والله انا كمان كنت محتارة زيك كده
انا ادبى وجايبة 94%
وكنت محتارة بين اثار وتجارة انجلش

بس لقيت انى بحب الانجلش جدا وبحب الرياضة والكمبيوتر
فقررت انى ادخل تجارة انجلش ولقيتها انسب لانى ممكن اخد كورسات
فى الانجلش والكمبيوتر واشتغل شغل كويس

وفى نفس الوقت انا شفت المواد بتاعة كلية اثار ولقتنى مش بحبها خالص
وربنا هدانى فى الاخر لتجارة انجلش والحمد لله


فانت شوف ايه انسب ليك وايه اللى بتحبه
وبتحب العلوم اكتر ولا الرياضة
ولو دخلت علوم ممكن تشتغل ايه بعد كده
وخصوصا انك ولد وموضوع الشغل بيبقى مهم للولاد طبعا اكتر من البنات
واكيد طبعا تصلى صلاة استخارة وربنا هيهديك للى فيه الخير ان شاء الله

وربنا يوفقنا جميعا

لو هتدخل كلية علوم أفضل جامعة هى القاهرة من حيث الامكانيات وفرص العمل والتدريب فى الشركات الادوية والبتروكيماويات
والنظام هناك ممتاز من حيث المعامل والكثير من زملائى يفضلونها على الكثير من جامعات مصر


عن نفسى انصحك تروح جامعة القاهرة فعلا هتحس بنضافة التعليم الجامعة بغض النظر عن البوظان اللى هتشوفة هناك :lol:


وربنا يوفقك للخير والصواب

السلام عليكم ورحمه الله وبركاته

بالنسبه لنصف درجه بتاعه المرحله الاولى ...طيب مانا اخويا فعلا كان اعلى من المرحله الاولى بنصف درجه ..هو جايب 93واتين من عشره

وجاتله تجاره وملحقش هندسه ولا فنون ...والحمد لله ...يعنى الموضوع مش موضوع مرحله اولى او تانيه ..حتى جرب يدخل مرحله تانيه ..مانفعش

انا متهيألى ان كليه علوم فرصتها احلى ..ده رأيى ..ودرستها كمان احلى.....بس الاهم ماتيجى تفكر ..تفكر فى الكليتين وانهى كليه تقدر تدى فيها اكتر وتذاكر بنفس اكتر

وطبعا مفيش احسن من انك تصلى صلاه استخاره وتدعى ربنا ان يحط رجليك على الطريق السليم ...ولو ماتعرفش دعاء صلاه الاستخاره انا ممكن اكتبه ...وبالتوفيق

والله انا كنت زيك تمام
انا جبت 94 % علمى علوم
و ده طبعا مجموع مانفعش ف اى حاجة عدلة و الحمد لله
انا احترت برضة بين علوم و تجارة انجلش
بس لما فكرت و جمعت الاراء اللى حواليا لقيت ان تجارة انجلش دلوقتى شغالة و مطلوبة
و اللى بطلعوا منها بشتغلوا ان شاء الله
و كمان انا كويسة ف الانجليزى و الكومبيوتر
و بصراحة خفت احسن مامشيش ف علوم
فاخترت تجارة انجلش و جاتلى المنصورة الحمد لله

انت بس صللي صلاة الاستخارة و انشاء الله ربنا يهديك للصواب

و بالتوفيق لينا كلنا ان شاء الله

طاب هى بتاخد كام فى المية ؟؟؟د

بس انا اعرف ان سعرها 4225

فى السنة

طب ربنا يجيب إللى فيه الخير ...
ممكن أعرف بس مصاريف الكلية كام ( تجارة إنجليزى ) وأى جامعة أحسن ؟؟؟

توكل على الله وتجاره انجلش
انا جايبه زيك تقريبا وكنت علمى رياضه برضه
بس علوم مشهوره بصعوبتها وفى الاخر هتبقى مدرس
ومابالك وكلمه مدرس دى :blink:
تجاره انجلش مش بتتعدى ال 6 الاف فى السنه عموما

لا علوم طبعا مبتطلعش مدرسين دى فيها مليون قسم وخصوصا الجوفيزياء

هى الجامعات الحكومية بقت بمصاريف ولا اية ؟؟؟


ولا انتوا بتتكلموا عالجامعات الخاصة ؟؟؟ :blink:

اولا شكرا على ردرودكم
ثانيا تجارة عادية من غير مصاريف أما الانجلش فى الجامعات الحكومية بمصاريف

<div class='quotetop'>إقتباس(*محب الله ورسوله* @ Aug 6 2007, 05:08 PM) [snapback]344175[/snapback]</div>
انا اللى اعرفه ان تجارة انجلش المنصورة كانت السنة اللى فاتت ب حواللى 3500 جنية من غير الكتب لانك بتشتريها من المكاتب :blink:
و تقريبا بتزيد كل سنة :)
و تجارة انجلش طنطا كانت4000 بس بالكتب
ده بس اللى انا اعرفه
و اى خدمة ;)

انا سألت فى كلية التجارة دامعة الزقازيق فى شئون الطلبة قالولى خما بياحدوا 400 طالب فى الشعبة دى
وبالنسبة للمصاريف 3000 فى السنة من غير كتب
الكتب بتيجى من بره جديدة بحوالى 1300 ومستعملة بحوالى 500 جنيه

بس ده إللى حصل

انا محتااااااااااار ة جدا
انا طالبة مرحلة اولى علمى علوم وجبت 4"94 فى سنة تانية وحلمى انى ادخل كليةصيدلة جامعة اسكندرية
هل يا ترى حلمى انتهى خلاص. خصوصا لما شفت التنسيق الرهيب ده يا ريت الرد بسرعة

