|
هاتعملى وهاتعمل ايه لو حصلكم كدة
السلام عليكم النهاردة حابة اسألكم سؤال وبناء على اجاباتكم وردودكم هاخد قرار لان انا مش عارفة اخد قرار لوحدى فقلت تساعدونى انتى لو اتقدملك واحد طالبك للزواج يعنى بس فيه مشكلة انه مش متعلم او تعليمك انتى اعلى من تعليمه هاتعملى ايه هاتقبليه ولا لا ؟ بس جابوا بصراحة اوكى وانت تقبل تتزوج واحدة تعليمها اعلى من تعليمك ولا ايه؟ انا مستنيه رأيكم لانى بصراحة فى موقف لا احسد عليه |
هرفض طبعا .................
|
اقتباس:
وكمان ابن عمك |
ابن عمى اه لكن غير متعلم لاء
................................................ ومش عشان ابن عمى يبقا خلاص اخده بس انت براحتك برده اللى يريحك ممكن يبقا جاهل بس محترم.................... والله مش عارفة دى حاجة تحير فعلا.......................... بس بالنسبة ليا انا مستحيل ارتبط وانا فى الثانوى ولا حتى فى الجامعة ......................... |
علي حسب يامصريه
لو هوا مش متعلم بس محترم والناس بتحبه يبقي مفهوش عيب مش شرط انه يكون متعلم بس المهم يكون انه ليه قيمته والتفاهم والتشاور ومفهاش حاجه ان واحد يتجوز واحده اكبر منه في العلم دي سنة الحياه |
اقتباس:
بس انا هنا فى مجتمع ريفى فلاحين يعنى اول لما خلصت الثانوية وهادخل الجامعة قالو لازم ارتبط والزاج بعد اما اخلص بس انا مش عارفة اعمل ايه |
انا اعرف بنات في سني
متجوزين شباب اكبر منهم ومش متعلمين بس محترمين وعندهم دلوقتي ولاد |
اختي العزيزة
لومستوي التعليم اقل ماشي انما مش متعلم خالص صعب جدا وخصوصا انه ابن عمك يعني اول مشكلة تخلي العائلة كلها تقع في بعض |
اقتباس:
ياساتر ليه بس حرام كده مش كفاية الثانوية............ طب هما غاصبين عليكى انه ترتبطى بيه ولا ايه؟؟؟؟؟؟؟؟؟؟؟؟؟؟؟؟؟؟؟ |
انا اتمنى ان تعليمها يكون احسن منى لأن هتفيد ولادى بعد كده اكتر منى بعد كده اسرتى هتبقا منظمة اكتر
اقبليه وتوكلى على الله طالما هو محترم واتأكدى من اخلاقه اول جيدا وبعد كده ربنا هيعمل الفيه الخير |
اقتباس:
بس نصيبى كدة اصل لورفضت والدى وعمى هايفضلو متخاصمين طول العمر اصل الحكاية دة مش كويسة وخصوصا ف عيلتنا وهو كويس ومحترم وبيحبنى جدا وفيه كل المواصفات اللى بحلم بيها بس العيب ده قاتل بالنسبة ليا مرسى يا محمد نورت الموضوع |
يعنى هو جاهل جاهل ولا تعليمه اقل منك ؟؟؟؟؟؟؟؟؟؟؟؟؟؟؟؟؟؟؟
بس انتى كده هتركزى فى ايه ولا فى ايه مش كفاية الثانوى عليكى يا بنتى والله حرام ،،،،،،،،،،،،،،،،،،،،،،،،،،،،،،،،،،،،،،،،،،،،،،،، |
اقتباس:
يعني الصعب انك تلاقي كتير متعلمين بس هتلاقي كتير ولاد بلد وان شاء الله ربنا يوفقك |
هما مش غاصبين عليا انا عاملة يعنى لما ارفض العلاقة بين والدى وعمى هاتنقطع خالص والعيلة هاتقع فى بعض فعلا
اصلهم متعصبين جدا وهو بيحبنى وفيه كل المواصفات اللى بتحلم بيها اى بنت انا موافقة جدا ومش موافقة جدا جدا انا مش عارفى اعمل ايه |
اقتباس:
|
اقتباس:
هو معاه الابتدائية تخيلى شكلنا كدة رأينا زى بعض انا وانتى |
أنا من رائى ترفضيه خالص
صدقبنى بيحصل مشاكل كتير لو هى اتكلمت اى كلمه بيفكر انها بتتكبر عليه وبعدين ده زواج يعنى عشره طول العمر لازم تاخدى واحد من مستواكى التعليمى او اعلى بس ماتخديش اقل ولازم الاهل يتقبلو كده علشان مترجعيش تندمى ووفقكى الله لما فيه الخير |
