه وبتاع ايه
احنا الكتب الي بيوزعهلنا كلها زباله من 2007 والي من 2006 فين الجوده بجد هوا عاوز يطلع نفسه هاري بوتر حسبنا الله ونعمه الوكيل انا كتب المدرسه دي مكنتش اعرف عنها حاجه اصلا كلها رغي في رغي |
شكرا للمتابعة
|
كنا نستلم كتب المدرسة ونرميها فى ادراج المكتب ونشترى الكتب الخارجية + الدروس الخصوصية
|
اقتباس:
دي ماكلاها الفيران |
سيادة الوزير
مع احترامي الشديد لوجهة نظرك ولكن حسب تخصصي في مادة اللغة الفرنسية فإن كتاب اللغة الفرنسية لا يحتوي على أي تطوير فهذا المنهجيدرس منذ 1980 ولم يطرأ عليه أي تغيير فهو لا يصلح لأي شيئ حتى لا يصلح للإستخدام في الفصل الدراسي و المعلم الذي يعمل به إما أنه يخاف من الجهات الإشرافيه أو يريد أن يضيع وقت الحصة في كلام فاضي و 100 % من طلاب الثانوية العامة يذاكرون من مذكرات المدرسين أومن الكتب الخارجيةوكلامي لا يحتاج لبراهين فالكل يعلم ذلك جيداً. |
|
ننتظر صدور الكتب الخارجية لنرى ما وعد به الوزير من تغيير فى الشكل والمضمون. |
السلام عليكم ورحمه الله وبركاته اسعدتنى آرائكم جزاكم الله خيرا وانا برده معترضة ازاى كتب المدرسة اكثر جودة دا بيتكلم على الورق يا جماعه احنا مالنا ورق جرايد ولا زبالة حتى طيب ما تخلوا كتب المدرسة فعلا اكثر جودة على الاقل تبقوا شلتوا عبئ الكتب الخارجية عن الاهالى الغلبانه ادينا هنشوف اذا كان فى تغيرات فى حاجة ولا لاء المدارس قربت |
ده اكيد بيهزر
جودة ايه اللي في الكتب المدرسية !! |
اكيد..
شكرا للمرور الكريم |
اقتباس:
|
انا بقي مؤيد للراجل ده و شايف ان اللي بيعمله صح
عايز يطلع ناس بتفهم مش بتحفظ و عايز يشيل الحشو و بيعمل امتحانات صعبة و فعلاً اللي بيطلع منها علي طب بيكون مستحقها عن جدارة و علي فكرة انا بذاكر اخر السنة من كتاب المدرسة و اغلب الاسئلة بتيجي منه و الكتب الخارجية ولا ليها اي تلاتين لزمة بالناسبالي و بإذن الله الكل يكون كده و انا مع كتاب المدرسة |
اقتباس:
انا مش مع الرأى دة *الامتحان مش بيجي صعب دة امتحان معقد *واحنا بنفهم علشان نحفظ مش بنحفظ وخلاص ولو كنا بنحفظ وبس كان كل واحد نسي كل حاجة بعد ما الدراسة تنتهى بل بالعكس فى مواد بتعتمد على ان الواحد يفضل حافظ اللى اخدة قبل كدة لان اللى حفظة بيفضل ماشى معاه طول السنين زى النحو مثلا *وهو يعنى الوزير فاكر لما يمنع الكتب مش هنعرف نجبها * انا ارهن مليار فى المية ان بنت الوزير نفسها بتاخد دروس وبتستعمل الكتب دى |
مش تقلقوا
هوا هيقبض الموضوع هيخلص يعني كمان اسبوع ولا اتنين والكتب هتنزل زي الاول هوا بس عاوز شهره مش اكتر |
ماهو الامتحان المعقد مقصود
لما اقول معقد يعني عايز ولد ذكي يعديه و الذكي هو اللي هايجيب مجموع و الذكي هو اللي هايخش الكلية اللي تتلائم مع ذكاؤه و يبقي كل واحد في مكانه الصح و ميطلعلناش دكتور فاشل ولا مهند يوقعلنا كام عمارة علي بعض زي الدومنة و كل واحد علي حسب امكانياته و محدش كده هاياخد اكتر من حقه |
بس كل واحد فينا عنده نسبت ذكاء تختلف عن غيرة
وامتحان السيد الوزير عايز واحد عبقرينو ومش كلنا عبقرينو |
لاء عادي فيه عبقرينو كتير
انا عندي في المدرسه 2 جايبين 25 في الانجليزي ودي انا الي مستغربلها |
انا عن نفسي فى 3 اعدادى كانت نسبة البنات الشطرين جدا فى الفصل تعدى ال80%
واللى فينا عدا ال95% هى بنت واحدة بس مع اننا كنا بنذاكر وشاطرين جدا وبشهادة المدرسين |
انا بحمد الله اي سنة مكانش فيها اعمال سنة كنت بطلع من الاوائل
مش عارف بقي في ثانوي هاتختلف ولا لا و ياربب ما تختلف لكن انا جربت السنة دي اذاكر لوحدي خالص كل المواد و اولهم الرياضة و الحمد لله نجحت في كده نجاح كبير و استعملت كتب المدرسة في الحل و الاختبارات لكن بس لو يرجعوا كتاب التدريبات و يهتموا شوية بكتاب المدرسة و الاخطاء اللي فيه هاتبقي تمام و زي الفل |
كتاب التدريبات دة مع انه فى اسئلة حلوة بس حكايت الاجابات اللى من ورا مش حلوة خالص
|
بإذن الله طالما عمل الهلمة دي كلها يحسن الكتاب و يصحح التدريبات و يزودها و يزود جودتها بدل ماهي ملهاش لزمة
بس ربنا يسهل بس |
