|
مقر اجتماع خاص بمشرفي القسم العام
في ظاهرة تعد الاولى من نوعها وفي سياق جديد لإنشاء مكان مناسب الناس يتجمعو فيه قررت عمل هذا الموضوع ليكون المكان الاول لمناقشة قراراتنا والتي ربما تكون أعين الإدارة على أن يكون هذا لموضوع (تحت المراقبة) حتى لا يتاح للأعضاء او مشرفي الاقسام الاخرى رؤيته وعلى ذلك اتمنى من اي من افراد الادارة عدم التعامل معه بصفته موضوعاً مراقباً كأي موضوع آخر ده طبعاً نظراً لاننا مش حنعرف نتلم عالميل او بالرسايل :d مبدأياً حعرف رأيكو بخصوص الموضوع وبعدين نبدأ نتناقش في كل نقطة عاوزنها بخصوص القسم وتوزيع المهام |
رد تجريبي خلال الموضوع عندما يكون غير موافقاً عليه تمت العملية بنجاح إذا ترك الرد الأول في الموضوع بدون موافقة والرد الاول يعني واجهة الموضوع نفسه فسيظل الموضوع مختفياً حتى وإن تم الموافقة على الردود التي بداخل الموضوع لذا قمت بالموافقة على الردود الموجودة ولا داعي للقلق |
بارك الله فيك
تسجيل موافقة وفي انتظار تحديد اول اجتماع وياريت سريعًا |
اول حاجة بخصوص موضوع المواضيع المخالفة
عايزين نعمل موضوع جديد ونتفق عاللى حيتعمل فيه المفروض حنخلي فيه المواضيع المحذوفة فقط مع بيان السبب في الحذف |
بعد إذن حضراتكم .... بس لاحظت وجود مواضيع كثيرة نقاشية منقولة لأقسام ادبية
ابداعات اعضاء وفلاسفة تحت التمرين وما شابه هو عشان الموضوع من كتابته الشخصية اصبح نثراً ادبياً ؟ وكمان موضوع زي موضوع "الاهلي هوهو" ده بيناقش كون البنت لما بتروح تشجع في الاستاد امر مستحب ام لا لا علاقة له بالاهلي بصفة مباشرة ولا بالكرة ولا بالقسم الادبي ومع ذلك لقيته اتنقل تقريباً شفته في القسم الرياضي وحالياً في القسم الادبي برده ده بسبب إنه وصلني بتاع تلات رسايل النهاردة بيستفسرو عن اختفاء مواضيع نشطة ليهم ولم تكن قد نقلت من قبلي |
اقتباس:
طب ما تقول زى ايه يا بانزر مش انا اللى نقلت موضوع الاهلى و فيه واحدة برده بعتتلى على مواضيع مش انا اللى نقلتها و قلتلها تبعتلك انت و الاستاذ عبدالله |
اقتباس:
على سبيل مثل للاخت رووووز ... انتقلها اكتر من موضوع دي صفحتها في الاحصائيات http://www.thanwya.com/vb/search.php?searchid=1074409 حنجد موضوع زي ده للأسف لا يشرفني الإستمرار معكم دى بجد المرة دى الموضوع كان دفاع عن المنتدى وليس حقيقياً وتم حذفه دون النظر داخله اصل عبارة "حتى أنت يا بروتس " الموضوع يعبر عن ظهور بعض الفاظ الجيل الجديدة ومعنى كلمة معينة مش شايفها معلومة عامة لتنقل لقسم المعلومات العامة رايحة لفين يا مصر ...نفسي أجبلك أريال الموضوع سياسي نوعاً وما ولكن تم صياغته بأسلوب نقاشي أرى أنه نقل لفلاسفة تحت التمرين وبغض النظر عن انه منقول وليس من كتابات الشخص فهو ليس في النهاية موضوعاً أدبياً أيضاً نهارنا عسل.. الفنكوش وصل! منقول لابداعات الاعضاء والموضوع يعبر عن التخدير الامريكي الاسرائيلي للعالم بداعي السلام ولا يمت بصلة للقسم الادبي ايضاً دول بخصوص أول الأعضاء المعارضين ________________ بخصوص المواضيع المكررة ... اقصد المواضيع التي تنقل للمكرر بداعي وجود مثلها في القسم بقترح عليكم نأجل الموضوع ده شوية عشان حقترح عليكو كام حاجة كده وعايزين نظبطها وطبعاً بلاك روز هي اكثرها خبرة وحفظاً للمواضيع القديمة دي |