<div class='quotetop'>إقتباس</div>انا محتااااااااااار ة جدا
انا طالبة مرحلة اولى علمى علوم وجبت 4"94 فى سنة تانية وحلمى انى ادخل كليةصيدلة جامعة اسكندرية
هل يا ترى حلمى انتهى خلاص. خصوصا لما شفت التنسيق الرهيب ده يا ريت الرد بسرعة <div class='quotetop'>إقتباس</div>اعتقد المسألة صعبة جدا ان لم تكن مستحيلة
انا من رأيى لو بتحبى الرياضيات حولى رياضيات وهتبقى قدامك فرصة هندسة وحاسبات سهلة جدا لو استمريتى بنفس المستوى انما المشكلة فى علمى علوم يا طب يا صيدلة يا خلاص كل شىء راح
ربنا يوفقك

<div class='quotetop'>إقتباس(*محب الله ورسوله* @ Aug 5 2007, 03:42 AM) [snapback]343549[/snapback]</div>
كلمة اخيرة يا جدعااااااااااان خلاص التنسيق حيقفل

بص انا برضه محتارة بين الاتنين دول

بس على ما اعتقد انها خلاص علوم

وعلى فكرة علوم فيها قسم تحفة اسمه جيوقيزيا بيطلع ناس تشتغل فى شركات بترول ويبقوا مهندسين

بس هوا عايز دماغ





والواحد الصراحة كان نفسه فى حاسبات لكن انا باذن الله هاخد كورسات بحيث انى قدر اتتساوى معاهم

انا اللى كتبت قبل كده انى محتارة وجايبة94:4 المشكلة اساسا انى انا واخدة الاحياء فى سنة تانية ومقدرش طبعا احول ده مستحيل ومش عارفة اعمل ايه . انا بحب جدا المواد العلمية سواء كيمياء اوفيزياء او احياء .انا صليت صلاة استخارة وارتحت انى اكمل ولكن هل اللى بعمله ده فى مصلحتى.ياريت الافادةبسرعة

<div align="center"><span style="font-family:Times New Roman">بصى يا ستى
حنحسبها براحة
طبعا متقدريش تحولى :( عادى ولا يهمك

طب المفروض نجيب كام فى تالتة عشان ندحل طب او صيدلة ؟؟؟؟!! <_<

انتى جايبة 94.4 % يعنى 193.5يعنى المفروض فى تالتة إن جبتى 100% يبقى المجموع النهائى حيبقى 97.1 % ده اقصى شىء تتوصلى ليه
إلا اذا كنتى حتقفلى كل المواد والمستوى وتجيبى 102% يبقى الفاينل 98.4 اعتقد انه يبقى تمااااام

حتقدرى بقى تجيبى 101 % ان شاء الله ؟؟؟

مفيش حل غير كده ومتحافيش 3 عادية وسهلة ان شاء الله طول مانتى بتذاكرى و تتفهمى المواد و ( بعيدة عن رياضة 2 )
* مش تفوليلى بقى مجبتش إنت 100 % ليه ؟ انا من غير رياضى 2 كان زمانى حجاة تانيى ... الحمد لله .. وبرضه اهملت شوية ... ماعلينا ... متتعبيش نفسك معايا

عموما
100% يبقى يا دوب تطولى صيدلة
102% يبقى طب ان شاء الله
العملية بسيطة خالص :P انا مش بعقدها عليكى بس ده الامر الواقع ابذلى كل جهدك وبلاش النت ! وان شاء الله ربنا يوفقك
* الموضوع خارج نطاق التوبيك بتاع موضوعى انا والحمد لله دخلت تجارة انجليزى بس ولا يهمك ..</span>
سلام</div>

<div class='quotetop'>إقتباس(doll shimaa @ Aug 9 2007, 12:43 AM) [snapback]345280[/snapback]</div>بصي انا دخلت الحمد لله طب عين شمس السنه دي فيعني اطمني النصيحه مني مفيده.... اولا:: مفيش حاجه اسمها مستحيل امسحيها من قاموسك
2) تقريبا انت خدتي احياء في تانيه ... فبالنسبه للكمياء تقدري تقفليها بشويه مجهود المشكله الاساسيه في تالته في العربي الخنيق والفيزياء المعقده انما بردك مفيش حاجه صعبه انتي لو شديتي حيلك في الاتنين دول وبدأتي بدري تقدري تقفلي الفيزياء وتحاولي تقلي اقل حاجه ممكنه في العربي وتقفلي المستوي والاقتصاد والاحصاء يبقي ممكن تلحقي صيدله انتي تقريبا 193.5 في تانيه فلو نقصتي 3 درجات بس وانتي مقفله المستوي تجيبي 97.6% يعني مفيش مستحيل ابدا
3) كان ليه واحد اعرفه جاب96% في تانيه وجاب 99%في تالته يعني انتي ممكن تجيبي 97.6% بشويه مجهود
4) التنسيق كل سنه مختلف يعني سنه عالي وسنه واطي يعني تنسيق 2004 كان عالي اما تنسيق 2005 فكان واطي
5) كمان انتم نسبه النجاح في تانيه مش عاليه وكمان المجاميع مش عاليه اوي زي السنه بتاعتنا يعني الغالب التنسيق هيقل ... فتوكلي علي الله وبدأي مذاكره وابعدي عن الاحباط ..... ان الله لا يضيع اجر من احسن عملا...

anything for the sake of Allah (swt) that's gonna benefit the Muslim ummah will be good inshaAllah

<div align="center">بالنسبه لسؤال الموضوع الاصلي

رايي ان الافضل كليه علوم طبعا </div>