أتـفـق مـعـأه أنـو كـتـاب الـمـدرسـة أحـسـن عـرض لـلـمـادة .. طيب يا استاذ احمد وانتا فكرك اني بجيب كتب شرح خاريجية .. لاء ولا فكرك اني بحل من الكتب الخارجية عشان يمكن يجي مسائل منها في الإمتحان .. راجع مادة علم النفس عشان تعرف .. طيب حد يجرب فيكم يكتب سؤال في اي محرك بحث على الانترنت .. مثلا ازاي تكون عبقري رياضة عبقري فيزياء .. الخ حتلاقي كلمة واحدة مـــــــــــــــــــــــــــــــارس المادة كتير .. طيب لو سمعت كلامك وإلتزمت مع كتاب المدرسة حمارس فين ,, | قولي انتا بقا | ولا دليل التقويم الي بينزلي في اخر شهرين .. عفاكم الله على أفكاركم الإجبارية .. انا طالب ولي حق الإختيار .. وياريتكم حتى في الأخر في الإمتحانات بلتزمو بكتاب المدرسة هه ! ريحو نفسكو بقا شويا |
كلامة صح 100%
بس الكتب الخارجية نزلت عندنا فى قليوب خاصة كتب ثانوى ميزة الكتب الخارجية فيها اسئلة اكتر بكتير من كتاب المدرسة |
فعلا الكتب المدرسيه جامده جدا بأمارة الامتحانات اللي بتيجي منها
هههههههههههه |
يا جماعه الكتب الخارجية مهمه جدا عشان فيه ااسئلة كتير وامتحانات بتعود الطالب انه يحل اى نوع من الاسئلة دا غير تذكر ان اللى ورا كل درس وبعدين نصف الكتب المدرسية الدروس فيها على هيئة اسئلة طيب انا لسه بتعرف على الدرس هحل ازاى ازاى يعملوا درس مكون من اسئلة واجب بنفسك انت؟؟ كل اللى بيعملوه انهم يلونوا الكتب وبس طيب والدروس اللى جوه ياما نقط وانت تكمل ياما دروس ملهاش نهاية وكلام مش فاهمينوا..صحيح فى كتب لمواد معينة بتكون كويسة جدا وفعلا بيجى منها الامتحان بس مش كل المواد كتبها كويسة..والا مكنش فى حد لجأ للكتب الخاريجة ابدا وبقت مهمه عندنا بس ادينا هنشوف اذا كان صحيح هيغير الكتب المدرسية ولا لاء؟؟؟ |
وانا اصلاً هذاكر اية فى كتاب المدرسة
دة تدريبات كل درس عبارة عن (ماذا لو ____ ضع علامة صح او خطا) والباقى انشطة يعنى مفيش فية حاجة انما الكتاب الخارجي كله اسئلة منوعة وكتيرة جدا يبقى اية لزمة كتاب المدرسة |
هو قصده على جوده الورق مش جوده الشرح
:006et4: ياحج احمد ذكى بدر قلل الجوده احنا مش معترضين بس فى نفس الوقت خلى الكتاب المدرسى جوده الشرح ولو حتى نص الخارجى |
اصلا كتاب المدرس مفيش فية شرح خالص
|
لو كان الطلبة ليهم سلطة على الوزارة كان زمان احمد ذكي بدر قاعد في بيتو من زمان .. اصدي من أيام الثانوية العامة .. :078111rg3: ربنا يكتر من أمثالك .. بيعجبني أوي أوي في وزارة التربية والتعليم . كل لما وزير جديد يمسك . يقولك هنحط قاعدة لتطوير التعليم يسيب الوزارة يجي واحد تاني يقول لاء القاعدة القديمة دي مكنتش مظبوطة احنا هنعمل قاعدة جديدة للتطوير التعليم وهكذا دواليك .. نفسي تطلعو دورين بقا على القاعدة دي . لاء والي يعصبك . انو غالبا الوزير الي بيمسك جديد بيكون من حاشية الوزير القديم .. الله ماانتا ساهمت في القاعدة القديمة جاي تقول انها كانت غلط ليه . :) |
يا جماعة لا تتحاملوا على الوزير
فى ايه بس ايه اللى مش عاجبكم انا راى انه صح وعايز يخيلينا نحب الكتب المدرسية ونشتغل منها وشكله كده ناوى يطورها بجد يعنى هيكتر الاسئلة وهو ده بس عيب كتب المدرسة ان الاسئلة مش كتير ولا الافكار لكن فى الاول والاخر بعد كل مذاكرة لازم بنرجع لكتب المدرسة ومش بس الكيمياء والفيزياء هى اللى مهمة وكتاب المدرسة فى العربى لا يعلى عليه والله فى التعليق فى النصوص والادب لازم من الكتاب المدرسى والكتب الخارجية هنا ما لهاش دور عموما انا سمعت اخبار ان الكتب نزلت وبسعرها الطبيعى وعادى يا رب فعلا السنة دى تمر على خير والامتحانات تكون مناسبة وسعيدة ع الكل وادعو بالتوفيق للجميع وبلاش دعوات ع الوزير يا ريت يقدر يعدل التعليم ويرجعه تانى اننا نحب التعليم مش نهرب منه ومن الحشو ربنا يعينه ويصحح ويريح الطلبة |
لو هيعرف ينظم الكتب المدرسيه ذى الخارجيه يبقى تمام
|
ياريت والله لو فعلا هيطور الكتب المدرسية يبقى كتر خيره..
لكن لو هيلغى الكتب الخارجية ومش هيطور الكتب المدرسية يبقى حسبى الله ونعم الوكيل.. |
والله احنا بقينا فئران تجارب
|
والله فعلا تشبية جميل..
|
| جميع الأوقات بتوقيت GMT +2. الساعة الآن 05:20 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.