اقتباس:
اها رووووز دى اللى بعتتلى و قولتلها مش انا انا منقلتلهاش ولا موضوع و بالنسبة للاقتراح ياريت تقوله عشان نناقشه |
اقتباس:
المنتدى موجود من 2003 عدى على الاقل جيلين او تلاتة واحنا في الرابع دلوقتي بفرض بقاء كل جيل من سنين لتلاتة اعتقد لكل جيل المفروض يبقى فيه نقاشاته الخاصة فعلى سبيل المثال كان الموضوع الاخير .... تسقيط البنطلونات هو صحيح مكرر يمكن ميت مرة ورا بس انا مش مطالب ادور على موضوع انا حكتبه بايدي واناقش واحد او ناس مبقوش موجودين في الموضوع أصلاً في المواضيع اللى بتتنقل بالنص دي المكرر منها يتشال طبعاً لكن في موضوع الكتابات الشخصية حيبقى صعب عليا لما اكتب الموضوع بايدي ويتقالي انها منقولة ولا بكده استفدنا بالموضوع الجديد ... والقديم مازال مركون يبقى الحل إننا نشيل القديم .... او نسيب الاتنين وده اللى افضله شخصياً لإنه بالاستمرار في ده .... مع الوقت المواضيع النقاشية حيخلص معظمها لإنه ببساطة تم استنفاذ جميع الافكار والمشاكل المحيطة بنا طبعاً بتكلم على فترات جيل يعني مثلاً نبدأ جيل جديد من المواضيع الاسبوع ده بعد التعيينات الجديدة مثلاً دي وجهة نظر ومحتاج اسمع فيها آرائكو لإنها فكرة كانت مدايقاني من زمان اصلاً في القسم العام :d |
السلام عليكم
|
يا جماعة لابد أن تحدث لخبطة في أول أسبوع هذا وارد
ولكن لابد من وضع آلية للنقل والحذف هانبدأ من فين وهل كل الموضوعات في القسم مسئولين عنها أم نبدأ من أول يو استلامنا الاشراف |
اقتباس:
طيب ماهو المشكلة ف المواضيع اللى بتبقا كوبى و باست هى دى غالبا اللى بنقلها انا معنديش مانع ان المواضيع اللى مكتوبة بكيبورد الاعضاء متتنقلش حتى لو الفكرة مكررة زوزو هى اللى كانت بتعمل كدا :d المهم متكونش بالنص يا بانزر مبيبقاش ليها طعم اللى منقولة بالنص دى فانا معاك انها متتنقلش مدام مش بالنص و نقاشية من الدرجة الاولى |
اقتباس:
مفيش مشاكل يا استاذ عبدالله ان شاء الله كل حاجة هتكون تمام مع الوقت و انا اعتقد اننا مسؤلين عن القسم كله مش من ساعت ما استلمت الاشراف |
عن نفسي انا مسؤوليتي من اول ما مسكت :d
بس طبعاً اي موضوع حيتنشط قدامي في الصفحة الاولى حتصرف معاه ولو فينا عندنا وقت نتابع مواضيع قديمة نحرر مخالفاتها بس ياريت الاول ناخد قرار في مصالح الناس اللى متعطلة دي امبارح عملت انجاز وخليت مساحة رسايلي 77% دلوقتي بكلمكو وهي 99% ... حرام كده بجد :d |
اقتباس:
ههههههههههه هو انت عندك صندوق الرسايل بيشيل كام رسالة :d انا يوميا بمسح حوالى 10 رسايل ده الطبيعى بتاعى علطول :d استمحل و متقلقش مش هتقل نسبة الرسايل الا لو الصندوق اتملى :d و ساعت كتير كنت بسيبه مليان عالاخر عشان محدش يبعتلى :blush: المهم مصالح الناس اللى متعطلة اللى بتتبعتلى خلصتها شوف انت ايه المصالح اللى عندك :d |
اقتباس:
اهي المواضيع دي ايه نظامها حنسيبها كده العضوة بعتتلي ميتين مرة عليها :d |
ومستر عبدالله سابني برده ومردش عالرسالة :d
|
اقتباس:
انا هو والله يا بنزر يعني انتم شايفين ايه نرجع المواضيع تاني معلش هو الاول في لخبطة انتم شايفين ايه احنا رأينا شورى |
اقتباس:
اكيد طبيعي جداً إننا نختلف مفيش مشاكل ومش موضوع نرجع المواضيع انا بس عايز اعرف وجهة النظر في المواضيع دي ومش كل المواضيع زي ماهي باينة من عنوانها فقط وعادي بننقل موضوعات كتير ومش بناخد بالنا بس المهم نلحق نصلحها انا عن نفسي شايف القسم الادبي للمواضيع التي تهدف في الاصل لان تكون لمجرد الكتابات النثرية او الشعرية الادبية وليس كل ما يكتب كتابات شخصية يقصد منها الكتابة قبل مضمون الموضوع نفسه لذلك فهذه المواضيع هي نقاشية بالشكل الاول |
شاب يدوس حبيبته بالعربيه
صيام تيك اوي خش وقول رائيك هذا الموضوع مش وحش لكنه لا يرقى ليوضع في القسم العام كذلك لا يصلح لابداعات الاعضاء ولا فلاسفة هل احذفه محتاج رد . |
اقتباس:
هو بتاع صيام تيك اوي ده مش عارفله بصراحة هو فعلاً لا يرقى لكونه في العام فاعتقد يتم غلقه افضل :006et4: |
طيب كده اتفقنا إنه اي موضوع من الكتابة الشخصية حتى ولو كان مكرر بس مش من فترة قريبة حنسمح بوجوده اعتقد كده تقريباً اتفقنا في النقطة الاولى بخصوص تاني نقطة لسه مقررناش حاجة في مواضيع الاخت روز عشان كده احنا معلقينها يومين ********* وثالثاً حناقش صياغة قوانين القسم الجديدة بإذن الله حبقى احاول اصيغها بشكل جديد حورهالكو بس عايزين نضيف ليها شرطين او تلاتة يحددو المواضيع بشكل اكبر 1- بخصوص ردود (سبام) او المتكررة زي اللى بيضيفو مثلاً جزاك الله خيراً وخلاص في كل المواضيع بهدف تزويد المشاركات ... ده تتحذف ردوده ويحصل على انذار (يعني قد يكون القانون شكلي اكتر منه تنفيذه للردع فقط) 2- إنشاء اكتر من موضوع في اليوم حيتم الانذار بيه برده (وممكن نقول برده ده شكلي اكتر منه تنفيذه ولا يتم تنفيذه قبل ان نتأكد تعمد العضو من ذلك) (يعني يكون عملها قبل كده مرة مرتين) 3- اضافة بند جديد نحدد فيه صفة القسم العام يختص بالمواضيع النقاشية فقط ولا يندرج تحته تلك المواضيع الحوارية التي تعتمد على ردود الاعضاء زي كل واحد يقول حكمة كل واحد يقول حالته النفسية يقول موقف ... يلعب لعبة عايزين ننتقي الالفاظ في البند ده بالذات عشان نحدد هدفه ايه تاني محتاجين نضيفه لبنود القسم او نزيله ؟ |
طبعًا
عايزين أي اقتراح يتم الموافقة عليه داخل المقر ويتم تنفيذه يتم كتابته باسم مجموعة الإشراف عنهم فلان " اللي هو صاحب الفكرة " لأن بكده الناس كلها هاتحس إن الموضوع جد وإننا متفقين على هذا الشيء ... وهكذا |
بخصوص تاني نقطة لسه مقررناش حاجة في مواضيع الاخت روز
عشان كده احنا معلقينها يومين هو مشكلة المواضيع ذات العنوان المخالف لنص أو محتوى الموضوع اصبحت موضة فعلى شاكلته تعلوا نسرق ندمن ويارب خد المنتدى والقائمين عليه والاشراف وفي الآخر جوه تلاقيه كاتب خدهم للجنة احنا عايزين نخف من المواضيع ذات العناوين المغايرة لنص الموضوع ها إيه رأيكم ؟ |
هذا نص قانون للمنتدى أعتقد أنه مانع شامل ممكن نسن منه قانون جديد ونثبته ونبدأ العمل به عزيزي العضــو / ة إن المميزين لهـم خطوات تبدأ بالتـزامهم بقوانين المكـان حيث هم فدعونـا نمنح أنفسنـا هذا التميــز فاليـوم نضـع بين أيديكم قوانين القسـم العـام ولتكـن مفاتيـح لأبواب التميــز متمنيـن من الجميــع اتخـاذها منهج لخطاهم في منتدانـا العزيز http://www.al-wed.com/pic-vb/10.gif في البداية وقبل كل شيء القسم العام هو واجهة المنتدى فرجاء الالتزام بلغة الحوار الراقي وعدم