بصى الصراحة بقا انت اللى هتقرريها انت مرتاحة ليه ولا لاء
بس انا لو مكانك بجد كنت هرفض (انا بتكلم عن نفسى ) واعملى صلاة استخارة واستهدى بالله وربنا هو اللى هيدلك ..................... دا احنا فى العشرة الاواخر ربنا هيوفقك وهيستجيب اى حاجة ......................... |
اقتباس:
دلوقتى لو وافقت عندى مبررات كتيرة تخلينى اوافق اولا علشان العلاقة بين ابويا وعمى ما تتأثرش وثانيا انو انسان كويس وفيه موصفات كتيرة جميلة غير كدة بيحبنة جدا ولو رفضت هايبقى علشان هو تعليمه اقل منى ابتدائية من جامعة فى فرق كبييييييييييييييييييييير اوى |
اقتباس:
ومفكرتش فى العيلة اللى ممكن تدمر طبعا انا اقصد نفسى بالانانية لان هو ابن عمى ما اقصدكيش انتى هو لو غريب هارفض للسبب ده |
اسهل اجابه واحسنها قول الرسول صلى الله عليه وسلم (ازا جاءكم من ترضون دينه وخلقه فزوجوه )
|
صدق رسول الله صلى الله عليه وسلم
اللى فيه الخير يعمله ربنا واللى ربنا عوزه هايكون |
اقتباس:
عمرك ماتخدى اقل منك مهما كانت الظروف والاسباب وكملى دراستك احسن وهيجيلك احسن منه وبعدين هو يعتبر مش متعلم خالص معلشى طولت عليكى بس انا خايفه عليكى بجد |
اقتباس:
انتى مش قادرة تستوعبى حجم المشكلة اللى هاتحصل مش حكاية شهر او اتنين لا ده العمر كله واللى عاوزه ربنا هايكون |
ممكن يكون تعليمه اقل لكن مستوى فكره
عالى جداااااا فلو انتى شايفة ان فى طريقة التفكير نفسها والثقافة هو مش اقل منك يبقى مفيش مشكلة وممكن تصلى استخارة ربنا يقدر لك اللى فيه الخير |
اقتباس:
على العموم ربنا يوفقك لما فيه الخير |
طالما انتي حطيتي في دماغك مسألة فرق التعليم الشاسع بينكما يبقي المنطقي انك ترفضي لأنك لن تستطيعي أن تنسي هذا الأمر مطلقاً وأعتقد والعلم عند الله انك لو وافقتي سيكون الطلاق هو مصيرك . اعذريني علي صراحتي الشديدة ولكنك طلبتي النصيحة بصدق . وكمان في أمر مهم جدا جدا جدا وهو ان زواج الأقارب يجلب مشاكل كثيرة بين الأهل وكمان مشاكل صحية للأبناء . وفقك الله لما يحبه ويرضاه ولما فيه الخير لك.
|
بصي انا هقولك رايي بصرااحه ..
مش هينفع طبعا ..اقولك ليه .. لانى هبص نظره مستقبليه ..دايما هيحس انك اعلى منه ..مهما فهمتيه ان الوضع عادى ..وممكن يبقى عندو حساسيه من الموضوع ده .. وهو هيحس الاحساس ده ..عاجلا او اجلا ..والاغلب اجلا .. وده هيفرق في الحياه وممكن تحصل مشااكل .. اتمنى متزعليش من رايي انا قولتلك رايي بمنتهى الصراحه .. وربنا ييسرلك الفيه الخير ..:) |
انا متشكرة جدا لنصيحتكم الغالية
وربنا يعمل اللى فيه الخير |
أنصحك انك تفكرى كويس قبل ما تقررى القرار النهائى
ولازم تراعى الفارق فى المستوى العلمى مش معقول ترتبطى بإنسان طول العمر وانتى مش قادرة تتناقشى معاه او انك حاسة انك اكبر منه وقدراتك اعلى منه صدقينى هتظلمى نفسك وتظلميه معاكى اتمنالك التوفيق واتخاذ القرار المناسب |
فعلا موضوع محير جدا
بس بصراحة انا لو بنت مستحيل اتجوز واحد اقل مني وانا كشاب ممكن اتجوز واحدة من نفس مؤهلي او اقل انما اعلى مني دي مستحيييييييييييييل |
اذا جائكم من ترضون دينة وخلقه فزوجوه
|
التعليم فى مصر كتبببب و بس
يعنى الواحد لو عنده خبرة احسن من واحد حافظ كلمتين و يبخهم اخرالسنة المهم يكون متعلم بس مش لازم نفس المستوى |
انا بجد متشكرة