التعصب لرأي أو شخص http://www.al-wed.com/pic-vb/10.gif مواضيع القسـم العام * يتحدث هذا القسـم عن مجـال الثقافة العـامة وكـل ما لا يتعلق بالأقسام الأخرى فتأكد قبـل إدراج موضوعك بأنه بالمكـان الصحيح * وتذكر حينهـا أن الله مطلعٌ عليك وأن كل كلمة سوف تكتبها فأنت محاسب عليها يوم القيـامة * أيضـا كمـا انه يمنـــع منعـاً بـاتــاً إضافة موضوع يتحدث عن السياسة او يتعرض إلى رؤساء الدول او المواضيع الطائفية واثارة الفتنـة أو سب أشخاص * يمـنـــع نفض المواضيـع القديـمة وقلب الجديد الى قديم والقديم الى جديد كذلك يمنع الإعلان لمنتديات أخرى أو كتابة روابط منتديات أخرى هذا وبتعـاونكم ومتابعـة أجدد مواضيع هذا القسـم سيأخذ الجميــع بإذن الله حقــه http://www.al-wed.com/pic-vb/10.gif عدد المواضيع التي تطرح يوميـاً من قبل العضو :- * للعضو أن يضع يوميـاً موضوع واحد فقط في هذه الساحة ويمنع أن يطرح العضو أكثر من ذلك في هذه السـاحة حيـث سيعرض الثاني إلى الحذف http://www.al-wed.com/pic-vb/10.gif محتوى الموضوع والردود * أن يكـون مضمونه هـادفاً ويحمـل الفائدة للجميـع * أن يكون التنسيق والترتيب شيء أسـاسي لوجود الردود عليه وتقدير جهده * وأن تكون الردود لهـا علاقة بمـا هو في محتوى الموضوع و لا للردود العشوائيـة حيث سيتعرض إلى حذف الرد http://www.al-wed.com/pic-vb/10.gif عنوان الموضوع * أن يكون عنوان الموضوع له علاقـة بصلب الموضوع ومضمونه كذلك البعد عن العناوين المثيرة أو التي بها إعلان لمنتديات أخرى أو االعناوين التي تكون عكس محتوى الموضوع أو روابط منتديات أخرى وهنا من حق المشرف حذف الموضوع كله ، أو حذف الروابط والإبقاء على الموضوع للفائدة حقوق المواضيع عندمـا تكتب موضوعـاً فإن من الأفضـل أن تكتب في آخر الموضوع " بقلمي " أو " بتصرف " تدل أنك أنت الذي كتبت الموضوع وذلك لنميْز بين كاتب الموضوع الأصلي وبين ناقل الموضوع وهذا إن دل فهو يدل على حسـن الأخلاق وأمانة الشخص كمـا أنه يمنـــــــع أن ينسب العضو موضوع لنفسه وهو ليس موضوعه ويمنع كذلك المواضيع المنقولة دون تصرف لكاتبها http://www.al-wed.com/pic-vb/10.gif المواضيع المثبتة عزيزي العضو / ة إذا أحببت موضوع مثبت في منتدى آخر انقله لنا و لكن يبقى أمر التثبيت شيء مرهون بجودة و هدف الموضوع نفسه إذا كان يستحق التثبيت ثبتناه و إذا لا فيكفينـا وجود توقيعك واسمك في القســـــم http://www.al-wed.com/pic-vb/10.gif أخــــيرا نرجو من الجميع مراعاة جميع النقاط لمذكوره أعلاه تجنباً للإحراج والحرص والتعاون معنا من أجل الوصول إلى الهدف المنشود من وراء هذا القسم كذلك لا داعي للاعتراض العلني إنما الاعتراض عن طريق مراسلة المشرف على الخاص و نتقدم بالشكر لكل عضو يعرف معنى الحوار السامي ولكل عضو خطت يداه المواضيع الهادفة والمميزة تحت شعــــار : " معـــــــاً نحو النجـــاح والتقدم " كل الشكر لكم،، مع تحيـات مشرفي القسم |
ردودي التي ستحمل اللون الاسود
بما إنه حضرتك خدت كل الالوان :d اقتباس:
بس في فعلاً مواضيع كتير كده عايزين نقلل منها اقتباس:
وممكن نضيف ممنوع حد يطلب تثبيت الموضوع الباقي مش معناه مش موافقه لا .. بس معنديش تعليق او اعتراض عليه يعني باقي الكلام تمام |
تسلم يا غالي
ويارب يديم علينا التفاهم والاتحاد وحسن التعاون المهم مواضيع روووز كيف نعيدها مرة أخرى دا شيء تاني شيء تسابيح النجوم انا ملاحظ عدم دخولها ثالثًا الموضوع اللي انقله او احذفه لازم اكتبه في ركن المواضيع التي تم حذفها ونقلها رابعًا عايزين تحديد موعد لاجتماع لمجموعة الإشراف كلها واديني اهو كتبت بالاسود عشان اشوف الوانك يا عم هههههههههههههه |
اقتباس:
|
أنا بجد بعتذر بصراحة الجهاز متلغبط اخر لغبطة عندي من ساعة ما مسكت الاشراف البركة :d بس انا عايزة اقول حاجة موضوع المواضيع التي تم نقلها وسبب النقل دي شايفة انها هتعطلنا اووي لان القسم نشيط ومحتاج اننا نحذف منه حاجات كثير ... طيب لو مثلاا حذفنا الموضوع دا ونكتفي نرد في المواضيع المنقولة للاقسام الاخري.... غير ان فيه مواضيع بتتنقل بحس ان القسم دا المناسب لها .. من غير سبب بس دا شكلها القسم دا وكمان ممكن ننقل 7 مواضيع هل كل مرة هنكتي ف الموضوع اتنقل ليه وكدا..!! في مواضيع بصراحة مش عارفة ممكن تنحط فين زي مواضيع المكياج والحاجات دي مش عارفة ايه اللي جابها العام اصلا:bosyht9: هل احنا هننقلها لنصف الجمتمع ولا نحذفها .... وشكراا |
عايزة اعرف ليه ردي مش ابيض زيكم
ع العموم فيه شيء كمان فيه اعضاء معروفة بانهم مش بيحطوا المواضيع في مكانها زي سارة وسؤئة اظن انهم مفروض يتبعث لهم انذار ولا ايه!!!! مش اقصد هم بالذات بس اقصد اي حد بيحط مواضيع كثير وكمان مخالفة ... |
فيه حاجة كمان فيه ناس بتحط اكثر من موضوع في القسم ف اليوم الواحد وغير كدا المواضيع مخالفةهل انقلها واللي اخليها مكررة !! عاقباا لهم:d |
فيه كمان شيء
فيه موواضيع مش بحس ان ليها مكان او ليها مكان بس مش عارفة محذوف ولا ايهوفيه حاجات كثيرة مفروض تبقي في قسم التسلية ومفيش حاجة كدا اصلاكان جرس الفسحة واتحذف !!! طب نعمل ايه في المشكلة دي... شوفوا موضوع استاذ شريف دا http://www.thanwya.com/vb/showthread.php?t=246014 وياتري ايه القسم المناسب له هل هو اجتماعات طالب ولا ايه ..!! |
فيه حاجة ياجماعة
ان فيه مواضيع مكررة ف القسم وانا عارفة كدا بس للاسف مش عارفة اجيب الرابطة احذف المواضيع ولا ايه..!! |
ملحوظة
انا والله مش بأيدي اني مش بدخل حاجات خارجة عن ارادتي دا انا كنت مقيمة ع المنتدي وانا عضوة عادية ... يلا ربنا ييسر الأمور لما افكر حاجات هبقي اقول سلالالام |
http://www.thanwya.com/vb/showthread.php?t=244157
نفسي اعرف مواضيع زي دي مكانها فين !! ع فكرة لما بنقل مواضيع مش بكتب ف القسم بس صراحة هيأخذ وقت .. والقسم فيه مواضيع مخالفة كثير ... |
انتي بتعوضي كل اللى فات ورا بعض ولا ايه :d بص الرد على نقطتك باختصار بخصوص موضوع المواضيع المحذوفة يكفي ذكر المحذوف وليس المنقول لانه المنقول معروف انه في المكان المناسب احياناً انا بحط التنبيه جوه الموضوع بس لكن المحذوف عشان مش حيعرفو سبب الحذف لازم نحطهلهم وانا استحمل احط رد في الموضوع بدل ما توصلني عشرين رسالة استفسار وامسحهم تاني :d الناس اللى بيحطو مواضيع مكررة في القوانين الجديدة حنقولهم حيتم انذارهم بس حالياً الناس لسه بتتأقلم عالقسم وفي ناس كتير بعتلها الخاص تنبيه عن كده وكمان كنت حاططها في التوقيع والحمد لله تقريباً الناس شبه