انا لما فكرت فى حد يساعدنى مافكرتش الا فى حضراتكم وفعلا ظنى ما خبش فيكم ربنا يخليكم ليا يارب |
لأ طبعا ع الاقل يبقى ف مستواكى التعليمى
صدقينى هتتعبى كتييير وكمان زواج الاقارب بيقى مشاكله اكتر بس استخيرى ربنا |
اولا حمد الله على السلامه يا مصريه
وين هالغيبه الطويله كل سنه وانتى طيبه ورمضان كريم انا حابب انى اقول رأيى ف الموضوع ده الفكره كلها انتى مرتاحه للموضوع ولا لأ لو انتى مرتاحه وراضيه وحاسه انه ف مصلحتك يبقى وافقى هو مش متعلم خالص يعنى ولا ايه ؟؟؟؟؟؟؟؟ ع العموم انتى لو حاسه انك مرتاحه وراضيه يبقى ما تترديش لحظه واحده و ف الاخر ده قرارك انتى ومحدش هايأثر عليكى وان شاء الله ربنا يقدم اللى فيه الخير وكل شئ نصيب |
بسم الله الرحمن الرحيم
السلام عليكم ورحمة الله وبركاته اولا انا حبيت اديكى رأيي بجد لانى عانيت من الموضوع ده كتير نفس الحكاية كده بس الموضوع من سنتين جيه اتقدملى ابن خالتى ونفس مستواه التعليمى وكمان ماديا مش قد كده انا مش كنت معترضة على اى حاجه من الحاجات دى لا لان حسيت كميتنا مش متوافقة وكمان هو من جواه حاسس انى بتكبر عليه او مستوايا احسن فهو لو كان ذكى فعلا وبيفكر ماكنش حس كده لاننا عيلة واحده ولا يمكن ابصله بالنظرة دى ومش كل المتعلم كويس ولا الجاهل كويس لا , انتى خدى راجل بمعنا الكلمة مش بقا حكاية تعليم لكن المشكلة اللى حصلت بعد كده لما رفضته بدء يكرهنى ويشيل جواه والسنة دى اتقدملى واحد تانى وانا رفضته طبعا لانى مش فاضية للكلام ده المهم هو عرف بالصدفة مش عارفة منين والموضوع اشتعل ووصلت انه اتخانق مع اللى جه يتقدملى , من الاخر خدى الاخلاق الاول , لكن الللى حصلى انه ماعجبنيش كفكر مش اكتر فخلى بالك من النقطة دى وعيلتك لازم تتفهم حتى لو انتى مش موافقة كده كده بيكون فى مشاكل بين اى عيلة فمش هتكونى انتى السبب يعنى ولازم يتفهموا ان الزواج قسمة ونصيب ولازم انتى اللى تختارى مش هما يعنى انا يوم لما رفضت خلتى كانت متفهمة جدا وبالعكس علاقتنا ببعض افضل من الاول , وصدقينى جواز القرايب بيجيب مشاكل كتير بجد فركزى مع نفسك واحسمى امرك لان ده مستقبلك انتى وهيكون اختيارك , وفعلا لازم تستخيرى ربنا وعسى تكرهوا شيئا وهو خيرا لكم وعسى تحبوا شيئا وهو شرا لكم معلش طولت عليكى بس ربنا يوفقك يارب |
بصي يا بنتي الأفضل ليكي واللي في مصلحتك هو اللي تعمليه بغض النظر عن الأهل وأكيد والدك هايقدر ده ومش هايخليكي ترتبطي بأي شخص انتي مش عايزاه لأن دي حياتك انتي وارتباط ففكري في الموضوع كويس وشوفي الأصلح ليكي بقول تاني اهو ليكي مش للعيلة وتعمليه وسيبك من موضوع القرابة ده لأنه شخص متقدملك اما هاتقبلي او ترفضي وربنا يوفقك في الاختيار
ده ردي اما عن وجهة نظري انا عندي تحفظ من زواج الاقارب لأنه أغلب الوقت بيجيب مشاكل بس مش دايما طبعا وكمان فرق المستوي الفكري بس طبعا اهم شيء الخلق الحسن والسمعة الطيبة وحسن العشرة |
اقتباس:
بس انا عاملة ع المشاكل اللى هاتحصل بعد اما ارفض نورتى الموضوع بمرورك العطر |
اقتباس:
ف الدنيا والمشاكل نازلة ترف على دماغى وانت طيب ورمضان كريم اللى عاوزه ربنا هايكون وهو انسان كويس واحنا فاهمين بعض جدا لاننا متربيين مع بعض |
لأ اوعى تفكرى كدة المشاكل اللىى هتحصل بعد الزواج هتبقى اكبر من المشاكل اللى هتحصل دلوقتى
صدقينى اوعى تفكرى فى زعل العيلة فكرى فى مستقبلك وحياتك وخدى قرارك |