بطلت ردك مش ابيض عشان لسه موافقش عليه وتقريبا وضحت في الرسالة بالتفصيل اللى مش بيحطو المواضيع في اماكنها برده يتم اخبارهم شفهي وشوية وحيتعودوا ولو جه في مزاجي احذف الموضوع عشان مش فايق ادورله على المكان المناسب ححذفه والسبب .... مش مكانه العام :p مواضيع التسلية بما انه مكانها جرس الفسحة والجرس مش موجود ممكن نركب واحد غيره :d قصدي يبقى الموضوع يتحذف عشان مش مسموح بالمواضيع الهزلية موضوع شريف ده اتكتب في اطار هزلي لإنه بيوضح معلومة في الاصل ولا عشان بيتكلم عن شرانية البنات يعني :p بخصوص المواضيع المتأكدة إنها مكررة شيليها بس لو حد قالك فين الموضوع القديم مضطرة تجيبيه :d يعني .... بلاك روز هي اللى حتنفعنا في الاهتمام بالمواضيع المكررة دي :) أكيد كلنا عارفين نشاطك يا تسابيح مش محتاجة تقولي بدليل انك خدتي اعلى اصوات لانك الوحيدة اللى كانو بيشوفوكي هنا انا محدش عطاني صوته الا اللى كان يعرفني من زمان بس :d بخصوص الرد الاخير المواضيع دي معظمها معمول عشان العام بس بما إنه مكتوب بصفة ادبية مفيش مانع يتنقل للاقسام الادبية وبعدين القسم تقريباً مستقر نوعاً ما واحنا مش حنهتم غير بالمواضيع اللى قدامنا بس والمخالفات الموجودة دلوقتي بقت محدودة مش حتاخد وقف كتير لاضافة سبب الحذف في الموضوع مش مشكلة المنقولين لمكانهم المناسب دي تتفهم لوحدها |
حمدًا لله على سلامتك يا تسابيح
ازيك |
شكراا ياأستاذ عبدالله ربنا يخلي حضرتك... ...... تمام كدا ياباشمهندس ....... صحيح ممكن برضوا يبقي من ضمن قوانيين المنتدي الجديدة (1) ممنوع تجاوز الحدود بين العضو والعضوة دا طبعا فيه ناس بتعمل كدااا مثلا ع سبيل المثال عضو يقول عضوة ياقمر ياجميل ياعسل والخيبة مش فاهمة انه شتيمة:bosyht9: يعني القمر مليان فجوات ونتواءات وياجميل معناها انه مش معترف انها بنت:d والعسل بيلزق:o (2) ممنوع أيضا الخروج عن الموضوع الأصلي وتحول الموضوع لدردشة بين عضووعضو او عضو وعضوة الاثنان سيان (3)ممنوع وضع أرقام تليفونات وإيميلات في المواضيع ... (4)ممنوع وضع صور النساءوالممثليين ... (5)بخصوص المواضيع القديمة اللي بتتنشط ممنوع برضوا تنشيطها الا لو كانت هدفها طيب لما يكون فيه مواضيع منشطه نحذفها احسن ولا نغلقها ... (6)صحيح قسم المواضيع المميزة ايه نظامه ليه مش نضمه للقسم العام وخلاص.. وع اي اساس تبقي المواضيع فيه مميزة يعني وغيرها لا ... (7)فكر استاذ عبدالله فكتابه مواضيع منقولة والتانية بقلمي وكدا احسن بكثير.. (8)إضافة إلي فكرة أستاذ عبدالله ممكن نخلي اللي ينقل مواضيعيبحث عنها في المنتدي الاول عشان لو مش مكررة ينقلها ولو مكررة لا كنت عايزة اسأل ف حاجة دلوقتي زي يابشمهندس كدا لما الامير محمد كان كاتب موضوع شبه محمود طه هل نحذف موضوع الامير محمد لو كان منقول ...!!! ولا نخلي الموضوع لو كان من ابداعه .. ولا ايه النظام ...! سلالالام |
عايزين نعمل موضوع مشترك عن (1)ان الأعضاء يكتبوا مواضيع بقلمهم أحسن من النقل
ونرتقي كدا بالمنتدي حتي لو الموضوع هيكون سطرين ف الأول ولكن من ابداعه احسن (2)زي ما قلت قبل كدا تجاوز الحدود بين الأعضاء عضو وعضوة يعني كدا بيخلي المنتدي سخيف وفيه ناس بتستعبط بئا ف الحكاية دي ها ايه النظام..!!؟ (3)تغير كلمة شكراا وجزيت خيراا للنقاش الجاد للافادة للطرفيين .. وهل فيه اضافات تانية ..!! سلالالام |
اقتباس:
النقط الخمسة الاولى دول من قوانين المنتدى الأصليين ويتحطوا ان شاء الله كقوانين للتذكرة بخصوص موضوع الامير محمد ... هو من كتابته ومينفعش يتشال موضوع زي بتاع محمود طه اكبر واعم واشمل في المعنى بمراحل وارقى في الاسلوب ففي رأيي نسيب الاتنين الباقي تمام متفقين عليه القسم المميز حنناقشه في مكان منفرد بإذن لله بعد ما نخلص اي حكاوي حالية اقتباس:
|
أسفة يا جماعة أنى دخلت عليكم حجرة اجتماعاتكم
بس أنا خبطت الأول حبيت بس أسجل إعجابى بنشاطكم بارك الله فيكم عاد للقسم العام نظامه وترتيبه وسلمت جهودكم وايديكم جميعاً وقاكم الله شر الأعضاء المخربين ومقلقى الراحة منهم كل عام وأنتم بألف خير |
بانزر السلام عليكم
|
اقتباس:
والمكان مكانك يا استاذة ام شاهندة اسف ايه وكلام فاضي :d نورتي القسم حضرتك |
معاك يا مستر
|
كثرت المواضيع المحذوفة والمنقولة والتي سبب نقلها وحذفها مشاكل
اي حذف او نقل يتم وفق وجهة نظر قد تصيب أو تخطيء لازم نشوف حل في موضوع النقل والحذف وانا عندي اقتراحيين : 1- اما اننا احنا الأربعة نتفق على واحد بس هو اللي يحذف وينقل بعد ما يبلغه أي حد فينا حتى يعطي الرأي اه ولا لأ ويكون في تناقش 2- أو يا إما كل مشرف فينا احنا الأربعة يكتب في آخر الموضوع نفسه ينقل أو يحذف مع ذكر السبب والعضو من احصائياته هايوصل لموضوعه وهايعرف مين اللي حذف أو نقل بدل ما يتفرق دم الموضوع بين القبائل ايه رأيكم ؟ يعني ممكن نوزع ادوار بين المشرفين لكل دوره وممكن كمان نعرض الموضوع المراد حذفه او نقله هنا وناخد الرأي ويتم التعامل معاه |
اقتباس:
طبعا انا متفقة معاك اننا نسيب الاثنيين بس لو منقول نحذف المنقول لو نفس الفكرة؟! اقتباس:
القسم نقاشي يعني حتي المنقول للمناقشة اكيد طبعا مش هدق ع الكلمة دي لأني ساعات بستخدمها لما مش بلاقي كلام والموضوع وافي:d بس فيه ناس بتستخدمها دايما ... مع انها بتبقي عندها فكر مميز:006et4: اقتباس:
|
اقتباس:
موافقة ع الاقتراح الثاني وزي ما قال الباشمهندس قبل كدا ان الموضوع المحذوفة هنكتبها في الموضوع بدل لما الاعضاء يرسلوا رسائل للمشرفين وزي ما حضرتك قلت نكتب السبب انا ساعات اصلا مبعرفش ايه السبب بس الموضوع شكله القسم دا..!! فيمكن نكتب السبب ايه ياتُري ...؟! فيه موضوع بتبقي ع نفس الشكالة دي اقتباس:
واكيد منقول فهل القسم الادبي احسن لمثل هذه المواضيع..!! |
اه بخصوص المواضيع المنقولة دي نقولها جوه الموضوع
والمحذوف عشان اكيد مش حيقدر يخش يشوف الموضوع دي اللى بنكتبها في الموضوع المثبت بخصوص القوانين يا تسابيح حاضر بكره او بعده بالكتير حكون خلصت جميع النقط المطلوبة وحنحط الصيغة الاولية لشكل القوانين وحنتفق على الصيغة النهائية بإذن الله |
اقتباس:
لو القسم العام زحمة انقليه ...لو مش زحمة خليه :d بصراحة مش عارف اوي هي المواضيع دي معظمها اقرب للفلاسفة بس هي اساس مواضيع العام عن نفسي شايفها تروح هناك فلن تتعدى الردود مشكور وجزاك خيراً |
قوانين القسم العام