اقتباس:
يابختك يمكن خالتك متفهمة شوية لكن احنا عندنا مقفلين اخر حاجة دى وصلت لدرجة انهم كانو عايزنى ما اكملش تعليمى واكتفى بالثانوية تخيلى بقا |
اقتباس:
ان شاء الله واللى فيه الخير ربنا يعملهولى وانا استخرت ربنا وربنا معايا |
اقتباس:
عموما هافكر |
لأ يا بنتى مش كدة خااالص يعنى مش تظلمى نفسك علشان عمك
انتى طبعا لازم تختارى شخص ابوكى وامك موافقين عليه وانتى كمان مقتنعة |
ان شاء الله
وربنا يستر |
والله طالما هو كويس و ابن حلال يبقي لازم تفكري بطريقة تانية
افكر مثلاً هل الشخص ده هايكون قادر انه يشيل المصاريف كويس؟ هل الابناء من تعاملهم معاه هايكون سلوكهم كويس؟ تفتكري كام احتمالية ان الولد يطلع زي ابوه(يعني ميكملش تعليمه)؟ تفتكري ايه العادات الغلط اللي ممكن الولد يتعلمها من ابوه اللي مكملش تعليمه؟ حياتي انا مع واحد جاهل هايكون شكلها ايه؟؟ هل هايفتقر البيت الي التقنية زي الكمبيوتر ولا لا؟ هل سيكون الزوج ده قادر انه يحمي البيت ولا جهله هايخليه مغفل عن الطرق الجديدة للسرقة و النصب؟ ايه رأيك في الاسئلة دي جوبيها و انا مستني تعقيبك |
اقتباس:
|
اقتباس:
|
الاسئلة دي كان غرضها بس اعرف شكل الراجل ده عامل ازاي
و انا هاحاول اوصفه دلوقت و ارجو اني اكون بتكلم صح الراجل ده يا ستي زي ما قلتي مش مكمل تعليمه ربما ظروف منعته من كده لكنه طالع مثقف هو اكيد كان متفوق في تعليمه و بني ثقافة عامة لنفسه انا مقدرش احدد قوة تفكيره قبل ما اتعامل معاه او اكلمه ولا من كلامك لان ممكن دماغك انتي بالنسباله مش قوي بني ادم متدين لو من نفسه ده دليل علي قوة تفكيره اما لو تبع والده مثلاً فمن الممكن انه يبقي علي ضلال بعد كده لو الراجل ده مكملش تعليمه هايبقي عنده بعض عادات الجهل اللي التعليم مسحها و القصد ان ابنه ممكن يتعلم بعض العادات دي من والده و التعليم ممكن ميساعدوش في التخلص منها لانه هايكون اتعود عليها الكمبيوتر طبعاً مهم جداً في كل بيت لانه لغة العصر و اساس الحياة في المستقبل ثم الكمبيوتر بينمي قدرة الولد علي التفكير و الاستيعاب و اكبر مثال علي كده انا قدامك اهه اللي علمني اني اجادل صح و بمنطقية هي البرمجة لانها اسمها لغة المنطق و طبعاً بتنمي الذكاء فوق الوصف مينفعش بيت من غير كمبيوتر و لو انتي فاكرة كده يبقي عمرنا ما هانتقدم لاننا بنتمسك بعاداتنا القديمة حتي ولو كانت مش كافية انها تكون سبيل للتقدم لازم هو كمان يتعلم الكمبيوتر لان الوظايف الحالية بتطلب شهادة الاي سي دي ال (محو امية الكمبيوتر) بني ادم عظيم لكن بشوية جهد و يكمل تعليمه ممكن يطلع منه دكتور مثلاً و ماتنسيش ان الاسلام حث الناس علي العلم لو الراجل ده ليه خلفية في الاقتصاد مش هايتنصب عليه زي ما نصب البوشي علي زيه كتير معني كده انه لازم يكمل تعليمه او حتي ياخد الثانوية بس و لو بيحب الكمبيوتر او يعرفه ياخد كورس يشغله في حتة زي الفل بمرتب عالي و بقول ان العلم اهم حاجة في حياة الانسان و من غيرها هايكون ضياع اما بالنسبة لتكملة تعليمك فلازم تكمليه علشان يكون لك دور في المجتمع مش تكوني مجرد زوجة ملهاش فايدة غير خدمة زوجها (انا اسف لو الاسلوب حاد شوية) ارجو اني اكون اوضحت وجهة نظري و منتظر تعقيبك |
| جميع الأوقات بتوقيت GMT +2. الساعة الآن 09:44 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.