بسم الله الرحمن الرحيم في سياق تطور القسم المستمر قررنا صياغة قوانين القسم العام لملائمة الوضع الحالي فالقسم العام يمثل واجهة بوابة الثانوية العامة ولنكون على معرفة بهدف القسم العام فالقسم العام يختص في المقام الأول بالمواضيع النقاشية وبالمواضيع المكتوبة من ذات الشخص على الا تكون ذات ميول ادبية شعرية او نثرية ، سياسية بحتة ، دينية حيث لتلك المواضيع اقسامها الخاصة وللحفاظ على نظام القسم والحد من المخالفات نضع لكم تلك البنود لتنظيمها 1- يمنع وضع أكثر من موضوع يومياً حتى تأخذ المواضيع حقها من النقاش سيتم نقل المواضيع الزيادة او نقلها كلها للعضو في حالة مخالفة البند 2- التأكيد على منقولية الموضوع فذا لم توضع كلمة (منقول) فهذا يعني ان الموضوع من كتابته الشخصية وفي حالة ثبوت ذلك فهذا سيعتبر خرقاً لقوانين حفظ حقوق الملكية وسيتم التعامل مع الموضوع وصاحبه حسب الموقف 3- اذا كان للموضوع قسمه المختص وتم وضع الموضوع في العام للحياز على نسبة مشاهدة عالية فقد يعرض ذلك الموضوع للحذف وانذار العضو 4- على عنوان الموضوع أن يكون مماثلاً لمحتوى الموضوع ولا يكون (جذب الزوار) مبرراً لاختراع العناوين العجيبة او تلك المواضيع التي بعنوان (هام) او (يرجى الدخول) 5- المواضيع الحوارية مكانها قسم حوارات ومسابقات تلك التي على شاكلة كل واحد (يقول موقف) (يقول لعبة) (يقول حالته النفسية) والمواضيع الفكاهية او المقالب ممنوعة في المنتدى عامة واي موضوع من هذا القبيل سيتم حذفها وفي حالة التكرار سيتم انذار العضو 6- يمنع قلب الردود إلى شات او الخروج عن هدف الموضوع ويحق للمشرف حذف المشاركات الخارجة عن هدف الموضوع 7- في حالة نفض المواضيع القديمة بإحدى العبارات المعروفة مثل مشكور او جزيت خيراً بهدف زيادة المشاركات او قلب الصفحة الاولى بالمواضيع القديمة فسيتم انذار العضو .. وايقافه في حالة التكرار مباشرة ! 8- يرجى ان يتم تنسيق الموضوع جيداً لراحة المشاهد فلا يتم استخدام خط صغير جدا او كبير جداً او استخدام لوناً باهتاً 9- يرجى الا يحتوي الموضوع على مشاركات فيها تساؤلات عن مدى استجابة الاعضاء للرد عالموضوع فلن نجبر الاعضاء للرد في موضوع احدهم وذلك يعتمد فقط على اهمية الموضوع وافادته 10- طلبات الاستفسارات والمشاكل الفنية تقدم في الاقسام الادارية (صوت الاعضاء) وليس في القسم العام 11- يرجى عدم إضافة عبارة (يرجى التثبيت) فهذا يعتمد على هدف واهمية الموضوع أولاً وتقدير المشرف ثانياً ولن يتم التثبيت في حالة طلب العضو ذلك في عنوان الموضوع نظراً لكثرة المواضيع التي يتم التعامل معها وصعوبة تبليغ كل عضو بحذف مواضيعه عن طريق الرسائل الخاصة قمنا بعمل هذا الموضوع لتوضيح اسباب حذف المواضيع (حنحط رابط الموضوع المثبت بتاع المواضيع المحذوفة بعد تجديده) وفي حالة اردتم الاستفسار بخصوص ذلك السبب او لم تقتنعو به يمكنكم مخاطبة المشرف السؤول عن النقل او الاستفسار عن ذلك في قسم صوت الأعضاء التعاون هو سبيل الارتقاء بالقسم وبالمنتدى كله ولا سبيل للمشرفين بذلك دون معاونة الأعضاء وهذه البنود فقط هي للعمل على راحتكم وراحة القسم مع تمنياتنا للجميع بقضاء وقت سعيد الإفـادة والاستفادة تحت شعــــار : " معـــــــاً نحو النجـــاح والتقدم " كل الشكر لكم،، مع تحيـات طاقم فريق إشراف القسم العام |
| جميع الأوقات بتوقيت GMT +2. الساعة الآن 06:52 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.